روآية الدم الي انطبع فوق خدي ما انمحا .. والكسر ما ينفعه تجبير

السلام عليكم..

من اجمل و افضل الروايات اللي قريتها هذي الروايه..
وبنظري هذي اروع روايه قرأتهآأ بحيآأتي اقرأووهآأ واحكمو
صدق ان فيها افكار غلط بس اعجبتني فحبيت انقلها لكم..
انا قعت حوآألي 3 ايام اقرآأهآأ حتى انهيتهآأ
هي طويله لاكن رآأئعه
قراءه ممتعه..

روآية الدم الي انطبع فوق خدي ما انمحا .. والكسر ما ينفعه تجبير..

للكاتبه:
دمعة الم وابتسامه

كنت احلم اني لابسه فستان مثل سنادريلا الي يقولو عنها صديقاتي .. والبس تاج وردي وبيدي عصا ملياانه فصوص ورديه .. كنت اتخيلني اميره .. امشي بمملكتي الطفوليه الواسعه .. دباديب تضحك هناك.. واحصنه بيضا لها قرن بنص راسها .. كنت اخاف منها شويه
وبيت بعييييييد كان في الغابه .. بيت جدرانه شوكولاته وسقفه ايسكريم عليه حلويات كثيره ..مثل الي اشوفه في التلفزيوون على قناة سبيستون عند الجيران
كان يسكن هالبيت .. ماما وبابا .. الله يرحمهم .. كانت ماما تلبس فستاان احمر منفوووش مره .. ودايم تعطيني حلويات .. وبابا كان دايم يركبني في العربه الذهبيه ويخليني اشووف مملكتي الكبيره ...
كانت مملكتي ... احلامي يمكن ... خيالي الواسع نسجتها بعقل طفله صغيره .. انا .. كان عمري تسع سنين .. تقول جدتي اني صرت حرمه ..
على طول يوم جا عيد ميلادي قالت لي عن شي يصير يخلي الوحده تصير حرمه .. وقالت لي ان عندي ماما وبابا ..
ما كنت ادري ان عندي ماما وبابا ؟؟ انا كنت احسب ان البنات يشترونهم من البقاله الي في جده .. بقاااله كبيره برا السعوديه لازم نسافر لها ونجلس شهرين نطير عشان نوصل جده .. بس بعدين انا عرفت ان جده في السعوديه وان جدتي تكذب علي عشانها ما تبيني اروح للبقاله الكبيره واشتري لي ماما وبابا ..
بس الحين خلاص اصلا انا صار عمري تسعه واعرف ان البابا وماما لازم يصيرون معي من يومني بيبي ولا ما يصير عندي
بس المشكله اني ما اتذكرني يومني بيبي ولا كان خليت استاذه نوره تصير ماما وزوجها يصير بابا ..
كل هذا وانا احلم وافكر فوق سريري الوردي .. بعدين سمعت صوت يقول طعععع .. انا قمت وانا مرتاعه مره .. وش هالصوت الي يروع .. يمكن الوحش الي تقول جدتي انه ياكل الاطفال اذا ما صارو يسمعون الكلام ؟
تمسكت بشرشفي وغطيت راسي بخووف .. وبديت اصيح وانا انادي جدتي وهي ما تسمع .. بعدين نمت من غير ما احس بنفسي
قمت وانا على نفس حالتي وناظرت شباكي بسرعه .. الحمدالله الوحش ما يجي في النهار .. قمت من سريري بسرعه وانا احاول ابتعد عن غرفة جدتي عشان ما تكفشني وتقول روحي غسلي وجهك وفرشي اسنانك
نزلت المطبخ بسرعه وبحماااس عشان افتح علبة الكورن فليكس .. ازعجت جدتي لين ما شرته لي .. يقولون صديقاتي ان طعمه زي البسكوت .. رحت للدرج وطلعت الكورن فلكس .. رجعت على ورى بشويش وانا اسكر الدرج ..
احححححححح وطيت على شي حاد .. التفت اناظر رجلي بعدين .. شفت ..
لقيت دم .. كانت جدتي منسدحه وراسها عليه دم .. ولقيت الصحن الجديد الي شريناه امس .. الصحن الازرق انكسر ؟؟
اكيد جدتي بتعاقب نفسها ؟؟ رحت لها وجلست جنبها وهزيتها بشويش
انا : جدتي .. ترا انتي كسرتي الصحن الازرق الجديد .. ترا مالي دخل والله انتي الي كسرتيه
بس جدتي ما ردت علي .. كانت مفتحه عيونها بس ليش ما ترد ..
انا : طيب احسن انتي زعلانه ؟؟ خلاص انا اسفه يا جدتي منيب ماكله الكورن فلكس الحين .. جدتي ترا راسك فيه دم .. اجيب لك لزقة جروح ؟؟
ما ردت جدتي علي .. ليش ؟؟ كل هذا زعلانه عشاني اخذت الكورن فلكس من غير استأذان ..
حاولت اداعبها .. انغزها من خصرها .. بس ليه ما تضحك .. لازم اقبصها
اول ما لمست خدها البارد بعدت يدي بسرعه بروعه ..
انا : جدتي انتي كنتي داخله الثلاجه ؟؟
امتلت عيوني دموع بخوف .. جدتي مو طبيعيه .. جدتي فيها شي ... ما استوعبت .. وش بيصير لها يعني ؟؟
انا كنت طفله فقيره .. ماما وبابا ماتو في حادث لان بابا كان يسرع .. الله يهديه .. دايم جدتي تقول الله يهديه بس هي غبيه ما تدري انه خلاص مات
دايم اقول لجدتي وشو يعني مات ؟؟ تقول يعني نحطه تحت التراب وما نشوفه ابدن
كنت اخاف اني اموت لاني ماابي اصير تحت التراب لحالي .. تقول جدتي لو بغيتي يصير معك احد تحت التراب دايم صلي .. كنت اصلي دايم
ارتعت وناظرتها بسرعه
انا: جدتي يا الدوبه انتي صليتي الفجر ؟؟ احسسسسسسسن بكتب عندك اكس في ورقة اوقات الصلاة
طرت على غرفتها .. كنت متلهفه .. هذا اول اكس بكتبه لجدتي عشانها تأخر الصلاة .. اول اكس .. ياااااااي باقي خمس اكسات واتعادل انا وجدتي وتشتري لي فستان جديد
فستان وردي مثل حق العنود بنت جيراننا
العنود دايم تقول عني فقيره وغبيه .. طيب انا وش دراني ؟؟ تقول العنود ان مفروض يصير عقلي اكبر من كذا بس ما كنت افهم عليها .. قلت لها ايه يا اللعابه عشان عندكم تلفزيون انتي تعرفين اكثر مني
مدري بس الظاهر ان السالفه مو سالفة تلفزيون .. يمكن لان جدتي بس دايم يا تصلي ولا تقرا قران هذا الي تسولف لي عنه .. ولا تجلس تقص علي قصص القديمين .. عشان كذا تقول العنود انا غبيه ؟؟
نزلت بسرعه وانا مبسوطه .. ابي اقهر جدتي .. بس المشكله ما رضت تنقهر .. يوم طفشت منها فتحت علبة الكورن فلكس ومديت يدها وانسدحت عليها وجلست اكل بهدوء.. كنت دايم احب انسدح على يد جدتي لما تنبطح على الارض ...
الله هذا هو الكورن فلكس .. مافيه لبن او حليب ولا كان صبيته عليه يقولون يطلع طعمه احلا .. بس عادي جلست اكل .. حاولت اذوق جدتي بس هي عيت ..شكلها لين الحين زعلانه ..
افلل شي ان اليوم الخميس مافيه مدرسه .. بس حسافه منيب شايفه استاذه نوره .. بس ولو فله يوم الخميس جدتي تخليني اروح بيت الجيران اناظر التلفزيون ..
بس الباب مقفول وجدتي لين الحين مو راضيه تعطني المفتاح ولا تسولف معي و مو راضيه تحط لزقة جروح على راسها ومو راضيه تقوم تنظف المطبخ من الدم ؟؟
اصلا انا جلست افكر شلون جا الدم .. كل هذا من راس جدتي ؟؟ يا ويلها وصخت كثير ..
جلست اناظر .. دم كثيييييير وهي على الارض وراسها كله دم وبقايا زجاج ازرق عليه .. والدرج الي فوق مفتوح ..
ناظرتها شويه وانغرقت عيوني بالدموع .. يمكن جدتي تعبانه ؟؟ انا اتذكر اخذنا في العلوم شي عن الدم .. اكيد كريات الدم البيضا جالسه تسد الجرح في راس جدتي
بس تقول استاذه عفاف لازم نحط لزقة جروح
طاحت دمعتي .. مسكينه جدتي لازم احط لها لزقة جروح .. رحت واخذت وحده وفتحتها وحطيتها على راسها وانا ابكي
قومي بالسلامه يا جدتي .. والله لا اسوي لك الشوربه البيضا الي علمتيني عليها بس قومي .. لا تنامين كثير
ونمت جنبها ..
تدرون ما كنت ادري انها ماتت ؟؟ ما كنت ادري اني يتيمه ؟؟ ما كنت ادري وش هالعالم ؟؟ كنت دلخه ..
كنت ساذجه بكل معنى الكلمه
ما كنت اعرف اي شي في هالحياة لان بإختصار انا اعيش بقريه .. بمكان صغير .. ماعرف شي بهالدنيا الا من عيال جيراننا ..
ما كنت اعرف وشو الفلوس ؟؟ ولا اعرف وشو العرس ؟؟ ولا اعرف وشو مايكل جكسون الي تسولف عنه العنود
كنت بس اعرف اني بالسعوديه .. قريتنا الصغيره اسمها ****** ..
اعرف الملك فهد .. شفت صورته في الكتاب حقنا .. واعرف الامير عبدالله .. حبوب مره على قولى الاستاذه .. اعرف اطبخ شويه واعرف اصلي واصوم وارتل قران
مفاهيمي كانت محدوده جدن .. نمت على ذراع جدتي الميته وانا اكل كورن فلكس .. وافكر بمملكتي الواسعه .. مملكتي الورديه ..
مر وقت ووقت ووقت وانا جوا البيت محبوسه .. مرات اجلس اهز جدتي بعنف وانا اصيح ومرات اروح انطط على السرير لان جدتي تحت ما تقدر تشوفني .. لحد ما بدت تتعفن جثتها ..
صرت اجلس بغرفتي واتمسك بفراشي وانا ابكي مره .. اكيد الوحش سوا بجدتي شي .. مر يوم لي وانا ابكي بسريري بخوف .. اشرب من موية البزبوز واكل من التمر الي في الباديه بغرفة جدتي .. صرت اخاف انزل تحت .. ريحه خااااااايسه مره وجدتي لونها صار وع .. وبعدين اخاف الوحش يجيني ..
كنت بس لما اقرب لطرف الدرج واناظر الدم الناشف وشعر جدتي منثور من فوق ارجع ابكي واقفل علي بغرفتي وابكي من الخوف ..
كنت مجرد طفله .. مجرد ..... طفــــــــــــــله .. بقريه بعيده ...
بديت ابكي .. وينها العنود الحماره ليش ما تجي تعلم الشرطي عن الوحش ويمسكونه وترجع جدتي زينه وريحتها حلوه زي اول
فتحت الدريشه بعد محاولات كثيره .. كانت ثقيله اوانا .. مجـرد طفله ضغيفه قدامها
فتحتها ودموعي على خدي كثييره .. طلعت وجهي وبديت اصرخ
العنـــــــــــــــــود ... ماما نــــــــــوره .. يا شرطــــــــــــــــــي فيه وحش في بيتنا .. وانا ابكي وابكي .. ليه محد يسمعني
اخيرا وقف اخو العنود .. حمد .. ناظرني ثمن صرخ بأعلي صوته : شجــــــــــــــون وش فيــــــك ؟؟
حطيت يدي حول فمي عشان يوضح صوتي: حـــــــــمد الوحش اكل جدتي
هز حمد راسه .. كان بثاني متوسطه .. نحيس مره .. ودايم يقول عني يا الغبيه .. مدري ليش يكرهني مدري ..يمكن لان عقلي صغير
قلت له : حمد الله يخليك ناد الشرطي ناده ..
وبديت ابكي بكى مو طبيعي واهز الشباك بعنف .. جدتــــــــــــــــي مريــــــــــــضه .. الله يخليكم لا تتركون الوحش ياكلها .. بعدين يمكن تحطونها تحت التراب
بديت ابكي بهستيريا لحد ما تجمعت الناس .. فتحو الباب .. دخلت الشرطه .. دخلت الاسعاف بعد فوات الاوان .. كل هذا وانا بحظن ام حمد ..
كانت حاظنتني بقوه بقوووووووه مره وهي تبكي .. وتقول لي خلاص حبيبتي ما صار شي خلاص
طيب هو صار شي اصلا ؟؟ وش صار ؟؟ ليش الشرطه يصورون جدتي ؟؟
رحت بسرعه ومسك ذراع الشرطي :وخر عن جدتي هي ما تحب احد يصورها .... وبديت اصرخ ... وخخخخخخخخخخخخخخر
بعدوني عنه بقوه وانا ابكي واقول حرام عليكم وين بتاخذونها هي ما تحب المستشفى .. وما تحب احد يلمسها وهي ما لبست حجابها .. وما تحب احد يصوروها .. وش هالنحااسه .. ليييييييييييش تسوون كذا فيها مسكينه جدتي ...
مسكينه جدتي ..
مسكينه ..

ومرت ايام ..
رحت لدار الايتام .. اسبوع .. شفت اطفال كثيرين .. مكان حلوو .. انا دخلت الرياض وانا نايمه ..بس يوم طلعت من الدار .. كنت مفتحه عيوني عالاخر اناظر البيوت الحلوه .. وايدي تحتضن ايد سعاد .. ماما سعاد .. الي اختارتني من بين كل الاطفال في اسبوع واحد بس
ابتسمت بإنتصار ... كنت عارفه انه فيه بقاله ثانيه غير البقاله الي في جده تبيع بابا وماما .. بس حقت الرياض احلا ..
ركبت السياره ووجههي لاصق مررررره بالقزازه ..
اناظر بدهشه .. اسئله كثيره .. وش هذا ؟؟ وليش هذا كذا ؟؟ ومتى صار في الدنيا زي كذا ؟؟
لكن الي خلاني اصيح من الخوف .. الفيصليه .. لما شفتها افتكرتها وحش .. وحش كبييييييييير مره يبي ياكل ماما سعاد مثل ما اكل جدتي ..
بس ماما سعاد قالت لي انه فندق كبييييييير حلو مو شرير .. طيب وشو فندق ؟؟ ايه فندق المكان الي ينامون فيه الناس الفقيرين الي ما عندهم فلوس ..
ناظرت شوارع الرياض بفضووول كبير .. وين انا عن هالاشياء ؟ ليش جدتي ما جت توريني الرياض ؟؟ لازم اقول لالعنود عن الاشياء الي شفتها ..
وقفت عند بيتنا .. بيتنا الجديد
____________
ارجـو عدم الرد حتـى انهي القصـه

البارت الثاني
وقفت عند بيتنا .. بيتنا الجديد
الله .. كل هذا بيت .. لا اكيد هاذي المدرسه حقتنا .. سألت ماما سعاد بفضول
انا : ماما الحين فيه استاذه نوره جوا
نزلت ماما سعاد لمستواي .. كانت مرررره حبوبه معي .. كانت تقول لي في السياره انها اختارتني لاني انا مؤدبه وجالسه لحالي .. ولاني حلوه بعد .. سألتها مثل سندريلا قالت ايه .. وعطتني ببسي وعلك وحلويات .. جدتي كانت تشتري لي شي واحد في الاسبوع بس ..
قالت لي ماما سعاد : منهي استاذ نوره ؟
انا:الي في هذي المدرسه
ماما سعاد:لا يا حبيبتي هذا بيتنا ..
بيتنا ... يعني صدق هذا بيتنا مثل ما توقعت ؟؟ يعني فيه ناس عندهم بيت زي المدرسه كبير ؟؟
طيب شلون عندهم حديقه جوا البيت ؟ هم شلون شالوها وحطوها هنا ؟؟ وليش يدخلون السياره جوا البيت
يمكن الي في الرياض يسوون كذا .. الله الرياض ... احلا من مملكة احلامي بكثيييييير .. احلى من عالمي الوردي .. والفرق يمكن كان في الطعم الواقعي ما بينهم ..
بيتنا كان لونه سكري كبييييييير فيه شبابيك كثيره وشكلها حلوه .. وكانت الحديقه فيها مرجيحه زي الي في الدرسه .. وفيها كرسي يتحرك مثل المرجيحه .. يمكن انها مرجيحة الكبار ..
والسياره كانت حلوه موب زي سيارة ابو جيراننا .. بعدين جت وحده لابسه زي الالفلام كرتون الي في سبيستون .. لابسه احمر وحاطه شي على راسها لونه ابيض .. سألت ماما سعاد من هذي .. قالت هذي شغالتنا السعوديه خلود
ضحك بيني وبين نفسي .. اكيد بتصير سعوديه اجل وشو .. ؟ اصلا في احد في السعوديه يصير مو سعودي ؟؟ غبيه ماما سعاد ..
مسكت يدي ودخلت انا وياها البيت .. اول ما دخلته حسيت بلفحة هوا مرت علي .. حركتتني بهدوء .. اخذت نفس طويل وانا ابتسم واناظر حولي .. انبهرت بكل شي ... كل شي كان راقي لدرجه مخيفه بعد .. ناظرت الكنبات .. شكلها يجنن .. وناظرت البلاط .. اللوحات الستاير
ناظرت التلفزيوون ..... عندهم تلفزيون ..! سحبت يدي من يد ماما ورحت عنده وولعته على طول .. بس ما طلعت لي سبيستون
ضحكت علي ماما وجت عندي وجلست :عاجبك التلفزيون ..
انا بحزن :لا ... عشان ما فيه سبيستون
قامت ماما وحطت يدها على كتفي :هاذي احلا من سبيستون .. هاذي ديزني ؟
انا ناظرت ميكي ماوس الي بالشاشه وقلت : بس سبيستون احلا
هزت راسها ماما وقالت :تعالي فوق اوريك غرفتك
مشيت معها وانا عيوني متعلقه بالتلفزيون الكبير المعلق على الجدار ؟؟ ليش علقوه على الجدار ؟؟ يمكن عشان الحرامي اذا شافه يحسبه لوحه وما يسرقه ؟؟
رقيت الدرج الرخامي ووصلت للطابق العلوي .. ودخلت غرفتي .. اخذت نفس طويل مره .. عالمي الوردي ؟؟؟ سرير وردي مثل سرير الاميره النائمه .. وودولاب وردي عليه ورود بنفسجيه .. والارض الرخاميه ورديه وعليها سجادات ملونه ومنوعه .. ستاير حلوه .. وتسريحه روعه ... مشيت للتسريحه بفضوول وبقلبي فرحه لا توصف .. مشط وردي .. اغراض بنات .. روج وعطر وشباصات ..
كان عقلي الصغير مو مستوعب هالحياة .. تسآئلت .. فيه شي حلو سويته عشان استاهل اني ادخل الريــــــــــــاض .. وادخل هالغرفه .. وتصير عندي ماما .. وتصير عندي العاب ..
العاب ...؟ قالت العاب وهي تتطلع للباب الي بالغرفه .. ومعلقه عليه صورة فكاهيه لمهرج صغير
ماما:ادخلي الغرفه شوفيها
رحت للغرفه ودخلت بسرعه وسكتت من الصدمه .. جباااااااااااااااااال العاب كلها عشاني؟ ؟؟ عشاني انا بس ؟؟ مو غلطانين وهذي العاب العنود وعطوني اياها ؟؟
ناظرت الباربيات على الرفوف والدببه بكل مكان والعاب والعاب الى مالا نهاية .. تتركتني ماما في غرفة الالعاب استكشف بفضووول كبير مره مره .. وراحت فتحت الدولاب وطلعت لي ملابس وفوطه .. ماما سعاد تقول روب .. الحين كيف تسميه روب والروب ناكله ..
جيتها وانا اناظر غرف الالعاب وعيوني تلمع .. ما كان ودي اطلع ابدن .. بس كنت اسمع الكلام الى حد غريب .. يمكن لاني استحي ..
دخلت الحمام الكبير وانا فاتحه فمي .. ماما سعاد قالت لي لازم اتروش عشان بيجي بابا ولازم يشوفني حلوه ونظيفه .. جلست وقت طويل بالحمام العاب بالصابون والشامبو والرغوه .. كنت اضحك واكبب مويه في كل مكان .. كنت فرحانه .. فرحانه مره مره .. اول مره ادخل حمام حلو كذا
يوم طلعت .. جت خلود تمشط شعري .. خلود مره حبوبه .. خلتني البس الروب حقي وحطت على شعري شباصات ورديه .. ولبست فستاني الجديد .. كان احلا من فستان العنود .. كان لونه وردي وطفولي خلاني اطلع ملاك صغير فيه .. ناظرت نفسي لاول مره بإعجاب .. تحقق حلمي .. حسيت اني صرت مثل ساندريلا .. صح ساندريلا .. لازم اقول لماما توريني اياها
نزلت وانا اركض بسرعه :مااااااااامااااااااااااا
اول مره اقولها من قلب .. طرت لحضن ماما وهي تضحك على هبالي وحركاتي .. طلبت منها توريني ساندريلا .. راحت للفديو
وشو الفديو ؟؟ سألت خلود قالت هذا شي يحطون فيه شريط ؟؟ طيب وشو الشريط ؟؟ زي الشريطه البيضا الي نلبسها في المدرسه بس هذا رجال؟؟
ما اهتميت مره ورحت جلست على الارض وانا اناظر قصة ساندريلا كانت مثلي ما عندها ماما وبابا .. وراحت شرت لها ام مثلي ..
بس هي امها شريره وانا ماما سعاد طيوبه .. بعدين جا بابا .. رحت سلمت عليه وانا خايفه .. كان شكله شرير
كان عملاق ولونه اسمر وشعره اسود مره .. ابتسم لي وعطاني حلاوه .. ارتحت له شويه
بابا خالد : اهلين شجون وشلونك حبيبتي ؟
ارتحت اكثر لما سمعت نبرة صوته الدافيه .. هذا بابا .. اخيرا صار عندي بابا زي الي بمملكتي الورديه ..
سألته ببراءه :بابا انت بتصير مثل بابا الي في خيالي وتركبني العربه الذهبيه وتوريني الاشياء
اببتسم على برائتي .. واضح انه ما كان فاهم بس انه سلك لي شويه .. مره انبسطت معهم على الغدا .. كان فيه اكل مره حلو .. موب جريش و رز وشوربه بيضا .. وكانت خلود هي الي تطبخ .. كلهم كانو حبوبين
بعد الغدا اخذني بابا وقال انه يبي يطلعنا وقال لي وين تبين تروحين .. قلت له على طول ابي اروح الملاهي .. ابي العب لين ما يجيني النوم .. غيرت ملابسي .. اول مره اغير ملابسي في اقل من ثلاث ساعات .. لبست بنطلون جنز .. اول مره البس مثل كذا .. وجزمتي كانت ورديه وحلوه .. وخلود سوت لي جديلتين على شعري ولبستني حلق جديده عطتها ماما سعاد عشان تلبسني اياها ..
رحت للملاهي وجلست العب وماما وبابا يناظروني بفرح .. وشرو لي دبدوب بني صغير سميته قوزقوز .. مثل الفار الي مع ساندريلا ..
بعدين يوم جا المغرب رجعنا البيت وصلينا وقال بابا انه بيطلعنا مره ثانيه عشان اشوف الرياض ..
كل ما يقولون لي الرياض لازم اشق وجهي من الفرح .. الريـــــــاض مملكة احلامي .. مابي اطلع منها ابدن لو وش يصير ..
قالت ماما سعاد تبي تروح الفيصليه تشتري لها تنوره .. انا خفت وقلت لا مابي اروح لا ..
بس ماما سعاد اقنعتني اني اروح .. وورتني الفيصليه من قريب .. كانت حلوه مره مره .. وفيها لبمات تولع وتطفي عشان ما تجي طياره تصدم فيها .. وكان فيها كوره كبيره مره فووق .. شلون حطوها فوق من غير ما تطيح ؟؟
دخلت سوق الفيصليه .. واااااااااااو اول مره اشوف مكان زي كذا .. اول مره اشوف ناس زي كذا .. اول مره اشووف مجاميع بهالعدد ..
خلاص مابي العنود ولا ابي جدتي ولا ابي ماما وبابا الله يرحهم بس ابي ماما سعاد الجديده وبابا خالد ..
خلوني آكل من ماك .. كان ابو حمد دايم يجيب لعياله برقر وانا اناظرهم من بيتنا واقول لجدتي تقول لا ما يصلح تاكلينها ..
ليش ما يصلح اكلها ؟؟ هي حلوه .. ليش ما تبيني اكلها ؟؟ حتى يعطوني هديه معها .. شوربة جدتي مافي هديه معها .. البرقر احلا ..
ويوم خلصت شرو لي ايس كريم احلا من ايس كريم العنود ابو عود الي لونه احمر .. وشرو لي دونات بس قالو لا تاكلينها الا اذا رجعنا البيت
نمت ذيك اليوم بسريري وانا ابي اقوم والاقي نفسي لحد الان هنا .. نمت وانا اقول .. برقر .. دونات ايس كريم .. الفيصليه .. الرياض .. الرياض .. الرياض ..
وسنين .. وسنين وسنين .. والرياض صارت كرهي الازلي .. كنت ما اصدق بس اسافر واطلع منها .. تحوول عشقي لجزر المالديف وباريس ولاس فيغاس .. كبرت وصرت اناظر الدنيا بعين ثانيه .. مملكتي الورديه تلاشت من زمان لما صار عمري 16 سنه ..
خلاص صرت اعرف .. تراني مو غبيه الحين لا تقولو عني بزر .. صرت استحقر كل شي متعلق بالماضي الا شي واحد ..
غريبه توني بس الحين اكتشف انه كان اوسم ولد قابلته بحياتي .. اول ولد عفوا .. حمد .. شباب الرياض كلهم كلا* وكذابين .. صحيح حلوين .. ما وصلو لوسامة حمد ابدن .. كيف كنت غبيه وما خليته البوي فرند حقي .. اووو صح نسيت كنت دلخه وقتها ..
كنت ابي اي وسليه بس تربطني بالعنود .. كيف صار حمد الحين .. كم عمره الحين .. اكيد كبر واحلو .. مع انه نحيس معي ويقول عني غبيه بس انا عارفه لو صار البوي فرند حقي ما راح يكذب علي زي عيال الرياض الحمـ* *
تنهدت ورحت اخذت جوالي الوردي .. كان ثقيييييييل مره .. عليه فصوص ورديه عليه كله واشياء بنوتيه كثيره معلقه عليه ..
دقيت على سلطان .. يا مصله .. بس وش اسوي طفشااانه مووت .. رد علي : هلا حبيبتي
تنهدت وتصنعت ابتسامه :هلا .. بتطلع اليوم ؟
سلطان:والله حبي ما اقدر انا مع الشباب في الثمامه ..
اووف كالعاده كل الشباب كذا يحبون يصرفون .. ينقلع هو ووجهه .. سكرت من عنده ورحت بدلت ملابسي نزلت تحت
انا:هلا ماما
ماما:هلا شجون .. صليتي الظهر ؟
قلت وانا اتنهد :ايه .. ماما طفشانه ترا بطلع ..
ماما:لا تطلعين عبدالله عندنا
طرررت من الفرح .. واااو عبدالله ولد عمي عندنا .. رحت فوق وغيرت ملابسي بسرعه .. صحيح توني مغيرتها بس الحين لازم انلبس بنطلون واسع وبلوزه اوسع عشان الهبال والفله مع عبيد ..
جمعت شعري تحت القبعه السودا ولبست البلوزه الواسعه بالهاي نك وبنلطون وااسع .. اخذت جوالي ونزلت بسرعه .. لقيت عبود بالحديقه جالس ..
انا:هاي عبدبد نطلع
عبدالله كان اكبر مني بسنتين .. مره كان صديقي .. صديق فلاوي بقوه .. كننا دايم نركب دباب هارلي حقه وندور بالحاره واحيانا نتعدى هالحدود ..
وقف عبدالله: هلا شجوووون .. وش نطلع الله يسلمك كل يوم طلعه طلعه ما تشبعين
انا بدلع وانا اسحب يده لبره :عبودي عشااني الله يخليك والله طفشانه
تنهد بإبتسامه وهو يركب دبابه:اركبي ..
ركبت وراه ولبست الخوذه حقتي وتمسكت فيه .. انا عارفه انه يحبني من زمان عشان كذا كنت دايم اريش فيه .. يعني اقوله انت حلوو واسوي له حركات عشان يسوي الي انا ابيه ...
رحنا لماك .. مطعمي المفضل .. وقفنا هناك وطلبنا .. وجلسنا ناكل .. الفتره كانت فترة ظهر .. يعني وقت غدا كان ماك التخصصي بهالوقت يمتلي ناس .. اغلبهم شباب عزاب عشان كذا كنت احب اروح هناك .. عبدالله كان يتضايق بس عادي بكيفه اهم شي اني اوسع صدري بدال الهم الي عايشته ..
مر جنبنا واحد وعرف اني بنت من جوالي الوردي .. هذا غير ان جسمي شويه صغنون .. ابتسم وقال :يااهو ما يمديني عالـ
ما كمل كلامه الا وعبدالله يسكته .. اووووووف عبدالله دايم يحب يخرب علي عشان كذا ماحب اطلع معه
بس المشكله اني ما اقدر اطلع الا معه .. على قولة ماما توني صغيره وما اقدر اطلع مع السواق لوحدي ..
جلست اسولف مع عبدالله شوي ..
انا:عبود خلنا نروح للمملكه ..
عبدالله:لازم نرجع .. شجون يا ويلي من عمي ..
انا:وش يا ويلك يا خواف يا جبان يا بزر ..
عبدالله تنرفز :انتي ليش دايم حركاتك حركات بزران .. يختي خلاص اركبي مشينا
قلت له بدلع :زعلت ..
وبكذا وافق ورحنا للمملكه ..
عبدالله:ما راح يدخلونها ..
نزلت من الدباب وشلت الخوذه الي على راسي بعدها شلت القبعه ونثرت شعري على اكتافي
عبدالله انصدم:وش تسوين .. ترانا بالشارع ..
انا:ياخي فلها بس يدخلونا لاني معك حرمه وارجع البسها ..
عبدالله:لو شافك احد نعرفه
انا:فلهاااااااا
عبدالله عصب: شجن البسي قبعتك وخلاص كذا كافي .. والله ما يصلح خلي حركات المراهقه ذي لبعدين
انا اسحب يده:والله لا ازعل
تأفف ولحقني ..
دخلونا طبعا بس انا ما رجعت البس القبعه .. يعني فله احنا بالمملكه المملكه مافيها هيئه .. لو احنا بالفيصليه كان صار الوضع غير
كنت مره مبسوطه .. واو فله كل الناس كانت تناظرني .. كان شكلي غريب .. وكل ما يتكلم عبدالله ويعترض اسكته بأي حركه ..
امسك يده مثلا او اقوله اي شي يخليه ينثبر ويكمل معي ..
شريت لي اغراض كثيره بعدها طلنا ورجعنا البيت .. ماما كانت نايمه وبابا في الشغل .. واااااااااو فله لازم اسوي كذا كل يوم
عبدالله شافني ارقى الدرج قال :بتخليني تحت يا الدوبه
قلت له وانا ارقى:امش فوووق معي ..
رقى لغرفتي وجلس يطالعني بإستعجاب وانا اطلع البلايز والحاجات من الكيس
عبدالله ناظر التسريحه:بتفتحين لك محل كامل على الاغراض
انا:عبدالله اسكت .. وش رايك بهالبلوزه .. روعه صح
عبدالله:وانا وش دراني .. يلا خلينا ننزل ..
انا:اصبر اصبر اليوم اختك عازمتني ... اليوم بالليل فيه باربكيو بارتي .. ما تدري انت
عبدالله:الا طبعا قالت لي ..
انا :افف اختك مغروره ماحبها .. عشان كذا ابي اكسر عينها واصير احلا منها ..
عبدالله ابتسم:انتي دايم احلا منها لو تلبسين خيشه
انا بعدم اهتمام:عارفه .. بس ولو هي نظراتها دايم بايخه وانا هالمره ابي اكسرها .. اجلس اجلس بدخل ابدل وقولي وش رايك ..
جلس وهو مستغرب وانا دخلت ابدل .. صرت كل شوي البس شي واطلع اسأله عن رايه .. لاحظت بنظراته شي غريب ...
شكله ما توقع مني هالشي ..؟ بس عادي هو متعود علي مو حركه غريبه ..
اخيرا قام وهو متنرفز وقال : نادي خلود وخذي رايها ..
انا:افففففف يا مصلك بتقول لي يعني انك الحين استحيت مني .. انا ما استحي منك يا شيخ
عبدالله يصك الباب : استحي من نفسك ..
اففف هذا هو عبدالله دايم كذا كلامه تجريح ..
انا تغيرت حياتي بالسبع سنين الماضيه .. تغيرت جذريا .. صرت دلوعه مره ومافي شي يملا عيني .. صديقاتي بالمدرسه علمووني اشيااء كثيره وحتى عبدالله .. عبدالله كان جزء كبير من حياتي .. بس كصديق .. هو مو راضي يفهم وش اسوي له يعني ..
من يومنا صغار وهو يعلمني كل شي كل شي .. اتفه شي واهم شي .. لو اشوف طريقين واحد خطر والثاني لا واختار الخطر بمشي معه .. بس هو احيانا ينرفزني يسوي حركات بايخه مره
كل هذا يغار يعني ؟؟ بس ولو انا مستحيل اكرهه .. هذا عز اصحاااااابي .. الله يخليه لي انشالله .. في السبع السنين هو كان اقرب الناس لي .. اخته التوأم كنت اكرهها وهي تكرهني .. كانت تغار مني بشكل غريب .. كانو عماني اخوان بابا خالد مره يحبوني ويقدروني .. وحتى خوالي اخوان ماما سعاد ..
تكلمت كثير عن الناس ونسيت نفسي .. نسيت اكتب وش صار لي بهالسبع سنين .. كيف كبرت وكيف قدرت افهم اني يتيمه وماما وبابا اتبنوني ..
تذكرت لما كان عمري 11 سنه كان بابا يناظر فلم هواشات .. وكنت جالسه بجنبه وشفت نفس ذاك المنظر .. المنظر القديم مره ..
شفت رجال منبطح عالارض وحوله دم .. جدتي ... جدتــــــــــــــي ..
يعني وشو ؟؟ فهمت وش صار خلاص .. فهمت اني كنت مع جثه ميته يومين كامله .. فهمت ان بشرتها لما كانت بارده ما كانت داخله بالثلاجه ؟؟؟ عرفت ان الصحن طاح على راسها وادماه وطاحت .. وبعد فتره توفت الله يرحمها .. خلاص فهمت كل شي
فهمت اني انا وحده يسمونها يتيمه .. عشان كذا بقيت ادور على الحنان .. صحيح ماما سعاد ماهي باخله علي ابدن بس انا استحي منها في هالامور ونفس الشي مع بابا خالد ..
منهم الي ما راح استحي منهم ؟؟ عشان كذا انحرفت شويه .. صار عندي اصحاب اولاد كثير .. كنت ادور شوية حنان عند واحد منهم ..
ادور حنان بطريقه غلط .. بس على الاقل كنت ادور ما يأست .. لكن كلهم كذابين .. كلهم نصابين .. واحد منهم بس يبي يترزز بخويته قدام اصحابه والثاني يبي يوسع صدره والثالث الله اعلم وش الي في باله ..
مو بس شباب الرياض .. كل المملكه .. رحت لجده .. حلمي اروح لها .. حسيت انهم متفتحييييييييييييين بكثيييييير
غير عن الرياض .. هناك فله وسعه صدر بس ... كانو شبابهم اتبـ* من شبابنا .. كانت مقاصدهم اوصخ بكثير .. ورحت الشرقيه ونفس الشي .. كل المملكه الظاهر شبابها مريضين .. رحت الامارات رحت الكويت رحت البحرين .. الخليييج كله نفس الشي
لا وبعد كانت افكارهم اشين من افكار شبابنا شويه .. اخيرا رحت امريكا رحت فرنسا ورحت لدول العالم بس ما حصلت شخص يرضى يكون بوي فرند لوحده سعوديه .. عشان كذا لفيت لفيت لفيت لمن رجعت لقريتي .. مسقط رأسي .. قريه ********
مافيه الا حمد .. بيصير مثلهم يعني ؟؟ كل افكاره بايخه ووصخه ..
كرهت كل الاولاد .. كلهم كذا ... حطيت قاعده لي بحياتي .. لا تثقين بأحد .. الا عبدالله وبابا ..
رحت الحفله بالليل كانت مره ممله .. البنات وسواليفهم البايخه .. مافي شي جديد .. انا شريت شنطه من المحل الفلاني انا سافرت الصيف الي راح للبلد الفلاني والخ الخ ما تتغير .. دايم الجو كلاسيكي وهادي .. انا ماني عربجيه بالعكس احب اشياء البنات لدرجه لا توصف بس احب الهبال برضووو
كنت اخطط اسوي حفله دي جي فله واخربها بس بنات عايلتي ما ينعطون وجهه .. اجل ابعزم صديقاتي بالمدرسه ..
بعد ما رجعت من الحفله فتحت صناديقي القديمه ادور اي شي مميز اقتبس منه فكره .. يااااااااي لقيت دبدوبي قوزقوز
من زمان وانا ادوره .. اثره بأخر الدولاب .. فله يا ليتني منبشه بأخر الدولاب من زمان
حضنته بقوه وبفرح .. دبدوب شريته بأول يوم لي في هالبيت .. انبسطت مره .. ورجت طلعت بقي الاشياء الي جوا
تتغيرت ملامحي .. اوو ماي قاد هاذي بعض الاغراااض لي يومني بالقريه
فتحتهم بلهفه كبيره مره .. ولقيت اخيرا دفتري الصغير .. بغيت ابكي .. مدري من الفرح من الصدمه او من ايش .. ؟
كنت متأكده ان هالدفتر فيه رقم .. رققققققققققم .. يا ترا هم لحد الان بالقريه ؟؟ ما تحظرو وجو الرياض ؟ او اي مكان ثاني .. ؟
ماقدرت امسك نفسي وجلست اناظر الرقم المكتوب بخط طفولي جدن .. تحته ( صديقتي العنود)
واااو .. لازم ادق عليها ..
مسكت جوالي وبديت اضغط هالارقام .. طوط طوط .. وقلبي يرجف مع كل رنه .. طوط طوط ..
يأست .. باللهي ما راح يغيرون تلفيونهم سبع سنين ؟؟ باللهي ما طلعو من القريه المخيسه .. اكيد اني انهبلت .. ما راح يردون لو ايش
نزلت الجوال من يدي وضغطت على الزر الاحمر وانا شوي وابكي من القهر ..
من الطرف الثاني : الووو .. الـــــــــــــووو ..
قالت البنت الي جنبه : مين الي داق ؟
رد عليها وهو يرجع التفلون:مدري يستهبلووون ..
ما كنت ادري .. حسيت اني سمعت صوت من التلفون يقول الو .. بس قلت اكيد اهلوس من مخي ..
انسدحت على سريري بيأس .. بجرب ادق بكره الصباح .. ما يصلح افقد الامل بدري ..

تآأآبع ارجو عدم الرد

البارت الثالث
انسدحت على سريري بيأس .. بجرب ادق بكره الصباح .. ما يصلح افقد الامل بدري ..
وما امداني انسدح الا نمت على طووول ..
الصباح قومتني ماما صليت الفجر ورحت اتروش وطلعت .. ناديت سوزان شغالتنا عشان تجعد شعري
دخلت خلود تنظف الغرفه:هلا شجن صباح الخير
كانو كلهم يدلعوني شجن .. مدري ليش بس كذا يدلعوني .. رديت عليها:صباح النور .. خلود خلود اتركي من يدك وتعالي حطي لي مناكير .. ايش رايك الوردي ولا الاسود
خلود قربت لي: والصلاة؟
قلت وانا اتأفف:حمسحه في المدرسه .. يلا خلووود بلا فهاوه
ومديت يدي .. ضحكت علي وجلست جنبي واخذت المناكير وبدت تحط لي .. كنت اناظرها بإبتسامه .. مره حبوبه هالانسانه .. لها سبع سنين تخدمني انا لحالي .. تترك عيالها 12 ساعه في اليوم عشاني انا .. صحيح كنت استغرب انو فيه ناس كذا تستحمل تترك شي غالي عليها عشان الفلوس .. ما استوعبت بدري ان هالفلوس بس عشان تعيش خمس ايتااااام .. كنت دايم اخذ من مصروفي شوي واعطيها والزم عليها تاخذ بعد
واي لبس يقدم او يصغر علي او ما يروق لي او يصير واسع .. اعطيه اياه .. واحيانا اشتري دونات لعيالها
كنت مره انبسط لما اقدم معروف لغيري.. احيانا احس اني داشره على قولة اخت عبدالله فاتن بس كنت ارفع راسي بالفخر بيني وبين نفسي لاني اعرف ان كلامها ماهو صح .. لاني اعرف اني مهما سويت قلبي ابيض .. انا تربية سعاد وحصه الله يرحمها جدتي
وهذولا مو اي ناس عشان يقولو عني داشره .. كنت اكثر شي احب وانا واثقه من نفسي ما يهمني احد غير ربي ... يمكن اسوي اشياء تغضبه احيانا بس كانت فيه اشياء ثانيه تقتنعني بالعكس .. لاني عمري ما اخرت صلاة او نسيت فرض او ما صمت وتصدقت ..
رحت لبست تنورة مريولي .. ولبست بلوزه من الي شريتهم امس .. ما هموني المدرسه .. اصلا ما يقدرون يقولون لي شي لان بابا يدفع لهم 15 الف بالترم الواحد .. كنت بمدرسة ********
مدرسه مررره فله وكل البنات فيها فللله ما كنت احب اغيب ولا يوم .. كنت دجه بنفس الوقت دافوره شويه خخخخ .. مدري الدفاره صفه متأصله فيني معيه ترووح .. لبست عباتي اللميعيه .. كنت اسميها لميعيه لان قماشها فيه لمعه .. هههههه مو لماااع
اخترت بين العبايات العباية المطرزه بالوردي عشان تجي مع لون المناكير .. لفيت طرحتي بشكل غير ساتر كعادتي ولبست جزمتي الورديه وبخيت بختين عطر وطلعت .. اي بختين يا ناس اباخذ العطر بكبره ... قلت بنرفزه
انا:خلووووووود ليش حطيتي الكتب بالشنطه الزرقا انا ابي الورديه
خلود جت وهي مرتاعه:انتي امس قلتي لي احطهم بالشنطه الزرقا؟؟
انا:افف اوكي خلاص شيليهم وحطيهم بالورديه مابي ارقع بملابسي .. بنزل افطر نزليها طيب
خلود تاخذ نفس:طيب
نزلت لقيت فطوري المعتاد .. بان كيك وراوخ تفاح .. انا كذا احب المشروبات الغازيه بكل وقت .. مزاجي غريب شويه بس كذا عادتي
شغلت التلفزيون على قناتي المفضله وجلست اناظر بإندماج وانا اكل البان كيك .. نزلت ماما
ماما:شجن تأخرتي عن المدرسه .. الساعه سبع الحين
قمت بسرعه وانا اكل البان كيك .. كنت اتكلم وبفمي اكل : بقوم بقوم ..
يما الحمدالله انحشت منها ماما كل شي عندها عادي الا الصلاة والمدرسه .. رحت ركبت السياره .. ورزيت نص جسمي قدام عند السواق عشان ادخل شريط اغاني ايفرل لافين مغنيتي المفضله .. كنت الاحظ على السواق دايم انه يناظر يدي وانا اشغل .. ما يناظرني انا ههههههههههه
يمكن لان يدي من المعصم لحد الكوع وهي مليانه اكسسوارات وربطااات وحاجات مدري كم لها عندي بصراحه .. وه بس وه مررره احب الاشياء هاااذي الي على يدي .. وصلت لمدرستنا ورفعت الطرحه على وجهي ونزلت .. دخلت الحصه متأخره بس عادي عندنا انقلش يعني افللللللها بقوه .. استاذه هناء غبيه وشخصيتها ضعيفه وانا دايم اسكتها
جلست بمكاني وطلعت المرايه اعدل وضعي .. طشيت عطر .. وقمت نزلت المكيف علي وحطيت رجل على رجل
قالت لي صديقتي ليلى:شجن وش مخططاتك اليوم ؟؟
انا:اووما ما دقيت عليك امس وقلت لك ؟ انا بطلع من المدرسه بعد الفسحه بتجيني ماما دايركت بروح اشتري اغراااض بسوي حفلة دي جي اليوم
ليلى:واو فله طيب ليش؟
ناظرتها:يعني ليش ايش رايك .. عشان نوسع صدورنا .. انا مره مره ابي اكسر خشم فاتن ابي اسوي حفله ماهي عاديه ابدن كل بنات المدرسه يتحكون فيها .. اول شي شووفي
وطلعت كيسه مليانه بطاقات
انا:هاذي امس اخترتها وقلت لماما تطبعها يمكن حدود ثمانين بطاقه بعزم كل الي اقدر اعزمهم .. بعطين خمس طعش والهنوف خمس طعش ورغد خمس طعش اعزمو الي تبون .. بس اسمعي مابي اي بطاقه ترجع .. ابي ثمانين بنت في بيتنا تماما ..
ليلى:اوكي حلوو .. صبر بقول للهنوف ورغد ..
جت الفسحه .. طلعت بسرعه وانا متحمسه بديت امشي واوزع بطاقات .. طبعا للي اعزهم بس .. نص بنات المدرسه كانو صاحباتي او امون عليهم لحد ما .. فوق كذا كنت دايم احس اني وحيده مدري ليش .. افف مابي ازعج نفسي الحين ابي اركز بتفكيري على حفلة اليوم .. مريت عند فاتن .. كنت انا بأول ثنوي وهي بثالث .. مره تنقهر لو شافتني داخله قسمهم واكلم بنات من عندهم .. وزعت على صديقاتها كلهم بطاقات الا هي .. طبعا لقافتها ما تركتها خلتها تناظر ببطاقة زميلتها .. اول ما لمحتها رجعت بسرعه لها
انا:فاااتن حبيبتي اوو ماي قاد معقوله نسيتك .. امم بشووف اذا باقي معي بطاقات اصبري
فاتن انقهرت وبين على عيونها:انا اصلا مرتبطه اليوم بالليل
انا:اوكي مو مشكله بس حسافه احظر حفلتك واترك كل ارتباطاتي وانتي ما تجي حفلتي.. عادي براحتك حبيبتي .. بتكون البارتي مرره ممله من دونك بس وش نسوي .. اممم خذي لقيت بطاقه .. اذا حبيتي تجي يعني
مسكتها بإبتسامة قهر وقالت: لا هنتي شجون
انقهرررت مره هي عارفه اني ما اطيق اسم شجون .. يذكرني بذكريات شينه .. الماضي ابي اغير فيه كل شي .. يسموني شجن يعني شجن حتى مديرة المدرسه تسميني كذا بس هي متقصده تقهرني ..
جت ماما واخذتني من المدرسه .. ركبت السياره بلهفه :مااامااا ممكن نستاجر شاليه
ماما:انا ما عندي مانع يا ماما بس ما تحسين انها بتكون احلا في البيت
ما فهمت عليها:كيف يعني احلا؟
ماما:تبين شي مميز انتي
تحمست:ايييه
ماما:خليها حفلة دي جي .. وبعد الدي جي خلي صديقاتك الي انتي مره مره تحبينهم يجلسون بالبيت يسبحون وبعدها ينامون عندنا .. اليوم اربعا يعني بكره ويك اند
سكتت شويه وانا افكر .. والهي فكره مش بطاله .. اي فكره مش بطاله الا فكره روووعه مره .. وبعدين ليش بس اخليها صديقاتي ؟؟ افرش الصاله الي فوق وغرف الضيوف وجناحي واخلي كل البنات يسبحون وينامون عندي . حسيتها فكره مجنونه شويه بس ولو فله انا ابي اي شي غريب عشان حفلتي
دقيت على كل بنت عزمتها وتأكدت ميه بالميه انووو اقولهم كلهم على الاشياء الي خططت عليها .. رحنا انا وماما وشرينا اغرااض للحفله وخرابيط كثيره مره اول ما رجعت البيت كان على اذان العصر .. يالله يمديني اجهز شعري وارتب عمري .. بدت خلود تركب البمات الملونه واللمبات البيضا الي تولع وتطفي بسرعه .. شبكنا الاستريو ووزعنا السماعات بكل مكان .. جهزنا المسبح وفرشنا الدور الفوقي كله .. وطبعا قلت لبابا يبات بره البيت ..
كنت بغرفتي مره متوتره اول مره اعزم هالقد بنات واول مره اسوي ثلاث حفلات بنفس الوقت .. حفلة دي جي وحفلة سباحه وحفله نوم
كنت عند التسريحه وخلود تضبط لبسي ومناكيري وسوزان تستشور شعري وليلى ورغد والهنوف بغرفتي .. كانو جايين بدري عشان يساعدوني.. كنت اناظر كل وحده فيهم .. لابسين ملابس مرره تجنن .. لو صار لبسي شين .. لالا ما اتوقع انا ذوقي دايم حلووو .. كنت لابسه تنوره مره مره قصيره وسودا وبلوزه ورديه من غير اكمام وكعب مره عالي صار شكلي مره كيوته مع الاكسسوراات والحاجات هاذي .. خقيييييييت على نفسي بقوه .. وقفت اصور نفسي والمتو صديقاتي حولي يصورو معي
بدو البنات يجون وانا مره متحمسه متوتره بنفس الوقت .. كان الاستريو مشغل على اغنيه لـ آشر .. اسمها yaeh
مره فله هالاغينه رقصو عليها كل البنات .. كننا نرقص بهبال انا شوي شوي دخلت بجو الحفله ونسيت التوتر هذا شوي .. كننا نرقص جنب المسبح مره .. كل البنات جايبين مايوهاتهم وبيجاماتهم وبعضهم جايب وسادته وشرشفه .. وبعضهم اعتذر ما يقدر ينوم عندي خخخ اكيد لان السعوديين ياخفون على بناتهم .. اففففف حسيت ان اهل رغد متخلفين لما دقت عليها امها الساعه 12 وقالت لها ارجعي .. تحطمت من جد حتى ما امداها تسبح معنا .. بغيت اصيح .. رغد والهنوف وليلى مره صديقاتي .. والحين رغد بتروح وش اسوي بعمري
هدتني ماما سوي والهنوف وليلى بعد .. بعد الرقص والهبال حطينا العشاا .. ماما طلبت طلب خاص بوفيه مره روعه وانا كمان اصريت تجيب ماااك .. طبعا صارت حوسه شوي وبغيت اصيح بعد بس كل شي مشى تمام .. وقفت اناظرهم من بعيد وهم يتعشون .. كنت بروح البس مايوهي لحد ما يخلصو .. مرت جنبي فاتن:حفلتك روعه
انا ابتسمت:مشكووره .. يلا بروح ابدل ..
فاتن:بلبسي مايوهك؟
انا:ايييه لانوو بنسبح بعد العشا
فاتن:صح ما يصلح نسبح واحنا تونا ماكلين
مشيت عنها وانا اطالعها بإيستحقار واضح: فليها
فاتن:اووكي اجل جربي اول بعدين قولي لنا
التفت بسرعه لمى حسيت فيها ترميني بالمسبح .. ما فهمت كلامها بالبدايه .. صرخت صرخه قويه وتجمعو كلهم حولي .. وانا خلاص وصلت معي بغيت اصيح من جد .. ناظرتني الهنوف فتره وعرفت اني خلاص وصلت معي وشكلي بصيح من الفشيله .. رحت بعيد وفصخت جزمتها وجت ركض وهي تصرخ وطبت بالمسبح .. ضحكو كل البنات وكانت هي تضحك كمان وانا مو مستوعبه الي سوته قبل شوي ..
جت بعدها ليلى وعملت نفس الحركه وشوي شوي قامو المهبل من البنات يطبون بملابسهم .. ناظرت فاتن وانا من المسبح وقلت :عمرك ما حتقدري تفشليني حبيبتي ..
فاتن ابتسمت : زين جربتي الوضع .. قولي لي اذا اقدر اطب وانا توني ماكله ولا لا ..
انا:صحيح فاتن جيتي وانتي عندك ارتباطات .. ؟
فاتن انقهرت وبان عليها لكن قالت:عبدالله لزم علي .. لانه يعزك .. وانا بعد ما حبيت احرجك ..
انا:لا حبيبتي مافيها احراج ابد .. انا حفلتي ضامنه ان كل بنت بعزمها بتجي فماراح تفرقين معي
كنت اقصدها بالكلام لان حفلتها كانت بايخه وكثير ما جو لانها ماصله .. اصلا كانت عازمه بنات عايلتنا اما انا فعزمت بنات المدرسه
هذاولي هم راعين الدجه والهبال .. بعدها طلعنا واحنا مره مبسوطين ونمنا .. كانت الفرحه الي بقلبي ما تنوصف.. بعد كل حفله لازم افرح مره ..
نمت .. وبديت اسرح بأحلامي وخيالي الواسع .. ما كانت احلام ورديه مصبوغه بلوني المفضل .. ما كانت احلامي عن المملكه الكبيره حقتي والدباديب والاحصنه البيضاا .. كان كابوس .. كابوس ما رضيت اصحى منه الا وانا اتعرق واصرخ .. شفت جدتي وهي عالارض تذكرت شكلي وانا اهزها بعنف واطالبها بالنهوض .. تذكرت الدم .. ولون جدتي .. وكل شي .. كان قلبي يدق بسرعه لما اتذكر هالاحداث .. قمت بصرخه وانثر شعري على وجهي وقطرات العرق تتساقط من جبيني وعلى ملابسي وعلى فراشي علارض .. قامت ليلى من جنبي ونادت ماما بسرعه .. جت ماما وهي خايفه وتهديني وانا متصنمه .. خذتني وطلعتني من عند البنات وانا حاظنتها وابكي بهدوء .. بهدوء مره .. واهمس .. الله يقومك بالسلامه يا جدتي .. الله يقومك بالسلامه يا جدتي
فيه بنات قامو وهم مرعوبين ويطالعون فيني وفيه بنات بقو نايمين ... ليلى والهنوف عدلو الوضع ورجع كلن لفراشه اما انا رحت مع ماما المطبخ ..
جلستني على الكرسي وهي تهديني .. عطتني مويه ..شربت شوي وحطيتها وانا اناظر قدامي ومو راضيه اترك يد ماما
قالت وهي شوي وبتبكي :شجن حبيبتي جاك نفس الكابوس؟
هزيت راسي بهدوء وانا اطالع قدامي .. الكابوس هذا له سبع سنين يلاحقني .. سبع سنين وراي وراي وين ما روح يجي معي .. لازم احلم به دايم .. ابي انسى ما اقدر .. رجعت ابكي بهدوء وانا اتذكر المنظر
طلعت امي من المطبخ لانها ما تبي قلبها يتقطع مره ثانيه .. دقت على بابا .. كنت اقدر اسمع همسها وهي تتكلم
كانت تقول : جاها نفس الكابوس يا خالد
وبدت تصيح .. ومن ردودها فهمت انه يهديها .. فجأه قالت :لا بنتي ما تروح لدكتور نفسي بنتي مو مجنونه ..
انا انصدمت .. معقوووله بابا يبي يوديني دكتور نفسي ؟؟ يبي يتركني بمستشفى المجانين .. ؟؟ انا مو مجنونه انا بس احلم .. بس احلم يا ناس يعني مو ذنبي اني احلم
رميت الكاس عالارض وركضت لغرفة خلود الفاضيه وانا ابكي .. قفلت الباب وراي ورحت انسدحت على سريرها وانا اشاهق من الصيح .. كنت عارفه انهم ما يبوني .. كنت عارفه انهم ما يبوني لاني مو بنتهم .. انا طول عمري بفضل يتيمه لو وش سويت ..
ما قدرت استحمل فكرة اني عاله على احد .. استرجعت ايام طفولتي وايام ما كانت جدتي تعلمني
كانت دايم تقول لي الايتام مساكين لازم نعطيهم فلوس في العيد ولازم نحبهم ونربيهم .. كنت اتذكر حديث الرسول : انا وكافل اليتيم كهاتين .. وحط اصابعه مع بعض
يعني هم سوو كذا عشان يدخلون الجنه وعشان يجيهم اجر مو لانهم يحبوني .. ولا لو انهم يبون طفله كان سوو المستحيل عشان ماما تحمل .. بس خلاص ما قدرت استحمل اكثر
وجلست ابكي وابكي وقلبي يعتصر الم كبييير مره .. وماما وليلى والهنوف يضربون الباب وانا ازداد بكي ..
تآأبع ارجو عدم الرد

لبارت الرابع ..
وجلست ابكي وابكي وقلبي يعتصر الم كبييير مره .. وماما وليلى والهنوف يضربون الباب وانا ازداد بكي ..
ما حسيت بنفسي الا وانا نايمه وسط دموعي .. ما مرت الا ساعه بعدها بدت اشعة الشمس الذهبيه تسلل بشويش للغرفه ..
كنت شبه منسدحه عالسرير .. كنت جالسه بس راسي عالوساده ورجولي على الارض .. بدت عصافير حديقتنا تغرد مثل كل صبااح .. مره مره مره احب اسمعهم .. يحسسوني بالامان .. اول ما سمعت اصواتهم ابتسمت وانا احرك عيوني بشويش .. وش صار امس ؟ وليه انا بغرفة خلود ؟؟ ايه تذكرت .. امس اكتشفت انهم ما يبوني ... يارب احفظني واسترني ولا تحوجني لحد يا رب .. طيب انا الحين وش اسوي بعمري؟ مو اول مره يجيني هالاحساس المزعج .. تعوذت من ابليس وقمت اطلع من الغرفه
عندي مجموعة بنات لازم اجلس معهم .. عيب علي اسفههم .. بس الحين الساعه ست يعني محد قام .. دخلت غرفتي وبعدها لحمامي الوردي .. وناظرت نفسي بالمرايه .. معقووله كل هذا صياح امس .. عيوني مفقعه .. توضيت وصليت الفجر ورحت المطبخ اخذ لي ثلجه ومنديل ثقيل عشان عيوني .. مابيها تصير كذا قدام خلق الله ..
دخلت خلود المطبخ .. التفت وانا مبتسمه :جيتي بدري اليوم ؟
خلود ابتسمت لي : انا هنا من الساعه خمس .. امك دقت علي ..
نزلت راسي بحزن .. يعني لهادرجه مهتمه .. كل هذا مو خوفن علي كل هذا بس عشان اجرها يصير كامل .. يا حليلها ماما .. يارب ارحمها واغفر لها مره حبوبه هالانسانه وتدور رضاك .. تركت خلود بالمطبخ حيرانه شوي ورحت بدلت ملابسي .. حطيت كحل وقلوس وبلشر على خفيف .. طبعا لبست بيجامه لان الحفله حفلة نوم وابي اي بنت تقوم تلقاني مثلها خخخ
ثواني بعدها جتني ماما .. تبادلنا النظرات من غير كلام .. بس انا سهلت الموقف وابتسمت .. راحت بسرعه حظنتني .. جلسنا دقايق حسيت فيها تبكي بهدوء بس انا حافظت على ابتسامتي لما النهايه .. طالعتني بهدوء وقالت ... سمعتيني امس صح ؟
هزيت راسي بنعم وانا في قمة الهدوء .. خلاص الله يحللهم ويعافيهم انهم استحملوني سبع سنين .. الله يعيني يبيلي انتظر كم سنه لين يجي واحد يخطبني واوافق ويفتكون مني .. طبعا ماما كانت تتكلم بسرعه وانا مو فاهمه ولا حرف.. دايم اذا ارتبكت تصير كذا .. الله يصلحها
مسكتها مع كتوفها وانا مبتسمه .. قلت لها وانا اخذ نفس : ماما خلاص .. بروح اقوم صديقاتي ..
بسرعه رحت عنها وتركتها .. مدري وش ردة فعلها .. مو مهم انا الحين ابي انسى الي صار امس .. كان ودي اقوم البنات .. فكرت كيف .. بس تونا الساعه ست وربع وهم ما نامو الا الساعه ثنتين ونص .. يلا معليييش بروح اقول لماما تخلي الفطور يجهز واصحيهم ..
دخلت مكتب بابا .. واخذت الطيران حقته هههه .. كان يخليها لجمعات اصحابه يومه شباب من زمان بس الحين حطها عنده لمجرد الذكرى .. كنت عارفه انه بيذبحني لو عرف اني محركتها من مكانها لا ومستعملتها بعد بس يلا .. فلييييييييها
دخلت الغرفه وتذكرت طقوس عبدالله اذا جا يصحي اخوياه كيف يسوي .. يقول انه يفتح اللبمات .. فتحتهم .. يطفي المكيف .. طفيته .. يفتح الشبابيك .. فتحتهم .. كل هاذي عاديه بس افلل شي اخر جزء من هذا كله .. الطبووول .. ناديت خلود معي جت وهي تضحك على هبالي ..
واحد اثنين ثلاثه طع طع طع طع طعطعطعطع طع طع طع طع طعطعطع ..
بعضهم فزو من مراقدهم وبعضهم غطو اذانيهم وبعضهم بدى يسبني ههه والبعض الاخير ما حس بشي .. الله يخلف على هيك بنات والله .. المهم شلتهم من مراقدهم شيل وحده تتأفف ووحده شاقه الوجهه بإبتسامه والثانيه مكشره ومالها خلق شي .. طرت على كامرتي وصورتهم وحده وحده .. اشكاااااالهم روعه .. بعد الفطور والحاجات هاذي راحو كلهم .. على حدود الساعه عشر .. ما كان ودي انهم يروحون .. الحين بطفش مالي الا عبدالله .. قمت وارسلت له رساله .. فكرت كثير وش اكتب له .. حاسه اني صايره اتلزق فيه هاليومين .. وبعد خير يحصل له .. مو هو يحبني ؟؟ باااين عليه حتى لو انكر .. ليش ما اسأله ... ؟؟ حسيت في البدايه انو قرار بايخ
بس بعدين تحمست .. ارسلت له رساله بسرعه .. بس مرت نص ساعه ما جا .. ولا رد ولا اتصل .. احنا في حاره وحده ليش بيتأخر يعني .. ؟
شكله طنش ولا الجوال بعيد عنه .. خلاص بكيفه .. وش بسوي الحين .. جلست ادور بغرفتي وانا طفشاااانه مره مره .. افف مافي ولا شي اسويه .. المشكله اليوم الخمييييييس .. اااه يا يوم الخميس .. كنت احلا يوم عندي بالدنيا .. قبل سبع سنين طبعا .. كان هذا هو اليوم الي اروح فيه لعند جيراننا اناظر التلفزيون .. اناظر سبيستون .. كانت هالقناة شي غريب جدن بالنسبه لي ؟؟ كانت احلا من كل شي بالنسبه لي .. كان التلفزيون فيما مضى جزء كبير من حياتي انتظر يوم الخميس بفارغ الصبر بس عشان اناظر المحقق كونان وريمي ..
ريمي .. كانت مثلي .. عشان كذا كنت دايم احب اناظرها واغني اغنيتها . فجأه لقيت نفسي جالسه اغنيها وانا على السرير ..
انتي الامان .. انتي الحنان .. من تحت قدميك لنا الجنان .. عندما تضحكين .. تضحك الحياة تزهر الامال في طريقنا ..
نحس بالامان ... ضحكت على نفسي .. حلوه نحس بالامان .. ولا مره حسيت به .. ولا مره ولا مره ..
يمكن لان ما عندي ام .؟ لا مو يمكن اكيد .. ما احس بالامان الا مع عبدالله .. بس الي يقهرني انه يحسب ان علاقتنا مفروض تكون اكثر من صداقه ..
حرام عليه طيب ؟؟ يبيني احبه .. انا مو مستعده اني احب انا قفلت قلبي من سبع سنين .. اخر شخص دخله كانو ماما وبابا سعاد وخالد بس .. وحتى هم كانو على الزوايا البعيده ... ماكانو بالنص .. اما النص سكنوه ناس غالين .. تذكرت بسرعه .. على طاري هالناس الغالين .. ما دامني طفشانه وش بيضرني لو جربت واتصلت عليهم .. ما راح اخسرر شي ..
دقيت الرقم .. حفظته اصلا .. طوط .. طوط .. ما كنت اسمع صوت الرنات .. كان صوت دقات قلبي اعلى .. مدري ليش خايفه .. لو ردت علي العنود ....... ولا حمد .. ولا اي احد .. يا ربي .. غمضت عيوني .. مره مره خايفه ومره مرتبكه .. متحمسه .. فجأه سكت صوت الرنات حسيت قلبي خلاص راح يوقف .. اشتتتتتتتتتتتتتتقت لهم موت .. كانو هم اشبه بعايلتي صحيح معاملتهم مو احلى شي بس ولو .. انا خلاص حسيت نفسي انقطع وصدري ضااق فيني مره وقلبي يدق بسرعه مدري ليش خايفه .. رد علي صوت طفولي مراهقي شوي
الولد :الوو ..
اخذت نفس وقلت بخوف :السلام عليكم
الولد:وعليكم السلام ..
بلعت ريقي وقلت :هذا بيت العنود
تووني بكمل كلامي الا قاطعني الولد
الولد:العنود نايمه دقي بعدين ..
انا انصددددددددددددمت ..يا ربي يعني هم لين الحين موجودين .. قال لي العنود نايمه يعني هم .. مره تلحوس مخي وما عرفت اجمع ..
قلت له بحماس:طيب .. وشو يعني انتو لحد الان فيه ؟؟ من انت حمد ولا عبدالله ... ووو امكم وشلونها .. وعمي كيفه مره اشتقت له .. طيب من سكن جنبكم .. ووو انت اي وااااحد ؟
الولد انصدم .. حسيته سكت فجأه ثمن قال:انا لا عبدالله ولا حمد .. يعني صوتي رجال يعني هذولا ثيران .. وبعدين وش كل هالاسئله من انتي
سمعت صوت من وراه يقول:ثور انت .. جب جب من الي يكلم
وقف قلبي خلاااص مره خايفه .. منهو هذا ومين الي تكلم وراه .. خلاص انلحست ..
فجأه الصوت صار اقرب:الوو .. السلام عليكم
انا بلعت ريقي من جديد :... وعليكم السلام .. من معي ؟
قال بسرعه :حمد من معي ؟؟
ابتسمت وانا اتنفس بسرعه .. مو مصدقه اببببببببدن .. حطيت الجوال جمبي وانا مبتسمه .. هذا هو حمد .. يااا الله هذا صوته .. على صوته اكيد شكله بيصير حلوو .. امممم طيب بيطلع مثل ما انا توقعت ولد ناس وكذا .. ومنهو هذا الولد الي رد علي .. لا يكون جاهم اخو صغير ..
كنت اقدر اسمع صوت حمد وهو ينادي من التلفون .. لكن اكتفيت بالابتسامه من غير ما اتحرك .. مدري وش صار لي هاللحظه فرحه كبيره .. اول مره من زمن طويل احس بإحساس زي كذا .. اهلي .. معقوله لقيت اهلي .. اوكي ماهم اهلي ولا اتوقع يذكروني بس المهم اني اعتبرهم اهلي واذكرهم .. فجأه سكت صوت حمد .. التفت للجوال بحزن شويه لكن فيني امل .. داخلي نبتت زهرة امل صغيره .. من سكن بيتنا الي جنب بيتهم الحين ؟؟ اكيد احد يقرب لي .. وهم .. جيراننا وش صار حالهم الله .. ياللله ماااااني قادره استوعب الي صار .. مسكت الجوال وطفيته ونزلت وانا مره فرحانه فجأه وانا على الدرج دخل عبدالله
عبدالله:انتي ارسلتي لي مسج .. اتصلت عليك بس كان مشغوول ..
سفهته وطرت عليه وحظنته وكأني مو حاسه بأي شي .. فرحانه لكن ببرود غير طبيعي .. حظنته بقوه وعلى وجهي انرسمت ابتسامة امل .. حلقى اهلي يعني ؟؟ ياااربي ماني قادره استووعب ..
ماكنت لحظتها افكر بردة فعل عبدالله لاني حظنته .. بس ما حسيت بيديه تحظنني .. اكيد ما رفع يديه .. اكيد منصدم .. ما كان اكبر همي اهم شي اني فرحانه يا ناس .. والي قاهرني اني مدري ليش ما جلست اصرخ وانطط وامشي وابوس كل شي زي ما كنت اسوي زمان لما افرح .. سمعت صوت .. ماما كانت تتنحنح من ورانا .. بعدت عن عبدالله وانا ابتسامتي من الاذن للاذن .. ناظرت وجه عبدالله كانت عليه علامة استفهام كبيره .. كان ينقل عيونه بيني وبين ماما الي كانت وراي .. كنت حاسه فيها على الاقل ..
كان يناظر بإندهاش كانو مو مصدق اني حظنته .. التفت لماما ناظرت وجهها زين .. كان الشرار يتاطير من عيونها .. عبدلله كانت امه اخت ماما وابوه اخو بابا .. يعني ماما تفتش عنه بس ولا مره رضت اني اجلس معه من غير ما اتغطى .. الحين انا زدت الطين بله ..
لكني ما اهتميت .. رحت لها وحظنتها بهدوء وبفرح .. يمكن هدت هالحركه الوضع شوي لكن ماما لحد الان معصبه .. واذا صار .. خلاص يا ناس انا فرحانه افهمو ما عاد فيه شي يهمني ..
ناظرتني ماما وبعدين قالت من بين اسنانها وهي تحاول صوتها يكون قصير عشان ما يسمعها عبدالله
ماما:شجن وش كنتي تسوين ؟...
اخذت نفس وقلت بفرح .. ماكنت مهتمممه ابببببدن بكلامها .. قلت بحماس:ماما كلمت جيراننا
ارتسمت على وجهها علامة استفهااام وقالت:واذا كلمتيهم .. ؟
قلت بسرعه:لا لا لا مو جيراننا .. جيراني انا لحالي .. جيراني انا وجدتي ..
فجاه ماما تغير وجهها وقام يعطي الوان .. مدري ليش فجأه بدت تصرخ :شلووون كلمتيهم ومتى ووش الي ذكرك فيهم .. من وين جبتي رقمهم اصلا .. ؟؟؟
كانت مره مره معصبه ووجهها احمر واول مره تصرخ علي بهالطريقه .. اصلا هي ليش جالسه تقول هالكلام .. ليش تضايقت؟؟
من الصدمه بدت دموعي تتجمع .. من الخوف بدى قلبي يرجف .. اوووووول مره تعصب كذا والله ما قد شفتها كذا وش صار لها ..
قلت بخوف:رقمهم ... في .. رقمهم في الدفتر الصغير حقي ..
ماما قالت وبغضب اكبر خلاني ارجع خطوتين على ورا:وانا مو قلت لك ارمي الدفتر التبن هذا ومن متى قايله لك .. قايلة لك من ستتتتتتتتتت سنين ارميه .. ليش ما رميتيه ..
انا خلاص وصلت معي .. بديت اصيح ركضت لغرفتي فوق وجلست على سريري وانا ابكي والف سؤال وسؤال ينطرح في بالي
اولهم .. ليش صرخت علي بهالطريقه .. انا مره اخاف من الصرااااخ مره اخاف منه .. عمري ما قد شفت شكلها كذا معصبه .. مدري وش صار لها فجأه .. ليييش ؟؟؟
فجأه انضرب الباب ما رديت .. دخل الي ضرب الباب وجا وجلس جنبي .. مدري مين .. كنت شبه منسدحه وانا ابكي
بدت افكاري تتحول لـ .. ليش ما تبيني اكلمهم وليش عصبت يوم قلت لها الدفتر الصغير ؟؟
جلست اتذكر .. تقول ست سنين .. متى يعني متى ؟؟ ذيييييييييك اليوم .. كننا جالسين نبي نغير ستايل الغرفه وماما تبي ترمي الاشياء الي مالها داعي لان غرفتي كانت زحمه .. وو .. ويوم شافته تضايقت وقالت لي ارميه بغيت اصيح عند رجولها واقنعها اني ما ارمي حاجاتي الي من القريه بس هي ما رضت .. كنت اقولها مستحيل ارميهم هذولا هدايا من العنود .. لو شفتها بعدين وسألتني وين الهدايا الي اعطيتك اياها وش اقول لها .. اتذكر ان ماما قالت لي انتي اصلا ما راح تشوفينها .. مدري ليش قالت كذا ..
جمعت الاغراض بصندوق وحطيتها بآآخر الدولاب وتوني القاهم واتذكرهم .. يعني باقي اشايء بالصندوق .. بس .. حراااااام عليها
رجعت ابكي حسيت بيد تمسح على راسي .. رفعت راسي بقهر وغضب وانا ابكي:بعدي عني روحي عني مابيك مابيك خلاص
ناظرني عبدالله بتعجب .. اجل هذا عبدالله .. اكثر انسان محتاجته بهاللحظه .. رجعت ابكي وحطيت راسي على رجله سكت وما قال شي .. بس جلس يناظرني .. دخلت ماما عبدالله بسرعه وقف وانا رفعت راسي اناظرها .. انتظر وش تبي تسوي بعد ..
قالت على طول .. بملامح عجزت احللها:عبدالله اطلع
طلع من غير ما يعقب او يقول شي .. سكر الباب وراه .. مدت يدها وقالت:عطيني الدفتر وعطيني جوالك ..
مسحت دموعي .. كنت توني بعترض على اخذتها للجوال بس .. خلها تاخذه هي شرته من حلالها .. فضلت اني ما اسألها عن شي .. خلاص هي بكيفها الهل يحللها مو لازم اعرف هي ليش عصبت ولا ليش صرخت علي .. مو لازم اخرب عليها الاجر ..
قمت وعطيتها الجوال .. كنت ملاحظه عليها انها مستغربه اني ما اعترضت لكن ما قالت شي
كنت منننننننننقققققققره مره كل هذا تسويه فيني وانا ما قلت شي وما سويت شي ... ليش طيب ابي سبب مو لاقيه ..
قالت بلهجه صارمه:مافيه طلعه الا من البيت للمدرسه ومن المدرسه للبييت ناقصك ملابسك اجيب لك كتلوجات محلات الملابس محلات الاكسسوارات محلات الجزم ابجيب لك الي تبين بس طلعه مافيه مفهوم ..
سكتت .. ليش طيب ليش .. طاحت دموعي بس حاولت احبسها كنت احس انها انسانه شريره .. مافي مبرر لحركاتها .. بس اكثر شي اهمني بموضوعها هذا لمتى بتحبسني يعني؟؟ انا عارفه انو الاعتراض ماله داعي .. قلت لها ... كم ؟
قالت وهي تطلع : لين ما ربي يستر عليك ..
رجعت اصيح .. وقلت بصوووت مره باااكي:زين ليش انا وش سويت الحين ؟؟ قولي لي وش سويت الله يخليك ..
لاحظت نظرات الشفقه بعيونها .. طلعت اول ما بدت تطيح دموعها وهي تقول:سامحيني غصبن عني يا بنتي ..
اصلا عمري ما كنت بنتها كذااااااااااابه .. كذاابه .. اكرههها واكره كل شي .. وش سويت بس ابي اعرف وش سويت ..
تطبق قانون حظر التجول .. كنت ما اكلم ماما ابدن .. ودايم اروح لبابا اسأله واترجاه وشوي ابوس رجله يقول لي ليش تركههم لكن مو راضي يقول .. دايم يصرفني .. كنت كل يوم ابكي وجلس بره بالحديقه من اول ما ارجع من المدرسه لحد الليل وما ارضى ااكل معهم .. ااه يا ذا الحديقه كل ما يضيق صدري اسنتر فيها ... جا احد فجأه وجلس جنبي .. هذا عبيد .. ابتسمت بسرعه ومن قلب بعد ... حتى صديقاتي ما اشوفهم الا بالمدرسه .. كنت اطفش لحد كبير مره مره .. بس اسكت .. مصيرهم بيقولون لي او انا راح اعرف .. والي مخليني ساكته انهم متفضلين علي بخيرهم .. الله يجزاهم خير بعد ..
عبدالله:هلا يا الدوبه
على طول انسدحت على رجله:عبييييييييد ..
عبدالله وهو يمسح على راسي:عيونه ..
بديت ابكي بشويش:لمتى بفضل كذا؟؟ قلي انا وش سويت .. ؟
عبدالله يتنهد:والله علمي علمك كل شي صار قدامك صار قدامي انا بعد ..
جلست اكمل بكي بهدوء ... مرت السنين .. وسنين وسنين ماهي طويله مدتها بقد ما الطفش والهم الي فيها طويل
سنتين .. ما اطلع من البيت الا بالموت ..سنتين يا ناس كنت ابكي عند رجل ماما عشان ترجع لي الجوال .. او عشان تتركني اطلع .. او عشااان اكثر طلب اتمناه .. ليش ما تبيني اكلمهم .. في هالسنتين تغيرت مره .. تعلقت بعبدالله مره .. وهم نسيتهم حسيتهم مثل امالي وامنياتي وانا صغيره ببيتنا الطين وغرفتي البارده وصوت جدتي تقرا قران وانا احلم اعيش بقصر وردي واصير مثل ساندريلا ..
عشت هالسنتين مدري كيف .. تصير تحولات غريبه .. على قد ما كنت فرحانه طول السبع سنين على قد ما كنت حزينه طول سنتين كانت بأيامها ومحتواها اطول من عشر سنين . .معقووله يا ناس سنتين محبوسه كني دجاجه ما اطلع الا للمناسبات المهمه محرومه من الجوال والتلفون الثابت الا لمن الناس تدق علي ؟؟ كانت كل وسائل الترفيه موجوده عندي طول هالسنتين الا وسائل الاتصال بالناس ..
لهادرجه ما تبيني اكلمهم .. زين ليش خلاص مستعده اتخلى عن نقطة الامل الي طلعت لي في حياتي اني اقدر عن طريق العنود واخوانها اوصل لشخص من اهلي .. مستعده اطقع نبتة الامل هاذي الي نبتت بقلبي عادي والله بس ابي اعرف ليش كذا هذا
حاولت كثير وصدقوني يمكن بارت واحد ما يكفي اصف فيه مجهوداتي بس اختصرت هالستنين .. لأهم حدث صار فيها
بمثل ذاك اليوم الي كنت ابكي فيه على رجل عبدالله بحديقتنا كنت الحين بنفس حالتي .. بس كنت اكبر بسنتين ..
قلت بحزن وانا على رجله وانا امسح دمعتي:ليش بيغطوني عنك ؟؟
عبدالله يرفع راسي:كبرنا خلاص يا بنت .. عيب هههههه
ناظرته : بدري .. تو الناس يوم صرت ثور وانا بقره قالو بيغطوني عنك ..
حظنته بقوه وانا اقول:مستحيل اتخيل ان هذا اخر يوم بكون قريبه لمك .. عبيد ما اقدر اتركك ..
حط يده على ظهري بهدوء .. مدري هو مبسوط ولا زعلان ولا كيف وضعه .. بالنسبه لي انا مو مستعده افقد اعز اصحابي .. كنت اعتبره مجرد صديق لا يروح فكركم بعيد .. بس هنا عاداتنا وتقالدينا ما ترضى لنا نسوي كذا .. انا يمكن تعديتها شوي .. هذا الانسان كل شي بالنسبه لي مره مره بـ .. بـ .. حتى مو لاقيه التعبير المناسب بحالتي لو خلوني اتغطى عنه .. حرام عليهم خلاص ما دامنا كبرنا انا 18 وهو 20 سنننننه .. كبببببببببببببير مره بالنسبه لانو افتش له بس خلاص ما دام انها خاربه خاربه وهو حافظني وعارفني حبكت الحين الا يغطوني عنه .. ؟
يوم عن يوم بديت اكره ماما على قد ما كنت اعشقها .. الله يسامحها بس الله يسامحها ..
وقف عبدالله ووقفت معه
عبدالله:يا مصلك يا شجن انتي ودموعك ذي الي مالها داعي .. هههههههه والله عادي مافيه فرق
انا:لا فيه فرق ما راح اقدر اقعد معك زي اول واسولف معك واشكي لك .. عبدالله انت تعرف حالتي كيف صايره لا اروح ولا اجي ولا اشوف احد ولا اكلم احد حتى صديقاتي علاقتي بهم صارت بايخه .. عبدالله والله حرام عليهم ..
سكتت عبدالله وما عقب باين عليه ما وده بس هذا قرار بابا .. كان من زمان يبي يغطيني بس يوم ماما وقفت معه .. خلاص لازم ..
عبدالله:يلا شجونه .. بي باي ..
انا:يعني اخر مره تشوفني بدون حجاب يا الدوب ..
عبدالله يمسح دمعتي ... مره ارتاح لما يسوي كذا:ايه .. لا تكبرين السالفه
انا بحماس:طيب بسألك سؤال في خاطري ..
عبدالله ابتسم:يلا ..
انا: انت تحبني صح ؟؟
تغير لون وجهه وارتبك مره .. يمكن من سؤالي حس اني ابادله نفس المشاعر لكن لا .. انا ما انتظرته عشان يجاوب او عشان يفهمني غلط على طول قلت له ..... عبدالله ترانا مجرد اصدقاء اوكي ..
ناظرني بإبتسامه .. كانه ارتاح شوي .. :اوكي ..
حظنته بسرعه وعطيتهه بوسه ورحت عنه .. الله من زماااااااااااااان ما قد عطيته بوسه .. صراحه مدري وش ردة فعله الحين بس انا ..
اكيد رحت ابكي على سريري .. كل شي بيحرموني منه .. ما دام خلاص مافيه عبدالله انا لازم اعرف لييييييييييييش ما يبوني اشوف العنود او اكلمها ..
نمت وانا ابكي .. نمت وانا احس اني نكره في هالعالم .. نمت وانا احس ان مافيه احد بهالدنيا انا مهمه بالنسبه له .. قهر ان الواحد يحس بهالاحساس .. قهر ..
وليه ماما مسوية كل هالزحمه .. ؟
نمت وانا ابكي .. نمت وانا احس اني نكره في هالعالم .. نمت وانا احس ان مافيه احد بهالدنيا انا مهمه بالنسبه له .. قهر ان الواحد يحس بهالاحساس .. قهر ..

نمت ويا ليتني ما نمت .. الكوابيس صار لها فتره تلاحقني كثيييير .. خصوصا هالاسبوع .. كنت افكر كثير بجدتي وبقريتنا وبحمد والعنود واسباب تصرفات ماما المجهوله .. حلمت اني كنت موجوده .. هناك ببيتنا .. حلمت اني كنت منسدحه على يد جدتي .. هالمره ما كان معي كورن فلكس وكنت صغيره .. حلمت اني بعمري هذا منسدحه بجنبها .. كنت اناظر السقف وانا مبتسمه .. والتفت على جدتي .. نفس الصوره الي انطبعت بعيني ذاك اليوم .. كانت جدتي تناظر فوق وفاتحه عيونها وشعرها منثور عالارض والدم حول راسها .. كل ما اتذكر هالموقف خلاص ما اتذكر وش يصير بعده .. كل اللي حسيت به بعد هالكابوس الفضيع .. صوت ماما تذكر الله وتمسح على جبيني الي كان كله عرق .. مدت لي المويه:سم الله عليك يا بنتي ما تشوفين شر سم الله .. سمي بالله وتعوذي من ابليس . كنت لحظتها فاهيه ولا ادري وش صار .. كنت مثل كل مره يجيني هالكابوس .. اعرق مره ويصير سريري كله مويه .. وكل مره اصحى القى ماما جنبي تبكي من الخوف وبابا واقف عند باب الغرفه يطالعني بملامح غريبه عجزت من تسع سنين اني اعرف ملامحه هذي وش تعني .. تقول ماما انها جت يوم سمعتني اصرخ .. كنت اصرخ ؟؟ اخذت المويه من يد ماما وشربتها .. كنت خايفه شوي بس مابي اخوف مااما معي
قلت لها بهدوء :ماما خلاص روحي نامي ما صار شي ..
لكن ماما ما رضت تقول تبي تجلس معي افففف وليش تجلس معي .. ماني بزره .. تأففت وغطيت نفسي ولفيت وجهي عالجهه الثانيه حسيت فيها قامت وجلست بالكرسي الي عند التسريحه .. اول ما بابا راح وعم السكون بديت استرجع احداث الكابوس ..
مره كنت خايفه ابي افكر بشي ثاني مو عارفه .. جلست ابكي وابكي من غير ما ماما تحس فيني .. لحد ما اعلنت الشمس عن الشروق وبدت العصافير كالعاده تغرد وتصحيني من نومي مبتسمه .. لكن هالمره لا .. كانت ماما تهزني بشويش
شجن .. شجن قومي يا ماما تأخرتي على صلاة الفجر ..
تنهدت وقمت اصلي وبعد الصلاة نزلت للحديقه اغير جو .. تصير مره روعه في الساعات الاولى من الصباح .. رفعت بنطلون البيجامه وجلست على حواف المسبح العب برجولي بالمويه وافكر .. هل انا بزر عشان يعاملوني كذا ؟؟ ابي اعرف وش سر كل هالاشياء وليش ماما تكرههم او ما تبيني اكلمهم اصلا ليش حارمتني من كل شي .. تخاف اني اتصل فيهم بطريقه ثانيه يعني ..؟
طلعت ام سلطان .. العجوز .. شغالتي الجديده عقب خلود .. الله يذكرها بالخير .. انخطبت وتزوجت وضفت نفسها وعيالها .. لو جوالي معي او التلفون قدامي عشان اقدر ادق كان كلمتها .. اففف مو معقوووله لهدرجه طفش .. قمت بسرعه ودخلت البيت برجولي الرطبه وانا اركض لفوووق .. اخذت الاب توب ونزلت من جديد وجلست بالكراسي قدام المسبح وبالحديقه .. اروع قعده .. بس الحين الساعه ست وربع يا رب يصير عبيد داخل عشان اخليه يجي .. لاااا نسيت .. صرت اتغطى منه .. افف اكره نظرة اهلي لهالموضوع ..
عفوا .. نظرتهم .. ما اقدر اسميمهم اهلي ..ما شغلت بالي كثير وفتحت المسن .. كالعاده طفش بلا حدود .. فتحت الشات ودخلت بأسم ولد .. خل استهبل شوي .. نكد هالبيت .. دخلت روم منطقة الـ ***** وبديت اسبهم واتريق عليهم شويه جتني ماما ..:وش مقومك ليه ما نمتي ..
انا كنت مندمجه بهالواش فما رديت عليها .. عادت علي سؤالها .. التفت من غير اهتمام:هاه .. ما جاني النوووم .. ماما بفضوول:طيب وش تسوين

تآأآبع ارجو عدم الرد

قلت بحماس:استهبل على خلق الله ..
ماما وهي رافعه حاجب:يعني هنا تكلمين الناس؟؟
احيانا احس ان ماما غبيه .. جاوبتها بنعم من غير نفس .. فجأه لقيتها تسكر الاب توب .. قلت بتعجب:وشو؟
ماما:عطيني الاب توب
جلست فتره اناظرها بحقد .. مو لهادرجه عاد كل شي له حدود .. على الاقل تقول ليش تبي تاخذه وتحرمني من تسليتي الوحيده في هالبيت .. قمت ورميته على الارض بقوه وانا معصبه والدموع متجمعه بعيوني .. ورحت دخلت بسرعه لغرفة ماما وبابا فتحت الباب بعنف وانا خلاص جالسه اصيح :باابا ..
رفع بابا غطا السرير عنه بروعه:وش صاير ..
رحت له وجثيت (يعني جلست بركبتي) عنده وانا ابكي:بابا قول لي انا وش سويت عشان تحرموني من كل شي اذا انتو بتعاملوني كذا كان ما اخذتوني من الاساس والله حرام عليكموحطيت راسي عالسرير وانا ابكي .. حسيت يده تمسح على راسي وهو يتنهد .. بعدين قال:وش خذت منك؟قلت وانا على نفس حالتي:الللاب توب ..
رفع راسي وطالعني بإبتسامه .. قام من السرير وقال:خليك هنا بجيبه لك .. وقفت وانا امسح دموعي ورحت وقفت عند الباب وانا اطالعه ينزل من الدرج .. ياحبي له دايم ياخذ حقي .. مع ان علاقتي فيه مش ولا بد .. بس ولو احبه واموت فيه ما يزعلني ابدن
بعد دقايق رقت ماما معصبه ومرت من جبني من غير ما تتكلم .. يمكن بابا هزأها .. ههههههههههههه هزأها مره وحده .. ابتسمت بنصر ورحت غرفتي .. اللاب توب مستحيل يرجع لان شكلو تكسر خلاااص .. اااه يا هالهم السبت الجاي اختبارات .. وبعدها الاجاازه .. بخلص الثنوي بهالسرعه .. الله يا الدنيا الايااام تمضي من غير ما احس .. كأني امس جالسه العب اول مره بحمامي بالرغوه والصابون والبس فستاني الوردي واناظر ساندريلا .. انسدحت على السرير بتنهيده وانا مبتسمه .. ايام الطفوله جدن جميله ..
حسافه خليتها تعدي علي كذا .. بس انا وش بإيدي اسويه عشان اسويه .. هذا حكم القدر ولازم ارضى .. كنت دايم اقتنع انو الي يصير لي الحين لان ربي يحبني .. ربي ما يبتلي شخص الا اذا حبه .. اوووف زمان عن ايام المراهقه والاستهبال .. مدري فجأه تغير موضوع تفكيري خخخ .. اااه الله يعيني .. مروو اسبوعين الاختبارات عالسريع عالسريع مثل البرق ..
صبااح يوم السبت الي بعد الاختبارات كنت قدام المرايه اتكحل واحط القلوووس عشان اروح استلم نتيجتي .. مره متحمسه هاذي نتيجة ثالث ثنوي .. اول مره احس بشعوور زي كذا .. اوو ماي قاد احس اني صرت كبيره .. مدري مو قادره استوعب اني بعد ثلاث شهور او اقل بصير في الجامعه .. واااو تجربه حلوه غريبه شويه بس بتضل حلوه ..نزلت من سيارة بابا هالمره اصر انه يوصلني المدرسه ويفرح معي بالنتيجه .. شفت وانا ادخل مهند .. اه يا ذا المهند مقلقني في حياتي .. من اول الترم الثاااني وهو يناظرني .. باب الثنوي بنات كان بجنب باب الثنوي اولاد فكانو اذا طلعو يمرون هناك .. كنت افرح .. واو فله ودجه وصياعه واستهبااال ..
طبعا اذا رقمني واحد ما اخذ الرقم والسبب بسيط وجدن واضح .. اكتفي بالايميلات بس .. الحين ما عندي لاب توب خخخخ .. لازم اشتري لي واحد بدال الي كسرته بعد ما يشوووف بابا النتيجه .. لاني طبيعي بجلس طووول الصيف احرس الرياض وخلق الله يسافرون ويروحون ويجون .. على الاقل الدمام ولا جده .. لا مافي .. قلدت صوت ماما وهي تقولها وانا اضحك .. اشرت لمهند يرووح لان بابا هنا ومابيه يشوووفني اكلمه او هو يكلمني والافضل بعد اني اصلا طفشت منه .. اوووف ترم كامل وانا معه .. العن ام الطفش .. صحيح على نياته بس ولو ما تعجبني الي شخصيته ضعيفه انا احب عزيز النفس الي ما يذلها ابد .. مثل نمر بن عدوان يا لبى قلبه .. ههههههه دخلت واخذت نتيجتي .. بغيت اركض بالشاااارع من الفرحه .. مو معقوووووله 95 فاصله 66 .. نتيجه ولا اروع صرااحه .. بالنسبه لي طبعا .. فرحت بابا .. وحتى ماما فرحت مع ان اخلاقها قاافله هاليومين .. وريتها النتيجه بفخر .. ابتسمت وربتت على كتفي وراحت .. مره تضايقت كنت ابي مدح او اي شي .. مو هذا الي استحقه .. بعد ما كدرت ماما خاطري انسدت نفسي عن الغدا فرحت غرفتي .. جلست اناظر درجاااتي .. يا رب وفقني هذاني بأول الطريق ارسم خط لحياتي .. هاليومين اهوجس كثير في موضوع الزواااج مدري ليه .. هل لاني ابي اهلي يفتكون من حملي ولا ايش؟؟ ادور عن الحنان مثلا؟؟ ههههه احيانا اضحك على نفسي .. حنان مين والناس نايمين .. اصلا اسم حنان صار قديم ومحد صار يسمي بناته ... حنان ..
وكذا ولا كذا انا وش يضمني اساسا ان الي بتزوجه حنون .. اوووف مشالله علي قمت اخطط لبعيد .. الي بتزوجه .. حركااات متى صار الزواج اخر همي .. هههههههه الله يجيب الي فيه الخير .. الله يجيب الي فيه الخير .. كنت انسانه من غير طموح بهالحيااة .. مافيه شي افكر فيه في حياتي من كثر الطفش الي انا عايشته .. احس ان مخي فاااضي ومافيه اي شي عشان كذا اعيد الذكريات واجلس انبش بأشيااء قديمه .. طيب ليش ما افكر في المستقبل ؟ ليش لا .. وش مستقبله طيب الي الحين قدامي؟؟ اووف مستقبل كبير لا ومحتااااااج تفكير كثير .. الجامعه .. مفرووض من الحين اقدم اوراااقي وابدى احدد طموحي مو اووقف كذا .. لازم اشاور ماما وبابا .. قمت من سريري متحمسسه موووووت ... تجربه جديده وشي جديد .. ودي ادخل طب اسنان او صيدله عشان اصير بجامعه مختلطه .. هع هع تفكيري سعودي من جد .. هههه رحت لغرفتهم وتوني بضرب الباب .. بس استوقفتني كلمه ..
: ولو يا خالد لو اني مو ملزومه اخاف عليها هالقد بس شجون بنت اختي وانا اولى من الغريب وكفايه ان ما عندي عيال تبي تحرمني من سعادتي بتربيتها انا ما صدقت على الله جدتها ماتت عشان تجي معي ..
كان صوت ماما وهي تبكي وتصرخ .. انا ما استوعبت شي .. اصلا ما قدرت اركز عالكلام بعد ما سمعت ( بنت اختي ) وش السالفه ؟؟ ووش صاير ؟؟ يقصدوني ولا يقصدون شجون ثانيه؟
بدى قلبي يرجف من الخوف .. سمعت بعدها صوت بابا يهديها .. : يا سعاد ولو مو تروحين تحكرين البنت بهالطريقه ما يجوز هذي يتيمه .. تدرين ان ام منصور هي تاسع وحده ترفضينها وولدها ما يعيبه شي .. تسعه يا سعااااد تسعه جو يبون البنت وانتي رفضتي من غير سبب مقنع .. والله مو حاله اتركي البنت تعيش حياتها حرام عليك انتي.. يا ربي وش جالس يصير الكلام كله عني .. انا متأكده .. دموعي تجمعت وانا واقفه تصنمت مكاني كان ودي اروح ارجع لغرفتي .. اقل شي اسكر اذني لكن ماني عارفه فيه شي موقفني .. كنت انتظر رد ماما ..
قالت بعد وقت طويل من البكي : خالد .. انا ما سويت هذا الا لمصلحتها ..
قال بابا بسرعه .. : مصلحتها ؟؟ وانتي وش دراك .. من اليوم وطالع مالك دخل فيها انا بحسبة ابوها ولا بتقولين انا غريب بعد .. خلي هالاجازه تعدي على خير الله يرحم والديك .. اسمعي .. انا والله تعباان وانتي عارفه زين ان المرض الي معي ماهو هين .. مو مفروووض انا اللي اوصيك على نفسي مفروووض انتي الي تبعديني عن ضيقة الخلق يا سعاااد .. الله يصلحك .. الله يصلحك
كان يقول الله يصلحك بصووت مخنووق .. وانا خلاص راسي انزحم بالاسئله الكثيره كل واحد يطرح الثاني كانت افكاري بحالة فوضى غير طبيعيه مدري وش استوعب مدري وش اخلي .. تخاف علي من وشو ؟؟ وكيف انا بنت اختها ؟؟ وبعدييييييييين وشو ما صدقت على الله جدتها ماتت ؟؟ ماما تعرف جدتي اصلا .. ما صدقت على الله ماتت ...!!!!!! عشان تاخذني ..؟؟!؟! ..
جلست بالمكان الي كنت واقفه فيه وتسندت على الجدار وانا ماسكه راااسي .. خلاص بصيح وش صاير ؟؟
سمعت بسرعه بابا يقول بهدوء:ترا حجزها تأكد .. مسكينه البنت لها اجازتين ما سافرت بره الرياض .. اتركيها تروح مع عيال عمها بريطانيا .. منها تغير جو ومنها اكمل بقية فترة علاجي بالمستشفى من غير ما تحس ..
قالت ماما بإعتراض: هذولي مو عيال عمها كم مره قلت لك .. وبعدين معهم عبدالله .. والبنت تمون عليه ومابيها تجلس معهقال بابا وهو يحاول يقنعها:سعاد لا تبينين للبنت ان الوضع مو طبيعي صحيح هي تدري انه مو ولد عمها بس عدته كذا خلاص .. وبعدين اخوي انا مكلمه من شهر والفيزه طلعت .. خلها تروح تغير جو وفكينها يا سعاد من هالسالفه .. البنت كبرت وانشالله بتتزوج قريب ..
بتزوج قريب ؟؟ فيزه وسفر لبريطانيا ؟؟ هييييييييه يا ناس اسكتووو شوي عقلي مو راضي يستوعب الكلام الي قبل عشان يستوعب الكلام الي الحين .. يا ليتني ما سمعت شي مو انلحس بهالطريقه انا لازم اعرف اجوبة كل هالاسئله لازم .. قررت اقووم وقفت لكن يوم ماما تكلمت تراجعت من جديد .... ماما:لا يكون بتوافق على ..قاطعها بابا:ايه ليه لا وش الي يمنع .. ؟؟ الولد وشجون محجوزين لبعض من زماااان وابو الولد يوم كلمني كان متعلق بشجون ويبي يلم الشمل من جديد .. خلاص يا سعاد اعتقد تسع سنين بعيد عن اهلها كافي .. ماما بغضب:سو الي تبي انا ما عاد يهمني .. اتعب واربي واسهر الليل عشانها وهذا جزاتي .. حسبي الله عليك وعليهم ..
انا خلاص بديت اصيح ؟؟ وش صاير ووش يتكلمون عنه يا ربي ؟؟ ركضت لغرفتي وانا منصدمه سكرت الباب وراي وانا حاااااااايره مره من الي سمعته ؟؟ بقيت بغرفتي طوول النهااار افكر .. مره ابكي مره ابتسم .. مدري ليش بس ابتسم فرحه بالي سمعته يمكن ..! وابكي صدمه ؟؟ انا تعقد تفكيري خلاص لازم اعرف وش مرض بابا هذا الي يحكي عنه ؟؟ وليش ماما تنتظر جدتي تموت ؟؟ وما تبي اي اتصال بيني وبين ابو حمد وعياله ..؟؟ والسؤال الاهم ... ليش قالت عني .. بنت اختها .. ؟؟؟!!
انا لازم احط حد لهامهزله الي عايشتها .. والله لو اني خرووف كان ما سووو فيني كذا .. لازم اعرف ما راح اسكت ..
نزلت لقيت ماما وبابا بالصاله الي فوق عند التلفزيون .. ماما كانت حاطه رجل على رجل وتهز رجلها بسرعه .. يووو اكيد معصبه .. وبابا حاط يده على خده وكل جسمه على يد الكنبه .. اكيد موو رايق بعد .. اووف وش هالحاله .. بس ما علي بسألهم لازم ..
جيت وجلست كنت خايفه من المقدمه الي بطرحها .. ؟ هل ابدى ابكي واقووولهم فهموني وش جالس يصير بحياتي ؟؟ ولا اقول تراني سمعتكم وعرفت كل شي ؟؟ عشان يعترفون يعني .. ااه يا ربي وش اسوي ..
قلت ببشاشه وانا ابي الطف الجو:مسااااااء الخيير ..
لكن السكوت كان سيد الموقف .. بابا تكلم بعد عشر دقايق يوم لاحظ .. قال من غير نفس: ..مساء النور
تنهدت بضجر .. ماهي حاله والله لازم واحد منهم على الاقل يسمعني .. يفهمني ويفهمني .. تنحنحت بشويش وقمت عدلت لبسي وجلست من جديد واخذت نفس .. قلت بصوت شبه مسموع:بابا ... ماما ..
رفعت ماما راسها ومن بعدها بابا الي التفت بسرعه .. ناظرتهم كويس .. طالعت بعيونهم وبعدها نزلت راسي ..
انا:ولا اقولك يا خالتي ؟؟
ماما بان عليها الارتباك لانها تكلمت بسرعه : من يومك صغيره تسميني ماما عاقت على الحين يا حبيبتي .. ؟وبعدها وجهت ماما نظراتها لبابا وعلى وجهها علامة استفهاام وخووف ونفس الحاله مع بابا ..
انا ابتسمت وطاحت من عيني دمعه .. ما كانت دمعه فرح ابدن .. كانت دمعة الم .. دمعة الم كبييير عشته بحياتي .. الياء ياء الملكيه صح .. يعني حياتي انا .. حياتي المجهووله بالنسبه لي .. قلت بعد ما تركت الحريه لهادمعه بالنزول .. على خدي .. وعلى رقبتي .. واستقرت اخيرن على شكل بقعه صغيره ببلوزتي .. قلت : لا يا خالتي .. مو لقب يدل على الاحترام ابدن .. هذا ما يعني انو ما فيه احترام .. لا اكيد فيه .. بس انا اقصد ان كلمة خالتي على لساني واجبه .. يا ..... ماما .. ما تسنت لي الفرصه ارفع راسي واشوووف وشهي ردة فعلهم .. ضليت منزله راسي خايفه من ردة الفعل هاذي كيف بتكون .. هل حبس اقسى من الان ام طق ام وشو ؟؟ اصلا انا وش سويت شي غلط .. راااسي بينفجر خلاص .. احس اني مظلومه من غير ظالم فيه شي مخليني حزينه مدري وشو فيه شي منكد علي .. حياااااتي المجهووله عني .. فضلت على حالي وما غيرت وضعي ..
قال بابا:براحتك يا نور عيني تبين تسمينها خالتي سميها .. الافضل ماما .. من وين جتك هالافكار .. بدري توك تبين تغيرين لقبها على لسانك .. كنت متأكده الا عارفه ان بابا وماما درو اني سمعت .. لكن .. شكلهم مو متأكدين و يبون ينهمون الموقف .. فسكتت ما عرفت كيف ارد او وش اقول .. اشرح له بعد اكثر واقووله اني سمعت كلش ؟؟ ..
لكن ما امداني افكر الا وتكلم:على فكره يا شجن بعد يومين طيارتك مع عيال عمك زياد بو عبدالله بيرحون بريطانيا وجنيف وانا حجزت لك معهم تغيرين جو .. يلا انقزي جهزي شنطتك انتي وام سلطانالله عليك يا بابا .. دايم تسوي شي او تقول شي يقلب السالفه مره وحده .. عارفه يا بابا عارفه انو بسافرى معهم عشان تصير عندك فرصه تدخل وتتعالج من المستشفى .. مهما كان المرض الي فييك اعفيني اني اسألك .. الافضل اني ابقى اتكلم مع نفسي واكتب هالكلام بهالسطور يقراها غيري .. مهما كان المرض .. الله يشفيك .. الله يشفيك من كل شر ويحفظك ويبقيك يا رب ..
قمت من غير ما اعقب بولا كلمه .. تركتهم بين الحيره والخوف .. خليتهم يذوقون طعم ذقته قبلهم بكم ساعه وهم مخفين عني احداث كثيره بحياتي .. مابي بابا يتضرر الحين انا مدري وش المرض الي معه .. لكن الافضل اني اسكت .. على الاقل لحد ما ارجع من اوروبا ويصير خير .. افففف بروح مع فاتن .. الله يعيني على هالرحله .. ويصبرني لحد ما ارجع والاقي اجوبه لكل الاسئله المتجمعه براسي .. يا رب صبرني ..

حاولت قد ما اقدر اني اتغاظى نظرات بابا وماما واتحاشى الجلوس معهم .. لاني لو جلست معهم بمووت من القهر ويمكن يصير لي شي لو شفتهم قدامي وما سألتهم واصريت على السؤال .. جا وقت السفر .. وصلني بابا للمطار نزلت لقيت عمي مع عياله هناك .. اول ما دخلت المطار ابتسمت .. اموووت بهالمطار وامووت بالدفتر الاخظر الي بيدي .. بالنسبه لي الجواز والمطار شي ثاني .. وسيله تخليني اتعرف على مجتمعات غير .. بنفس الوقت .. متنفس من الحجاب شوي
اكره الي يقول ( يعني الله هنا ومو هناك ) انا خايفه من ربي بس ابي اعيش حياتي توني صغيره اذا كبرت ما راح افتش .. السبب الي يخليني اتغطى بالسعوديه المجمتع ومعتقداته البايخه .. ما اشغلت بالي .. رحت لعمي وتحطمت حيل لمى شفت فاتن .. اكيد بتكون فيه .. افف منها .. لكم على طوول رجعت لي الابتسامه لمى شفت عبدالله .. فله اشتقت له موت واشتقت لسواليفه .. فله 9 ساعات بجلس معه بالطياره .. الا صدق هم تسع ؟؟ ما يهمممممممممني اهم شي اشتقت له مووت ..
اول ما شفته ابتسمت بقوه بادلني الابتسامه .. لكن دخلت فاتن بالجو كالعاده:اهلن شجون
اف يا مصلها .. حتى صوتها متقصده تبين فيه انها قالتها من طرف خشمها هي وخشمها الي كنه زحليقة نمل .. ماني راده عليها .. سويت عمري ما انتبهت وطبعا بدى وجهها يصير اصفر على احمر على اخظر من القهر .. حررره ..
ركبنا الطياره انا بدون نقاش مسكت يد عبدالله ورحت ادور على مكاني .. كنت بجنب الشباك فله .. بس المكان الي جنبي كان فيه حرمه .. التفت على عبدالله:يلا خلها تقوم
ناظرني:خير وش دخلني.. استحي
تأففت منه .. ينرفز هالانسان:انت طول عمرك تستحي مو شي جديد ..
مسكت يده هالمره بقوه وسحبته لعند الحرمه :السلام عليكم
كان شكلها على نياتها ولابسه عباية راس ومدري ايش .. ههههههه كل هذا وبتروح لندن ..
قالت:وعليكم السلام
انا قلت بكل ثقه : انا وزوجي بنسافر شهر العسل من هالطيار و ... ما حطونا بجنب بعض
طبعا انا ما التفت على عبدالله عشان اشوف ردة فعله .. ولا انا عارفه انه رااح وطي
قامت الحرمه بسرعه وانا ابتمست
قالت:مشالله مبروك .. خلاص انا بقوم بس هو وين كان جالس
التفت بسأله لقيت وجهه احمممممممر .. يا بعد عمري يستحي .. سألته :وين مكانك حبيبي ؟
بصراحه رحمته بعد هالكلمه .. هههههههههههههههههههه حسيت ان الفكره نحيسه بس عيب اقول للحرمه ابي ولد عمي يجلس جنبي خخ .. طبعا عبدالله قام يتءتء وهو يأشر لكرسي بجنب فاتن اخته .. الحرمه راحت وانا جلست وعلى طرف فمي ضحكه لو طلعت فجرت الطياره كلها ..
قال عبدالله:يا كلبه
انا خلاص انفجرررررررررررررت ضحك بطني تقطع وهو يناظر بقهر لكن بنفس الوقت مستحي وبنفس الوقت بعد كان مبتسم على شكلي الغريب .. لي زمان ما ضحكت بهالشكل .. الله يخليه لي ويخليني له ونبقا دايم اصحاب وحبايب يا رب ..
بعد الضحك والعتاب منه والحوسه هاذي مشت الطياره .. احذت نفس عميق .. بودع ارض السعوديه بعد شوي فله ..
فجأه سمعت صوت فاتن عندنا:عبوودي كح كح .. انت تعرف فيني ربو واخاف يجيني شي انا سألت الحرمه الي كرشتوها تقول ما تعرف تتصرف ..
ومسكت يده : انت اخوي تعال اجلس جنبي تعرف وش يصير لي بالطيارات ..
انا ناظرتها بقهر مره .. هي وكحة الدلع هاذي .. وجهت نظرات استفهام لعبدالله عشان اشوف وش رده ..
عبدالله:ااا .. اوكي جايك الحين انتي روحي اربطي الحزام
راحت ورمت علي نظره خلتني اموت من القهر :اوكي
اف غبيه اكرهها اكرهها مووت
ناظرت عبدالله وقلت بقهر واضح:الحين هي فيها ربو اصلا ؟
عبدالله:خفيف
انا:ولازم تقوم .. ياخي والله لي فتره ما قعدت معك
عبدالله كشر بوجهه:شجن اخاف تروح لابوي وتتدلع .. واصلا انا اخاف عليها بالطيارات يمكن يصير لها شي
تسندت على المرتبه بقوه:اوكي انقلع ..
قلتها بقهر واضح .. هو قام وراح لها وجت الحرمه ذيك من جديد .. كلمتني .. انا مدري وش قالت كنت في قمة القهر منها .. ومنه هو بعد ليش يسمع كلامها .. اف الله يلعنها يا ربي مو راضيه تخليني في حياتي الكلبه ذي
لفيت بوجهي وانا اناظر الطياره تبتعد شوي شوي عن الارض .. هالارض .. هالرمال الغاليه .. اول مره احس بقيمتها .. صحيح قبل دقايق كنت بتقطع من الفرح اني بطلع عنها واتنفس شوي .. بس ... هالمره بالذات حسيت اني اذا رجعت ما راح تكون زي قبل ..راح يتغير شي فيها .. هذانا الحين طرنا لفوووق وبدينا ندخل بوسط الغيوم .. ابتعدت عنها لكن قلبي تمسك بأخر حبة رمل لمستها عجلات الطياره .. شي فيني كان يقول لي .. لا تطلعين منها لانك راح ترجعين غير .. ااه يا قلبي قلباه مدري وش جالس يصيرلي .. ما اقول الا فديت ترابك يالسعوديه لو ايش ما اكرهك ..
السعوديه احيانا احس انها هي امي .. لاني اشكي لقمرها لا عجزت انام .. واشكي لبحرها وطيورها وسماها لا ضاقت فيني الوسيعه .. وعبدالله .. اقصد الملك عبدالله طبعا .. حسيت انه ابوي بشكل من الاشكال مدري كيف .. ومن جد هو ابوي .. يكفي بس اني اذا شفته بالتلفزيون الاحظ بعيونه نظرات ما الاحظها بعيون اي احد .. هالانسان يتهم فينا .. ويخاف علينا .. يسهر الليل لاجلنا وكل هذا مو عشانه يبي الاجر .. زي بعض الناس الي في بالي ..
مشينا ومشينا وكل مالها الرياض تبعد عننا لحد ما تلاشت خلاص وتعديناها .. انشالله ارجع لها بخير .. انشالله ارجع لها ويكون كل شي تمام ياااارب .. يا رب .. مدري وش هالاشيااء الي برااسي .. اعوذ بالله من ابليس ..
ما حسيت بعمري الا اني نمت .. اخر شي شفته وانا اغمض عيوني لون الغيم الابيض .. نفس اللون انطبع بحلمي .. احب عالم الاحلام احس ان روحي تاخذ راحتها وتطير لخيال واسع .. مثل مملكتي .. ترا لحد الان اتمنى اعيش بهالمملكه الطفوليه .. مافيها حزن ولا هم .. واهم شي .. فيها ماما وبابا ..
لكن حلمي هذا كان غير .. اللون الابيض بدى يتلاشى .. وظهر من وراه شخص .. شخص مبتسم .. ناداني بحنان عمري ما حسيته بصوت انسان من قبل .. قال .. شجووون .. حسيت بسعاده كبيره .. صحيح اكرهه اسمي هذا لكن .. هالمره فيه شي يميزه .. النبره .. نبره اول مره اسمعها .. قربت لهالشخص .. يا ترا من يكون .. كان بقمة الجمال والروعه .. ولابس ابيض في ابيض .. وكان .. كنت .. هذا ..
قمت فجأه .. كان صوت المضيفه تمد لي وساده
كرهتها يعني بالله وش تحس به شايفتني نايمه تقومني عشان تعطيني وساده .. مسكتها وذبيتها بوجهها بقهر .. لكن تلاشت ملامح القهر بسرعه لأستفهام .. هالشخص .. حسيت بشي براسي .. ذكرى قديمه .. اتذكر شي لكن وش هالشي ..
هاله شوفيها يا عمري عليها .. تبين بابا يشيلك .. تعالي ..
شجون بابا مشغول الحين روحي خلي ماما تفتح لك الحلاوه
الله يخليك ويحفظك يا رب .. ويحفظك يا رب .. ويحفظك يا رب
هاذي كلها ذكريات .. صوت وملامح مغبشه لنفس الانسان ... بابا ؟؟؟
امتلت عيوني بالدموع ماني مصدقه هاذي اول مره في حياتي احلم فيه .. اوول مره اشوووفه اشوف كيف وجهه مافي ولا صوره ولا ذكرى تذكرني فيه غير قليل قليل مره ..
حتى ببطاقة العايله صورته مو موجوده ؟؟ انا خلاص ابتسمت وخنقتني العبره مدري ابكي مدري اضحك .. هذا بابا يا ناس شفته
لو انه مجرد حلم بس .. يقول الرسول صلى الله عليه وسلم ان اكثر الرؤيا الحقيقه تكون بنومة القيلوله .. فرحت كثير كثير كثير .. يا رب اغفر له هو وماما ودخلني معهم اشوفهم واجلس معهم .. اللهم امين يا رب امييين
تكلم كابتن الطياره .. يطلب مننا نربط الاحزمه .. بالله انا نمت طول الطريق ؟؟ ما حسيت .. قمت للحمامات افصخ عباتي .. وانا راجعه لقيت عبود قايم .. طبعا من القهر سويت روحي ما شفته
عبدالله:شجينه صح النوم ..
التفت بسرعه:مشالله جيت شفتني يعني ؟
عبدالله:ايه يوم نامت فاتن جيت ابقعد معك لقيتك في سابع نووومه ..
ناظرته بأبتسامه وتوني بمشي الا مسك بلوزتي من طرفها
عبدالله:تعالي وين رايحه
انا:برجع مكاااني بربط الحزام
عبدالله:والله لو شافت ابوي بهلـ
توه بيكمل كلامه بس انا كنت اسرع منه وقاطعته .. كنت عارفه اانه بيقول يا ويلك لو شافك بهالبس
انا:عبود ما راح يقول شي .. وما يقدر اصلا ..
سكت عبدالله ومشى .. وانا رجعت بمكاني بكل فخر .. يعني افف وش هالتخلف بنطلون جينز وبلوزه كت فيها شي ؟؟ ابدن ما فيها شي بس هم كذا متخلفين
وهـ يا لندن وصلت .. بنزل مطار هيثرو يا ناس احبه مووت .. اول ما وقفت الطياره وجينا ننزل ناظرني عمي بنظرات بايخه .. ياكل كت كات وش علي منه .. يخلي رايه على بنته .. مسكينه مسويه متحجبه ومطلعه نص شعرها .. تفتش مره وحده احسن لها بكثير
وصلت عند باب الطياره ومرت علي نسمة هوا بارده .. يوو برررد .. وانا لابسه كت ..
عبدالله:الحمد الله على السلامه
قلت وشفايفي ترتجف:الله ... يسلمك
عبدالله ضحك :هههههههههههه وش فيك؟
كنت انزل وانا حاطه يدي حولي عشان اتدفى اكثر:برداااآآااأأنه
ركبت الباص وعبدالله كان وراي ما حسيت الا بشي ينحط على اكتافي التفت بسرعه
خوذي جاكيتي ..
ناظرته ثواني وبعدين قلت:طيب انت لابس نص كم ؟
عبدالله يأشر عالمطار:الحين بناخذ شناطنا ..
فصخت الجاكيت:اوكي يعني خذ حقك واذا جا الحين واخذنا شناطنا انا بطلع لي جاكيت
وكلمه منه وكلمه مني جا عمي بالوسط وسحب الجاكيت:وبعدين معكم
ورماه بوجهي:خذيه انتي واذا جت الشنط طلعيهم .. عشنا وشفنا
انا انصدمت .. من يكون هالحقير عشان يرميه بوجهي .. لا ابو قرابه ولا ابو بطيخ هذا انسان حقير بكل معنى الكلمه .. بس هين .. مو الحين اذا رجعت الديره يصير خير
ههههههههه ضحكت على نفسي شوي .. شكلي نسيت اني انا ولا شي ومجرد يتيمه عايشه على صدقة غيرها امثال ابو عبدالله .. نسيت من انا ومن هو .. الله يعين هههههههههه
ما دقت عالموضوع كثير وخليته يمر مرور الكرام مع اني عارفه انه حز في نفسي كثير .. بس يالله وش نسوي .. لو بأيدي شي كان .. هذا شي ربي كاتبه علي اني اعيش منذله ... احيانا استغرب من نفسي لاني اصلا مو منذله ؟؟ ماديا يعني .. لكن معنويا .. كثييييييير

هذاني وصلت خلاص .. وش بيصير ؟

الجزء الثاني
البارت الاول
ما دقت عالموضوع كثير وخليته يمر مرور الكرام مع اني عارفه انه حز في نفسي كثير .. بس يالله وش نسوي .. لو بأيدي شي كان .. هذا شي ربي كاتبه علي اني اعيش منذله ... احيانا استغرب من نفسي لاني اصلا مو منذله ؟؟ ماديا يعني .. لكن معنويا .. كثييييييير
دخلت الفندق وانا مره فرحاااانه .. طبعا نفس الفندق الي نحجز به كل ما نرووح .. يعتبر افخم فندق بلندن تقريبا .. ما كان يهمني افخم فندق اتبن فندق المهم انو تكون عندي غرفتي وشرشف نظيف ووساده ... ايه وحمام خاص خخ
رقيت ما التفت لاحد ولا انتظرت احد يقولي هاذي غرفتك او شي دخلت وقفلت الباب واخذت نفس عميق .. خلاص انا حره لمدة شهر كامل ولازم استغل هالحريه .. فصخت الجاكيت وفتحت شعري وانسدحت على السرير بقوه .. زي ما كنت اسوي اذا فرحت مره .. طبعي من يومني صغيره ومتعوده عليه .. اححححس بالرااااحه الحين .. خمس دقايق حصلت نفسي بساابع نومه .. صحيح نمت بالطياره .. بس نومة بعد السفر يصير طعمها غير خخخخ
قمت على صوت ضرب بالباب .. ماكنت مستوعبه شي ومتنحه وتوني قايمه .. جلست ومغطت نفسي وتثاوبت دقايق .. جلست اناظر قدامي من غير اي هدف يذكر بعدها رديت على اللي يضرب الباب من ورا خشمي : وججججججججججع
عبدالله من ورا الباب : شجن قمتي ؟
تأففت وانا اقوم افتح له :يعني لك ساعتين تدبج على الباب يا مال القرف .. اكيد بقوم ..
اول ما فتحته شفت عبدالله شااق الابتسامه .. لكن اول ما شاف كشتي وتكشيرتي شكله غير رايه ..
انا :مشالله وجهك بشوش
عبدالله ابتسم:طيب اغسلي وجهك بننزل نتغدا
قلت وانا اتثاوب:طيب كم الساعه ؟
عبدالله:هنا .. ولا بالسعوديه
اف احس ان هالانسان غبي احيانن : لا بتوقيت الصومال
عبدالله :ههههههههههههههه ..
مالي خلقه جالس يتميلح من الصبح :عبيد الساعه كم خلصني
عبدالله:مدري والله يمكن 2
تأففت .. يعني قد اذن الظهر خلاااص .. وش هالهم الي اعيشه .. ناظرته بعد تتنيحه طويله : مابي اتغدا ..
وسكرت بوجهه ورحت للحمام ..
شكلي ابخذ لي دش طويييييييييييييييييل .. عبيت الجاكوزي وجهزت الرغوه واسترخيت لآخر حد .. كذا الاسترخاء ولا بلاش .. وجالسه اغني ومندمجه وداااخله جوو من جد ..
والله اعلم انا مدري وش صار .. بس اني سمعت صوت عبدالله من جديد .. انا قفلت باب الغرفه ولا نسيت ؟؟
اول ما سمعت صوته انزعجت .. اف مو راضي يفك عني شويه .. جا وطق باب الحمام :انتي رايقه جالسه تتروشين
قلت بغضب .. اف مني رايقه له :وانت مو عيب عليك جاي تضرب علي باب الحمام
شكله استحى على وجهه وفارق .. الله يقرفه خرب علي جوي ... المهم بعد خمس دقايق رجع ضرب الباب:شجن ابووي يبيك معصببببت مرره .. يقول لا تنزل الا وهي معك
انا :مابي ..
فجأه سكت عبيد .. اخيرن ما امداني اتهنى شويه .. لازم ينكدون علي هالناس .. المهم بعد نص ساعه قمت ولبست روبي وطلعت .. ولقيت عبدالله مستنر عند باب الغرفه ..
ناظرته بنص عين :قليل ادب
ناظرني من تحت لفوق:والله مو اول مره اشووفك طالعه من الحمام ..
ابتسمت بسخريه : من قبل سنتين
مشى لي شوي وانا لحد الان اناظره بنص عين .. قال : ليش معصبه علي طيب ؟؟ من الصبح وانتي تعامليني على اني مسوي جريمه
التفت من عنده وفتحت شنطتي وقلت بكل برود : ماحبك ياخي .. غصب
رجع لعند الباب وقال:اوكي استعجلي ..
ضحكت عليه .. هالانسان قللللبه ابيض من اللون الابيض نفسه .. من الصبح وانا اهزء فيه ولحد الان ما تنرفز او فار دمه او عصب .. احسه ملاك مشالله عليه .. حبوب لدرجه ماهي طبيعيه ..
طلعت لي كل شي يوم جيت لملابسي الداخليه حسيته واقف .. ايش هالميانه .. رحت له ودفيته لبرا من كتوفه :يلا اطلع بلبس ..
قال وهو يرجع على وره :ههههههههههه اوكي شوي شوي
سكرت الباب ولبست وجلست استشور شعري .. واللهي احس اني مروقه وهالمسكين جالس برا ما تغدى عشان حظرتي .. يؤ ما صليت ؟؟
مش لازم اصلي اذا رجعنا .. رجع ضرب الباب للمره الالف:خلصتي؟
فتحت الباب بعصبيه:عبيد على فكره اقلقتني .. خلصت اصبر البس جاكيتي
عبدالله:اووكي يلا ننزل ..
مسكت شنطتي وشيكت على وضعي بالمرايه وقلت له :بنتغدا بالفندق ..
عبدالله:ايه .. يلالاااا
قلت له بنرفزه:طيب طيب والله العظيم بنزل وش فيك امش يلاا ..
عبدالله:ههههههههههههه
ناظرته بعلامة استفهام:وش تضحك عليه؟
مشى قدامي:ولا شي ههه
طلعنا من الجناح الي هو حقي انا وفاتن وعبدالله والجناح الثاني عمي وزوجته .. فله مع عبيد بنفس الجناح .. بس ما احس انو فله لذيك الدرجه لاني توني مزبدته مسكين
ركبنا الاصنصير واحنا ساكتين .. قلت من غير ما اناظره :اسفه
الفت:على ايش؟
انا:جننتك قبل شوي
رجع يضحك .. ليش يضحك مدري .. نرفزني مررره
قلت بعدم صبر :ممكن تقول لي ليش تضحك ؟
عبدالله: ههه بس .. كذا يعني شكلك مره خطير وانتي معصبه
انا سكتت شوي وابتسمت .. اجل ابعصب دايم شكلي هههههه .. عقدت حواجبي فتره وقلت :طيب قبل شوي قلت اسفه ليش ضحكت
عبدالله : هههههههههههههههههههههه
انا:عبيد
عبدالله:لانو كمان وانتي تعتذرين شكلك حلوو
وش يحس به باللهي ؟؟ كل ما اسوي شي يصير شكلي حلو .. حشا ... لحظه انا ليش زعلانه ؟ الولد يمدحني لازم افرح .. بس لا اكيد يجامل. .. خخخ كبر راسي الظاهر ..
وصلنا لعند عمي .. كان جالس عالطاوله ومشبك يديه وحاطها عند فمه ومنزل راسه ومرته قدامه بنقابها وفاتن بحجابها البايخ
اف مرة عمي مدري وش احساسها وهي كذا ؟؟ ليش لابسه النقااب في لندن ؟ قرررف وتخلف بقوه مو لهادرجه .. لا ويبوني اجلس معهم بعد ..
رفع عمي وناظرني وعيونه احسها تطلع شرارات نار خخخ .. قال وشكله كان ماسك اعصابه : ارجعي غطي شعرك وتعالي تغدي
انا وقفت دقايق افكر وش اقول له اوافق يعني.. لا مستحيل خير مو على كيفه .. سكتت شوي ومديت يدي وقلت : ممكن تعطيني جوالك بكلم بابا
طلع جواله وعطاني وقال من غير نفس :ماهوب ابوك .. مدري شلون اخوي مستحمل وحده مثلك عاله على قلبه طول هالسنين .. بس مو منك والله من الي ربوك .. كلميه وانجزي وارقي البسي لك شي ولا لا تنزلين
انا وقفت بمكاني من الصدمه .. كلام جدددددددددددددددددددددن جارح .. خلاص ببكي .. مره بدت اطرافي ترتجف وجلست اتنفس بسرعه وخنقتني العبره خلااااص .. يمكن انتو ما تحسون ان السالفه تسوى بس هالكلام مره جرحني .. اول ما طاحت دمعتى ما قدرت اوقف دقييقه وحده
طلعت بره الفندق وانا ابكي مره .. مدري من لحقني ولا ادري انا وين قاعده امشي له ومدري افكر بإيش بس مقهوووره ومجروحه بنفس الوقت
احس اني ابكي غصب عني ما اقدر اوقف دموعي تنزل من غير ما احس ومره العبره خانقتني .. مشيت بنص الشارع والسيارات تمشي والبواري والناس والصجه وكل شي احسه بس صوره ابيض واسود من غير صوت .. تعديت الشارع ووقفت عند سور يطل عالبحر وجلست ابكي .. مو مقعووله فيه انسان بهادنيا لئيم لهادرجه .. كيف يقدر يقول لي هالكلام كيف ؟؟
لو انه عمي صدق كان ما قال لي كذا ... انا وش ذنبي اذا ناس ما يخافون الله متبنيني .. يا ليتني مت جمب جدتي ولا جابوني دار الايتااام يا ليتني كنت ببطن امي وقت الحااادث .. اكره كل شي كل شي
بعد فتره حسيت بيد على كتفي .. كنت عارفه انه هو .. ومن غيره يحس فيني بهالدنيا هاذي كله .. شخص واحد بس .. عبدالله .. التفت ومن غير ما اناظره حظنته ورجعت ابكي بقوه .. لكن هالمره بكاي كان غير .. ما حسيت بنفسي اني كنت امشي معه للنفدق من جديد .. ما ناظرت حولي ولا اهتميت بالمطر الي اختلط مع دموعي .. اهم شي اني مع عبدالله الانسان الوحيد في هالدنيا الي محسسني اني موجوده على هالارض ..
اول ما دخلت جناحنا لقيت فاتن واقفه وتناظرني وتضحك .. وانا مره ابكي .. ما ادري وش تحس به هالبنت مرررره حيو*** .. حركات وسخه الي تسويها يعني ليش تضحك مافي شي يضحك .. بس من جد كل**
اول ما دخلت غرفتي ناظرت عبدالله : خلاص بجلس لحالي
عبدالله مسح دمعتي .. يا ربي مره ارتاااح نفسيا كذا .. قال : طيب مو ترجعين تبكين ترا السالفه ما تسوى
انا عارفه انو تسوى بس هو مو عارف .. ابتسمت له يعني تسكيته عشان يروح .. الحين مو رايقه لاي احد ابدن .. رحت جلست على سريري .. حتى هنا نكد وصياح ... يا رب صبرني
جلست اناظر الناس من الشبااك .. ابي اطلع .. طفش ونكد وهم وملل .. ااه يا ربي .. بدلت ملابسي ولبست بيجامتي ولميت شعري وطلعت .. لقيت عبدالله عند التلفزيون ..
ناظرته كويس .. كان مندمج .. :عبود غريبه ليش ما طلعت ..
ناظرت الجناح كويس:فاتن مو هنا ما رحت معهم ؟
عبدالله التفت:واتركك .. ابوي قال اقعد معها
رحت جلست جمبه:طيب حرام تجي هنا وما تطلع .. وبعدين كان قلتو لي حتى انا ابي اطلع ترا
ناظرني وسكت .. وبعدها ابتسم .. ما فهمت قصده .. بس ما دققت كثير وقفت ومسك يده ووقفته معي
قال وهو يسحب يده:وشووو ؟؟!؟!
قلت له:قم بدل ملابسك خلنا نطلع
رجع جلس:ايه عشان انجلد .. ابوي يقول لا تطلعون لحالكم ..
رجعت اجلس جمبه:بس عادي نجلس هنا لحالنا
ناظرني فتره : تتوقعين اسوي لك شي يعني ؟؟ لا هو عارف انو عادي نجلس مع بعض
قلت بقهر ونا اطالع التلفزيون:ايه بس بره بتسوي شي .. مره اسمح لي يعني ابوك تفكيره غبي ووصخ
سكت .. انا ما التفت له .. بعد فتره حسيت انو عيب علي الكلام الي قلته .. مسكت يده من غير ما اطالعه:عبود اسفه
على ايش
ناظرته شويه .. يا ربي ذا عمره ما يزعل .. من جد غرييييييب .. وبصراحه طيبته ذي هي قاهرتني فيه ابيه يعصب مره وحده بحياته .. وش هالانسان .. حتى لو عصب يمكن تصير عليه ذبات بس مو لذيك الدرجه مثل اي انسان ثاني معصب ..
طيب وش الحل االحين الاخ معيي يطلع وانا الحين بلندن ومحبوسه بالنفدق ؟؟ بظل طول عمري محبوسه يعني ؟؟
اف بس متى اتزوج وافتك .. فجأه تذكرت .. ذاك الي يقول بابا كنا محجوزين لبعض ؟؟ مييين هو ؟؟ ويقول ابوه يبي يلم الشمل ؟؟ معقوله يصير من عايلتي الي ما اعرفها .. ؟ كل شي جااايز .. حاولت اني افكر بشي ثاني لاني ما ابي اشغل بالي بكلام مااما وبابا ذاك اليوم .. مو وقته الحين .. انا مسافره اوسع صدري وبوسع صدري غصبن عن الكل بعد
قمت وبدلت ملابسي ومشيت سيدا للباب
عبدالله قال بسرعه:وين رايحه ؟
التفت عليه:بطلع .. بتجي حياك منت جاي شي راجع لك
وقف ولحقني:صبر صبر صبر ابوي والله العظيم قايل لا تطلعون
قلت بلا مبالاة:دق عليه وقله .. باي
ومشيت وسكرت الباب ..
نزلت تحت واخذت نفس طويل .. الحريه اخيرن .. ناس وشارع وزحمه وانا لحالي .. فللله
بس كللله عرب .. خصوصا سعودييين .. فجأه سمعت صوت عبدالله :شججججن
التفت كااان معصب مره ...

تآأآبع اجو عدم الرد

الجزء الثاني
البارت الثالث
انا تنحت خمس دقايق وهو جلس على طووول ما انتظر رد .. بصرااحه انا مدري وش كان موقفي بس تنحت لانو اول مره تصير لي هالحركه .. ناظرني وقال:اذا عندك مانع بقوووم ..
ابتمست بسرعه .. طبعا ما عندي مانع .. قلت له وانا اهز رااسي:لا مافي مشكله
جلس يضحك وهو يخربط بأكله:صديق
انا عقدت حواجبي .. وشو صديق .. لا وينطقها مو بحرف القاف .. ينطقها قا .. اممم يعني مثل ( مقرود ) مدري وش جاب هالكلمه براسي خخخخ .. المهم هو وش يعني بكلمة صديق ؟؟
سالته وانا عاقده حواجبي:وش صديقه؟
ناظرني ورفع حاجب .. فكر شوي بعدين قااال : خربت المزحه ..
اناا ارتسمت على وجهي علامة استفهااام وش يخربط ذاا .. هو فهم اني ما فهمت وعلى طووول قال:يعني انتي قلتي مافي مشكله فأنا بغيت اسوي خفيف دم وقلت صديق. .... سكت شوي شكله درا اني لحد الان ما فهمت ..على طول كمل ......... كنت ابيها تصيير مافي مشكله صديق .. فهمتي ؟؟
انا خلاص ضحكتي على طرف فمي .. مسكين فشلته ههههههههههههه .. من جد خربتها حسيت اني غبيه .. مش مهم .. انا ما عرفت اكل وهو قدامي .. شعور انو فيه احد غريب معك يجيب القلق .. لو نزل عبدالله ولا عمي .. مشكله اكيد بيفهمون الموضوع غلط..
طيب هو صح اساسا ؟؟ انا مدري حسيت انو ما ينفع يجلس معي .. بس مافيه سبب واضح .. مدري انلحس مخي
قال من غير ما يرفع راسه وهو ياكل:انا اسمي .. ياسر
ابتسمت .. دقايق وقلت:عاااشت الاساامي
قال بإبتسامه مشابهه:عاشت ايامك ... وانتي ايش اسمك؟
لا اراديا قلت:شجن ... رفع حاجب .. سكت شوي وقال:حلوووو اسمك ..
انا حسيت انه استغرب من الاسم .. قلت على طول:الله يحلي ايامك .. لا مو شجن بالضبط .. اسمي شجون بس ... ما يعجبني تقدر تناديني شجن ..
ضحك شويه وبدينا نسولف .. بصرااحه انسان جدن تفكيره راااقي ومؤدب مره .. والجلسه معه ما تنمل .. لانو الساعه صارت 11 وانا جالسه ادور معه بالفندق .. وانا نازله على اساس اني بفطر وارجع ..
ناظرت الساعه:امممم يسور انا لازم ارجع لجناحي لانو بتروش وبنطلع انا واهلي
طبعا قلت له كذا لاني ما احب اقول قصة حياتي لكل من هب ودب خخخخخخ
قال:... اوكي بس .. انا مسافر بعد اسبووع .. والحين بروح ليفربول اسلم على ناس يقربون لي هناك .. وبصراحه ما ودي يصير مجرد لقاء عابر .. احب اكون صداقات انا ..
ابتسمت .. فهمت قصده الدوب يبي رقمي .. بس انا اساسا ما عندي رقم .. مسكت الكحل من شنطتي ومسكت يده وكتبت ايملي
قلت:هذا ايميلي ... بس انا مو مع النت كثير يعني ما ادخل واجد
هو كانت على وجهه علامة استفهااام لاني كتبت على يده بالكحل .. عاد وش اسوي ابي ارجع بسرعه قبل ما يلاحظ عمي اني مو باللجناح .. صحيح ما طلعت من الفندق بس ولو ..
هو لحد الان ما تكلم انا دخلت الكحل ورحت عنه:باااااي فرصه سعييييييييده
رقيت بسرعه ودخلت ما لقيت احد بالجناح .. طليت بغرفة فاتن غرفة عبدالله دورت بكل مكان ما لقيت .. امم شكلهم طلعو .. بصراحه قهر يجيبوني معهم ويتركوني بالفندق كني جنيه .. مو عيشه ذي اف ..
دخلت بدلت ملابسي وطلعت احوس بالجنااح .. دخلت غرفة عبوود احوس بأغرااضه .. مره حووسه .. توني ادري ان عبدالله انسان فوضوي .. دايم سيارته نظيفه مو مثل باقي سيارات الشباب كراتين مناديل بكل مكان وقوارير مويه فاضيه .. وفتافيت على المراتب مدري من وين جايه ... حتى بلبسه ما كان فوضوي .. الثوب ما يلبسه الا مع شماغ .. وحتى الشماغ لازم يصير مضبووط ميه بالميه مستحيل يتركه عادي .. واذا لبس كجول لازم كل شي منسق مع بعضوو مافي شي غير عن شي .. شكله اصلا ما يوحي انه انسان فوضوي لهادرجه ؟؟
جلست اناظر الغرفه من الباب دوره كامله لحد ما رجعت للباب من جديد .. اول شي سريره كان مره .. مو سرير ابدن .. نص المفرش مفتوح على جهه طايح منها الكومفرت حق السرير .. والوساده مع الكومفرت عالارض .. هذا اولا .. ثاني شي اللأبجوره بالارض .. مدري وش جابها بالارض .. والثلاجه فوقها قوارير كثيره ببسي وميرندا وقوارير مويه .. طيب ليش ما يرميها بالزباله وخلاص ؟؟
كانت شنطته مفتوحه وبداخلها حوسة ملابس وحولها ملابس منثره هنا وهناك .. لا والمشكله ما يراعي وش الملابس الي يصلح تصير مع هالحوسه ووش الملابس الي ما يصلح وحده مثلي تشووفها خخخخ .. وشراريب مرميه كلها عند الباب .. والفوطه معلقه عالباب ..
بعد ما القيت نظره على هالمزبله .. خخخخ دخلت جوا .. اناظر بفضوول اول مره ادخل غرفه تخص عبدالله .. قصدي من زمان مو اول مره .. لقيت دفتر وقلم عالكومادينه عند السرير .. جلست بشويش هالسرير ورفعت القلم والدفتر .. كانت الصفحه فاضيه .. فتحت صفحه وصفحه كلهم فاضيه .. وش يكتب هذا .. ناظرت الصفحه الي قدامي .. كان فيها خطوط بالازرق .. خطوط مو باينه .. يعني اكيد الصفحه الي بعدها هو كاتب فيها شي .. توني بفتح الصفحه الا سمعت صوت من عند التسريحه ..
امّال ايه امّال ايه .. امّال ايه امّال امّال ليه انا حيران ... ههههههههههههههه انا بغيت اموت ضحك.. يا قدم هالاغنيه قدماه .. ماتو الي يسمعونها .. خلاص اكلني الفضول اكل .. تركت الدفتر لا اراديا وقمت للتسريحه .. عقدت حواجبي .. كان قرد من بلاستيك .. قرد صغنون معه بيديه شي كأنه صحن يصفق به .. كان مصدر الصوت يطلع منه .. ناظرته كويس ورفعته وانا مره ملحوسه ..
قلت وعلى وجهي علامة استفهام كبيره:المدينه ؟؟؟
صوت من وراي :ايه المدينه ..
التفت بسرعه وبخووف خصوصا من هالصوت .. ارتعت بدايتن وحطيت يدي محل قلبي طاحت اللعبه من يدي .. كان عبدالله واقف عند باب غرفته رجله اليمين محل اليسار ورجله اليسار محل اليمين مدخل يديه بجيوبه ومسند كل جسمه عالباب ويناظر .. كان كتلة من اللون الاسود .. مجرد ظل من غير ملامح واضحه .. انا اخذت نفس .. روعني ابن اللذين من جد .. طيّر قلبي من مكانه .. استوعبت شوي الموضوع .. نزلت بسرعه اخذت اللعبه من الارض .. ناظرتها ثواني ورفعت عيوني له:من جدك انت ؟؟
جا عندي وهو مبتسم:ليش مستغربه ..
انا بديت اتذكر .. كنا بالمدينه .. اول ما جيت الرياض بأسبوعين يمكن .. مدري وش المناسبه اننا رايحين بس كانو فاتن وعبدالله معنا .. كنت تسعه وهو 11 سنه .. بعد ما اصريت على ماما انو ادخل ابو ريالين .. شريت انا هالقرد وعبدالله كوره .. اتذكر كويس البزر الطرار الي كان يناظرنا من اول ما دخلنا .. كنت خايفه منه يروع شكله .. طلعنا وانا مره مبسوطه بلعبتي .. قرد يغني ويصفق .. شي جديد وغريب علي .. انا كنت مشغوله بلعبتي احاول اكتشف اي شي جديد فيها .. كانت تغني وتصفق وانا اناظرها ومبسوطه ..
صوت طفل يبكي عكر علي فرحتي .. التفت كان عبدالله واقف يبكي وكورته بيده مفقوعه .. وقدامه الولد الي كان عند ابو ريالين اول ما دخلنا .. كان عبدالله يبكي من قلب على كورته الخظرا .. وانا اناظره ومعبسه بحواجبي .. مدري اول مره اشوف طفل قدامي يبكي مقهور .. ما تعودت على هالموقف .. حسيت ان بيدي شي اخليه يبتسم يمسح دموعه .. كان صوت صياحه مزعج لكن ازعاج نفسي اكثر من ماهو ازعاج معنوي .. رحت له بهدوء .. ما كانت علاقتي بعبدالله ذيك الوقت مره قويه .. لكن بعد هالموقف .. يوم رحت له ومديت لعبتي له وابتسمت بوجهه .. وقلت له حصل خير وراح الشر .. طبعا كنت اقتبس من كلام جدتي اذا صار لي شي مو كويس .. اخذها من يدي ومسح دمعته من خده ... وناظرها وهي تغني وتصفق .. بعد هالموقف مره صرنا اصحاب صار يعطيني واعطيه العب معه ويلعب معي .... انام عنده وينام عندي احيانا .. ؟؟!
لكن الي يفك الراس .. من ذاك الوقت لحد الان هي موجوده معه ؟؟ ماهو معقول .. ما تكسرت ما تلفت ما خربت .. ؟؟ مستحيل تجلس طول هالفتره .. انا بس كنت اطالع اللعبه واتذكر هالموقف .. وبراسي اسأله متزاحمه .. اصلا ليش يحتفظ فيها ؟؟
قال بعد سكوت طويل:من متى وانتي هنا ؟
رفعت راسي وناظرته .. كان فمي مفتوح فتحه صغيره وعاقده حواجبي لحد الان مستغربه هل هذي نفسها اللعبه من ذيك الوقت ولا وحده غيرها ؟؟
عبدالله:وش فيييك؟
انا:هاذي ... يعني ... وش سالفتها؟
عبدالله مسكها من يدي:ما تذكريين ؟
قاطعته الا ربع:الا الا.. بس هي ... هي نفسها ولا ؟
ضحك عبدالله فتره وقال وهو يطالعها:مو بالضبط .. انكسرت هي ورجعت حاولت الزقها بس ما نفع .. بعدها كذا حطيتها بدروج الغرفه بس صارت ما تشتغل .. و الشهر الي راح كنت رايح اعتمر مع ابوي وشفت لعبه مثلها .. وشريتها .. هاذيهي الجديده .. القديمه غير شويه ..
ابتسمت:اهااا .. مسكتها من يده وانا اطالعها .. يمكن مو هي نفسها بس على الاقل هاذي اللعبه الي بيدي لها بصمه بدفتر ذكرياتي .. يا حليله غريبه لحد الان محتفظ فيها .. ليه ؟؟ انا فكرت كويس شكل الولد من جده يحبني ولا ايش سالفته .. حاولت اسأله كم مره لكن ما يعطيني جواب واضح ولا احس ان السالفه تصلح لانو .... يعني ما يصلح يحبني وبس احنا اصحااااب ..
عبدالله انسان ... انسان رائع بكل ما تحويه هاذي الكلمه .. فجأه قطع حبل افكاري:شجونه من متى وانتي هنا ؟
ابتسمت وقلت:قبل شوي جيت اشوف العفسه الي انت مهببها فيذا ..
رفعت بطرف اصبعي بلوزه : ايش هذا ؟؟
ناظرني بأبتسامه صغيره على جمب:تي شيرت ابيض؟
رميته من اصبعي وانا اطالع غرفته:وليش ما تخلي الروم سيرفس تدخل تنظف ؟؟
قال وهو يطالع الغرفه:ماحب احد غريب يلمّس اغراضي ابدن ..
قلت بحاجب مرفوع:ماااااافي مجاال ... قم بس قم خلنا ننظف
الولد بان على وجهه علامة الصدمه:وش ننظف
ناظرت حولي:المزبله الي انت عايش فيها ..
ضحك علي وقال:بنسافر اليوم بالليل ماله داعي ننظف
انا صارت على وجهي علامة استفهاام:وش نسافر ؟؟
عبدالله:خلاص بنرجع للسعوديه
عقدت حواجبي وكشرت:اهاا .. طيب وين عمي وذولا ..
عبدالله:الحين بيجون ..
انا كنت ابي اعرف ليش بنرجع:طيب وش السبب تونا جايين ؟
تنهد عبدالله:ابوي ومزاجه .. الله يهديه
قلت بخيبة امل:ايه الا .. انا بروح غرفتي ..
توني بطلع الا مسكني:شجون
التفت بسرعه:هلا ..
تنهد شوي .. وناظر الارض ثواني رفع راسه وهو مبتسم وقال:سلامتك ..
ترك يدي وهو يتنهد .. انا كنت عارفه انو عنده حكي وده يقوله .. رحت غرفتي وانا افكر ليش عمي يبينا نرجع بهالسرعه ... الله اعلم .. يعني من الحين اببدى اوسوس بالكلام الي كان بين ماما وبابا ذيك اليوم .. انا كنتت مابي افكر فيه اطول فتره ممكنه بس وش اسوي .. ما دام اني برجع بدري خلاص لازم اعرف وش السالفه ..
الليل جا ورتبت اغراضي ودخلت ملابسي بشطنتي .. طلعنا للمطار وانا اناظر شوارع لندن .. وش هالسفريه البايخه .. لو اني قاعده والله العظيم اصرف لي .. جيت بس عورت راسي وضيقت صدري اكثر من اول .. اففف
اول ما دخلت الطياره رحت لمكاني وجلست جمب الشباك وغمضت عيوني .. ابي ارتاح شو يا ناس ابي ابتسم مره تصير ابتسامه من قلب .. وش هالحياة البايخه .. مره خقنتني العبره وكان ودي اصيح من غير اي سبب مقنع .. تجيني حالات فجأه احس ان الدنيا شينه وما تنبلع وخلاص توصل معي وابكي كثير ... لكن زي ما قلت من غير اي سبب مقنع ..
طاحت دمعتين .. وحده نزلت لحد ما استقرت فوق بلوزتي والثانيه مسحها عبدالله:ليش تبكين ؟
فتحت عيوني لقيته جالسه جمبي ويطالع فيني .. حسيت اني اكرهه واكره الدنيا كلها .. بس خلاص مابي احد وصلت معي اناا .. لفيت وجهي عنه وطلعت الايبود حقي من شنطتي وشغلت اغنية ساعات .. جلست اناظر انوار لندن كل مالها وتصغر وتصغر وتصغر .. كنت محتاجه ابكي واطلع شوي من الي في قلبي .. حاسه بشي فيه شي بيصير انا متأكده .. مابي ارجع .. مابي اموت من القهر قدام ماما وانا اترجاها تقول لي وش جالس يصير لي بحياتي ..
غمضت عيوني من جديد واخذت نفس طويل .. صوت راشد بأذاني .. كلمات جتني بالصميم .. ساعات احس ان الفرح محال ولا يمكن يحين ..... مستحيل يحين بالنسبه لي .. سعادتي الوحيده كانت .. لمن جيت للرياض .. لكن ما دريت انها بتكون بداية لطريق طويل خالي من اي معنى للسعاده ..
يمكن تقولون اني ابالغ .. يمكن تحسون ان مع كل الاحداث الي صارت لي كنت مو حزينه ابد .. لا .. كنت احاول من ورى كل هالاحداث اني ادور على شي يخليني ابتسم وخلاص .. دفعت نص عمري .. نص عمري ادور على هالابتسامه .. لكن شكلها اغلى بكثيير ..
صوت عبدالله يكلم المضيفه ... وبزر يبكي .. وواحد يتهاوش مع زوجته بالمرتبه الي ورانا .. وصوت كابتن الطياره .. قمت وانا مكشره .. حصلت نفسي على كتف عبدالله .. ناظرت ساعتي .. شكلي نمت ساعتين .. تثاوبت وانا اتعدل بجلستي .. التفت علي عبدالله:صح النوم ..
ابتسمت له:صح بدنك ..
بعد الترويقه هاذي قت اسولف معه ... شويه انام شويه ارجع اسولف شوي نتهاوش وما نكلم بعض .. لحد ما اعلن كابتن الطياره انو بنهبط الحين بمطار الملك خالد الدولي .. قبل ما اربط حزامي رحت لبست عباتي .. ما كانت تفرق لو لبستها او لا .. نفس الشي االفرق انها بتكون فستان مش بنطلون .. لفيت طرحتي بسرعه ورجعت مكاني ربطت الحزام .. جلست اطالع من الشباك الرياض كل مالها وتكبر .. اشتقت لها .. ما طلعت منها الا شويه بس يمكن لانو .. صار لي سنتين ما طلعت منها .. تعلقت فيها .. نزلنا من الطياره .. مشيت بالمطار .. طالعت الناس .. هذولا سعوديين .. خلاص رجعت .. تنهدت وانا اطالع النافوره الكبيره .. كانو مطفينها .. يمكن لانو الحين الساعه ثلاث الليل .. ليش يفتحونها .. كانت سيارة عمي موجوده بمواقف المطار .. انا استغربت ليش ما في احد جاي يستقبلنا ..
تآأآبع ارجو عدم الرد

يتبع
الجزء الثاني
البارت الرابع
ركبنا السياره كان عمي يسوق وعبدالله جمبه وورى انا وخالتي والي ما تنتسمى فاتن .. جلست ورا عبدالله عشان يمديني اسولف معه
قربت له وهمست:هيه عبيد ..
التفت شوي وقال بهمس:هلا
حركت يدي بسرعه كأني اقول له قرب:ليش ما جا احد يستقبنا ؟؟
عبدالله:مدري يقول ابوي فيه مشكله صايره بس ما قال وشهي
انا تسندت على مرتبتي بخوف .. لا يكون السالفه لها دخل بأبوي ؟؟ الله يستر بس .. طول الطريق وانا اهوجس لحد ما وقفت السياره .. ناظرت كويس .. هذا بيت عمي .. وش جابني انا هنا ؟؟ تكلمت بسرعه:عمي انا بروح بيتنا ..
نزل عمي من السياره وهو معصب ومو رااايق ابد:نومي مع فاتن وارجعي بكرا
انا نزلت وانا معصبه بس ماسكه اعصاابي .. هذا الي ناقص انام مع فاتن .. لحقت عمي بسرعه ووقفت قدامه:طيب بروح مع السواق خله يوصلني
صرخ بوجهي:مجنونه انتي الساعه اربع الا ربع الفجر .. ادخلي بس اف
انا ما رضيت تمسكت بموقفي:خلاص عبدالله يوصلني
قال عمي بلهجه مره تخوف وبإصرار اكثر:شجون ... ادخلي وانتي ساكته
انا تصنمت مكاني من الخوف .. مافي مجال للنقاش مع هالانسان .. مستحيل من سابع المستحيلات انام مع هالتبـ** فاتن .. ناظرتها بإستحقار قبل ما ادخل بيتهم .. بس هي كانت اسرع ومرت قدامي بكل وقاحه .. من جد ناس ما تربت .. دخلت خالتي وبقى عبدالله ينزل الشنط ... وانا عند باب الشارع انتظره:الحين ليش ابوك ما دخل السياره بالبيت .. وليش ما تخلي الشغاله تجي تدخل الشنط
عبدالله:ابوي مدري وش فيه مو رايق عشان يدخلها جوا البيت والشغاله في بيتكم .. ما نقدر نسافر ونتركهاا لحالها
تأففت وانا ادخل .. من زمان ما دخلت بيت عمي .. شكلهم رمموه .. ناظرت حولي اول ما دخلت .. تذكرت اول ما دخلت بيتنا يومني صغيره .. دخل عبدالله:وش فيييك؟
فصخت طرحتي وعباتي:بيتكم تغير ... تنهدت .. انا بروح انوم دايخه .. الله يعيني على اختك بس .. وين غرفتها ذا المخيسه
ضحك عبدالله علي ومشى قدامي للدرج:امشي
رقيت معه ووصلني لغرفة فاتن .. ضربت الباب ما فتحت .. ضربته من جديد ما فتحت .. جرب عبدالله يضربه كمان ما فتحت .. من جد حما** يقالها ميته على النومه عندها انا .. كنت عارفه انها متقصده ما تفتح ..
قلت بيأس:وين غرفة الضيوف بس ..
هز عبدلله راسه ومشى:الله يهديها .. امشي ..
رحنا لغرفة الضيوف .. حط عبدالله يده عالباب بس ما رضا ينفتح .. قال بيأس واضح:مقفووول
رفعت حاجب:طيب وين المفتاح ..
عبدالله:عند ابوي ..!
قلت بعفويه:خلاص جيبه
ناظرني فتره وقال:ابوي نام ..
انا:وش بيضرك روح شووف
وراح ولقى عمي نايم .. وطبعا سماجة عبدالله .. ما رضى يصحيه يقول مسكين تعبان .. وش اسوي بعمري انا ؟؟
رجعت نزلت بسرعه .. خلاص بنوم بالصاله .. هذا مكاني ..
شلت كل الوسايد الي عالكنبه وبقيت وحده .. نزل عبدالله بسرعه:وش تسوييين ؟
انسدحت وتلحفت بعباتي:بنووم ..
عبدالله بان عليه الاستنكار:بالصاله عاد ..؟.؟!
قلت بقهر:عندك حل ثاني ؟؟
عبدالله:ايه .. تعالي غرفتي
انا عقدت حواجبي .. وش يحس به هذا..بس هو على طول تكلم:وانا بنام بالصاله ..
انا:خير انا انام بغرفتك وانت تنام بالصاله .. رح ارقد بس
سحبني مع يدي وقومني :قووووومي لغرفتي وانا بنااام هناا
رجعت اجلس عالكنبه:لا ..
جا جلس جمبي وحط يديه بحظنه مثل:اوكي .. لا انا انام ولا انتي تنامين .. بنشب لك ..
تأففت:يووووو عبدالله والله العظيم ماني رايقه لك فيني النووم
بس ما تكلم وساكت ومو راضي يقوم .. يالله عليه يجيب الضغط .. ربع ساعه قم قومي قم قومي قم قومي .. يوم مره خلاص طفشت منه وافقت اني انام بغرفته .. ينرفز من جد .. تجيه اوقات الكلمه الي يقولها لازم تمشي .. دخلت غرفته .. الديكور تغير بس ترتيبه ما تغير .. دايم عبدالله يفضل السرير يكون بنص الجدار الي مقابل الباب .. وبجمب الباب بشويه الدولاب وخرابيطه الثانيه ومدري ايش .. كانت غرفته مرتبه والونها حلوه .. زي عادته .. رحت وجلست على سريره وانا احس بتأنيب الضمير .. تاركته ينام تحت وانا جايه بغرفته .. بس وش اسوي الولد اصر علي .. طفشني في حياتي .. طار عني النوم .. افف .. رفعت غطا السرير وانسدحت .. شميت ريحة عطره .. لاكوست اسنشول .. يا حليله عبيد .. عنده ذوق خطير .. تنهدت وتوني بغمض عيوني الا لفت اتنباهي شي على الكومادينه .. برواز صغير ازرق .. مديت يدي ومسكته وجلست اطالعه وانا منسدحه .. كانت الصوره انا وعبود .. كنت لابسه قبعة التخرج .. وحاطه يدي ورا رقبته وهو حاط يده ورا رقبتي ومبتسمين .. وانا كانت عندي دريشه بأسناني خخخ .. اتذكر هالصوره لمن تخرجت من الابتدائي .. يا قدمهاا .. عنده معرض تراثي الظاهر .. كل شي قديم بحصله عنده .. يحب يتمسك بالذكريات الحلوه والمره .. على عكسي تماما .. انا كل شي من الماضي يفرح او يزعل اكرهه .. فجأه حسيت اني بديت اغمض عيوني .. شوي شوي .. شوي شوي .. لحد ما دخلت عالم ثاني .. بديت احلم .. حلم ابيض .. زي الي شفته بالطياره .. لكن هالمره .. كان بابا مو مبتسم وفرحان .. كان يطالعني بحزن .. قال وهو ماسك يدي
هاله ... هاله يا شجون .. بعدها تلاشى بالظلام .. صحيت من النوم ورفعت راسي .. نور الشمس كان متسلل للغرفه .. ناظرت حولي .. انا وين .. ايه تذكرت انا بغرفة عبدالله .. بديت اتذكر الحلم .. هاله .. ليش يكلمني عن ماما الله يرحمها ..؟؟ ليش بس هو الي احلم فيه وهي لا .. انا بديت اهوجس .. لا يكون ما توفت .. لا يكون ماما حيه ؟؟ وليش يقولي هاله هاله .. ما فهمت ولا شي .. كل الي استوعبته خبطات على الباب ..
قلت بعبووس:مييين ؟
فتح الباب وطل براسه:صباح النووووور
ضحكت عليه .. رااايق من جد وقفت وتمغطت شويه وانا اتثاوب .. ناظرته بعد تتنيحتي الطويله حقت اول ما اقوم من النوم ..
انا:عبيد الساعه كم ؟
عبدالله يناظر ساعته:الساعه عشر الا خمس
كشرت:انا ما نمت الا اربع وانت مقومني عشر .. حسبي الله عليك
عبدالله رفع حاجب:انتي الي قمتي بروحك .. يلا غسلي وجهك والبسي عباااتك
حكيت عيوني:اوكي ..
نزلنا تحت وركب سيارته .. طبعا قدام خخخخخخ .. اول ما جا بيحرك السياره سألته:وين اهلك ؟؟
عبدالله:امي وفاتن ببيتكم
عقدت حواجبي:وش يسوون .. ؟؟
عبدالله:مدري ... هاه وش راااايك وين نفطر ..
انا مره فرحت:عبيد من جدك؟
استغرب هو:من جدي ايش؟
قلت بحماس:تدري اني من زماااااااااااان اوي اوي ما طلعت .. ياحبي لك يااخي ..
رحنا فطرنا في كودو الي عند السيفوي.. انا بغيت اذبحه على هالاختيار بس هو وقف وانا وحده دايخه ما استوعبت .. طبعا هزأته بس بالنهايه فطرت في كودو.. غيرت رااايي فيه .. هذا انسان ما عنده ذوق وغبي ..
عبدالله يضحك:ههه وش فيك .. زعلانه وتوك مفطره بعد
انا كنت مبوزه:لا تكلمني .. انا اكلت لاني جايعه .. يا الغبي جايبني كودو .. حسبي الله عليك ..
رجع يضحك مره ثانيه .. ياربي ينرفزززززز .. فجأه رن جواله ..
عبدالله:هلا يبا ... ايش ؟؟ ... لا والله ما ... مادريت .. اوكي اوكي هد اعصاابك والله كل شي بيصير تمام انت بـ .... اوكي على امرك .. جاييين جايين بالطريق احنا ... يلا ... مع السلامه
عقدت حواجبي:وينه ابوك وليش زعلان ؟
عبدالله ملامح وجهه تغيرت:ابوي ببيتكم .. تنهد ... الظاهر ابوك صاير له شي والله اعلم .. الحين هو ببيتكم وجايبين له ممرضه وشغله .. شكل السالفه ماهي هينه
انا مره خلاص حسيت قلبي وقف بمكانه .. كنت حاااااسه بشي .. دموعي لا اراديا تجمعت بعيوني .. اكيد هذا المرض الي كانو يتكلمون عنه .. ياااااااارب استر يا رب .. انا مره خاايفه ..
ناظرني عبدالله:شجون وش فيك تبكين .. ابوي اصلا داق يبيني اجيبك مو عشان عمي .. من قبل امس وعمي مريض .. وحالته الحين استقرت خلاص
انا سكتت شوي وهدت اعصابي .. بس ولو لحد الان ابكي ما اقدر اوقف دموعي.. ما فكرت في اي شي غير اني بنحرم من ابوي مره ثانيه .. ماااني مستوعبه اي شي ..
وصلنا عند بيتنا .. كان فيه كدلك اسود واقف .. وبجنبه واحد لابس ثوب ومشمر اكمامه .. من غير غتره او شماغ .. اسمراني حبتين وطويل .. انا نزلت من السياره وانا عاقده حواجبي .. من هذا ... مريت من جمبه وناظرته .. كااان مره حزين .. ملامحه فيها بؤس .. اول مره اشوف انسان الحزن باين بعيونه لهادرجه .. ناظرني وهو رافع حاجب بعدها تنهد وبعد عيونه عني .. جا عبدالله وهو يطالعه:يلا شجون امشي ..
دخلنا جوا عبدالله راح للرجال وانا دخلت من باب الحريم .. مدري قلبي كان يدق بقوه وخايفه .. مدري ليه وش هالشعور الغريب الي بداخلي .. بمجلس الحريم .. اسمع اصوات .. قربت .. لقيت ماما جوا وخالتي ام عبدالله وباقي خالاتي معهم .. و حرمه لابسه عباية راس .. وبجمبها بنت اعطيها مثل عمري تقريبا او اكبر .. وقفت عند الباب لا شعوريا وانا اطالع .. ما كنت اسمع وش يقولون بس اناظر كيف الدموع محبوسه بعيون ماما وخالاتي مكشرين ومدري ايش .. ناظرنتي ماما وووقفت:هاذي شجون جت .. تعالي يا ماما الحمدالله على السلامه
مشيت لماما مثل الطفل الخايف .. تعرفون كيف يحاول يبتعد عن الناس الي ما يعرفهم لحد ما يوصل لامه .. رحت لها وانا اطالعهم وبصوت اشبه بالهمس:الله .. يسلمك ..
الحرمه شفتها .. على طول خلاص عرفتها .. معقوووول ؟؟ اذا هي صدق الي في بالي اجل الي معها الحين .....
العنود..؟؟؟!؟!؟!؟؟!؟!؟!!!!
انا انشل تفكيري وانا اطالع البنت الي واقفه جمبها .. اناظر تفاصيل وجهها بحرص .. ذكريات ذكريات كثيره واقفه قدامي .. الشي الي ما ترك ابتسامتي تكتمل .. نظراتها لي .. كانت تناظرني بنظرات استحقار عمري ماقد احد بحياتي ناظرني فيهم ..
فجأه ماما تكلمت:شجن .. هاذي ام حمد وبنتها العنود .. نسيتيهم .. ؟؟
بدري يا ماما عرفت من زمان انهم هم .. معقوله انساهم .. ابتسمت وهزيت راسي بهدوء .. منهم ذولا عشان انساهم .. هذولا اهلي .. محد ضمني لحظنه بعد وفاة جدتي الا ام حمد .. محد شاركني لعبه يومني كنت مجرد نكره غبيه بمدرسى القريه غير العنود .. محد قد حسسني ان عندي ابو غير ابو حمد وقتها .. كلهم كانو عايلتي كل شي عندي بالدنيا حتى قبل وفاة جدتي .. معقوله انساهم .. انسى الناس الي فتحو لي بيتهم وانا مو بنتهم .. معقوله انسى العنود الي رضت بي صديقه رغم غبائي وفقري ؟؟ معقوله يا ماما ابنساهم .. لا مستحيل .. هذولا مثل الدم الي بعروقي اذا جف انا اموت بعده ..
وتمر الدقايق بطيئه كلها نظرات بيني وبينهم .. وش جابهم .. ؟؟ وليش بالذات لما بابا صار مريض .. لحظه اانا نسيت بابا .. التفت على ماما بسرعه:بابا بخير؟
طبعا كنت اقصر صوتي على قد ما اقدر .. مدري هو حيا ولا ايش .. هزت ماما راسها بنعم .. رجعت عيوني عليهم .. دزتني ماما بيدها على ظهري .. تقصد روحي سلمي عليهم .. مشيت بشويش ورحت لأم حمد ومديت يدي وانا مبتسمه :هلا خالتي ..
ام حمد كانت مره فرحانه .. مسكت يدي بقووه مره خخخ عورتني شويه:هلا بك زود يا بنتي .. مشالله .. مشالله كبرتي .. نسيتينا ؟
كانت تكلمني كأني لحد الان تسع سنين .. يا حبي لها .. قلت بعفويه:معقوله انساكم يا خالتي ..
لحد الان مو مستوعبه الي يصير الحين ابتسامتي كل مالها تكبر وتكبر لدرجة اني تخيلت ان وجهي بينشق من كثر ما انا فرحانه .. تبادلت بعض الكمات انا وام حمد .. بعدها التفت على العنود اسلم عليها .. كنت مره متحمسه .. كان ودي احظنها واقولها اشتقت لك موت وما افارقها بعد هاليوم ابد .. بس تفآجئت يوم مدت يدها بطريقه بايخه .. ونظرات الاستحقار لحد الان تناظرني فيهم .. اخذت نفس طويل قلت بعده:كيفك العنود .. وحشتيني ..
رفعت حاجب وهي تناظرني من تحت لفوق:تشتاق لك العافيه ..
قالت ماما:شجون وش رايك تروحين انتي والعنود غرفتك .. تسولفون شويه وكذا
انا فهمت من اسلوب ماما انها تبي تصرفني .. تبيني اطلع من عندهم .. ابتسمت للعنود:تجين .. ؟
التفت العنود على امها وكان باين على وجهها ملامح الترجي .. بس امها اشرت لها بيدها تجي معي .. رجعت التفتت بدون نفس وهي تتأفف ومشت معي .. مدري ليش كارهتني .. انا ما سويت لها شي ؟؟
رقيت فوق وانا مره مبسوطه .. منصدمه حبتين .. معقوووله هاذي الي تمشي بجنبي العنود ... ؟؟ لا ما اصدق .. فتحت باب غرفتي بحماس ابي اوريها انو عندي سرير كبير عندي حمام بجوا الغرفه عندي غرفة ثانيه للتلفزيون وللجلسه كانت زمان غرفة العاب .. ودي اوريها صندوقنا .. الي فيه اشياااء زمان العابنا وذكرياتنا الحلوه .. ابي اقولها شوفيني تغيرت ماعادني شجون الغبيه .. مفروض ما تستحقرني هي وو ... وحمد .. ليش ما سألت عنه ... الا ليش ما اسأل عنه
فصخت عباتي والتفت عليها .. كانت توها جالسه عالكنبه تناظر حولها .. رحت وجلست جمبها وابتسمت ابتسامه شقت وجهي نصين:كيفك العنود ؟
جلست تناظرني من تحت لفوق:زينه ..
بعد لحظه سكوت .. : اممممم .. كيفهم اخوانك ؟
قالت بدون نفس:وشله تسألين عنهم ما تعرفينهم كويس
قلت بسرعه:الا حمود .... اقصد حمد .. كيفه؟؟
وقفت فجأه بعصبيه .. انا مررره ارتعت منها .. كانت تصرخ وتقول:حمد .. والله طلع فيك ذرة طيبة وسألتي عنه .. لا حبيبتي ما عليك من حمد .. اذا تبين تعرفين احواله اسأليه بنفسك بعد ما ....
بعد ما ايش .. ليش سكتت .. ما عطتني فرصه اسألها حتى وش فيها طلعت بسرعه .. وش صاير .. يمكنها فاهمه اي حاجه هنا غلط ..؟

تآأبع ارجو عدم الرد

الجزء الثاني
البارت الخامس
طلعت من الغرفه بسرعه واتجهت للدرج حطيت يدي على الحاجز وانا اطالع تحت .. لقيتها توها واصله للدور الارضي وامها جالسه تطلع من مجلس الحريم ووراها امي
ام حمد:الله يعطيكم العافيه .. لا تنسين موضوعنا يا سعاااد
ماما:لا توصين حريص ابكلمها وابكلم ابوها مع اني اظن انه داري عن السالفه .. حياك الله لا تقطعون عاد ..
طلعت ام حمد ووصلتها ماما للباب .. اول ما صكت الباب نزلت ركض لماما:وش الساااالفه ؟؟...!؟!؟!
ناظرتني ثواني وقالت وهي مبتسمه:مو كنتي تبين تشوفينهم .. خلاص
توها بتمشي بس وقفتها .. الدمعه المحبوسه بعينها باينه وواضحه : ليش زعلانه طيب ؟؟ وبعدين انا اكيد مبسوطه بزيارتهم بس كمان منصدمه شويه ... وش السالفه .. انا كان عندي امل اني اشوفهم يوم من الايام بس وش معنى الحين بالذات لما بابا صار مريض. .. ماما انتي لازم تقولين لي كل شي .. مرض بابا وليش انتي قلتي انك خالتي ذاك اليوم وسبب هالزياره ونظرات العنود المستحقره .. ماما لا تحاولين تلفين وتدورين على الموضوع انا سمعت كل شي ذاك اليوم وشفت اليوم وش صار .. اتوقع لي الحق انك تقولين لي وش جالس يصير وانا مدري عنه ..
كانت الدموع تتجمع بعيوني وانا اتكلم .. مو معقوله عاد مو لهادرجه مادري وش جالس يصير حولي .. ماما حطت يدها كتفي وهي مبتسمه:بعدين ..
بعدين؟؟ ايش الي بعدين .. ؟؟ لمتى بعدين ؟ .. ما كلفت نفسي اسألها .. مشيت من قدامها بكل هدوء واتجهت للدرج .. لكن وقفت اول ما قالت:ما تبين تشوفين ابوك ؟
تذكرت .. بابا؟؟ يقولون مريض وعنده ممرضه ومدري ايش .. .لاززززم اشوفه .. قلت بسرعه وبلهفه:وينه هو ؟؟
ماما:بمجلس الرجال .. حطينا له سرير وجهزنا الوضع له ..
ما انتظرتها تخلص كلامها على طول رحت المجلس دخلت وقفت فجأه .. كل عماني وعيالهم فيه .. وش هالاحراج .. عماني خمسه كلهم هناك وكل واحد عنده كوم عيال اللهم عمي بو عبدالله ما عنده الا توم عبدالله وفتين السخيفه .. دارت عيني عليهم كلهم .. تصمنت مكاني .. لو ان الموقف هذا صاير قبل فتره يعني سنه او اكثر كان صار عادي بس .. بعد الحبسه الطويله ذيك تعدلت شوي ..
كلن اول ما شافني ما طالعني الا يوسف بو عين مفقوعه .. هذا قليل ادب .. وعبيد بس ..
انا استوعبت الموقف ثواني وناظرت بابا بسرعه وطلعت .. وقفت عند الباب اتذكر شكله .. كان عالسرير وجمبه غذايه .. كان جالس ومتسند عالوسايد وجمبه عمي بو عبدالله يكلمه .. يارب يكون بخير انا جالسه افكر وسرحانه فجأه دبج شي على كتفي .. التفت وانا معصبه من ذا الغبي الي فاتح الباب بقوه :وجعععععع
كشرت شويه يوم شفت عبدالله هو الي كان طالع .. ما شفت ملامح كان منزل راسه .. قال بصوت اشبه بالهمس:آسف
وطلع بسرعه .. لحقته وانا اناديه مو راضي يرد .. مسكت بلوزته من ورا:وش فيك ياخي اصبر اكلمك شاخط لي مليون
هو وقف مكانه .. لكن لا زال منزل راسه وشعره نازل على عيونه مو باين الا فمه .. وش هالكآبه الي عايشها هالانسان .. رحت له من قدام ورفعت راسه من ذقنه:وش فيييك؟
رجع نزل راسه بعنف:مافيني شي ..
مشى .. انا وقفت بمكاني اناديه .. ما يرد يمشي بس .. يوم يأست منه .. هو وقف لان جواله رن .. طالع الجوال شوي .. فجأه رمى الجوال بقوه عالارض لحد ما تكسر .. لا مو معقوله الرجال فيه شي .. ركضت له بسرعه:عبدالله قول لي وش فيك ..
طالعت بعيونه .. كان يبكي .. ؟؟ انا مو مصدقه عقدت حواجبي وانا اطالعه وشوي وبصيح معه .. عبدالله يبكي؟ وش السبب العظيم الكبير الي بيخليه يكبي .. رفعت راسه من جديد وقلت بصوت اشبه بالهمس:وش فيك؟ ليش تبكي؟
طالعني حط عينه بعيني .. ابتسم فجأه .. مدري وش سبب هالابتسامه الغريبه .. قال بهدوء:مبروك ..
بسرعه قلت:على ايش ..
تنهد ومسح دمعته:آسف ان كاني .. غلطت عليك بأي يوم يعني ..
مسك يدي:الله يوفقك .. لا تنسين .. تراني مجرد اخو ... لا تقولين صديق
باس خدي وانا بلحظه تعجب .. وش الكلام الي يخربطه وليش يسوي كذا؟ هو مشى وطلع وانا لسى واقفه .. كنت ابي اقول له اني شفتهم كنت ابي اعلمه قد ايش انا فرحانه بس .. ما عطاني مجال .. وتصرفه الغريب هذا زاد حيرتي اكثر من حركات ماما .. لو اني اقدر انتف شعري كان نتفته الحين من القهر .. وش جالس يصير حولي... جدار انا؟؟ وش شايفيني هالناس ..
رجعت لغرفتي وجلست ابكي مثل عادتي ..
وبعد ما طلعت حرتي في نفسي طلعت انادي ام سلطان عشان ترتب ملابسي الي بالشنطه بالدولاب .. توني بطلع شفت ماما .. رحت لها بسرعه:ماما .. جا بعدين .. تكفين قولي لي وش صاااير؟؟؟وش فيه بابا؟
سكتت شوي وتنهدت:انتي شفتي ابوك طيب؟
هزيت راسي بلا
دموعها بدت تتجمع بعيونها .. شوي وتصيح .. قالت لي روحي اجلسي معه وتطمني عليه عمانك توهم طالعين .. وانا بجيك بعد شوي
انا استغربت وش فيها ماما بتبكي .. ليش كل الناس يبكون؟؟معقووووله بابا فيه شي خطير؟
انا قمت اهوجس ورحت بسرعه لمجلس الرجال ودخلت .. وقفت عند الباب اناظر الممرضه تعطي بابا الابره .. انتظرتها لما خلصت وطلعت .. جلست اطالع بابا .. اول مره .. مو اول مره بالضبط .. ثاني او ثالث مره في حياتي كلها اشوف انسان قدامي غالي علي بهالحاله .. حسيت بشي غريب وانا اطالع فيه .. لو فقدته مثل جدتي وماما وبابا وكلن ... ماقدر استحمل خلاص رحت جلست جمبه ومسكت يده .. يناظرني واناظره وما نتكلم .. هذا الانسان انسان عظيم حيل رضا انه يربي بنت مو بنته ويحطها بحظنه ويلبي كل طلباتها .. هو الوحيد الي يوقف بصفي لما ماما تسوي لي شي يضايقني .. هو الي دايم يرفع معنوياتي ويشجعني .. لو وش اسوي ماراح اطلع من جزى هالانسان .. كل هذا وطاحت دمعتي .. مسحها وهو مبتسم:ما قالو لك يا بنتي ما يصلح تبكين عند المريض
شديت على يده:انت مو مريض بابا .. انت كويس وبتقوم قريب وبتصير احسن من اول .. لا تقول مريض ..
بديت اتسآآئل .. مريض؟؟وش المرض الي فيه .. ؟ مهما كان الله يشفيه يا رب .. دخلت ماما وناظرته وهو جلس يبادلها نظراته .. كأنهم يتكلمون ويتخاطبون بعيونهم ما يبوني اعرف .. جت جلست جمب بابا من الجهه الثانيه بحيث اصير انا قدامها وبيني وبينها بابا ..
نزلت راسها وقالت:شفتها كبرت .يلا .. قل لها الي تبي .. انا الي علي سويته ..
بدت تبكي بشويش:ربيتها وكبرتها واخذتها بحظني لبستها احسن لبس واكلتها احسن اكل وبريت ذمتي خلاص ..
مسك بابا يدها:لا تقولين كذا .. انتي امها غصبن عن عين الي ما يرضا .. لا تقولين بريت ذمتي .. البنت تجلس برقبة امها وابوها لحد ما تموت ..
انا عقدت حواجبي وش فيهم .. : ماما وش هالكلام الغريب .. ؟
بدو يتهامسون شوي بعدين رفعت ماما راسها تطالعني .. قالت:انتي .. من كم يوم تسأليني ومكثره اسئله وتبين تلقين له جواب و
قاطعتها:اييييه
تنهدت:شجون .. انتي تدرين اني مو امك ولا خالد ابوك وان احنا متبنينك بعد ماتوفت جدتك .. وانتي تذكرينها وتذكرين عيال بو حمد زي ماهو واضح .. بس سؤالك كان
قاطعتها من جديد:ليش ما كنتو تبوني اكلمهم وليش تقولين لبابا انك خالتي وليش
قاطعني بابا:امك بتقولك .. بس لا تكثرين حكي .. ولا ترجعين تسألين عن هالموضوع فاهمه
انا سكتت ثواني وش فيه الرجال طب فيني .. هزيت راسي بنعم ورجعت اناظر ماما واستناها تكمل حكي ..
ماما:ابوي الله يرحمه .. كان متزوج ثنتين .. الاولى اسمها لولوه .. جدتك يا شجون
انا انصدمت .. جدتي تصير خاله ماما يعني مرت ابوها .. وبعدين جدتي مين .. انتظرت ماما تكمل
:لولوه ما حملت جلست فتره .. تزوج ابوي الله يرحمه امي انا .. وجابتني ثم جابت خالاتك انا اكبر وحده زي ما انتي عارفه .. ( تنهدت) .. يوم جا نصيبي وخذت ابوك حملت لولوه .. كانت توها صغيره يمكن 30 سنه او اكثر اقل بشوي .. جابت امك الله يرحمها هاله .. وبعدها ماتت .. امي الله يهديها ما كانت تهتم بهاله .. انا مر على زواجي من خالد خمس سنين ما جبت عيال .. خذتها وربيتها .. كانت اختي بس كنت احس انها بنتي .. ما كان الفرق بيني وبينها كبير 16 سنه كان عمري وقتها .. بعدين .. جا ابوك الله يرحمه رجال محترم من عايلة كويسه ومشالله غني وعنده خير كثير .. خطب هاله ووافق ابوي وتزوجو وتم كل شي .. الا انك يمكن تسألين وش جاب جدتك بقريه ووش خلاها تعيش حياة الفقر وولدها غني .. جدتك الله يرحمها ما كانت راضيه تترك بيتها وقريتها .. كانت متمسكه فيها مره .. وما رضت تطلع منها ابدن .. ابوك ما كان عنده اخوان عشان كذا جدتك رضعت بو حمد .. وصار عمك بالرضاعه وعياله عيال عمك بالرضاعه .. وجيتي انتي .. وسموك شجون .. وكان ابوك الله يرحمه من كل ماهو متعلق بأمه يزورها كل يوم او يومين يقطع طريق من الرياض لهالقريه وهاله وانتي معه عشان تشوفونها .. ما كان يقدر يترك الرياض عشان شغله .. بيوم .. كنتي توك صغيره ام ست شهور تقريبا .. راحو امك وابوك لعند جدتك حصه الله يرحمها وجلسو عندها لحد الليل يوم جو بيطلعون .. كان فيه مطر قوي وهوا وبرد .. جدتك لزمت على ابوك انه يقعد ينام عندها بس تعذر بشغله وان عنده اشيا مهمه لازم يخلصها .. قالت هاله بتقعد معه لكن ما رضا .. كان عرس خالتك موضي .. وما كانت امك تقدر تقعد كانت تبي تقعد معك بس ابوك لزم عليها ترجع عشان تجهز للعرس وهو وعدها يجي من بكره الصباح يجيبك من عند جدتك على اساس انها بتعتني فيك لحد بكره .. بعد هالاقتراح جدتك تمسكت بموقفنها وحلفت عليهم يتركونك عندها .. هاله بطبعها هاديه وخلوقه ماتحب تعترض .. وافقت وهي من جواها كانت تحترق عليك توك صغيره وتتركك عند حرمه عجوز على بعد كم كيلو عن الرياض .. هذا قلب الام .. وبالطريق ابوك الله يهديه كان يسرع يبي يرجع ينام عشان يلحق يقوم الصباح بدري يجيبك .. بس مع المطر والهوا وكلش قدر ربي وصار حادث وتوفى الله يرحمه .. جدتك رفضت انها ترجعك لنا .. بحكم اننا خالاتك واولى من الغريب وان انتي ما عندك عمان .. لنا الحق احنا .. بس هي عيت .. ورفعت علينا قضايا وجرجرتنا في المحاكم جرجره وبهذلتنا وحرمتنا من شوفتك .. وحرقت قلبونا عليك .. ومرت هالتسع سنين لين ما ربي كتب ياخذها مع ولدها .. جابوك دار الايتام وبلغونا بوفاة حصه الله يرحمها واننا نقدر ناخذك .. عشان كذا ما جلستي الا اسبوع واحد بالدار بعدها لقيتيني جايتك .. انا كان قلبي محترق عليك وكنت ابي احرمك من بو حمد عمك بالرضاعه مثل ما جدتك حرمتنا منك .. يوم دريت انك دقيتي عليهم انهبلت عليك وما رضيت لك تطلعين ولا تجين .. بعدها ابوك مرض .. واصر انه يكلم بو حمد .. الله يهديه خاف على نفسه يصير له شي سم الله عليه .. وهذا هم جو وشفتيهم .. وحصل الي انتي تبينه وجاوبتك على كل اسئلتك ...
كانت تقول هالكلام وهي تشاهق من الصياح .. تقوم كلمه وتسكت عشر دقايق وهي تبكي وماسكه يد بابا .. بابا ما طالعته عشان اشوف ملامح كيف كانت .. بعد ما قالت هالكلام طلعت بسرعه وصكت الباب .. اما انا .. مدري كيف اقدر اعبر عن حالتي وقتها .. مصدومه فرحانه زعلانه معصبه ... مدري وش حصل فيني كنت احس بشخص كاب على وجهي مويه بارده .. انا كنت اسمع ودموعي تطيح وتطيح غصبن عني ما قدرت امسكها ابدن .. يعني هذا الي صار ؟؟ هذي هي حياتي ؟؟ هذا الي كنت ابي اعرفه .. انو عندي عم بالرضاعه وخالاتي هم من جد خالاتي وعبدالله ولد خالتي يعني دمي ودمه واحد وو .. العنود وحمد عيال عمي وجدتي كانت نحسه لهادرجه ومدري ايش .. عجزت عن التفكير .. عجزت اني اتحرك من مكاني اساسا .. كنت احس بابا يكلمني بس ابدن ما كنت ادري وش يقول .. شوي شوي بديت استوعب .. كلهم ظلموني جدتي وخالد وسعاد .. ليش طيب؟ انا وش ذمبي هي تحرمني منهم وهم يحرموني من ذولاك وكل شي حوسه .. اعطيت نفسي فجأه فكرة انو هم كلا* لانهم سوو فيني كذا .. قمت وانا بقمة غضبي وقلت:حسبي الله عليكم
طلعت من مجلس الرجال وصكيت بالباب بقوه ورحت غرفتي وقفلت على نفسي وجلست .. ابكي اموت قهر على الي صار لي .. حرام عليهم .. مو يقولون فأما اليتيم فلا تقهر .. مو انا يتيمه .. مو لازم ما يسوون فيني كذا .. بس من جد حسبي الله عليهم حياتي يمشوونها على كيفهم طفولتي ما عشتها صح زي باقي الاطقال ومراهقتي كانت يا اما انفلات لحد كبير وتصرفات ما عليها لا رقيب ولا حسيب او حبسه مره وحده .. وهذاني بآخر سنوات المراهقه وش بيصير لي لو كبرت شويه ..؟؟ وش معقول يسوون فيني بعد ؟؟ وش بقا بعد ما ادري عنه ومخبينه عني وفجأه بيصدموني بالواقع الي انا عايشه وانا ما ادري اني اصلا عايشته ..
بعد فتره طويله بكيت لقد قلت امين اول مره ابكي لهادرجه .. كنت ابكي من القهر كل هذا يصير لي ولا اعرفه .. زين ليش ما يقولون لي اصلا وش ذمبي انا اذا ماما تبي تحرق دمهم او جدتي ما تبيهم ياخذوني انا ما طلبت منها تخاف علي .. وانا ابكي وابكي نمت .. بديت احلم .. تعودت على هالحلم .. شفت بابا الله يرحمه .. ابتسم لي وجلس يقول انو ماله داعي اضيق نفسي كل الي صار لي فيه الخير ومدري ايش انا قمت وراسي مصدع ولا تذكرت حلمي كويس .. لكن على الاقل ابتسمت لاني حلمت فيه .. غريبه مدري وش معنى الحين صايره احلم فيه .. فيه اوقات قبل كنت مره محتاجه ام او ابو او اي زفت اتكلم معه او .. مدري ماعرفت اعبر .. قمت وانا مو متضايقه ابد كأن الكلام الي قاله بابا صح .. غسلت وجهي ونزلت وكن ما صار شي .. كان الوقت العشا تقريبا .. نمت طوووول العصر والمغرب .. صليت فروضي الي علي ونزلت وسلمت على ماما وبابا .. حاولت احسسهم اني ماني زعلانه ولا منقهره على الي حصل .. انا فكرت في الموضوع كثير يمكن ربي كاتب لي هالشي يصير لي لانو في النهايه بيجازيني على صبري بشي احسن من اللي كان بيصير لي لو اني مع امي وابوي الصدقيين .. الله يرحمهم .. جلست اطالع التلفزيون جت ماما جلست معي بالصاله .. تناظرني شوي بعدين تناظر جوالها تناظرني وتناظر الجوال .. ماقدرت احدد موقفها هل هي لحد الان متحسسه من سالفة امس ولا لا ... خخخخخ مره وحده صار امس .. مو امس قصدي الصبح .. على طاري نومة الصبح شكلي ابسهر ما قمت الا العشا .. يلا وش ورانا اجازه بس ماودي تجيني هالات سودا تحت عيوني من السهر .. اهم شي الشكل والاخلاق وحب الوطن خخخخ .. انا كنت مندمجه مع التلفزيون جتني ماما وجلست جمبي:شجون
التفت عليها:شجن ..
ابتسمت:شجن .. روحي لبوك عنده لك شي ..
انا عقدت حواجبي:بابا توها الممرضه معطيته الابره ونام ؟؟
ماما:لا روحي له صاحي مو نايم ..
قصرت عالتلفزيون وقمت:اوووكي ..
رحت اوانا مستغربه وش عندهم ذولا ..ضربت الباب ودخلت .. :السلام عليكم
بابا:وعليكم السلام .. تعالي تعالي عندي لك هديه
انا ابتسمت ورحت له بسرعه:وشووو ؟؟
مررره احب المفاجئات .. بس المفاجئه هاذي غيير .. طلعه بابا من الكيسه .. جوال؟؟؟؟ لا مو اي جوال .. جوال تمام مثل حقي القديم الكرستالات الورديه ماليته وعليه تعاليقي وخرابيطي الكثيره حقت اول .. انا وقفت اناظر وانا مره فرحانه اخذته من بابا وانا اتفحصه زين .. طبعا ماهو جوالي القديم نفسه ذاك صار موضة قديمه خخخخخخ .. مدري انا ما قدرت اعبر لبابا عن شعوري .. كل الي قدرت اسويه اني ابوووسه على راسه وعلى يده بعد من الفرحه .. ما تتخيلون قد ايش انا فرحت لما عطاني الجوال .. دخلت ماما طالعتها بإبتسامه:ما قصرتي ..
جلست:انتي تستاهلين اكثر وهذا مجرد جوال تافه وسامحينا يا بنتي ما كان قصد
قاطعتها:يوووه ماما حصل خير والله ما صار شي ..
فتحت الجوال وجلست احورف فيه وانا اطلع من المجلس قال بابا: مالك خاطر تطلعين .. ؟
التفت:اطلع ؟؟ وين اروح .. ( رجعت اطالع بالجوال) مابي اروح مكان ..
قامت ماما عندي :عالعموم السواق بغرفته موجود لك بأي وقت اذا بغيتي تطلعين بس لا تاخذين ام سلطان مسكينه كبيره وما تقدر على الطلعه والجيه حدها ترتب وتنظف .. خذي سوزان ولا ساره .. ولا اقولك خلي ساره بعد تعبانه هاليومين ..
انا قمت افكر .. وحده من الثنتين .. يا ان هالحرمه تستهبل ولا تستهبل .. اطلع لحالي مع الشغاله والسواق ؟؟ وجوال .. ؟؟ اوكي الجوال عادي بس الطلعه .. انا كانت تخاف علي لدرجة انها ما تخليني اطلع بالليل مع كائنن من كان .. الحين بتتركني اطلع لحالي .. هي شايفة اني كبيره كفايه يعني ؟؟ اول سؤال تخاطر ببالي قبل الاسئله هاذي كلها .. حدي الساعه كم ؟؟
وطبعا سألتها .. قالت:وحده ونص لازم تكونين بالبيت ..
وحده ونص ؟؟ وحده ؟؟ وحده بالليل .. انا ماني مصدقه وش هاليوم الغريب ؟؟؟؟؟ فجأه اشوف العنود فجأه اكتشف ان بابا مريض فجأه اعرف كل الي حصل وصار فجأه اكتشف ان سعاااد اصلا خالتي وعبدالله ولد خالتي واننووو .. الخ الخ .. حوووووووسه ..
انا تعقد تفكيري الا توقف مره وحده يعني شوي شوي علي لا تجيبون لي كل شي كذا بالوجه مره وحده ..
لا والي زاد الطين بله يوم طلع بابا من بوكه بطاقه ناداني اخذها ..
انا:وش ذا بعد ...؟؟؟؟؟؟؟؟؟؟
بابا:بطاقتك حقت البنك .. هذي فلوسك وحلال ابوك طبعا مع الفوائد والاسهم حقتك .. تستاهلين يا بنتي .. بس لا تسحبين كثير ولا ترا اباخذها منك .. حدك في يومك الف ريال
الف؟؟؟ يستهبل ذا .. شكلهم يبون يودوني مستشفى المجانين .. يعني مانعيني من كل هالحاجات سنتين كامله .. اصلا ما كانو يعطوني بطاقة الصراف ويتركوني اطلع مع الشغاله والسواق لحد وحده بالليل .. ابي اعرف هم حاسين بالذنب عشان كذا جلسووو يسوون كذا ولا وش سالفتهم .. بعد تتنيحه طويله ابتسمت ابتسامه كبيره:اقدر اطلع الحين ؟؟
بابا هز راسه بنعم ... الرجال بايعني .. وانا وش وراي رحت لغرفتي ورجعت لايام زمان الي كنت اوقف عند الدولاب ثلاث ساعات انقي لي بلوزه تعجبني مع اني بلبس العبايه ومحد شايفني .. لبست لي بلوزه موفيه فاتحه عليها خرابيط وكلام بالابيض وجينز برمودا وجزمه موفيه .. وطبعا ما تركت ام سلطان بحالها خليتها تطلع لي العبايه الموفيه.. جالسه احس اني رجعت لايام اول يوم اخلي الشغاله تحط لي مناكير وكل شي فيني لازم يكون مضبوط وعشره على عشره .. الجزمه بنفس لون العابيه نفس لون المناكير نفس لون الشطنه وحتى الشغاله ما اتركها تطلع معي بأي شكل .. ضبطتها صح .. الساعه الحين تسع .. فله .. بس اطلع وين اروح ؟؟ لازم ادق على عبيد اخليه يطلع معي كذا فله .. خخخخخ نسيت انه عنده سياره .. قصدي انا اطلع معه .. دقيت ما رد .. دقيت مره ثانيه ما رد .. دقيت ثالثه عطاني مشغول .. يوم حلفت انه يرد ودقيت الثامنه رد وهو معصصصصصصب:خير نعم
انا وقفت ثواني .. وش فيه يصرخ قلت بشويش:عبود وش فيك ..
عبدالله:شجن ؟؟؟
لحظة سكوت
عبدالله:من جواله بعد .. ( قال بإستهزاء) الشغاله ؟
انا ضاق صدري من كلامه وقلت بصوت حزين: تتريق علي ... عالعموم مشكور .. هذا جوالي انا .. كنت داقه عليك ابي افرح معك شويه بس الظاهر ..... خلاص مع السلامه ..
عبدالله:باي
وصك بوجهي .. انا مو مستوعبه ليش قال هالكلام .. ضاااق صدري مره وما صار لي خلق طلعه او اي شي ثاني .. افففف

تآأآبع ارجو عدم الرد

الجزء الثاني
البارت السادس
فصخت عباتي وانا منقرفه وش ذا الدنيا اكرههها افف كل ما يصير لي شي حلو يجي شي ينكد علي دايم .. عبدالله وهو عبدالله يكلمني بهالطريقه .. من بقى عندي ... الواحد اذا عاش من غير اصحااب يموت .. وانا مدري ايش اسوي بعمري الحين .. من اكلم من اجلس معه وش اسوي .. رحت للتلفزيون .. فرفرت فيه لين قلت بس مافي شي اطالعه .. افف الساعه عشر وكلن نايم حتى الشغالات نايمات .. احيانن اذا طفشت اروح اسولف مع وحده منهم .. كل وحده منهم عندها همومها مثلنا كلنا .. احيانا لمن اسولف معها انسى فرق اللغه والدين والعرق وكل شي .. اسمعها بكل حواسي حتى لو كانت تتكلم بلغه عربيه ركيكه على الاقل كانت تتكلم بصدق ومن قلب تحس انها تشكي همومها لاحد لقت احد ينفس عنها شوي .. بس انا .. مالقيت احد ينفس عني .. مدري ليش انا طبعي كتومه مره مره ماحب اقول لاحد اي شي عني .. فجأه من غير مقدمات رن جوالي .. اول اتصال استقبله . رفعته بلهفه:اللووو
الطرف الثاني:يا ايوانه ..
كان صوت طفل صغير جالس يقول لي يا حيوانه .. ههههههههه انا جلست فتره استوعب وش يبي ذا شكله كان يلعب بجوال امه ولا ابوه ودق علي بالغلط هه .. قلت بإبتسامه:انا ايوانه ..؟؟ ليييش ؟؟
الطفل:تتنتي بيله الاوه يا دوبه
انا ضحكت من قلب عليه .. كلماته مو مفهومه بس صوته وهو يحاول يتهاوش معي مره خطير .. سمعت صوت من بعيد يقرب:بدير اترك جوالي لا اسفك للسطح .. الوو ..
صوت رجال .. رديت وانا رافعه حاجب:الو .. ؟
الطرف الثاني:اسفين اختي بس ولد اخوي يلعب بجوالي ومدري كيف ضبط الرقم معه .. عسا ما ازعجناك
استوعبت ثواني وقلت بسرعه:هاه ..لا عادي عسل يجنن .. مافي ازعااج
الطرف الثاني:اها اوكي اسفين من جديد ..
توه كان بيسكر بس وقفته :اسم الولد بدر ؟؟
هو سكت شوي .. انا جلست الاحظ مدى غباء سؤالي هذا .. بالله هذا سؤال ينسأل .. الله يفشلني .. انا جلست القط وجهي وهو رد بإستغراب:هاه .. ايه ايه بدر ..
ابتسمت:عاشت الاسامي .. يلا باي
سكرت وانا ميته من الاحراج .. شكلي من الطفش قمت اسولف مع خلق الله .. خخخ .. وانا وش وراي ..؟ رجعت دقيت
الطرف الثاني:الووو
حاولت استجمع جرائتي شويه وقلت:ممكن بدوري؟
الولد عرف اني انا نفسي الي قبل شوي .. كنت اتخيل وجه وعليه علامة استفهام يقول وش تبي ذي ..
انا : اذا مو عادي خلاص .. سوري
هو:لالا عادي ... بس .. اعرفك انا ؟؟
انا انحرجت:لا بس .. سوري سوري بس انا كنت طفشانه وشكل الولد سوالفه حلوه بس .. اسفه عالازعاج
هو:لا وين ازعاج حياك .. ثواني
انا استغربت .. هذا شكله ثقل حبتين وش فيه فجأه عطاني وجه .. سمعت صوت بعيد يقول:بدير خذ كلم ماما
هههههه يستهبل ذا ماما .. خلييينا نشووف وش بيقول لي بدوري الحين
الووووو
قالها بحماس وكانت طالعه من قلب .. انا ضحكت عليه ورديت:هلا بدوووري
بدر:ماااماااا قولي بابا عمو سيوفي ما يتيني الاوه .. ابي بيت
ضحكت عليه من جديد اسلوبه بالكلام مره عجيب رديت عليه: عمو سيوفي ما يعطيك حلاوه ؟؟ ليش انتا وش سويت ؟
بدر بكل براءه :ما اويت شي هو شرير ..
بعدين بدى يتكلم كأنه يخاطب احد ثاني:عمو سيوفي هذا مو ماما يا كداب .. هدي صديقتك
انا خلاص فقعت ضحك عليه من جد خطيييييير لابعد الحدود ..
انا:بدووري كم عمرك حبيبي؟
بدر:عمري سلاثه سوا لي بابا عيد ميلاد كبببيير
انا:والله ؟؟ ليش ما عزمتني ؟
بدر:انا ما اعرفك انتي مييييييين ؟
انا:انا شجن .. صديقتك انت مو صديقة عمو سيوفي
بدر:سجن ؟؟
ضحكت عليه:شجن حبيبي .. شجن .. قووول شـــجـــــن .. شجووووون
بدر عصب:سجن ولا سجون لا تعصبيني
مت ضحك على هالولد من جد رووعه .. بعدها تكلم عمه سيف:سوري اختي ان كانه ازعجك ولا شي
انا ولحد الان اضحك شوي:لا ازعاج ولا حاجه انا الي سوري والله مدري الطلب طلب غريب حبتين .. مشكووور اخوي ..
سيف:العفوو ..
سكرت وانا مره اضحك على سوالف هالولد خطير مشالله عليه توه صغير ولسانه طليق .. اييه بس قضا الضحك الحين وش اسوي .. ؟؟ انعن اوم الطفش الي زي كذا .. قررت اني اسبح .. طلعت برا .. كنت شويه خايفه .. ظلام والبيت فاضي وكبير .. بس مسكت نفسي لحد ما وصلت عند المسبح وفتحت اللمبات .. هدووء بشكل مخيف .. ما قدرت على طول رجعت ركض للبيت وانا قلبي يرقص من الخوف .. اوف لاي درجه انا خوافه .. زين كذا بطفش .. لا ما علي بطلع .. بس مافي احد يجلس معي .. اخااف
قررت قرار اني اخذ المسجل معي واعليه على اعلى شي عشان ما اخاف .. وبالفعل اخذت الايبود والاستريو ورجعت من جديد للمسبح .. طبعا كنت خايفه شوي بس الواحد لازم يجازف خخخخ
شغلت اغنيه لبرتني وشبكته عالإستريو وخليت الاغاني تلف لوحدها .. بعد ما لبست المايوه حطيت رجولي اول شي اتحسس المويه وشوي شوي نزلت .. سبحت وسبحت كثير .. نسيت نفسي بالمويه وبديت افكر بأشياااء كثيره ..
من سالفة انو بو حمد عمي لزعل عبدالله .. حللت كل شي صار وحاولت اعرف كل موقف وش معنى بهالفتره حدث .. حاولت اربط اشياء وافك اشياء لكن .. حسيت اني ببساطه متقبله كل شي .. حسيت ان كل شي عادي وما صار .. استغربت على نفسي ليش ما انصدمت ذيك الصدمه القويه .. ليش كل شي صار اوكي ؟؟ يمكن لان عبدالله كان بالنسبه لي اقرب من ولد خاله فـ هالخبر ما غير بواقعي شي ويمكن .. لان من كثر ما انا احبهم الي هم عيال عمي حمد تقبلت كون انهم عيال عمي لكن ... كيف اتقبل ؟؟ انا اصلا ما رفضت الفكره بس
ليش ما كنت لذيك الدرجه فرحانه ؟؟
كيف تقبلت انو ماما الي هي اصلا مو ماما تصير خالتي .. ما حسيت اني انصدمت كثير بعد ..
ويمر الوقت لحد ما بديت اسمع .. الله اكــــــبر .. الله اكــــــبر
يؤ جالس يأذن ... بس يأذن وشو ... انا على طول طلعت وطفيت الااغاني .. ناظرت الساعه .. خخخخ اكيد بيأذن الفجر اجل وشو .. يوو لازم ارقى لو شافتني ماما كذا بتكفخني .. ما ترضى لي اسبح الا ومعي احد تخاف اغرق ومحد يدري عني .. رقيت بسرعه ودخلت غرفتي وانا ارتجف من البرد .. كان فيه مطر خفيف .. مطر بالصيف .؟؟ وبالرياض .. غرييبه ..
ما دققت بالموضوع كثير تروشت وتوضيت صليت ورحت انام ..
قمت على صوت امي .. كانت تهزني بقوه:يااااااابنت قوومي لي نص ساعه واقفه نبح صوتي
فتحت عيوني وانا مرتاعه لقيت وجهه امي قدامي وعيونها شوي وتطلع .. نقزت من سريري وانا خايفه:وش صااير .. ؟
ماما:متى نمتي ؟
عقدت حواجبي:مدري الفجر ..
تنهدت ماما وقالت:قومي صلي الظهر ولا ترجعين تنموومين
تأففت من قلب .. وقمت غسلت وجهي وتوضيت وصليت .. نزلت تحت وانا اشوف الدرجه اربع شوي وبيطح .. دايخه مره .. ليش حظرتها مقومتني .. لقيتها تحت تحوس بالصاله .. قلت بصوت نااعس وكالع من خشمي:وش السالفه؟
ماما طالعتي بعين حاده: انتي طلعتي امس؟؟
صحصحت شوي وقلت بإستنكار : لا .. كنت بطلع ما طلعت ..
ماما:يقول عمر انك طلعتي
انا جلست استوعب .. عمر .. من عمر .. ؟؟ ايييه عمر سواقنا الدبشه ذا .. عقدت حواجبي:والله ما طلعت .. وبعدين انتي اصلا ويا بابا تقولين اطلعي عادي
ماما قربت لي وهي متخصره وبعصبيه قالت:وما رجعتي الا الفجر
فتحت عيوني:وشوووو..؟؟ خيييير من قال ..
نزلت وانا معصبه:اووريه الكلـ* الحيوا* يتبلى علي .. والله لاكفخه بالجزمه ..
ماما:شجينه .. روحي لبوك
انا جلست ابي استوعب ماعرفت .. كل شي ملخبط اول شي تنفضني وهي معصبه وبعدين تقول ان السواق قال اني ما رجعت الا الفجر بعدين تقول لي شجينه ؟؟؟؟ قويه صراحتن .. رحت لابوي وانا راسي ملحوس
دخلت:بابا ليش ماما صارت مجنونه؟؟
تنهد بابا وحط كاس المويه الي بيده:امك خازها بليس لا تكلمينها بس .. تدور الشر
ضحكت بيني وبين نفسي ورحت جلست عنده وحطيت راسي على السرير:ابي انوووووم
بابا:دايخه؟
انا:مقومتني تقول لا ترجعين تنومين ..
رفعت راسي وانا مبوزه:لييش؟
بابا ضحك:ما عليك منها اقولك تدور الشر .. روحي تغدي بس ..
قلت بقرف:مااابي مالي خلق ..
تنهد بابا ولف وجهي عليه:لونك اصفر ليش ما تاكلين
تنهدت:مو حلو الاكل شسوي .. ماحب آكل
سكت بابا شوي وبعدين قال : طيب اطلعي كلي برا لا تجلسين كذا ما افطرتي ولا تبين تتغدين
سكت شوي وانا مبتسمه .. ياااي اطلع .. نسيت والله نسيت .. قمت بسرعه :بروح اغير ..
رجعت من جديد:بابا .. اخاف ماما تعيي؟
اشر لي بابا بيده وهو يهمس:روحي روحي بس ميب شايفتك ناديها لي
ضحكت عليه ورقيت فوق .. بدلت ولبست عباتي .. نزلت بشويش اناظر حولي ماما فيه ولا لا .. ناديت سوزان وطلعت ..
حر .. وريحة السواق الخايسه .. وصوت ايفرل لافين تغني ..
اشوف نخلات تجي وتروح بسرعه .. منن زمااان ما طلعت وجلست اقزقز خلق الله وهم بسياراتهم .. اناظر شويه الاقي همر اسود خطير اتش ثري .. والي راكبه واحد كشته ما تدخل مع الباب .. ومن وراه سياره قرمبع ونيت فيه خرفان والي يسوق واحد وجهه يلمع من العرق وواقفه على خشمه ذبانه .. ناس غير عن ناس وفرووق شاسعه كثيره .. وفوق كل هذا راعي الهمر جالس يكبس لراعي الونيت مدري والله وش كان يقول له ماعرف لغة السيارات خخخ
بس الهدف انو من تواضع لله رفعه .. حسيت اني جالسه اتفلسف .. رفعت راسي اناظر الفيصليه .. بطأت سرعه السياره .. شكلنا الحين بطريق الملك فهد .. يااااااليل .. ازحم طريق في الرياض كلها .. لا وفوق كذا من شطارتي جايه الظهر وقت الي يطلعون الناس من الدومات او يروحون لها ..
جلسنا بالزحمه نص ساعه ما بغينا نطلع .. عمر اقلقلني كل شوي يسأل ماما وين تبين روه .. ماما وين تبين روه .. انتفخ راسي من صوته الي كنه دجاجه مزنوطه .. لو اننا جايبين سواق سعودي اصرف خخ ..
بالنهايه قررت اروح ركا .. عند جامعة الملك سعود .. بابا يشتغل هناك ودايم يعلمني عن حركاات الطلاب مهبل بشكل غير طبيعي وخصوصا طلاب كلية التربيه خخ .. وش تطلع ذي بعد .. كلية التربيه .. الظاهر انها حقت الرسم والشخابيط .. ايييه الله يعين بس مدري وش يحبون في الرسم .. لا وهم الي مهبل لوول ..
دايم بابا يسولف لي عن حركات شباب الجامعه ومدري ايش لدرجه حسستني انهم بزران .. بس ولو لاني انا احب الهبل رحت عند ركا .. لانو الحين وقت غدا وراح يطلعون يتغدون هنا .. يعني فله
وقف عمر السياره .. مع الحر والخياس تحسفت على نفسي انزل .. خليت عمر يروح يطلب لي ..
انا تأزمت من حالة الطفش الي اعيشها ..كنت مفتكره انو بلاقي هبل هنا بس شكل المكان مهجور ... اللهم تجي سيارة شاخطه الاغاني واصله لاخر الشارع وصراخ شباب .. وما تدوم الا خمس ثواني ..
جلست اطالع بالجامعه .. احسن جامعه بالرياض تقريبا .. بس المشكله انها للاولاد .. طبعا .. انا اتكلم عن المبنى الحلو الي قدامي مو جامعة عليشه حقت البنات كلن يقول انها مخيسه ..
انا ابي ادخل في ذي الي جالسه اطالع فيها الحين .. من كثر ما يسولف لي بابا عن جامعته الموقره كرهتها من كثر ما حبيتها .. كان ودي اني بزره عشان اروح معه يوم من الايام .. خخ عاد تخيلوني واقفه بوسط قاعه كلها شباب وبابا جالس يلقي محاظره وانا معي حلاوه وامصمص ..
تنهدت .. يبيلي افكر كويس وش بدخل .. اي تخصص اي جامعه مخي فاضي الحين .. مره تقطع قلبي ودي ادخلها .. حظه عبيد هو وخشته داخل هندسه وكل يوم يجي ..
بعد فترتن وجيزه اكتشتف واستوعبت ليش المكان مهجور .. لانو وبكل بساطه احنا بالصيف ومابه احد بالجامعه .. كان ودي اعطي نفسي كف على هالتفكير ..
جلست احورف بجوالي انتظر عمر ذا الدبشه كل هذا يطلب .. دقيت على بابا ونشبت له سوالف مالها داعي .. وجا بخاطري هالسؤال
:بابا .. الحين البنات مالهم قسم بجامعة الملك سعود ؟؟
بابا:الا بعليشه
انا:لالالا .. اقصد الي انت فيها .. حقت الشباب ..
بابا : ... ليش هالسؤال
انا:مجرد فضووول ..
بابا:مدري والله ماني متأكد .. الطب البشري الظاهر او انه العلوم التطبيقيه .. شي زي كذا .. بس انه عموما طب .. هذا تلقين فيه مبنى للبنات بس الله يهديهم الممرات والقاعات فيها بنات واولاد مع بعض ..
انا سكت شوي : عادي فلها يا بابا .. وش فيها
بابا:لا بس .. ما ينفع كذا مفروض يخصصون كليه في عليشه مع باقي الكليات للبنات مو يسوون الدعوه خلبليصه
انا ابتسمت .. نسبتي بثالث كويسه مع نسبة ثاني بتطلع تحفه .. وعندي بابا واسطه ليش ما ادخل .. تجربه جديده اني ادرس بمكان مختلط .. بس ثواني من السكوت قلت:بابا وش رايك اجي ؟
بابا :وين تجين ؟
انا:عندك .. نصير انا وياك نجي كل صبح مع بعض .. ههههههه وش صبح .. قصدي وقت الدوام ..
بابا:ايه يصير خير ..
يا مصله بابا .. سولفت معه شوي وسكرت يوم شفت عمر جاي ..
فتح الباب ودخل الكيس:ماما انا اعطي هذا رجال محاسب خمسه ريال فلوس مافي كفي عطيني انا خلاص ادفع من فلوس مال انا
سكت شوي وش يخربط ذا .. الكلـ* انا معطيتيه ميتين قطعه وحده على وجه بعشرين ريال هههههههه كل ذا ونقص خمسه .. يا ان ذا الرجال حاله من الغباء يبي خمسه بس مو عارفه .. عطيته واعتبرتها صدقه لوجه الله تعالي .. ههههه
ارجو عدم الرد

طيب .. الحين وين باكل .. توه عمر بيحرك السياره الا قلت له يطفيها .. البرقر له طعم ثاني جوا السياره .. فصخت طرحتي عن الحر ورتبت مكاني وجلست اكل .. السياره مظلله والمكاان فااضي وانا ما وراي شي .. واناظر بالشارع والسيارات الا سياره توقف ..
طبعا لقافتي ما تركتني جلست ابحلق في راعي السياره
مشيته مو غريبه .. وشعره وطوله وكل شي .. ما كان باين من التظليله .. عقدت حواجبي ورحت للشباك وتفتحته .. جلست اناظر كويس .. هذاا ياااااااااااسر ..!! يا حليله والله اني مشتاقه له .. اكيد يحسبني نكبته عقب ذيك السالفه
الولد التفت وناظرني ثواني وابتسم .. جا عندي:هاااااااي شجن
كان مستغرب شويه وباين عليه انا رديت الابتسامه:ياااا الدبدووب شلونك .. والله لك فقده .. صدفه احلا شي
مد يده بيسلم: هههه فقده هاه .. يا اللعابه لو اني ما كفشتك الحين كان بح شجون
ضحكت عليه ومديت يدي له .. يا حليله اخر شخص توقعت اني اشوفه .. جلسنا نسولف شويه عن رجعته للسعوديه وعن الجامعه وكل شي
ياسر:امم شجن .. ما لاحظتي اني واقف بالحر واكلمك من شباك السياره والشمس على راسي؟
ضحكت عليه:احسن ..
رجع يضحك :اسمعي ما راح تنحاشي مني مره ثانيه .. عطيني رقمك يا بنت ..
هالمره طلعت جوالي وبكل فخر .. كني اقول شوفوني رجع لي جوالي خخخخخ .. طبعا من دباشتي ما حفظت الرقم قام هو عطاني رقمه ..
ياسر:امم انا بروح .. بس ماني واثق فيك انتي
عقدت حواجبي:ايش؟
ياسر:عارف انتي ماخذه رقمي عشانك ما راح تدقي عليا صح ؟
جلست اقلد عليه:انتي ماخذه رقمي عشانك ما راح تدقي عليا .. اقووول يبو الشباب في خاطري سؤال
ضحك:اسألي
انا:انت لهجتك وصوتك خلقه كذا يا الدلوع ؟؟ ياخي انت بنت متخشنه .. خلك رجال شويه
ياسر:لا انا رجال بس اشرب ليمون كثير
ضحكت عليه من قلب يبي ينكت مو عاارف شكله .. المهم عشان يتأكد هو وخشته دقيت عليه عشان يسجل رقمي ..
ياسر:يلا شجونه فرصه سعيده ..
انا: تسلم .. مدري وش يردون
ضحك من جديد: الله يرجك ..
توه بيروح الا التفت:ترا عند فمك فيه شويه مايوو ..
مايو؟؟؟مايونيز .. اللله يقطع بليس ابكفخ هالولد يعني جالس يسولف معي ربع ساعه وتوه يقول .. رميت عليه علبة المناديل:يا حماا*
ضحكت ورجع:اشبكي انتي ؟
ناظرته برجاء مصطنع:ياسر..تكفى .. تكلم زين .. ترا تكفى تهز رجال
رجع يضحك .. حوم كبدي من كثر ما يضحك .. مفتكر اني جالسه انكت عليه ..
ياسر:شسوي ذس از مي شجن .. انا مش على كيفي .. صوتي كذا
مسحت المايو الي عند فمي:ولهجتك كذا بعد .. ياخي تحسسني انك حجازي على نجدي على حبتين بريطاني وش ذا
ياسر:كوكتيل كلوو سكر ..
ناظرته بنص عين:يا واااثق .. ليش رجعت انت وخشتك ؟
ياسر:لا لا لا .. شجن بسراحه حطمتيني .. كنتي مره ذوق لمن شوفتك بلندن دحين جالسه تسوي خشتك وما خشتك تكلمي بذوق يا بنت الناس
كشرت بوجهي: برا لازم نصير برا جوا لازم نصير سعوديين .. تسذا
ضحك من جديد .. هالمره وصلت معاي خلاص ابذبحه من كثر ما يضحك :هاااه ليش رجعت؟
ياسر:ما تبغيني يعني؟
انا:مو بالضبط .. اخلص
ياسر:لا بس حاب اسولف معاكي شويه ..
انا:يا شيييخ ..
ياسر:اسمعي بدق عليكي الحين لمن ابعد شويه ..
عقدت حواجبي:لمن تبعد شويه؟
ياسر:يس لمن ادخل المحل الي هنا .. ماااي فرند جوو هنا ..
عقدت حواجبي:يور فرند جو ؟؟ يا غبي قوول فرندز .. ولا تحكي عربي انقلش
ضحك من جديد:جو مو يعني صارو هنا .. جو يعني اسمه جو يعني صديقي الي اسمه جو هنا ..
استوعبت ثواني:وش جاب واحد اسمه جو بالرياض قلي ؟ .. ولا اسمه جعيدان ويبون يختصرون
ياسر:ههه لا يا حبيبتي هذا من لندن اجى معايا .. يلا سي يو .. ترا راح ادق
اشرت بإيدي بي باي وانا اكل بطاطسه .. وش جاب واحد اجنبي عندنا .. سبحان الله تارك لندن وجاي الرياض .. من الجو الحلو للخياس والحر .. شكله ماعنده مخ ابد
كملت وجبتي وقلت لعمر يحرك للبيت .. شكلي باخذ لي دش طوييل بعد حالة الحر الي عشتهاا
نغمة الجوال المعتاده .. ترن رنرن ترن رنرن ترن رنرن رن .. اكرههها تجيب لي المرض يا ناس بس شسوي ماعندي شي في جوالي فااضي .. ناظرت الرقم ( تسذا )
ضحتك على هالمسمى ..هذا ياسر بسم الله ما امداه دق .. رفعت الجوال:اهلين ..
ياسر:هلا والله ..
لحظه سكوت .. : ايه وش بغيت ؟
ياسر:ولا حاجه .. ابي اسولف معاك ..
انا:امممم اجل اول شي تكلم يا حجازي يا نجدي اختار .. ولا تخلبص بالحكي وتجيب انقلش عالطاير
ياسر:هههههههههههه طيب ايش اسوي لمن تكون ماما جداويه وبابا من الرياض .. اقس عمري نصين ؟
انا:اقصصصص مو اقس .. ولا تقول بسراحه بعد .. بصراحه ..
كنت اقول حرف الصاد من قللب ..
ياسر:ههههه شجن والله انك تضحكي كثيييييييير ..
انا:ههه تصدق توني ادري ..
ياسر:ايوا ايش كنا نقول ؟
انا:ياسر راسي منتفخ ومالي خلق احد .. شف عارفه اني صايره امون لاني اول مره شفتك كنت خقق وتهبل وانا كنت مستحيه انا وخشتي بس الحين الحر لعب بإعصاااااابي
ياسر:هههه .. كنت اخقق واهبل ؟؟ والحين خيخه ؟
ياربي حركاات الشباب لمن يقومون يلقطون الحكي بهالطريقه .. نفسي اسولف مع واحد سوالف عاديه لا يجيبها يمين ولا شمال
انا:يااااااسر بابا يدق علي ابكلمك بعدينصكيت بوجهه وتنهدت .. احس اني متخدره .. مع اني ما نزلت ولا سويت شي بس فحت بهالحر .. وجهي حاطته قدااام المكيف تمام وما في فايده .. نزلت من السياره وخبطت بالباب بأقوى ما عندي .. مدري ابي اطلع حرتي في شي
دخلت البيت وانا فاتحه فمي .. الله .. برد .. رقيت غرفتي وعلى طول دخلت الحمام فصخت عباتي وعلى الارض مرره ما كان عندي وقت فتحت المويه عالبارد بملابسي وبكل شي وباب الحمام مفتوح ومدري ايش .. جت ماما وطلت علي
ماما وهي فاتحه عيونها:يا مجنوووووونه وش تسوين ؟
بعد التتنيحه استوعبت اني تحت المويه بملابسي وعباتي على الارض بالحمام وكل شي .. وش اسوي خلاص حر لدرجه مو طبيعيه ..
جلست اضحك على نفسي وماما مره مستغربه : خلااااص البنت انهبلت ..
دخلت معي وشالت عباتي الي كانت ترطرط مويه وحطتها بسلة الغسيل وجت سحبتني وطفت المويه:بزره انتي ؟؟
انا اناظرها بنص عيون وبكل برود .. عطيتها تكشيره تناحه وقلت:حر ..
هزت راسها وهي تضحك:بس بدلي ملابسك وتروشي زي العالم والناس تاركتلي الباب مفتوح والعبايه عالارض ومتروشه بملابسك
ناظرت نفسي:كلها بلوزه وجنز ..
طلعت ماما وهي تضحك .. راحت شوي ورجعت بسرعه:وين كنتي فيه؟
يا لييييل بدينا التحقيقات .. سكرت الباب وانا أاشر لها بيدي بي بااااي والابتسامه شاقه الوجه ..
تروشت وخلصت لبست لي بجامه ووقفت عند المكيف .. يااازين البرد زيناه ..شوي بدا يعورني راسي مع المويه والهوا شكلي بزكم ..
نزلت تحت عند ماما وبابا لقيتهم يتقهوون:السلااااام عليكم
الكل:وعليكم السلام
بابا:نعيما ..
انا:الله ينعم عليك ..
جلست:ليييش تشرب قهوه ..
التفت على ماما:ما ينفع يعني
ضربتني على خفيف:اتركيه .. مسكين خنت حيلي
ضحكت عليهم شويه وقلت:ايه بابا وش رايك ؟
بابا:بوشو
انا:بالموضوع الي قلته لك اليوم .. اني ادخل طب واجي عندك بالجامعه ..
ماما:لا يا عيوني مافي هناك اولاد مع بنات ..
ناظرتها:لالالا .. بس بالممرات .. والقاعات حقت مدري وشو صح بابا ؟؟
تنهد:صح .. بس انتي وش حادك على الغثا الطب يبيله ناس عاقله مو انتي ..
بوزت:يعني انا مجنونه؟؟
ماما:لا بس اختبار قدرات وقياس واشيا منتي جايبه فيها الا خراط بوجهك
ضحكت عليها:مااااماا .. القيااس للأولاد مو للبنات .. هااه بابا .. انت عندي واسطه
بابا:ونسبتك ؟
تنهدت:ياذا النسبه .. في ثالث جايبه سته وتسعين وبثاني ... اممم مدري الظاهر ثمنيه وتسعييييييين بابا
بابا:ييصير خير ..
ماما:لا مافي .. تروحين عند هالمهبل .. مافي
انا:وش مهبل ؟؟
ماما:طلاب هالجامعه الصياعه
انا:ماما وش دراك عنهم .. وبعدين انا مالي شغل فيهم اساسا
ماما: وش دراني عنهم .. محد رقد ابوووك الا هم حسبي الله عليهم
بابا تنهد:كل شي بتحطه فيهم ..
ماما وبابا جلسو يكملون نقاشهم التافه وانا جلست افكر .. وش مرض بابا ؟؟ وش خلاني ما اسأل عنه ؟؟
بس اخاف اسألهم يتضايقون او شي ..
قمت من عندهم:عن اذنكم
ورحت ادور سالي الممرضه .. لقيتها تهرج مع الشغالات بالمطبخ:هاااي سالي
سالي ناظرتني اول مره اجي اسلم عليها:هااي ..
بديت اسولف معها شويه بعدين سألتها عن مرض بابا هي قامت تشرح لي وكل شي بالانقلش ماافهمت ولا شي
قلت وانا مكشره:خلاص خلاص خلاص
سالي:انتي مافي افهم ؟
انا فتحت عيوني .. الحيوا** لي ساعتين اتشاخط معاها بالانقلش طلعت تعرف عربي ..
قلت بعصبيه:مشالله .. تحكين عربي انتي وخشتك ..
سالي:..؟؟؟
انا:اممم .. طيب بابا وش فيه؟
سالي سكتت ثواني وهي عاقده حواجبها:مافي معلوم ايش في هادا اسم والله ..
تنهدت .. ياعيني على البقاره الي زي كذا .. فجأه تكلمت
.. اييييه مومكين هادا اسمو جلته ..
جلته ؟؟؟ يعني .. بابا جايته جلطه ؟؟؟ بابا فيه مرض القلب .. ؟؟!؟

الجزء الثاني
البارت السابع
انا انصدمت من قلب عيوني غصب عني بدت تتجمع فيها الدموع .. مو معقوله انا ما راح اقدر اتحمل افقد ابوي من جديد ما اقدر
يعني عممممممري كله ما حسيت بمعنى ابو وهالانسان جا وقدم لي مشاعره بيديه اخذني بحظنه صرت اسميه بابا ..
تدرون ايش يعني بابا ؟؟ يعني هالانسان انا مدري وش بسوي لمن يروح عني زي الي سبقوه ..
رحت لغرفتي بسرعه وقفلت الباب قدامي .. ثواني بدت دموعي تنزل وتنزل انكتمت مره احس اني بقفده مدري ليش
ما كنت مستوعبه الي حولي كل الي اتذكره اني مسكت جوالي ودقيت على عبدالله
صحيح مدري شفيه علي وصحيح اني كل ما ادق ما يرد بس هالمره انا محتاجة له
انا ما عندي احد اتكلم له واقوله عن الي بقلبي واشكي له غيره ..
لكن للأسف ظل الجوال يرن ويرن ويرن ويرن لكن تمسكت بأمل انه يرد لدرجه خلتني اتمنى انو يرن من غير ما يوقف بس ما يسكت هالصوت وما اكتشفت ان عبدالله من جديد .. سفهني
رميت الجوال عالارض من القهر وضليت ابكي وابكي .. لحد ما بردت خاطري ..
قمت اغسل وجهي وجلست عند الشباك افكر ..
يمكن بابا مرضه فيه حكمه ربي ما يسوي شي الا بحكمه سبحانه ..
حسيت بقلبي حزن كبير لكن شويه فرح .. توني احس اني اعز بابا لهادرجه .. رجت توضيت وصليت ركعتين شكر
اللي عندي مو عند غيري والي ربي رزقني به كثييييير كثيييير غيري يتمناه ..
رن جوال وانا بالتحيات .. سلمت بسرعه ورميت الجلال ..
الووو
هااااي شجن
تنهدت:هلا ياااسر ..
ياسر:شفيكي شجن ؟؟ ليش صوتك زعلان عسا ما شر ؟
انا:لا ابد .. سلامتك ..
ياسر:لا جد احكي ..
انا:بس بابا مريض شويه
ياسر:اهاا .. يقوم بالسلامه انشالله ..
انا:الله يسلمك
ياسر:اسمعي .. انتي اليوم بتطلعين ؟
عقدت حواجبي:ليش؟
ياسر:لا ولا شي بس حبيت اوريك حاجه مررره كووول .. تعالي فيدركلز اليوم المسا اوكي؟
تنهدت:ياسر وربي ماني رايقه ..
ياسر:شجن والله حاب اوريك هالشي انتي متل ختي تمام وابي احد يفرح معي لما افرح ..
انا ارتحت نفسيا .. اجل مثل اخته .. زين .. بس عاد وش هالشي العظيم الي بيفرحه ويبي يفرحني معه .. انلحس مخي بس قمت اسلك له شوي لحد ما سكر ..
نزلت تحت ماما نايمه .. والبيت هادي .. رحت لمجلس الرجال .. وقفت عند الباب .. المجلس بارد والانوار مطفيه
وبابا عالسرير وكل شي هادي غير صوت الجهاز الي يحسب النبضات ..
لهادرجه حالته صعبه .. حاطين له ممرضه وجهاز بعد واحيانا غذايه ..
بس الحمدالله لو انها من جد صعبه كان صار بالمستشفى الحين .. رحت للجهاز اطالع فيه
صوت رنات الجهاز .. والخط الاخظر بالشاشه السودا يرتفع شويه وينزل شويه .. على شكل خطوط .. لو ارتفعت عن الحد اللازم ومات بابا ؟؟
لو سكت الصوت فجأه واختفت الخطوط ومات بعد ؟؟
سم الله عليه وش جالسه اقول انا .. جعل يومي قبل يومه .. رحت عنده ومسحت على راسه بهدوء : الله يخليك لنا
سمعت صوت ماما:اوووش
التفت:ماما ..؟
ماما بهمس:اطلعي من عنده تعباان مره ..
جت وسكتني مع ذراعي ..: لا تزعجينه
بعد ما طلعنااا
انا:ماما
ماما:نعم ..
انا:اممم .. تراني دريت .. ليش ما قلتو لي؟
ماما:عن ايش؟
انا نزلت راسي:عن مرض بابا؟
حطت يدها على كتفي:يعني يا ماما انتي ما تدرين؟ هذا هو مريض الله يشفيه
رفعت راسي:لا اقصد القلب ...
انصدمت ماما شوي بعدين تنهدت:ومن قالك انشالله؟
انا:سالي .... الممرضه
راحت ماما جلست عالكنب بالصاله: كل شي مقدر ومكتوب وش نسوي ..
جلست معها:وليش ما قلتو لي طيب؟؟؟
ماما: ما حبينا نضايقك .. لا تقولين له انك دريتي..
نزلت راسي:اوكي. ........... وش سبب المرض طيب؟
ماما:مشكله مع عمانك الله يهديهم .. لا تتكلمين بالموضوع كثير ..
حسيت اني ضايقتها .. سكت ثواني وقلت:ماما..
ماما:هااااا
انا:سولفي لي عن ماما الله يرحمهااا
سكتت شوي وهي تطالع الارض:وش الي خلاك تسألين هالسؤال ..
انا:مجرد فضول ..
تنهدت:امك ... امك كانت حوريه بشكل انسانه .. محد قد عاب اخلاقها ومحد قد تشكى منها .. بس هذا الي ربي كاتبه .. ما تستاهل الي حصل لها والله
دمعت عيون ماما .. انا حسيت ان كلامها مختصر بس بنفس الوقت لازم تسكت .. ما كان ودي اذكرها بماما الله يرحمها عشان تبكي ..
رحت جلست جمبها:تضايقتي؟
رفعت راسها:لا ابدن ..
انا:ماما.. انا ما ودي ازعلك بس .. احس انو يحق لي اعرف ماما وبابا اكثر .. يعني على الاقل اذا ..
نزلت راسي وقلت:اذا انتي تعرفينهم ..
حسيت بشي لحظتها ... شعور غريب عجزت افسره مدري قهر او زعل فرح او غضب .. لكن سكتت ..
ماما:ايه يحق لك تعرفين عنها كل شي بس وش تبيني اقول الله يهديك .. الله يذكرها بالخير يارب
انا:اممم ... امين يا رب .. وبابا؟
ابتسمت ماما:ابوك .. امك وابوك كانو ..
تنهدت:يا ليتهم مربينك كان صرتي احسن وحده بهالعالم ..
مسكت يدها بحنيه:يعني انتي ما عرفتي تربيني ..
حضنتني ودموعها تنزل بشويش .. وانا تمسكت فيها بقوه .. هالمره بس كنت احظنها وانا اقول .. هاذي خالتي ..
جت الممرضه تركض:مداااام ..
ماما وقفت وهي مرتاعه:خالد فيه شي؟؟؟
الممرضه:i don't know madam he wants you
بابا يبي ماما ؟؟؟ وش السالفه .. قمت لحقت ماما بسرعه دخلت لقيت ماما عند سريره ومره مرتاعه وهو مره كانت حالته مو كويسه
كانت يتنفس بسرعه وماسك يد ماما كان يقول كلام ما فهمت منه شي
الموقف انا جالسه اشوفه قدام عيوني حسيت ان بابا يحتضر الحين حسيت اني بفقده للمره الثانيه بس للأبد ..
عقلي ما قدر يستوعب هالمشهد .. كل الي قدرت اسويه اني اطالعهم وابكي ..
الكلام الناس صوت الاسعاف برا كل هذا ما سمعته ابدن .. كنت بس اطالع .. وابكي بهدوء ..
رجال الاسعاف دخلو .. واخذو بابا .. ونقلوه .. ماما ما رضت تتركه والشغالات واقفين يطالعون وانا عند الباب على نفس حالتي ..
بابا حاطين له الاوكسجين وجالسين يركبونه السياره ماما عليها عباتها ولبس البيت .. الدنيا حوسه والجيران ملتمين يطالعون وش الي صاير
وانا واقفه من غير ما اتحرك من غير ما انفعل مع الموقف .. كل الي قدرت اسويه اني اجلس بمكاني واتسند على الباب
الله يقومك بالسلامه يا بابا .. الله يقومك بالسلامه يا بابا ..
كنت عارفه اني لما اقولها راح يصير زي الي صار لجدتي .. زحمة الناس .. والاسعاف .. وانا ضايعه بدموعي ..
وقلبي احس انه بيوقف من كثر ماهو ينبض .. صعبه يتكرر علي نفس الموقف مرتين .. وانحرم من حنان الاب مرتين ..
وابقى وحيده ومنكسره وما عندي شخص يمد لي يده ويوقفني ..
بس كنت جالسه اطالع سيارة الاسعاف تبتعد .. وانا عند باب الشارع بالبيجامه .. شعري يتحرك بشويش مع الهوا ..
وبيجامتي الورديه تلوثت بالدموع .. مجرد اطياف للناس قبل شوي .. الموقف كل ماله وينعاد ..
ويتكرر بصوره ثانيه .. صوره قديمه حيل .. تتركني ابكي اكثر واكثر ..
وما حسيت بنفسي الا على سريري .. التكييف مشغل .. والانوار مطفيه .. وبيدي ورقه ..
قمت وانا مكشره احاول استوعب وش صار ..
فتحت الورقه .. كانت من ماما .. تقول
لا تشغلين بالك ابوك صحته كويسه بس الممرضه ما عطته علاجه بوقته .. وفلسفة دكاتره ..
قولي لعمر يجيب لك عشا ولا تحاتين .. بنجي نمرك بكره الصباح ..
ابوك بيرجع للبيت بعد يومين ..
لا تنسين تصلين ..
تنهدت بحزن .. قمت وتوضيت صليت الفجر والمغرب والعشا .. قمت من السجاده وانا احس ان كل شي تمام ..
ماما طمنتني كثير .. غيرت ملابسي ونزلت .. مافي احد بالبيت .. انا والشغالات .. رجعت رقيت فوق ..
اخذت جوالي .. ثلاث مكالمات لم يرد عليها .. كلها من ياسر ..
تنهدت ورديت عليه:هلا ياسر
ياسر:فييييينك انتي لي ساعه اتصل فيكي؟
انا بتكشيره:اقولك بابا تعبان .. بغيت شي؟؟
ياسر تنهد:بسلامة ابوكي بس هو الحين معك مثلا ؟؟
انا:ياسر شفيك؟
ياسر:الساعه بقت 11 ونص وانا قلت لك المسا .. راح المسا يا بنت
قلت بعصبيه لكن بهدوء:يا شيخ انت رايق وتحسب كل الناس مثلك .. باي ..
سكرت بوجهه وانا مقهوره .. مو وقته هذا .. لكن رجع دق ورديت:نععم ..!
ياسر:شجن زعلتي ..
قلت بنرفزه:لا ..
ياسر:الله يخليكي تعالي .. غيري جو شويه مو تقولي ابوكي تعبان .. خلاص الله يشفيه .. مو لازم توقف الحياة
تنهدت .. حسيت شويه ان كلامه صح .. انا محتاجه اغير جو .. صحيح اني بظروف شينه لكن ما بيدي اسوي شي
لو جلست بالبيت بفكر بالموضوع طول الوقت وما راح ارتاح الا لما اشوف بابا ..
طلعت لي اقرب شي قدامي بالدولاب جينز برمودا وبلوزه سودا .. لبست عباتي وطلعت ناديت الشغاله وركبت
:عمر روح فيدركلز ..
تحركت السياره بشويش .. كنت متحجبه بطريقه اول مره اتحجب فيها يعني مره كنت مطلعه كثير من شعري ..
واول مره افتح العبايه وانا لابسه برمودا .. بس
ما كان قصدي شي والله العظيم غير اني من كثر ماني مترفزه من الي يصير ما اهتيمت انا كذا ولا كذاك ..
كنت ابي اطلع .. من النكد شويه مع اني عارفه اني مستحيل اجلس خمس دقايق من غير ما افكر بالموضوع ..
شوارع الرياض فاضيه .. اليوم مباراة الهلال والاتحاد .. والعالم كلها يا بالملعب يا عند شاشات التلفزيون يتابعونها ..
انا بس اطالع بتكشيره صغيره .. حسيت ان فيه شي ناقص بحياتي مدري وشو ..
وان الظروف الي قاعده امر فيها بتعدي بس يبيلي اصبر ..
ما حسيت الا بالسياره موقفه عند فدركلز ..
نزلت:سوزان اجلسي بالسياره ..
توني بدخل لكن لفتت نظري بنتلي كحليه .. جلست اطالع فيها ثواني وانا مبتسمه .. حلوه هالسياره .. لكن اي خلاني اعقد حواجبي لمن شفته ياسر ..
تقريبا السياره الوحيده الي فيها .... تقريبا ..
ناظرني بإبتسامه:اش اش اش الشياكه دي ..
ناظرته بحاجب مرفوع:شاري لك سياره جديده وجاي توريني اياها يعني ؟
سكت ثواني .. كان يطالع بالسياره شوي ويطالعني .. نظراته كانت غريبه ..
قال بعد فتره .. وبجواب غير مقنع:اييه توني شاريها .. تحبي اخذك لفه ..
انا انصدمت .. وش مفكر نفسه ذا: لا شكرا ..
مسك يدي:لا عادي امشي بتنبسطي ..
سحبت يدي منه :ياسر قلت لك لا .. بتدخل نتعشا نسولف اهلا وسهلا لكن اركب بسيارتك انسى ..
ناظرني ثواني:شفيك معصبه .. تايك ات ايزي يا بنت .. بلا تخلف انا ما راح اكلك ..
انا مره وصلت معي:مافي متخلف غيرك .. عن اذنك ..
توني كنت بمشي الا وقفني كلامه:شجن سوري بس
وقفت من غير ما التفت:بس ايش ؟؟ انت مفتكرني كذا يعني ؟؟ بجي اركب معك وافلها ؟؟ بايعه عمري انا؟
ياسر:ايه انا افتكرت كدا اول ما شفتك بلندن ما عليكي عبايه ولا حاجه والحين شوفي كيف يور ليقز كلها طالعه والبلوزه سيور وشعرك باين .. يعني اكيد ابفهم ......
سكت بعدها .. وش كان قصده .. يعني انا؟؟؟؟؟ هذا هو قصده .. عمري ما تخيلت الناس بيناظروني ابدن بهالطريقه ..
ما تخيلت في حياتي ابدن اني بلاقي شخص يناظرني بهالنظرات .. يفتكرني بنت مو متربيه مو بنت ناس ..
كذا الناس تناظرني ؟؟ اي وحده تلبس زيي او تسوي زيي تصير سيئه ..
انا ما اظن نفسي كذا ..
ركبت السياره وصكيت الباب بعنف .. قلت من بين دموعي لعمر يرجع البيت .. كنت امسح وحده وتطيح الثانيه
وانا اطالع ياسر يركب سيارته وهو يهز راسه .. معقوله .. كذا الناس تناظرني ..
دموعي تنزل وامسح لحد ما يأست وتركتها ..
تعبت كل شوي طالع لي شي ينكد علي تعبت من كثر ما ابكي ومن كثر ما يضيق صدري .. تعبت من كثر ما يجيني ذاك الشعور الي احس فيه اني ... اني ولا شي بهالدنيا ..
انوو محد يحس فيني اني اكون وحيده وكل الناس حولي تعبت من الاهمال الي الاحظه .. الناس تكلمني لكن بعيونهم ماهم مهتمين
الشخص الوحيد الي قدرته في حياتي كان عبدالله .. والحين ؟؟ مو راضي يكلمني ولا يرد علي ومافي اي سبب مقنع .. ابدن ..
يا يقابلني بسكوت او بكلام جارح .. كلام مدري انا وش ذمبي فيه او وش سويت ..
انا اساسا وش غلطت بحياتي عشان كل الناس تناظرني من هالمنظار ..
يا تناظرني كيتيمه غبيه .. او كإنسانه مسكينه وتنرحم .. او كصايعه ما تربت ابد .. او .. او .. او ..
بكيت من قلب .. خلاص تعبت من الدنيا ..
نزلت من السياره وانا ابكي مره .. دخلت غرفتي وانا ابكي من قلب خلاص تعبت يا ناس تعبت افهموني ..
لكن زي كل يوم وكل حال .. بجلس ابكي لحد ما تنشف دموعي .. بعدين بقوم وانا مبتسمه واقول اذا امس مؤلم واليوم كئيب بكره بيجي مبتسم ..
بعد البكي هذا انا عارفه راح ارجع ابتسم .. مافي فايده بس اخدع عمري..
مسكت جوالي لا اراديا ودقيت على عبدالله ..
كنتي كنت عارفه من الاول انه بيصك بوجهي .. تنهدت وقمت اغسل وجهي .. جلست عالسرير من فير هدف .. اناظر قدامي وساكته
كل شي غلط .. مفروض هالاشياء ما تصير .. المفروض انا الحين اسولف مع عبدالله بلندن
وبابا كويس ومافيه شي وحمد واخوانه ما اعرفهم ولا اذكرهم وحتى ماما ... مفروض تكون لحد الان مجرد ام بالتبني وخلاص ..
فكرت اعيش حياتي على هالاساس . اساس انو الي ابي افتكره ابفتكره على كيفي ..
حاولت مع نفسي .. انسى شويه هالاشياء الي تصير حولي .. ما دام اني عارفه ان ربي كاتبها وخلاص .. ماله داعي ازعل ..
مسكت الجوال وانا مبتسمه .. ودقيت الرقم الي في بالي ..
الوو
اخذت نفس:السلام عليكم ..
وعليكم السلام ..
ابتسمت :بدوري موجود؟؟
حسيت انه ابتسم وقال : لا والله .. ببيتهم ..
هزيت راسي برضا:اها .. اوكي ... يلا سوري على الازعاج ..
سيف:لا ازعاج ولا حاجه .. خذي راحتك .. تراه لحد الحين يذكرك
فتحت عيوني:من جد ..!
سيف:ايه .. سجون مدري سجن صح ؟؟
ضحكت عليه من قلب :لالا شجن ههه .. ليش هو قايل سجن ؟
ضحك سيف:مدري عنه .. بس يسولف عنك ..
عقدت حواجبي .. يا حليله ما كلمته الا شويه ويتذكرني:ايييه مشالله عليه شكله فطين ..
سيف:ايه الا الله يخليله لأهله ..
انا:الله يخليه لكم .. مو انت عمه
تنهد:للأسف
ضحكت:ليييش زعلان طيب ؟؟ شي حلوو .. مره بدوري يهبل
قال وهو يتريق:يهبل وحلو .. بلاك ما شفتي خشته نص ضروسه مقلعه ووجه لوحه فنيه من كثر المشوخ .. هذا ورع ..مو يهبل
ضحكت عليه .. حسيت ان هالانسان عفوي بنفس الوقت .. فيه شي يميزه ..
شي غريب .. بس شي حلو ...
واخذتنا السواليف .. عرفت انه سيف .. 25 سنه .. يشتغل دكتور بمستشفى الملك فيصل التخصصي فله .. ساكن بغرب الرياض .. بالبديعه ..
كنت دايم استحقر غرب الرياض مدري ليش احسهم قراوه لان عندهم حي الدخل المحدود .. هذا الحي اللي كل الي ساكنين فيه فقراء عشان كذا سموهم الدخل المحدود لان رواتبهم كانت قليله .. والامير سلمان عطاهم بيوت مجانيه وسكنهم بهالمكان ..
يقول سيف ان البديعه جمب الدخل المحدود او فيها .. بس انا استغربت يعني تفكيره متفتح صحيح على قولته ما قد كلم بنت ههههه
ما صدقته بدايتن بس بعدين اكتشفت من اسلوبه العفوي انه صادق .. انسان قمة الروعه ..
خخخخ هذا الكلام نفسه الي قلته عن ياسر .. يلا كل انسان له وجهين ولا اتوقع اني بعرف سيف عشان اعرف ايش هو وجهه الثاني ..
بس كل شي جايز ..
سكرت من عنده وقمت اتروش .. بعدها دقيت على ماما ما ردت .. شكلها نايمه الساعه 12 الحين ..
دخلت ام سلطان:يلا يا بنتي انا راجعه بيتي تبين شي ؟؟
عقدت حواجبي والتفت عليها:مو انتي رحتي الساعه عشر ..
ام سلطان:لا والله مع روحة ابوتس المشتسفى اختبصنا ووتعلطت وجلست اكمل شغلي الي ما كملته..
ضحكت عليها .. كلامها خطير .. اجل مشتسفى هههههههه .. طلعتها ثواني .. الشيله السودا .. والدراعه الخظرا المشجره بأزرق ..
ذكرتني بجدتي .. قمت رحت لها وحبيت راسها:الله يعطيك العافيه ..
ام سلطان ابتسمت :الله يكرمك يا بنتي ..
ما قد سولفت معها .. دايم احسها عجوز منتههيهمالها هدف بالحياة .. ناظرتها ثواني وقلت:تطلعين معي ..؟
ام سلطان ضحكت:ههه اطلع معتس .. ايه يصير خير باتسر..
انا:لا الحين .. يلا
ام سلطان:لا الساعه 12 يا بنتي وانا بروح ارقد واعين خير ببيتي .. ولدي هذا هو عند الباب ..
تنهدت .. ابي اعرف ولدها كيف راضي لها تشتغل عند الناس:ولدك كم عمره ..؟
ام سلطان:سلطان ؟؟ توه يمكن بعمرتس يا بنتي .. 16 الظاهر
ههه بنفس عمري وانا اكبر منه بستنين .. وبعدين عمره 16 وجاي ياخذ امه .. بوشو ؟؟
انا:هو يسوق؟
ام سلطان:من وين يا حسره .. خليها على الله
فتحت عيوني :تروووحين بيتكم برجليييك...!!!
ام سلطان:اييه الله كريم .. معي جوالي ومعه جواله ومافيها شي الحركه بركه يا بنتي ..
انا مره رفضت هالفكره رحت لبست عباتي من غير نقاش ونزلت .. فتحت الباب لقيت واحد معصقل ابيييض مرره واشقراني ..
لابس ملابس الكوره تعرفونها ذيك الي كنها حقت اللاعبين بس تقليد .. ناظرته :سلطان ..
التفت وناظرني وهو عاقد حواجبه ..
رحت له وانا مره معصبه:بيتكم وين ؟؟
سلطان بإستحقار :من انتي اساسا؟؟
رفعت حاجب:انا شجون .. امك تشتغل عندنا..
سكت شوي :اها .. اهلا .. اسف
حسيت اني جرحته .. ما كان يحق لي اقول هالكلام .. اصلا انا على ايش معصبه ..
ابتسمت له:بيتكم وين ..
قال بقمة الادب: بعرقه ..
اوووووووما عرقه ؟؟؟ بعييييييده .. حراام والله يطقون مشوار .. مساااكين ..
قلت وانا منصدمه:وما تاخذون تكسي
سلطان بعفويه :لو كان معي باقي ايوا نروح بتكسي .. طلعت ام سلطان بعبايتها:شجون يا بنيتي وش تسوين بره ..
ابتسمت لها:خالتي اسمعي انتي وسلطان .. من اليوم ورايح ما تطلعون كذا رجليه .. عندكم عمر يوصلكم ويجيبكم .. انتي تجينا الساعه سبع بيجيك الساعه سبع تمامن كل يوم ومتى ما بغيتي ترجعين الساعه عشر باليل ولا حدعش هذا هو موجود ماله داعي سلطان يجي
ام سلطان بعد سكوت:الله يعطيك العافيه يا بنتي ما تقصرين .. الله يكثر من امثالك
لكن سلطان على طول اعترض:خير .. ترجع مع رجال غريب لحالها .. وبعدين انتي مالك شغل فيني انا وامي هي بس تشتغل عندك لو بتتحكمين فيها على ز* موب لازم تشتغل عندكم ..
انا انفعلت:احترم الفاضك ..
قصرت صوتي شويه:اسمع .. انا ما اتحكم بأحد ولا اسوي نفسي شي اكبر منكم فاهم علي .. يمكن تقول اني ماني اكبر منك لذيك الدرجه عشان افهم اكثر منك بس الي انا شايفته انك واحد سخيف .. يعني عادي امك حرمه بهالعمر تخليها تمشي كل هالمسافه ؟؟ اساسا ليش مخليها تشتغل انت منتب رجال وتقدر تصرف عليها ..
الولد سكت .. حسيت انه استوعب كلامي بس ما عنده حجه ..
كملت:ولا تقول دراستي ترا محد قالك اتركها بس حظرتك عندك وقت من بعد المدرسه للساعه الفلانيه بالليل تقدر تستثمر وقتك فيها ولا تقول لازم شهاده .. لا تفتكر انو لازم يكون شغل رسمي .. حيا الله محل جوالات راح يشغلك .. ترا الدلع موب زين .. حرام عليك يا شيخ تارك امك كذا ..
حسيت كبريائه اهتز:انتي ليش ملقوفه .. قولي لي وش لك شغل فينا .. خلاص نعيش زي ما نعيش احد وكلك علينا .. ؟؟
دمعت عيني .. صدق مدري ليش انا جالسه اقول بس يمكن .. تذكرت نفسي فيه .. انا كنت مثله .. كنت انا ومجرد عجوز ببيت فقر ..
صحيح الوضع مختلف لكن برضو مذكرني بذاتي .. نزلت راسي :صدق .. مالي دخل فيكم بس .. اتمنى انو .. اسمع .. انا الحين قدمت لك نصيحه مو لشي انا عارفه كبرياء كل انسان ما راح يسمح له يسمع هالكلام ويسكت بس .. برضو الي انا قلته صح برايي .. وبرايك غلط يعني ؟؟ ليش يعني ما تكون من نفسك شي وتستر على امك ؟؟ اصلا انا مستغربه .. على الاقل اتفه سبب يمكن يخليك تمنع امك من هالشغل .. اتفه سبب .. غير المسافه والذل الي تلاقيه .. سبب جدن تافه .. لو اصحابك بس عايروك بهالشغله راح تطلب منها تتركه
رفع حاجب وقال بطريقة تسكيت واضحه لكن برضو صادقه .. باين : ما عندي اصحاب ارتحتي .. ولا يهمني اكون من نفسي شي او استر على امي .. يلا يما امشي ..
مسكت ام سلطان:امك بتتركها يا تجلس ببيتكم وانت الي تروح تدور اكل عيشك ولا حطها عندنا .. واذا ما اعجبك لا ذا ولا ذا رح حطها بدار العجزه ياخي واكسب فيها اجر .. لا تصير انسان مريض ..
الولد بدى يتنفس بسرعه من القهر .. وبان الدمع بعيونه .. مسكت امه بهدوء ..ام سلطان كانت سااااكته وما قالت شي
وهو مشى ويده بيدها .. وابتعدوا .. وانا اناظر .. فيه سر .. السالفه فيها شي .. بس من جد رحمته ..
ما عنده اصحاب وفوق كذا فقير وامه تشتغل عند ناس .. شكله يعاني .. وشكل كلامي الي قلته مرا سوا له ازمه .. لو اني ساكته وجالسه بحالي اصرف بكثير ..
دخلت البيت .. حاولت انوم ما قدرت .. انا مامعي بالبيت الا الشغالات .. وش ذا .. ما ارتحت نفسيا .. وابي اشوف بابا .. ليش ما ودوني معهم ..
طفشت خلاص طق المؤشر عندي .. قمت رحت لمكتب بابا وشغلت الجهاز .. صحيح ما احب الكمبيوترات الكبيره ذي بس على الاقل ارحم .. ااااه يا لاب توبي اشتقت لك ..
فتحت ايميلي .. جلست اناظر القائمه بكل طفش .. فجأه نقزتني من مكاني اشارة التنبيه .. ناظرت الايميل كويس .. لولو واحد خمسه سبعه ..؟؟ ايميل مين .. كانت كاتبة لي شجوووووووووووووووون ومعها ايقوونة ذاك الي لابس قبعة حفلات لونها بنفسجي وبفمه صفيره
انا قمت اصرخ فجأه من الفرحه .. هاااذي ليلى .. لييييييلى صديقتي صااار لي سنه ونص ما شفتها ولا كلمتها من بعد ما نقلت للإمارات ..
انا انهبلت لما استوعبت وجلست اكتب لها بسرعه ..
يا قلب قلي اليوم وين ]احبابك[ وناسك : <<< اللي هي انا
ليلىىىىىىىىىىىىىىىىىىىىىى يا حماره اشتقت لك
نسينا كل مواجعنا : << ليلى
وانا بعععد مووت والله العظييييم وااااااااحشتني السعوديييييه واهلها وناااسها وخصوصا انتي
نسينا كل مواجعنا :
كيييفك يا بنت ؟؟
يا قلب قلي اليوم وين ]احبابك[ وناسك :
والله عايشييين وانتي؟
نسينا كل مواجعنا :
تماااااام
يا قلب قلي اليوم وين ]احبابك[ وناسك :
كييف الامارات ؟؟
نسينا كل مواجعنا :
حلوه
يا قلب قلي اليوم وين ]احبابك[ وناسك :
ليش الـ ( )
نسينا كل مواجعنا :
اشتقت لك شجنننن '
شوي شوي بدينا نسولف .. يا ربي هالبنت من وين طلعت لي فجأه كذا ..
انا بعد ما اخذو جوالي صرت ما اكلمها الا بالمدرسه او بالنت وبعدها سافرت فجأه .. يا ربي اعز انسانه على قلبي .. اعز صديقه لي ..
جلسنا نسولف لحد ما اذن الفجر .. بعدها اخذت رقم جوالها ورحت اصلي ونمت ..
shjn wake up .. your mom is downstairs
قلت وانا اتمغط:همممممممممم ماما تحت .. طيب قولي لها مبروك .. اتركيني انوم يا سااارا
ساره : but shjn she wants to take you with her to the Hospital to see baba khalid
انا نقزت بسرعه .. ماما تحت تبي تاخذني معها المستشفى ؟؟
رحت بسرعه الحمام غسلت وجهي وفرشت لا وبقا معجون بفمي بعد لبست العباة فوق البيجامه ونزلت ما عندي وقت :مااامااا..
التفت علي وهي عند الباب:يلا مشينا ..
كشرت بوجهي:وعععع بفمي معجوون باقي
ضحكت علي:طيب االدنيا مو طايره روحي غسلي وجهك زين والبسي لك عبايه ولبس زي الناس ..
تنهدت ورقيت:من بيشوفني يعني ..
المهم رقيت وغيرت ملابسي .. ركبت السياره وانا متحمسه .. ابي اشووف بابا واتطمن عليه
انا:ماما اي مستشفى ؟؟
ماما:التخصصي .. بس بنوديه الحرس
عقدت حواجبي:مستشفى الحرس الوطني ؟؟ طيب وش فيه مستشفى الملك فيصل التخصصي .. مررررره كويس ..
هزت ماما راسها:مدري سمعت ان الحرس احسن ..
هزيت راسي:ماما ما تحسين ان مستشفى التخصصي عالم ثاني .. انا اذا دخلتها احس اني مو بالسعوديه .. لا وحديقتهم شييييي ..
كشرت بوجهي:بس سوبر ماركتهم مافيه بيوقلز ..
ضحكت ماما علي:واحنا وش دخلنا بشكلها .. هي حلوه ما قلنا شي
انا:لالا حلوه وبس .. احلا شي كل الموظفات فاتشين وجيههم .. فلله
ماما:لا تعممين والله فيه بنات محترمات ما يفصخون النقاب لو ايش
فتحت عيوني:يعني انا مو محتررررمه ؟؟ افاااا يا ذا العلم
ضحكت ماما:دايم تفهمين كلامي غلط .. مو قصدي كذا .. الناس لما يشوفون وحده فاتشه وجهها والثانيه لا .. بمجتمعنا السعودي يعني .. بيقولون الي فاتشه هاذي وحده مو محترمه .. من غير ما يعرفونها عشان كذا الستر زين محد متكلم عنك وانتي لابسه نقاب ..
سكتت ثواني .. صح كلام ماما .. واكبر دليل سالفة ياسر الله يلـ***
وصلنا المستشفى ونزلنا .. رحنا لبابا وتونا بندخل الا طلع عبدالله ..
انا قمت اناظره نظرات غريبه انا نفسي ما ادري وش هالنظرات .. انا هو ما كلف نفسه يلتفت علي
عبدالله:خالتي اصبري شوي ابوي وعمي بو راكان جوا الحين بيطلعون .. والدكتور جوا معهم ..
ماما:ايه بنستناهم هنا .. شلونك يا عبدالله ؟
مشى:الحمدالله نسأل عنك ..
بعد ما راح ..
انا:ماما عن اذنك ..
لحقته لقيته واقف ومسند راسه للجدار .. : عبدالله ..
فتح عيونه وناظرني ..
انا:وش فيك ؟؟ فيه شي مضايقك
قربت له:انا سويت لك شي من غير قصد ..
ابتسم وهو يعلّك العلك الي بفمه عطاني نظره ومشى : لا ..
تنهدت .. خلاص بكيفه بالطقاق اللي يطقه جعله في ستين داهيه على قولة المصاريه انا ماني ملوزمه الاحقه بكل مكان واترجاااه ..
رجعت وانا مقهوره حصلت عماني ابو عبدالله وابو راكان توهم طالعين ومعهم الدكتور ..
عمي بو عبدالله:يعني يقدر يرجع
الدكتور:لا اليوم ما يقدر بس كبره فيه امكانيه بس الافضل يبقى هنا ..
عمي بو راكان:الله يعطيك العافيه دكتور سيف ازعجناك ..
ابتسم الدكتور:ولا ازعاج ولا حاجه .. واجبنا
انا تصمنت .. الكلمه ذي قد سمعتها وبنفس اسلوووب النطق ::. ولا ازعاج ولا حاجه .::
والصوت ... والاسم .. وانا اعرف واحد دكتور بمستشفى التخصصي .. يااااي هذا سيف ..!؟

ارجو عدم الرد

الجزء الثاني
البارت السابع
ابتسم الدكتور:ولا ازعاج ولا حاجه .. واجبنا
انا تصمنت .. الكلمه ذي قد سمعتها وبنفس اسلوووب النطق ::. ولا ازعاج ولا حاجه .::
والصوت ... والاسم .. وانا اعرف واحد دكتور بمستشفى التخصصي .. يااااي هذا سيف ..!؟
انتظرته لحد ما مشى .. ماما سلمت على عماني ودخلت .. وانا رحت سلمت بعد .. طبعا انا وعمي بو عبدالله تبادلنا نظرات الحقد .. دخلت عند بابا وانا اتحقرص ابي اكلللمه جد يمكن يطلع هووو .. وش هالصدف الي وش كثرها .. بابا اساسا كان نايم .. وماما تقرى قرآن وانا بس اطالع وأتأفف .. ليش تجيبني وهو نايم
قلت بعدم صبر:ماما متىىى بيقووم ؟؟
ماما كملت الايه الي كانت تقراها وناظرنتي : اصبري شوي عليه .. ولا تحنين فوق راسي ..
قمت وانا اتنهد:طيب بطلع شوي ..
طلعت وانا اناظر يمين يسار وينه .. رحت للفه الي لف معها مشيت مشيت .. ماهو فيه .. خخخخ عاد تخيلو بيوقف هناك يقول يمكن شجن تجي .. وقفت ممرضه وسألتها: اممم اختي .. فيه هنا دكتور اسمه الدكتور سيف ؟؟
الممرضه عقدت حواجبها سكتت شوي وقالت:الاستشاري سيف الـ *********
انا تلحوست شوي .. وش دراني عنه انا سيف البطيخ ولا اللي هو .. اهم شي سيف
انا:اييه ايه .. موجود .. يعني وينه ؟؟
اشرت لي على باب:هذا هو مكتبه بس اتوقع انه مشغول الحين .. اذا تبين تسألين عن حالة واحد من قرايبينك ولا
قاطعتها:شكرا ..
بعد جالسه تتفلسف مشغول ولا لا طزز انا بس ابي اشوف هو ولا لا .. طقيت الباب
تفضلي اريج ..
دخلت لقيته يرتب اوراق عنده .. : جبتي تقرير مركز الابحاث ؟؟ ايييه والعلك ؟؟
ابتسمت وانا اناظره .. قال علك قال ههههه.. رفع راسه وعقد حواجبه: آآ .. آسف بس افتكرت .. ااا .. وش اسمها ذي ... الموظفه ..
قاطعته بضحكه صغيره:فاهمه قصدك ..
وقف ودخل يديه بجيوب البالطو:اقدر اساعدك اختي ؟؟ انتي .. بنت خالد الـ **** صحيح ..
هزيت راسي:مو بالضبط .. امممم انت دكتور سيف صح ؟؟
ابتسم:آمري ..
انا:ما يامر عليك عدو بس هو .. مجرد سؤال .. اذا ممكن ..
قال بعفويه:تفضلي .. بس يا ليت تسرعين عشان الشغل والمرضى وو
قاطعته :لا ما راح اطول مجرد سؤال زغنون .. كيف بدوري ؟؟
هو تلحوس وجهه .. انا تفشلت .. لو طلع مو هو ... بس .. هو قال انو يشتغل بالتخصصي واحنا بالتخصصي نفس الصوت ونفس الاسم .. مدري مو معقوله كل هذا بيطلع تشاابه
سيف : اي بدوري ؟؟
اخذت نفس عميق:ولد اخوك ..
ابتسم:اعرفك من مكان انا ؟؟
هزيت راسي بإبتسامه كبيره: يعني ما يكلمك الا اللي يعرفونك .. قربت وفتحت شطنتي وطلعت علك وحطيته عالطاوله : يمكن ناس ما تعرفهم وهم يعرفونك .... مثلا ..
ناظر العلك ثواني وناظرني .. اشر بإصبعه وبإبتسامه على جمب وهو يهز راسه:مووو غريبه علي ..
انا:هه .. زين .. مشكور اخذت من وقتك ..
توني بلتفت عشان اطلع الا نادا:سجن ؟؟
ضحكت وانا ارجع التفت عليك: صدفه حلوه صح ..
هو احتاس شوي بس برضوو مسك الوضع .. ههههههههه الولد شكله متوتر .. صادق يوم قال انه ما قد كلم بنت لوول ..
ما انتظرته يكمل حكي وطلعت وانا اضحك .. سبحاان الله .. يعني من كان يتوقع ..
طلعت ورجعت عند بابا لقيته يسولف مع ماما ويضحك ومبسووط
انا:يا الللعااااااااااااااب ليش مروعنا عليك ..
التفت وهو مرتاع:حسبي الله عليك محد يروع الا انتي .. لعبنو جدك سلمي .. ابد دخلتي ومعك ابليس اعوذ بالله
ضحكت عليه .. حتى وهو راقد ينافخ .. رحت جلست جمبه ومسكت يده وقلت بحنيه:لا عاد تسوي فينا كذا .. اوعدني ..
ابتسم:وش مسويه لامك .. ؟
ناظرتها وناظرتني وقلت بإنكاار واضح :والله العظيم ما سويت شي ..
بابا:اجل شوفي دموعها تبطبط اربع اربع ..
ماما ساكته
ناظرتها:مافي شي .. ههههههههههه بس حلللوه ..
تنهد بابا:اييييه المريض يجيه ناس يخففون عنه يوسعون صدره مو يجيبون النكد ..
ماما زعلت ودمعت عيونها من جديد:انا اجيب النكد .. هذا .. هذا .. هذا جزاي اني اني جالسه معك امس طول الليل اد ........ الخ
وماما وكلامها اللي ما يقضى .. وانا اناظرهم بإبتسامه .. اطالعه بعدين اطالعها .. ادقق بتعابير وجيههم .. كنت اشوف فيها سعاده
معقوله هم يحبون بعض ؟؟ متزوجين عن حب يعني ؟؟ ويحسون بالسعاده مع بعض ؟؟ كيف بابا يستحمل ماما في بعض الاوقات الي تصير تصرفاتها لا تطاق ..
وكيف ماما عايشه مع انسان زي بابا ميوله وتفكيره ومبادئه تختلف 180 درجه عن ماما ..
كل شي حولي غريب .. انا لما افكر بالاشيااااء واتعمق واحلل واتفلسف دايم احس ان الي يصير شي ماهو عادي ..
سيف .. شي ماهو عادي .. ماما وبابا .. شي ماهو عادي .. سلطان وامه .. شي ابدن ماهو عادي ..
اشياء كثيره غريبه .. لكن ما همني اعرف وش اسرارها .. قد ما اهتميت اعرف وش اسرار ذاك الانسان ..
ودي استكشف غموضه الي يعيشه .. عبدالله .. لو وصفته بإختصار .. انسان عنده طموح هذا اولن .. لكن .. لما يبغى شي ما يتمسك فيه .. يعني مستسلم بسرعه هذا عيبه الوحيد .. لا ... فيه عيب ثاني .. مدري هو عيب ولا لا ..
بس عبدالله حساس .. ماهو قوي .. الا هو قوي لكن .. مدري ... صحيح ما قد شفت دموعه الا مره وحده بحياتي طبعا موب يوم كان بزر .. مره وحده بس الي هو ذاك اليوم .. يوم يجون عيال بو حمد ..
ولا دايم احسه ماسك نفسه .. بس .. برضوو حساس .. يعني يحس فيني وفي غيري .. احس ان هالصفه ماهي موجوده عند كلن .. مو كل الناس زي عبدالله ..
مو كل الناس زيه في حلمه .. مو كل الناس زيه في طيبه .. وبرضوو مو كل الناس زيه في غموضه الغريب ..
صح .. كل شي غريب .. تنهدت بحزن .. استغربت من نفسي .. مع كل هالالغاز الي تدور حولي .. ليه ما انهبلت وانا احاول اعرف سرها ..
انا متأكده فيه اشياء بالخفايا ماما ما قالتها لي .. يعني فيه شي يدور حولي انا ما ادري عنه .. بس هالمره ما حاولت اعرف .. بتركه براحته .. لان كل الي اعرفه اني ما غلطت ..
بابا:شجوووون وين رحتي ..
فجأه التفت بروعه بسيطه:هاه .. ايش ؟؟ لالا وشو عادي .... ابتسمت له تسكيته
بابا:ههههههههههههه
ماما وقفت:يلا يا ماما خلينا نرجع البيت ..
تمسكت بيد بابا:لالالا توونا ..
ماما ناظرت ساعتها:شجن باقي ثواني ويجي موعد علاجات ابوك وخرابيطهم ذي حقت المستشفيات بيقضى وقت الزياره .. قومي لا يجي الدكتور يطردنا احفظي موية وجهك
ابتسمت لما قالت الدكتور .. خل اشووف وش اخباره .. وقفت بنائن على طلب ماما وتوني بطلع الا كتبت له رساله
ما قلت لي كيف بدوري ..؟؟
اول ما ارسلتها انفتح الباب وبغى يضرب بوجهي ..

ارجو عدم الرد

سيف:اسف ..
عقدت حواجبي:لا ما عليه ..
طلعت ماما وطلعت بعدها وانا اعطيه ابتسامه وهو يناظرني بطرف عينه ..
ههه يا حليله .. احب اصادق ناس مثل كذا .. حبوووبين وعلى نياتهم ..
اول ما ركبت السياره جاني مسج .. فتحته لقيته من سيف ..
بخير يسلم عليك .. لا تزعجيني عندي ابوك تعبان
ضحكت عليه وقفلت الجوال .. ناظرتني ماما: هاه .. ودك نشتري لك لاب توب بدال الي انكسر .. ابوك مره ضايق صدره يقول مسكينه تطفش بالبيت ما عندها احد يونسها
جلست اطالع قدامي ثواني وهزيت راسي :لا .. لو بغيت ادخل مسن او اي حاجه عندي جوالي..
وابتسمت ..
ماما:ايه انتم وخرابيطكم .. سوي الي تبين يا بنتي ..
انا:ماما .. لا تنقلون بابا لمستشفى الحرس .. اساسا هو راح يطلع بكره صح ؟
هزت ماما راسها وهي تتنهد:انشالله .. قولي انشالله ..
ابتسمت:انشالله .. اممم وش راايك نسافر .. من زمان ما سافرت .. رحلة لندن ذي مخيسه ..
ضحكت ماما:انشالله بس خلي ابوك يطلع بالسلامه ..
رن جوال ماما رفعته وردت:الو .. لحظه موضي وش فيييك ؟؟ شوي شوي خليني افهم وش فيها ام عبدالله ... وشو .. فاتن .. وو ..
اخذت نفس عمق وقالت:موضي من الي قايل لك هالكلام ...؟؟؟ وحالتهم الحين ؟؟ وييييينكم فيييه ؟؟ التخصصي ....؟؟؟! تونا طالعين منه راجعين لكم .. بس ..... اسمعيني جايين جايين تطمني لا تدقين على خواتي ... جايينكم بس وينكم ..... ايه .. ايه صار .. انشالله ما صار الا الخير تطمني ..
سكرت ماما جوالها وهي مره مرتبكه :عمررر ارجع التخصصي بسرعه ..
وتنهدت بحزن:اللهم اجعله خير ..
وهي تناظر من الدريشه ومتوتره وكلش .. انا ارتعت .. وش فيها خالتي موضي داقه على ماما ؟؟ وفاتن وخالتي ام عبدالله وش صااااير ...؟
انا ارتعت من جوا .. قلت بخوف:ماما صاير شي ..
تكلمت ماما والعبره خانقتها ودموعها على طرف عينها : اللهم اجعله خير ..
مسكت يدها وضغطت عليها .. قلت بخووف اكثر:مااامااا قولي لي وش صاااير ..
هزت راسها بحزن:مدري .. مدري ..
وقف عمر ونزلت ماما وهي شبه تركض وانا وراها .. كانت تتلفت حواليها .. واتجهت لقسم الاسعااف ..
انا كنت امشي معها وهي تسرع:ماااما وش فيييهم .. ؟؟؟!!!
ماما كانت تمشي وهي مرتااعه .. دخلنا لقينا خالتي موضي تشاااهق من الصيااح .. كانت اصغر خالاتي .. هي وزوجها كانو فيه كانت حاظنه زوجها وتبكي مره وهو منزل رااسه ..
اول ما شافت ماما راحت بحظنها:سعااااد ..
ماما:موضي .. وش صااار لهم ؟؟
خالتي موضي وهي مرررره حاظنه ماما:فاتن تطلبك الحل ...
ماما شقهت وبدت تصيح .. وانا جلست استوعب .. تطلبك الحل .. ماتت ؟؟ كيف وشلون ومتى ؟؟
ماتت ؟؟ وش السبب .. ماني قادره استوعب .. فاتن ماتت .. فكره تتناقض مع تفكيري .. حلوه ذي ماتت .. ههه يستهبلون ذولا .. لكن .. يمكن صدقت الموقف لما شفتهم يطلعونها وعليها فراش ابيض .... ودم ..
بكل هدوء جلست اطالع .. منظر ماهو غريب ابدن لكن .. مقلق .. يخوف .. فاتن ماتت ؟؟ ماني قادره استوعب ..
اسمع طراطيش كلام بين ماما وخالتي .. مع الصياح والنياح كلش .. خالتي ام عبدالله وعمي بالانعاش .. بالعنااايه .. ليش كلهم هنا ..
ولو كلهم هنا طبيعي يكون ...............
عبدالله معهم ...؟؟؟؟!
بديت اتنفس بسرعه وبدت تخنقني العبره .. ودموعي بدت تتجمع لكن ما نزلت .. كنت حاسه بصدري كتمه مره كنت احس اني ما اقدر اتنفس .. لو انه مات .. بس كيف وشولون ومتى ... ولييييييييش يموت اصلا .. على كيفه هوو يموت ويخليني ..
ما قدرت استوعب .. رحت لماما وانا ابكي:ماما وش فيهم .. ماما ردي علي ..
لكن رجعت تحضنني وهي تبكي .. الموقف صعب علي .. كنت بحيره .. حيره بغت تقطعني
حسيت اني خايفه .. بشكل ما قد تصورته بحياتي .. كنت مرتاعه .. مصدومه .. ابي الاقي جواب ماني قادره ..
ثواني كانت .. شفته من بعيد .. مدري من وين جا او وشلون .. كان على سرير الاسعاف المتنقل .. وجهاز الاوكسجين على وجهه ..
ما كان فيه شي لكن .. كان فيه دم .. قلبي قام ينبض بقوه .. الي قدامي ميت ولا لا ؟؟
رحت له ووقفتهم .. مسكت ايده بقوه وانا دموعي تنزل بسرعه على يديه:عبببببببدالله شفييييييك ... ؟؟؟ عبدالله رد علي .. انت ما متت صح .. انت .. انت بس ناايم صح .. عبدالله رد علي.... رد ..
كنت ابكي وابكي .. حسيت بناس يبعدوني عنه .. دخلوه جوا وانا اناظره .. ما كنت حاسه بعمري .. جلست عالارض بيأس وانا ابكي ..
لو صار له زي ما صار لجدتي .. ماااااااني مستعده افقده ... انا بموت لو مااات .. انا بنهبل لو صاار له شي .. مدري كيف ابستوعب الي صار .. جتني ماما .. قومتني وحطيت راسي بحظنها:ماااامااا .. وش فييييييييه ؟؟ عبدالله مات يا ماما ... عبدالله ماات ؟؟؟!
ماما ما كانت حالها احس من حالي .. كانت تطمني وهي مو عارفه تطمن نفسها .. تهديني .. تقول ما صار شي .. وانا مو قادره اصدقها ..
كانت الصدمه الاكبر من هذا كله بالنسبه لماما .. لما طلعو خالتي ام عبدالله لغرفة العمليات .. ماما تركتني فجأه وراحت لها .. تناديها تناديها .. مفتكره انها بتسمعها .. وانا اتجهت لخالتي موضي .. محتاجه احد احظنه الحين .. لكن لقيتها هي اقرب هي الي جت وحظنتني وهي تبكي:فاتن ماااتت يا شجوون .. فاتن ماتت ..
وانا تحولت دموعي من حالة صدمه وصراخ للهدوء .. قمة الهدوء .. خلاص ..فاتن ماتت .. وخالتي ماتت .. وعمي مات ..
وعببدالله .... مات ..
ما صار شي .. ماتو .. عادي .. بعدت يدين خالتي موضي عني بعنف .. صحيح ما كنت اقدر اوقف دموعي .. لكن .. ما كنت في حالة هستيريا زيهم .. هديت بديت استوعب الوضع .. رحت للباب .. وناظرت بالدائره الزجاجيه الي كأنها شباك تطل عالغرفه ..
كنت مستعده اشوفه .. وهو مغطى بغطاء ابيض.. والدم عالمفرش ..
الدم الي كان على وجهه لحظتها .. كان مالي وجهه .. والخوف الي سكن قلبي اني افقده .. توني احس بغلاه .. عبدالله .. ماااهو صديق .. عبدالله اخوي .. توني ادري انه اخوووووي .. توني ادري اني متعلقه به بهادرجه ..
توني افكر لو انه ما كان بحياتي وش كان بيصير لي .. كان جزء كبير منها .. وخلاص بفقده ..
فتحت عيوني .. مستعده خلاص للصدمه .. مستعده اشوفه ميت .. فتحتها بشويش .. كانت صدمه ...... صدمه كبيره ..
صدمه غير متوقعه .. صدمه تركت دموعي تمشي اسرع من اول .. اسرع بكثير .. بس ما كانت غير دموع الفرح ..
كان جالس .. والممرضه تنظف جرحه .. كان يكح شويه .. ويرجع الجهاز لفمه .. ويتنفس بسرعه ... حطت له اللزقه وتركته..
رجع راسه على ورا وترك جهاز الاوكسيجن على وجهه .. وانا طالع ..
قمة السعاده .. لحظتها حسيت ان روحي طلعت مني ورجعت .. ما مات .. ما همتني لا فاتن .. ولا خالتي ولا عمي .. اهم شي هو ..
عبدالله بخير .. عبدالله حي .. عبدالله يتحرك قدامي ..
رفع راسه بشويش وشال الجهاز عن وجهه .. طالعني .. بنظره تحمل الف معنى ومعنى .. وانا اكتفيت بأني اصيح ..
من غير اي ملامح .. غير ابتسامه صغيره مره .. طلعت بالغصب .. ما قدرت اوقفها ..
صرخه زلزلت جدران المستشفى .. صرخة مليانه دموووع وحزن .. التفت بروعه .. كانت ماما عالارض .. والقصه هاذي ما راح تنهتي .. قصة الدموع الي انا عايشتها .. ما كلفت نفسي اتحرك .. طالعت خالااتي الي توهم جايين يلتمون على ماما ويبكون كلهم ..
ماتت .. ماتت .. ماتت .. ما كانت فاتن .. كانت خالتي .. ماتت ... خالتي انا .. اخت امي انا .. دمي الي بعروقي هو دمها خالتي الي عمري ما حسيت انها خالتي ماتت .. وفاتن .. ماتت ..
كل شي فكرت فيه لحظتها هو .. اني في حالة صدمه قويه ماني عارفه كيف استوعبها .. بين يوم وليله بابا يدخل المستشفى وخالتي وبنتها يموتون .. وبعد شوي راح يقولون عمي .. ومو بعيده بابا يموت من الصدمه .. وتنتهي المأساة كأنها نهاية مسلسل خليجي ما عرفو يوصفون له نهاية غير موت كل الشخصيات .. وينتهي بدموع .. زي ما هالموقف انتهى بدموع ..
لا .. ما انتهى .. الكل يتحرك .. يروح يجي .. الكل يبكي .. البعض اغمى عليه من الصدمه .. وانا هنا واقفه واطالع .. قدامي عبدالله ووراي كل اهلي يبكون .. وراي كانو توهم ماشين بجثة بنت خالتي .. بنت ..... خالتي .... والحين مشو بجثة امها ..
وماما متعلقه فيها .. وخالاتي يبكون .. وليله شكلها ما راح تنقضي على خير .. رجعت نظري لعبدلله .. اكبر صدمه بتصدمني اكثر من موت هالثنتين اني الاقي عبدالله مصدوم بموتهم بعد .. لكن .. رجعت ابتسم لما شفته نايم . فجأه نام .. ما امدا .. ولا ..
يمكن امدى .. مرت ربع ساعه عالموقف الي قبل شوي.. لكن كان كل شي يمر بسرعه .. يمر بسرعه كبيره .. لدرجه ما سمحت لعقلي انه يستوعبها ..
جلست بهدوء عند الباب .. عبدالله بخير ... والباقي لا .. اهم شي هو .. بس .. مالقيت تفسير لدموعي .. معقوله جالسه ابكي علشان فاتن وامها ..
من يكونون هالثنتين بالنسبه لي اصلا ..
فاتن .. كانت تغار مني لكن .. حسيتها اختي كنت دايم اتغاظى عنها لكن برضو .. انقهر منها .. يمكن اكبر سبب خلاني ابكي عليها .. لانها كسرت خاطري ..
اي انسان بيشوف وحده حلوه مثل فاتن وبعمر الزهور .. تموت .. وما بقى على زواجها الا شهرين .. صح .. شهرين .. كانت بتتزوج بعد شهرين .. وماتت .. من الي ما راح يبكي لمن يشوفها قدامه ..
كفايه ان منظر خطيبها الي هو ولد خالتي .. داخل بروعه وهو يتلفت يمين شمال يدورها .. مو قادر يستوعب انه فقد عروسته .. شي مثل كذا كفيل انه يخلي الواحد يبكي ..
حسيت اني بفلم هندي .. ما كنت وتها رايقه للدموع .. كنت تعبانه من الهموم الي بقلبي .. بتجي فوقها هموم وهموم .. انا ماني مجبوره ابكي هنا .. ولاني مجبوره احزن .. انا قلت وقررت وخلصت .... راح اعيش حياتي زي ما انا ابي اشوفها... وقفت من جديد وطالعت عبدالله .. اذا هو بخير خلاص .. هذا اهم شي .. اذا السالفه فيها موت انا ما راح ابكي .. ولا راح اضيق صدري .. لو انها ماما وهي ماما ماتت
برمجت نفسي على اني ما ابكي عليها .. انا تعبت من حياتي ومحد مقدر .. ناقصه انا هموم ..
اصلا من يصدق ان ام وبنتها يموتون وابوهم بالانعاش وولدهم عليه غذايه .. وش سبب هذا كله .. مشيت بهدوء لسيارة الاسعاف الي نقلتهم . العمال الي بالاسعاف كانو يطالعون اهلي بشفقه .. وما الومهم .. قربت .. وقلت بصوت حسيت انه ما ينسمع .. كان اشبه بالهمس ., اسا سا انا انصدمت لمن شفت صوتي كذا .. شاللي مخلي ملامحي بارده .. وصوتي مبحوح .. متى امدى هالاشياء تصير لي ..
قرب عامل الاسعاف:عفوا اختي ما سمعتك ؟؟
قلت بصوت اعلى:من وين جايبينهم ؟؟؟؟
العامل سكت شوي : احترق بيتهم .. و .. الولد هذا كان بره بالحوش ما صار له شي بس البنت الي توفت الحين كانت جوا ومعها ربو .. والام كانت بالمطبخ يوم حصل الالتماس بمكيف المطبخ .. وابوهم كان جوا بعد .. بس الله ستر عليه ..
هزيت راسي وانا اقول بهدوء .. اهاا .. كني استوعب القصه .. اجل حريقه .. مسكين يا عبدالله ..
ما رجعت لداخل .. مشيت للسيارتنا .. كانت شنطتي جوا .. ووو .. طرحتي جوا .. ما استوعبت انها مو على راسي الا لما لفحني الهوا وترك شعري يجي على وجهي لكن .. كملت طريقي وركبت السياره .. وركب وراي عمر .. :مدام وين روه ..
طالعت بالشباك .. ابي اخذ منظر اخير للمكان .. صحيح كنت برا ما اشوف شي .. بس حسيت اني ابي اطمن قلبي على عبدالله .. لازم ارتاح انا ..
التفت على عمر وحاولت ارفع نبرة صوتي شوي عشان يسمعني : اطلع من هنا ..
خلاص ابي ابتعد واريح شوي .. تعبت كفاية دموع .. عيوني ما تستحمل ..
تركت عمر يمشي بالسياره وين ما يحب يمشي .. وانا .. انسدحت ورا .. وانا افكر .. ما كانت مراتب السياره مريحه ولا كانت سرعة عمر مخلتني اثبت بمكاني بس ..
كان جو السياره يساعدني على التفكير .. وش بيصير لعبدالله .. فقد امه .. واخته .. ويمكن ابوه بعد .. مدري ..
وش بيكون تأثير الصدمه عليه ... انا عمري ما تخيلت يصير هالموقف بالدنيا لي او لشخص اعرفه ..
ابجي انحط بالموقف هذا بكبره .. صعبه .. انا بالنسبه لي مريت بظرف زي كذا .. لكن انا متأكده ان طعم الحزن الي بيذوقه عبدالله بيكون مر اكثر .. الوضع مختلف ..
انا ما عرفت ابوي بحياتي .. هو عارفه .. وعاااش معه واحد وعشرين سنه تقريبا .. وتربى بيده .. بعدين فقده .. او يمكن يفقده
انا ما عرفت امي بحياتي .. هو عشقها .. قد ايش عشقها وانا ماني قادره استوعب انو فيه انسان يحب امه كذا .. كان يسولف لي عنها كثير. .. كان يحبها كثير .. كان متعلق فيها كان بار فيها بشكل مو طبيعي .... وخلاص فقدها ... ابد ما نقدر نقارن وضعي بوضعه ..
واخيرن .. انا اصلا ما عندي اخوان .. مو عرفتهم او ما عرفتهم اصلا ما عندي .. وهو عنده .. ومو اخت وبس كانت اخته التوأم .. يعني كانهم روحين بس بجسد واحد .. كنت عارفه انه يحس فيها كثير .. كان كثير يفضلني عليها بأشياء صحيح يحبني اكثر منها وهذا واضح بس ...
عارفه انه لو درا انه بيفقدها طول عمره بيكون اقسى عليه لو فقدني انا ....
طيب انا .. لو اني انا الي متت .. لو الدنيا بدون شجون كيف راح تصير .. تنهدت .. عبدالله ما يستاهل الي يصير له .. انشالله على الاقل ابوه يقوم بالسلامه .. ما دام ان اخته وامه راحو ..
طلبت من عمر يوقف بالبيت .. ونزلت .. استقبلتني ام سلطان :هاه وشلون ابوك ..
طالعتها بإبتسامه صفرا .. هه تسألني عن بابا .. قلت بكل بساطه:بابا .. زين .. ما عليه ...
وضحكت ضحكه صغيره ومشيت لكن مسكتني:وش فيك يا بنيتي وين العبايه وين شنطتك ..... وين امك .. ؟
ناظرتها .. كنت اتكلم بلا مبالاة ما قد تكلمت بها بحياتي:ماما .. تصيح بالمستشفى ..
ام سلطان ارتاعت:وش صااير ..
انا:ما صار الا العافيه .. مافي شي مهم .. بس خالتي ام عبدالله ماتت .... وفاتن ماتت .. وعمي بالانعاش وعبدالله .... لا عبدالله كويس ..
هزيت راسي بإنكار:ما احس ان السالفه تسوى .. ماما مكبرتها ...
ورقيت فوق:يلا عن اذنك بنووم .. راسي منتفخ .. لا تصحيني..
كنت داريه اني تركت ام سلطان وراي مصدومه لكن .. وش اسوي .. ترا هالكلام ما كان يطلع من قلبي اصلا ما كنت افكر لحظتها انا وش اقول ..
كل الي كان شاغلني الحين .. اني ارتاح .. رميت نفسي على سريري بعنف .. بعباتي بالجينز بكل شي .. ومسكت وسادتي .. وبديت ابكي .. وابكي .. وابكي ..
كنت عارفه ان سالفة الدموع هاذي بيطول عمرها معي .. بس .. الله يرحمهم .. ما بيدي شي غير اني ابكي .. لحد ما انوووم ..
شجن قومي صلي .. اذن المغرب ..
قمت وانا مكشره على صوت ماما المبحوح .. لقيتها لابسه اسود ووجهها باهت .. ووجالسه تحط عباتي بالشماعه ..
تعدلت من مكاني:ماما .. عظم الله اجرك ..
وقفت بهدوء .. وشكلها مسحت دمعتها:اجرنا واجرك .. يلا صلي عليك فروض ما صليتيها ..
لحظتها استغربت .. ماما ماهي منهاره .. الا .. منهاره اكيد منهاره المنظر الي شفته اليوم ما يقول انها ما كانت منهاره .. بس ماما قويه .. هذا الي فهمته وفسرته الحين .. قمت من سريري وتوني بدخل الحمام اغسل وجهي بس تذكرت:ماما .. عمي ؟؟
ماما بشبه ابتسامه .. وباهته بعد:ادعي له ..
فرحت من جوا انو ما صار له شي بس برضو عورني قلبي .. الي صار اليوم شي مو سهل لا علينا ولا على عبدالله وعمي ..
ماما:انتي توك قايمه شكلك بتسهرين .. بس انا بقومك الصبح ..
اخذت نفس طوييل:العزى عندنا ..بكرا
نزلت راسي .. فكرت بسرعه:بابا درى يعني ... ؟
هزت ماما راسها:الدكتور ماهو مأيد فكرة انو نقوله بس لازم .. لكن بنقوله بالتمهيد .. اليوم انشالله بعد صلاة العشا بنروح له ..
تنهدت:وعبدالله ...؟ درا ؟؟
ماما:درا ..
نزلت راسي:وطلع .. ؟؟
ماما:طلع ..
ابتسمت غصب عني:وينه .. مو بيتهم محترق ؟؟
ماما:ببيت عمك بو راكان الحين ..
انا:ليش ما يجي عندنا ؟؟
ماما:ليش فقير هو ولا عاجز .. عندهم خمس فلل غير الي احترقت ..

ارجو عدم الرد

البارت الثامن

قصرت من نبرة صوتها:الله يعينه بعد قلبي عبدالله .. ما يستاهل ..
انا:ايه .. خلاص خليه يجي عندناا ..
ماما:يا ماما هو تعبان وراح عندهم اليوم ..
انا:ما جاه شي ..؟
طلعت ماما:كدمات ..
انا تنهدت ودخلت الحمام .. مسكينه ماما .. شكلها مررررررره مكسووره .. باين عليها انها بكت كثير .. الله يرحمهم .. توضيت وصليت
ودعيت لفاتن وخالتي .. شكلهم خلاص دفنوهم .. انشالله اكون انا وراهم .. طفشت من هالحياة الممله .. كل يوم زي الي قبله وعارفه وش بيصير بكره .. بيصير زي الي صار اليوم .. وان كان فيه حدث صار لازم يصير حدث يضيق الصدر ..
يا تموت خالتي وبنتها ولا عبدالله يزعل علي بدون سبب ولا العنود ما تستلطفني وانا مدري ليه ..
افف بس .. توني بفصخ جلالي الا اذن العشا كملت صلاتي ورحت لدولابي .. اطلع لي اي شي اسود البسه .. تنهدت وطلعت لي جنز وبلوزه اهم شي شي يمشي الحال .. بلوزه سودا وخلاص ..
مدري ليش احس اني شريره .. مو شريره بس .. كنت اتوقع اني حساسه اكثر من كذا .. انا زعلانه طبيعي زعلانه ومتضايقه .. الي ماتت خالتي مو اي احد بس .. مدري ..
حتى عمي ترا ما زعلت عليه .. خالتي وفاتن يمكن فاتن شويه بس عمي ... اقل من شويه بشوي .. لاني ما نسيت كلامه ابدن ..يجرحني لحد الان .. كل ما اتذكره تخنقني العبره ..
بس الله يسامحه .. ويقومه بالسلامه .. مو عشانه .. عشان عبدالله وبابا بس .. ولا هو ما همني .. صحيح فرحت انه ما توفى بعيد الشر عنه بس ........ اففف مدري ..
لبست عباتي .. حاولت قد ما اقدر البس عباة مافيها اشياء كثيره بس ما لقيت .. استغربت من نفسي كل عباياتي كذا بهالشكل .. يالله مو مهم .. جلست انتظر ماما تنزل .. تذكرت جوالي .. وشنطتي بعد .. نسيتهم بالمستشفى .. ضااق صدري مره وقمت التفتت لقيت ماما نازله
وبيدها شطنتي:يلا بنمشي ..
رحت واخذت شنطتي:شكرا جبتيها ..
مشت وما ردت .. احس اني رايقه وهي مره واصله معها .. الله يعينها الحين كيف بتقول لبابا .. انا عارفه انها بتخرب السالفه وبتصيح قبل ما تتكلم حتى .. خخخ وانا اقول ماما قويه ..
رحنا كان بابا توه صاحي .. وكان سيف جوا يكلمه ..
ماما وقفت عند الباب ثواني وراحت .. مدري وين راحت .. بس انها طلعت .. توني بلحقها الا وقفني بابا:تعالي وين رايحه
التفت وابتسمت:هنا ما رحت مكان ..
بابا:وش فيه وجهك كنه منصفق .. وامك وين راحت ..
سيف انحرج:طيب انا عن اذنكم ..
توه بيطلع الا تكلم بابا:ولدي يا سيف استنى ..
رجع سيف:امر عمي ..
يا حليله والله مؤدب ..
بابا: يعني ابطلع الحين مالي شر ..
سيف:مع اني ودي انك تقعد معنا الله يهديك بس حالتك استقرت تقدر تطلع .. ما عاد تبينا اجل ..
ضحك بابا : والله ماني طالع من جزاك .. الله يوفقك يا رب .. هاذي بنتي شجون .. انشالله بتصير دكتوره زيك
ابتسمت على كلام بابا وطالعت بسيف وطالعني
سيف:ايه حصل لي الشرف قبل .. يلا انا بكتب لك اذن خروج بس
قاطعه بابا:منب منفعل من شي بس اخلص علينا
ضحك سيف .. يا حليلهم .. يمونون على بعض وشكل بابا حب سيف .. بصراحه شخص ينحب ..
سيف:يلا عن اذنكم ..
ابتسم لي وطلع .. رديت له الابتسامه ولفيت وجهي لبابا بهدوء وبدت الابتسامه تتلاشى بشويش وانا انزل راسي على تحت ..
بابا:وش فيكم عاد .. شكلكم ما تبوني ارجع
تنهدت ورحت عنده وجلست:من قال .. الله يقومك بالسلامه الا نبيك ..
بابا:وين امك؟؟
انا:تبي اناديها .. مدري وين راحت ؟؟
بابا:لا لا .. اجلسي معي الحين بتجي ... والله ان هالسيف ولد حلال وطيب ..
هزيت راسي :ايه ..
بابا:شجن وش فيك .. ضايق صدرك من امك .. تعبانه ؟؟
جلست اطالع بعيونه .. السالفه ما تتمهد .. ماني صابره ماما تجي وتقوله .. لقيت نفسي فجأه اتكلم لا شعوريا
بابا .. فاتن وخالتي ام عبدالله يطلبونك الحل ..
بانت الصدمه على وجهه وفتح عيونه .. هز راسه :لا حول ولا قوة الا بالله ..
رجع التفت علي:متى ؟؟؟؟؟
نزلت راسي:اليوم ..
تنهد بابا : انالله وانا اليه راجعون .. الله يرحمهم ..
طالعت بوجهه .. كان مره حزين لكن مو راضي يبين هالشي .. رجع سألني:شلون ؟؟
بلعت ريقي .. كنت عارفه انه بيسأل سؤال اصعب من هالسؤال: احترق بيتهم
ارتاع وشد على يدي بقوه وعيونه تجمعت فيها الدموع:واخوي ؟؟
هزيت راسي..ما كنت قادره اكذب بس .. حاولت :بخير .. انشالله بخير ..
اخذ نفس طويل ورجع راسه لورى وهو يردد .. انالله وانا اليه راجعون .. انالله وانا اليه راجعون
جلس فتره بعدين رفع راسه كأنه تذكر:وعبدالله ؟؟
انا:طلع ...... من المستشفى ..
اول ما رفعت عيوني اطالع بابا لقيت الدمعه على طرف عينه .. لكن لا بابا قوي .. عرفت انها ما راح تنزل .. شديت على يده وصرت انا الي ابكي .. حرام اشوفه حزين قدامي .. وهو تعبان .. ومو ناقص ..
بابا كان مره يعز فاتن .. وعمي بو عبدالله كان اعز اخوانه عليه .. عشان كذا ما تركني اسافر الا معه ... كان مره يحبه .. ودي اعرف بس وش شعور بابا الحين ..
ملامحه بارده .. شوي حزينه بس بارده .. ثواني دخلت ماما .. ناظرت الدموع على خدي وبابا علامات الصدمه باينه عليه .. جت وجلست .. كانت تبي تصبر بابا بس شكلها ما عرفت تصبر نفسها اصلا ... فلقت ان الحل الافضل انها تطلع تكمل بكي برا عشان ما تضيق صدره ..
والاحسن اني بعد امسح دموعي ..
طلعنا كلنا من المستشفى والهدوء يعم بالسياره .. كلن سااكت واجواء حزينه .. فجأه من غير مقدمات
اسنهري دنهري موكا مكالات ..
وش ذا الشي ؟؟ وش هالخرابيط ؟؟؟ اغنيه هنديه ذي ...!
شوي يرفع عمر جواله ويبدى يقرقر .. ياااااااااربي مو وقته ودي الفخه على خشته .. جالس يسولف مع خويه واحنا بهالحاله
لا هو ودلاخته حاط نغمة اغنيه هنديه زي وجهه ..
انا ما قدرت امسك اعصابي على عالسواق الغبي فصخت جزمتي وذبيتها على راسه ..
مدري وش صار بعد كذا .. حظنت ماما وانا اصيح:قهرننني يا ماما خلوه يسافر ..
كنت اصيح من القهر .. والله مو وقته وقسم بالله .. بابا مره تضايق وصرخ علي .. وانا بحظن ماما ابكي .. كنت مقهوره من جوا ومدري كيف اطلع حرتي ..
كل الي اذكره ان بابا لاغاني واني ضيقت صدره زياده وخليت عمر يشب نار وصار يسرع بالطريق من الغضب لدرجة خلت بابا يضيق اكثر واكثر ..
وصلنا البيت .. ماما نزلت تساعد بابا وانا مسحت دموعي ونزلت من السياره صرخت بقهر على عمر : انت كـ ** ..
ودخلت وانا امسح بقايا دموعي .. من جد حقير موب وقته ..
اهم شي طلعت شويه من الي بقلبي على احد .. رقيت فوق غرفتي وصفقت بالباب .. مدري ليش صفقت بالباب .. يمكن من القهر ..
ودقيت على ليلى وبديت اصيح فجأه واعلمها وانا اشاهق ان كلن مات وان عبدالله كاسر خاطري بدرجه واني واني......
لحد ما طلع الصبح .. جت ام سلطان تقومني:شجون يمي قومي الناس جت بيتكم ..
هممممممم وش تبي ذي توني ما نمت الا خمس دقايق .. جالسه تقومي .. غطيت روحي بالوساده ..
ام سلطان:شجون يما قومي النااااس تحت ..
الناس؟ اي ناس ؟؟ قمت وانا مرتاعه ... العزى ...!
قمت وغسلت وجهي .. وبسرعه غيرت ملابسي وطلعت .. ناظرت الصاله من فوق .. طليت بوجهي لقيت حريم وصياح وخالاتي فيه وعماتي وكلن .. تنهدت ..
خنقتني العبره .. احس اني استرجعت منظر امس .. نزلت بشويش وانا طالع في الحريم واغلبهم يطالعون فيني .. كانت اكثر وحده متأثره خالتي العنود ... رحت لماما وجلست جمبها .. حطيت راسي على كتفها وجلست اطالع الناس .. اول ما جت وحده من خالاتي قمت من مكاني ورحت كنبه ثانيه ..
انا ما كنت اصيح .. بس كل مره اشوف وحده تدخل وهي تصيح ومدري ايش ما استحمل ابجى اصيح معها ..
كل ما اشوف وحده تبكي تذكرني ان الي ماتو ناس غاليه علي صحيح ما عرفتهم ويمكن كنت ابغضهم بس ما تكتشف غلات الشي الا اذا فقدته ..
حتى ماما .. كانت ساكته .. لكن لمى تجي وحده وتسلم .. وتبدى تصيح .. وتحظن ماما .. وتقول الله يرحمها كانت توها بتتزوج .. مسكينه فاتن .. ولا تتكلم عن خالتي .. هي الي تخلي ماما تصيح .. انا انقهرت من هالعالم ..
اطالعهم وابكي بهدوء .. احاول اخفي دموعي .. مدري هي دموع حزن ولا قهر .. يعني هم جايين يخففون عننا مفروض ينطمون .. اكره الناااس ..
شوي شوي بدى دمي يفور من الحرمتين الي جمبي ..
ام حمد ما جت .. والله انها قليلة مروه ما تجي الا باالعروس
الثانيه : اييه ما شفتيها بعرس منى .. لابسه ذاك الفستان الاصفر الي يحوم الكبد .. لا وجايبه كل بناتها ثمان ول عليها
الاولى:ايه ما تشبع هالحرمه الله يعين رجلها جايبه له ثمان بنات ولا ولد .. ما طلقها ..
الثانيه: لا تحلف عليها ان ما جابت ولد بيتزوج عليها .. بس خلك عن هالاشاعه انا شايفتها ببيت اهلها شكلها عطاها ورقتها
الاولى تضحك: والله جابته لنفسها ..
وش يحسون فيه .. بديت ابكي اكثر واكثر من القهر ذولا جايين عزى ناس ميته ويسولفون ويضحكون .. عطيتهم نظره خلتهم يسكتون من جد ..
بس ما مرت ثواني الا بدو يتكلمون لكن بصوت اقصر .. يعني اني ماني سامعه
الاولى:شوفي شوفي ذي بنت هاله اللي توفت .. اخت ام عبدالله
الثانيه:هاذي بنت هاله ؟ لا شوفي شلون تناظرنا قبل شوي .. مبسوطه ما طلعت على امها جمال ودلال .. طالعي شلابسه
الاولى:احد يلبس طنطلون بعزى .. لو ان فيها خير لخالاتها كان شفتيها لابسه قميص اسود لا وفوقه العبايه والطرحه بعد .. يا زين بناتنا بس .. تربيه واخلاق ..
انا انهبلت منهم .. هذا الي ناقص .. قمت لهم ووقفت قدام الاولى الحـ**** ذي ..
قلت بهمس على قد ما اقدر:الباب يوسع جمل ترا .. بيتنا يتعذركم ..
ورحت جمب ماما ولفيت يدي حول ذراعها وحطيت راسي على كتفها وجلست ابكي .. مسكت يدي .. بعدها غمضت عيوني.. تجي وحده تسلم علي ما ارد عليها .. جلست على هالحال افكر وشلون عبدالله الحين لحد ما عم الهدوء .. رفعت راسي .. الكل راح .. وماما لحد الحين جالسه جمبي وتطالع قدامها بيأس ..
انا:ماما راحو الناس ..
هزت راسها...
انا:ماما لا تضيقين صدرك ..
طالعتني بحزن وقامت ..
تسندت على الكنبه وانا اتنهد .. قد ايش اثر فيني هالحدث .. فكرت بعبدالله .. ما دام العزى عندنا اكيد موجود ..
رحت لمجلس الرجال .. تأكدت من الطريق قبل .. مافي احد ..
فتحت الباب بشويش .. كان لابس ثوب .. وشماغ بدون عقال ولافه حول رقبته بطريقه عشوائيه .. ودافن راسه بين رجوله وجمبه واحد من عيال عمي .. سعد
حاولت ادخل راسي اكثر لكن من غير ما ينتبهون .. المجلس فاضي .. بقايا فناجيل قهوه مدري ايش ...
حسيت بسعد بيطلع قمت ركضت لمغاسل الرجاجيل .. طلع من المجلس انتظرته لمن يطلع من الباب الي عالحوش ورحت دخلت ..
فتحت الباب بشويش ..
وجلست خمس دقايق واقفه .. افكر وش اقول له .. وكيف ابدى معه .. بيردني وبيعصب علي .. ؟؟
رحت له بهدوء .. وبشوية تردد .. جلست جمبه فتره ساكته .. تنهدت واخذت يده بيدي : محد يموت قبل يومه
جلس فتره ما تحرك .. بعد خمس دقايق رفع راسه .. يااااربي كاان مره مكسور وحزين .. مدري هالظرف بيعدي بسرعه ولا لا ..
بلع ريقه وجلس يطالعي .. رجع نزل راسه وهو يهزه بشويييش : ما اعترضت ..
رفعت راسه بيدي:طيب لا تسوي كذا
حرك يده بهدوء علامة استنكار:ما سويت شي
اخذت نفس عميق .. مو هذا الكلام المناسب الي ينقال .. يوم شفته كل شوي يرجع ينزل راسه .. رجعت رفعته :لا تنزل راااسك طيب
ناظرني بنظرات غريبه .. وتجمعت الدموع بعيونه:شجن وش تبين مني ؟؟
لحظه هدوووء .. رفضت اتحسس من كلامه .. ما راح اتحسس انا عارفه انه يمر بوقت شين الحين وانا لازم اكون جمبه زي ماهو دايم يصير جمبي ..
حطيت راسي على كتفه:تدري ان الدنيا ما تسوى
رجع راسه على ورا وسنده عالكنبه وهو رافعه .. بحيث اني وخرت راسي عن كتفه عشان يقدر يتحرك ..
قال بعد نفس طويل:ما تسوى .. الحين ما تسوى ..
وطاحت دمعه صغيره .. ما سمحت لها تكمل ومسحتها:ايه ما تسوى هالدمعه ...
طالعني وهو على نفس حالته:مو شرط اكون حاس فيها وهي تنزل..
تعدل من وضعيته ومسك يدي وضغط عليها .. كانت عيونه حمرا .. وحزين وكئيب .. يحق له طبعا ..
قال بعد فترة سكوت:بس انا السبب ..
انا:سبب ايش ؟؟ مو صح انك تحط اللوم على نفسك .. محد يموت ناقص عمر
عبدالله:مو انا اللي ....
سكت وهو يناظر قدامه .. كأنه يتذكر .. لكن ولا دمعه نزلت بعد الي مسحتها .. كانت على طرف عينه بس ما نزلت ..
بدى يتكلم .. يقول لي وش صار .. كان ماسك يدي بقوه .. ما اظن انه حاس بنفسه .. كان يتكلم يبي يطلع الي بقلبه
يتكلم بصوت مبحوح وبيأس كبير ..
عبدالله:امس .. كان ابوي متضايق لان ابوك بالمستشفى .. وامي يومها .. قررت تفرحه .. تبيه يصير مبسوط .. وراحت تسوي الغدا بنفسها .. من زماان ما دخلت المطبخ .. شي خلاني .... خلاني اتذكر اول لمن كانت تسوي لنا كيك بالشوكولاطه انا وفاتن ... وكانت دايم تقولنا اطلعو برا لمن اخلص .. مو خايفه علينا من النار .. لا .. ما تبينا نحتر ونطفش .. لانها ما تحب تشغل المكيف ..لكن ..... يومها طلبت منها تشغله .. قالت لي انو ما يصلح مكيف بالمطبخ بس انا اصريت عليها .. كان شكلها قدام الفرن وهي واقفه كاسر خاطري .. لكن هذي هي رغبتها .. ما اعترضت .. بس اصريت عليها تشغل المكيف .. ورحت لفاتن .. ضربت باب الغرفه ودخلت .. لقيتها قدام المرايه شايله فستانها .. تناظر نفسها بالمرايه ..التفت وطالعت فيني .. جتني بكل فرحه تعلمني وين تخطط تسافر شهر العسل .. وانا اناظرها وفرحان .. وهي كانت اسعد انسانه بالدنيا عمري ما شفتها سعيده قد ذاك اليوم ......... الي هو امس .. جلست تسولف لي عن تخطيطات العرس ...بالضبط زي زمان .. لمن كنا انا وياها نلعب عرس .. كنا صغار .... بالروضه .. جلست تسولف لي تقول انها تبي تسترجع ذيك الايام .. وجلسنا نتذكر .. لحد ما دق ابوي علي .. طلب مني انزل له عشان اشيل معه اغراض بالسياره ..كان توه طالع من المستشفى .. توه شايف ابوك .. ونزلت .. ومريت على امي بالمطبخ .. لقيتها ما شغلت المكيف .. تضايقت .. طالعتها بكل حنان وطلبت منها للمره الثانيه تشغله .. ونزلت تحت .. وصلت للباب ....... بس
سكت شوي .. هالمره ما قدر يمسك دموعه .. طاحت كم دمعه كانت غصبن عنه .. كان وقتها يتكلم بعفويه ..... لا مو بعفويه بس يمكن بـ ... مدري بس كان يتكلم ويشرح لي كل شي صار بذاك اليوم كأني كنت معه بالضبط .. ما قدرت امسك نفسي قدام دموعه لكن حاولت ..
لهادرجه الموقف قاسي .. بعد البس هاذي اكيد فيه شي .. اجل ليه سكت .. انتظرته فتره .. هو رجع يكمل
عبدالله:كل الي اتذكره صوووت قوي .. وصراخ ... طحت بعدها عاللارض .. فيه شي قوي طيحني .. ما ادري وشهو بس .. طحت بقوه .. جلست فتره عالارض حاولت اقوم حسيت اني ما اقدر .. سمعت صوت ابوي يصرخ .. التفت بعيوني ناظرت الباب .. كان ابوي توه داخل ومرتاع .. ويناظرني .. ويناظر البيت .. ما كنت مركز وقتها كل شي كان مغبش .. كان يصرخ بأسمي .. ماني قادر اجاوبه لكن قدرت افهم وش فيه .. كان خايف علي .. تسائلت ليش بس .. على طول شفت الجواب بعيني .. شفت النار تطلع من الشبابيك .. ودخان اسود .. ومنظر عمري ما قد شفته .. كنت خايف .. تفكيري متجمد .. كنت بس استوعب ان ابوي جالس يبي يدخل جوا بالبيت .. الي كله نار .. وانا عالارض اطالع .. عرفت لحظتها انو بيتنا احترق ... استيعابي كان بطئ .. ما فكرت مين الي جوا او وش السالفه .. كنت بس اطالع ابوي يدخل .. ابي امنعه ماني قادر .. حاولت . ووقفت .. كانت يدي تعورني شوي بس .. مسكت الالم شويه .. وصلت للباب وانا انادي ابوي ..
لكن النار .. والدخان .. وطريقي مغبش .. حسيت بشي يطيح علي .. شي ثقيل .. قمت على صوت الاسعاف .. كنت بداخل السياره وقدامي ناس .. ما عرفت منهم .. ما كنت اطالع زين .. كان فيه دم يسيل على عيوني... كل الي اتذكره انو فيه شي طاح علي .. وان بيتنا محترق وانا السبب ... وان كل اهلي كانو جوا البيت وقتها ..
فكرت .. وش اللي صار .. لكن ما قدرت .. كل شي كان يمر بسرعه .. اسمع صوت امك تصيح .. وخالتي ... شوي احس بألم اكثر بيدي .. كنتي انتي .. ماسكتني وتبكين .. تقولين لا تموت .. من سمعت كلمة ...موت .. حسيت اني مت .. غمضت عيوني وجلست اتخيل .. انا ميت الحين .. واهلي يبكون علي .. والحين بيقبروني ... تلاشى كل شي على ريحه مزعجه صحتني .. وجهاز الاوكسجين على وجهي..
كانت الممرضه تمسح الدم عني ... طالعت حولي ادورهم .. امي وابوي وفاتن .. بس حصلتك انتي واقفه عند الباب .. ناظرتك كنت ابي الاقي جواب بس .. كنتي مبتسمه .. شي فرحني .. بس لمن التفتي وما عاد شفتك .. حسيت ان فيه شي صاير ...... وما حسيت بنفسي الا انو اغمى علي من جديد ...... قمت ... لقيت اختي وامي ميتين وابوي بين الحياة والموت ...
سكت بعدها ونزل راسه .. ترك يدي فجأه .. انا مدري كيف اوصف شعوري لحظتها ..
كل الي فكرت فيه انو ... الي قدامي انسان ما يستاهل الي يصير له ابدن .. وش ذمبه باللي صار ..
ليش يستحق كل هالحزن .. حاولت قد ما اقدر امسك نفسي ..
ما كنت عارفه وش اقول ... تشجعت شوي واخذت نفس: طيب لا تكدر خاطرك .. خلاص بكيت .. وزعلت .. وبعدين ؟؟ بيرجعون يعني؟
سكتت شوي .. ياااااربي وش هالكلام الي اقوله .. انا غبيه فيه احد يقول هالكلام ..

ارجو عدم الرد

البارت التاسع

سكتت شوي .. ياااااربي وش هالكلام الي اقوله .. انا غبيه فيه احد يقول هالكلام ..
ما حسيت به الا هو رافع راسه ويهزه :مافي بعدين ..
ابتسم برضا:خلاص هاذي حال الدنيا .. افقد امي .. وافقد اختي .. وحتى ابوي لو عاش بيعيش معوق ........ وقبل كل هذا افقد قلبي ..
ناظرني وحط عينه بعيني:صعبه يصير فيها بعدين ...
انا لحظتها ارتبكت .. نسيييت كل الكلام الي قاله وبديت افكر بأخر شي ( وقبل كل هذا افقد قلبي ) كنت عارفه انو يقصدني
اصلا من قاله انه فقدني .. مشكلتي ما اقدر اسأله الحين .. واذا سألته بعدين ما راح يجاوب انا اعرفه زين ..
توني بتكلم الا دخل بابا بالكرسي المتحرك:شجن اتركيني مع عبدالله
وقفت وطالعت عبدالله .. وطلعت ..
لكن وقفت عند الباب اسمع وش يقولون ..
بابا:عبدالله ..
عبدالله:................
بابا:عبدالله يا ولدي ..
التفت عبدالله وقال بعد سكوت طويل وصوت مبحوح:آمر
قرب له بابا:الحزن ثلاث ايام .. صح يا ولدي ؟؟
هز راسه بنعم
بابا:يعني بعد يومين ابشوفك على هالحال ..
عبدالله:...............
بابا:عبدالله .. ماهيب نهاية الدنيا .. كل الناس يموتون .. بتموت انت وبتموت خالتك وبموت انا
عبدالله :بعيد الشر
هز بابا راسه:لا ماهو شر ... اسمعني ... ارفع راسك واسمعني
رفع راسه
بابا:الموت ماهو شر .. ولا هو نهايه .. الموت بدايه يا ولدي .. تأكد انهم انشالله بروضه من رياض الجنه .. حولهم الملائكه تسبح لهم .. اذا انت تحبهم صدق لا تحزن .. تخيلهم هنا يطالعونك تبكي .. هذا منظر يفرحهم يا ولدي .... اذا تحبهم ادعي لهم بالمغفره مو تسوي الي انت جالس تسويه
عبدالله انفجر قدام بابا بصوت كله صياح:عمممي افهمني انا هنا بمكاني جالس قدامك ..شفتني مقطع هدومي ؟؟ شفتني انوح وابكي ؟؟ شفتني مجنون واصرخ قدام الناس ؟؟ خلاص يحققققق لي احزن شويه يحق لي انت بس اتركني ..
مرررره كسر خاطري بعد هالكلام .. سكت بابا ثواني وقال
بابا:عبدالله .. ما قلت هالكلام اقصد فيه شي .. بس .. انت ما جيت المقبره اليوم .. معقوله .. تجي ذي ؟؟
عبدالله:..............
بابا:ولا رحت تشوف ابوك .. ينفع ؟
عبدالله:..............
بابا:ولدي .. بعد يومين مابي اشوفك كذا .. انا بروح لبوك وبشوفه .. حالته تحسنت ..
سكت عبدالله شوي وقال: وشلونه ؟
بابا:بخير ..بس
عبدالله:بس وشو ؟؟؟؟
بابا: انت رجال .. وتؤمن بالقضاء والقدر .. والي اقوله لك ماهو وقته الحين بس يحق لك تعرف .. ابوك مات دماغيا ولازم يجلس بالمستشفى اربع وعشرين ساعه متوصل بالاسلاك ..
انا انصدممت ... ميييييييييت دماغيا ..؟!؟؟!؟!..
ياربي الولد ما راح يستحمل .. والله حرااااااااام .. بغيت ابكي ..
عبدالله:الي كاتبه ربي حق ..
استغربت من كلامه .. الي شكل بابا ما استغرب منه
بابا: تبي تشوفه ؟؟
هز راسه بحزن وقال:لا
سكت بابا .. شكله مايبي يناقشه بالموضوع .. بس من جددددد هالفتره مرره شينه .. انشالله تعدي على خير ..
عبدالله توه بيطلع بس وقفه بابا:وين بتروح ؟
عبدالله:بيت عمي بو راكان .. ابي ارتااح
بابا:طيب تعال ابكلمك بهالموضوع ...... وش رايك تجلس عندنا
انا انهبلللللت .. يااااااااااي والله عاد فله لو جلس عندنا .. حسيت اني غبيه بس هذا الي جا بمخي اول شي
عبدالله:...........
بابا:ما ودك
عبدالله:هناك احسن .. انا بروح بعدها لفلتنا بشرق الرياض
بابا:مكروه الواحد يسكن لحاله يا ولدي .. لو صار فيك شي ..
عبدالله:..........
بابا:تعوذ من ابليش وتعال عندنا .. انا عمك وزوجتي خالتك وماحد غريب عنك .. هناك تلقى بنيات بو راكان وش كثرهم وامهم ماهي حلال عليك
عبدالله:..........
بابا:هاه؟
عبدالله بدون نفس:الي تشوفه ..
انا انسبطت مررره .. بس ولو حسيت اني سخيفه .. احنا مو بوضع يسمح .. اصلا ابي اعرف بابا كيف يناقش عبدالله بهالموضوع الحين
ما ركزت عالسالفه كثير ورحت غرفتي قبل ما يطلع بابا ويشوفني ..
ومرت ايام العزى .. كانت ايام قاسيه عالكل... ماما مرررره كانت زعلانه .. تبكي فجأه وبدون سبب .. بابا حسيت انه كله شمووخ بعد هالموقف .. ما حسيت انه انكسر .. حسيت انه اخذ الموضوع كأي موضوع عادي رغم انها بنت اخوه ومرت اخوه ..
لكن الي ما شفته عبدالله ..
طبعا دق علي سيف اكثر من مره بس ما كنت ارد عليه .. كنت مدخله نفسي بسور يمنعني عن كل شي .. كنت ابي احس اني مثل كل اللي بالبيت .. مو لاني ماحب فاتن ولا خالتي يعني ما احزن
كل انسان شفته بحياتي احط له نقطة غلا صغيره ..
اليوم الرابع بعد الي صار كنت نازله اتغدى .. جلست طووول الصبح بغرفتي .. جلست عالطاوله والهدووء سيد الموقف ..
قطعت الصمت:بابا .. وش رايك ادخل السنه الجايه .. أاجل دخلتي للجامعه
بابا:لييش؟
انا:عشان .. تعبت من الدراسه شوي بأخذ سنه اجازه ..
سكت بابا شوي وقال:الي تبينه سويه .. حياتك وانتي حره فيها
وماما ساكته ..
بعد الغدا الكئييب رحت اتمشى بره .. مدري ليش مصعبين الموقف لهادرجه خلاااااااص
الحزن ثلاث ايام وبس .. ناظرت شوي .. تشارجر حمرا بالكراج .. تشارجر حمرا ؟؟ هاذي سيارة عبدالله
يعني عبدالله عندنا ..؟؟؟
دخلت بسرعه وانا ادور بالغرف من غرفه لغرفه .. فجأه فتحت باب غرفة الضيوف لقيت عبدالله عند الشباك يطالع وشنطته فوق السرير
ما التفت علي عشان يعرف انا لي دخلت ولا لا ..
رحت عنده ووقفت:تناظر الحديقه ؟؟
عبدالله:........
انا:طيب تعال شووفها عالطبيعه احلا ..
ناظرني بهدوء .. وقال:اطلعي بره
انا انصدمت .. وش فيه الولد كذا .. ناظرته شوي وقلت:لا .. بتقول لي وش فيك
عبدالله وهو ماسك اعصابه:اطلعي ... بره
وقفت مكاني اناظره نظرات تحدي .. بشوية خوف طبعا .. وقلت بإصرار:ليش؟
عبدالله:كيفي .. وش عليك انتي ؟؟ ماخذ لك شي انا ؟؟ اطلعي بره وسكري الباب وراك
جرحني كلامه .. قلت بحزن:انا شسويت لك ؟؟
عبدالله تسند هالشباك بكوعه:لا .. ما سويتي شي .. بس ...... انا ابيك تطلعين
رجع يطالعني:عندك مانع ؟؟
انا:ايه .. ليه تبيني اطلع .. ؟؟؟؟
عبدالله فقد اعصابه:لاننننني ابي اطلعك من مخي فاهمه كيف مابي افكر فيك ابي انساك مع اني عارف اني ما اقدر .. فهمتي الحين .. انقلعي عني
انا انصدمت .. ياربي وش فيييه كذا
وش الي صاااااااااير .. ؟؟
عبدالله فقد اعصابه:لاننننني ابي اطلعك من مخي فاهمه كيف مابي افكر فيك ابي انساك مع اني عارف اني ما اقدر .. فهمتي الحين .. انقلعي عني
انا انصدمت .. ياربي وش فيييه كذا
وش الي صاااااااااير .. ؟؟

طلعت وانا منقهررره منه ودموعي على طرف عيني .. ياربي احس انه كـ**
مو لهادرجه عاد انا ما سويت شي .. ولا متضايق وجالس يحط حرته فيني
اساسا انا وش دخلني اذا هو يحبني اصلا عمره ما صارحني وقلت له اقلب وجهك عشان يسوي الي جالس يسويه
كان تفكيري كله يدور حول انه طردني ذيك الطرده الشينه .. دخلت غرفتي
وخلااااص ما قدرت امسك نفسي جلست اصيييح
دخلت ماما:شجن
انا:........
ماما:متهاوشه مع عبدالله ؟
رفعت راسي من الوساده ووجهي كله دموع وناظرتها :يااكل تـ** ما يستاهل اني اتهاوش معه اصلا ..
رجعت راسي للوساده:انا ما انزل مستوااااي
جتني ماما مبتسمه: صوتكم تو واصل للشارع .. لاع لاع لاع شوي شوي وش هالتلعلع
ضحكت عليها غصب عني .. رفعت راسي وطالعتها:ما صار شي لا تشغلين بالك بس ... انا زلقت عالارض وهو ضحك علي وانقهرت
ماما بان عليها انها استناست:والله زين منك ضحكتيه ..
تنهدت بحزن وقامت عني ..
وانا جلست افكر شوي ... لا .. بيبقى كـ** حتى لو ماتت امه واخته .. بعد هذا الي ناقص ..
بس مسكين .. زياده على كل ذا متهاوش معي ..
لالالا يستاهل هو الي بدى بالهواش مو انا ..
طق طق طق
مسحت دموعي:ادخلي ماما
طل براسه : طب وانا؟
عقدت حواجبي عبيدووون وش جاي يسوي هنا
قمت من سريري ورحت ابي اصك الباب بوجهه:ترا بقول لماما انك جايني لغرفتي
مسك الباب بقوه وقال بإستهزاء:اييييه جايك نص الليل ابـ
قاطعته:انقلع عني زي ما تطردني من غرفتك انا بطردك يا السخيف
واحاول ابعد اصابعه عن طرف الباب:بعّد
ضحك علي:ما تقدرين
شوي شوي نتهاوش لحد ما يأست ان يده تتحرك .. يشرب حليب شكله
ناظرته:عبدالله .. انقلع
سكت شوي وطالعني:آسف
نزلت راسي :لا ماله داعي ..
وحطيت عيني بعينه:الا اذا قلت لي وش سالفة هذا كله ..
دخل بشويش للغرفه هو يتنهد:بحكي بصراحه ..
قلت بحاجب مرفوع:اسمع انا .. يلا
عبدالله:شجن .. انا ..
ما قدر يحط عينه بعيني .. يا ربي انا عارفه هو وش يبي يقول ليش يطولها وهي قصيره
بس حبيت استهبل شوي:ندماااان صح
عبدالله:ايييه ندمان .. سوري بس ضاعت مني هالكلمه .. ايه ندمان .. آسف
كان ودي اضحك عليه .. يا حليله والله ماما صادقه زين اني نسيته شوي حالة الكآئبه الي عاشها .. بس حسافه ضاعت السالفه
رجعت ابي ادور حول الموضوع:ايه وبعد
عبدالله:بس .. بنزل تحت
مسكته:لا اصبر .. انا بعد آسفه
عبدالله:ليش
قلت بعفويه:لاني مو مفروض اجي اضايقك وانت توك طالع من صدمتك
ياااربي علي دايم يطلع مني كلام ماهو وقته يطلع .. حسيت انو ودي الارض تنشق وتبلعني ولا اني قايلة له هالحكي
الحين بيضيق صدره انا عارفه .. ياربي ما امداه يضحك شوي
هز راسه:لا عادي .. انا نازل ..
توه بيطلع الا دفيته مع الباب:انقلع
شهق بإستهبال والتفت علي:نعم .....!
قلت بجاحب مرفوع:انقل .. اع << انقلع
مسويه يعني اني موقفه فيها عشان أاكد عليها خخخخ
ناظرني وضحك:اقول بس
صكيت الباب بوجهه:لا تقوول
دبج عالباب:هيييييين
ضحكت عليه .. يا حليله .. اااه اتذكر ايام زمان يوم كننا نتهاوش كذا .. كانت ايام ..
بديت افكر ليش بابا قاله يجي عندنا .. يعني انا عارفه تفكيرهم مو رايح بعيد لذيك الدرجه بس
هم وش يضمنهم انو ..... يعني علاقتي معه علاقة اخوه
يمكن فيه شي منا ولا منا ..
غريبه ولله .. يعني هذا هو يجي غرفتي واروح غرفته رغم اننا كبار وماما عارفه كويس اني انا ما اعتبره اخوي
لا صح ...... اخوي ..
تعقد تفكيري .. اخوي ؟؟ ولا صديقي .. ؟ ولا شخص متعلق فيني ؟؟ او كارهني لشي ما اعرفه
فجأه سمعت صوت سياره
طليت من الشباك ليينها سيارة عبدالله تتحرك
السخيف كان ودي اكمل هواش معه .. نزلت احوس بالبيت كالعاده ..
المهم اليوم الي بعده .. قمت الفجر بدري وانا فيني خموول ماهو طبيعي .. نزلت بالشورت والبلوزه الكت القصيره وشعري عفسه
على هالفجر مشتهيه رااوخ يفك الرااس .. طعمه يجي غير ..
دخلت المطبخ .. فتحت الثلاجه وطالعت بقرف .. تكشرة اول ما اقوم من النوم ..لازم
حسيت بشي .. التفت لقيت عبدالله جالس يصب له مويه
قلت بنرفزه:انت من متى وانت هنا ؟
التفت وهو مرتاع :ها... انتي الي من متى وانتي هنا ..؟
ناظرته بحاجب مرفوع ورجعت عيوني للثلاجه .. طلعت علبة الراوخ وحطيتها على الطاوله بعنف
رحت جمبه وطلعت لي كاس ونفس الشي حطيته بعنف عالطاوله ..
عبدالله :شجن شفيك ؟
فتحت علبة الراوخ:اسكت الله يرحم والديك
ما كنت راايقه لاي شي احس اني منقرفه من شي بس مدري وشهو ..
صبيت لي ومشيت بهدوء وانا اشرب واطلع من المطبخ ..
وقفت عند الباب ورجعت اصب لي زياده
وعبدالله طلع وهو مستغرب
دخلت ماما من وراه:وش مصحيك الفجر
طلعت الراوخ من جديد:اهلن
ماما تطالعني:انتي وش لابسه
ناظرتها بتكشيرتي المعتاده:وش لابسه يعني
ماما عصبت:لابسة لي شورت ونص بطنك طالع قدام عبدالله ... وينا فيه حنا
تأففت .. يالله عليها تجيب القلق .. هي وفلسفتها الزايده
طيرت عيوني بشكل لا مبالي وقلت:ماما ...... عادي
ومسكت الكاس وجيت ابطلع
ماما:لا ماهو عادي ..عبدالله رجال .. وما ينفع .. اصلا انتو ما تنفعون مع بعض في بيت واحد .. وش هالفلاته ما ربيناك احنا
التفت عليها بحاجب مرفوع:مدري ؟
ماما طرطعت:بلا قلة حيا وناظريني لمن تكلميني .. روحي غيري هاللبس
انا طق معي الؤشر .. من الصبح جالسه تزاعق ذي:ماما ... فاتن اخته كانت تلبس كذا قدامه
ماما:لا ما تلبس
انا:الا ... ( قلت بإستهزاء ) ولا لانها فاتن مس بيرفكت .. فاتن الي ما تقول شي غلط .. فاتن الخلوقه .. فاتن فاتن
حسيت ماما حزنت .. جلست ادقق بكلامي .. يالله علي .. الله يرحمها انا كيف تجرأت وتكلمت عنها كذا
حطيت الكاس بسرعه ورحت حظنت ماما:ماما والله ما كان قصدي ..
ماما مسكت دموعها:عادي .. بس روحي غيري هاللبس
ناظرتها :ماما خلاص ... لا تكبرين السالفه
بعدت يدي عنها بقوه:انتي النقاش معك ما يفيد ..
جلست عالكرسي بالمبطخ بحزن .. ما كان لي داعي ابدن اقول هالكلام
بعد فتره دخل عبدالله يصب له مويه
انا:وانت كل شوي شارب مويه ؟
عبدالله:وش عليك
انا:عبيد وش فيك .. صاير غريب
عبدالله:ما الغريب الا الشيطان ..
رفعت حاجب:عبود .. انت ما كنت كذاا
عبدالله:اجل وش كنت .. عبدالله الساذج الي على نياته الطيب الي ما يرفض لك كلمه .. لا يا حياتي دوام الحال من المحال .. انا لو كانت طيبتي الزايده مخربتني بحط لها حدود معك انتي بالذات ..
ومشى ..
وش هالصبح النكدي .. اشين شي في عبدالله كلامه الجارح ..
انا:طيب بكلمك
التفت:نعم ..؟
انا:انت امس كنت عادي وش جاك اليوم ..خلاص انسى... خلنا مثل اول وش الفرق
عبدالله:هه .. لا الفرق كبير ..
تنهدت:عبببدالله
رفع حاجبه:نعععم ؟
قربت له ومسك كاس المويه الي بيده :اسمعني
رجع ياخذ الكاس:بسمعك بس اتركي الكاس
انا انقهرت ورحت سحبته منه:لا
عبدالله مسكه:اتركيه .. بلا حركات بزران الله يخليك توني قايم ومالي خلق
وانا اصريت امسك الكاس:حركات بزران انت الي جالس تسويها
وسحبته بقوه وانكبت المويه عليه
طاح الكاس عالارض انكسر ..
بعد الصوت المروع .. لحظه سكوون
اطالعه بروعه وهو مرتاع اكثر .. الموبه بارده
نزل عيونه على صدره يطالع المويه .. ناظرني وهو فاتح فمه ..
انا شوي شوي بدت ضحكتي تجي .. ما عرفت امسك نفسي شكله مررره خطيير
انفجرت ضحك عليه ..
اخذ نفس طويل وضحك بشويش ما يبي يبين لي ..
والتفت وطلع : سخييييييفه
حتى وهو يقولها باين انه كان يضحك ..
رقيت انام .. انسدحت تقلبت ما عرفت .. قمت فتحت جوالي وحملت لي كم روايه .. وجلست اقرا ليييييين الساعه تسع
طقت كبدي .. قمت غيرت ملابسي عشان ماما وفلسفتها .. وجلست احوس بغرفتي
من الطفش مسكت شعري وقمت اجعده .. صار عراده .. ههههههه
وامسك علبة الميكياج واستهبل .. حطيت لي روج احمر فااااقع .. مع الكشه والبلوزه الحمرا والجنز .. شكلي صار غريب
جلست اناظر نفسي بالمرايه .. يؤ هاذي مو شجن ..
توني بمسح الروج الا دق جوالي
رحت اطالع الرسم
تسذا يتصل بك
تسذا؟؟ اييييه سيف ..
رديت:هلا سيف
بدر:انتي سجن
ياااي انا انهبلت ياحبي له .. جلست اسولف معه وجلس يقول لي فضاايح عن سييف
مره عسل هالولد .. انا صحيح استغربت ان جالس يكلمني من هالصبح بس ما دققت .. اكيد سيف هو دق ل علي
ومشالله عليه يتذكرني لحد الحين
بدر:اييه هو كان يقول شجن الوه
قلت بإستنكار وتعجب:هو قال شجن حلوه .. ههههههههههههههه يا الدوب عيب عليك .. وش قال بعد ؟
بدر:يقول بيخليني اتزوجك ..
بعدها قال بكل براءه:بس انا ما شفتك .. عندك سوره
ضحكت عليه من قلب .. من يومه الولد يتحرش لوول.. اجل وش بيصير لو كبر .. وهذا عمه ما يعرف يسكت .. قال ايش قال بخليك تتزوج شجن .. عيب عليه يعلمه هالكلام
قلت له:لا ما عندي صوره .. وين سيوفي ؟
بدر:نايم ... تدلين انه نايم على الارض عشان الشغاله ضيعت متّاح غرفته .. بعدين هو قالها يا الغبيه
انا:ههههههههه ضيعت مفتاح غرفته ..
الحمدالله ليش يقفلها من اساسو ويخلي الفتاح عند الشغاله
انا:طيب بدوري صحي عمو سيوفي
بدر:لا
انا:لييييييش ؟
بدر:ابي اكلمك
انا:طيب انا بقوله سر
بدر يهمس:قولي لي يلا وانا اقول له بأذنه
جلست اهمس مثله:بعدين ما يصير سر
بدر عصب:احسن .. يا ايوااانه
وسكر بوجهي
جلست اطالع الجوال:ابن اللذين بزر ويعرف يدق ويسكر .. لعااب انا عارفه ان سيف صاحي .. اوريه انا
وارجع ادق ويعطيني مشغول هو ووجهه ..
احسن .. ميته عليه هو وولد اخوه المليق
فكرت انزل لعبود اشوف وش سالفته .. بس خفت ماما تتضايق زي كل مره .. احيانا ودي اذبحهااا
رحت لغرفتها وضربت الباب
بابا:تفضلي
دخلت وانا مرتاعه لكن مبتسمه:بابا انت فووق ..!؟
ماما:شجن اطلعي جالسه اكلم ابوك بموضوع مهم
ياربي وش فيها علي اليوم .. تأففت وقلت لها:طيب بروح .. بس معليش اروح لعبدالله .. بغرفته
ماما تبي تصرفني:روحي وسكري الباب
انا:طيب
بابا وقفني:وش هالروج
عقدت حواجبي:ايش ..
رحت بسرعه ودخلت الغرفه وناظرت نفسي بالمرايه:يو ما مسحته
ماما قامت ومسكت يدي:شجن ناظريه بره
ياربي شفيها علي ذي شوي شوي .. طلعت وانا متأزمه منها .. احيانا تجيها حالات تصير اخيس انسانه بالدنيا
نزلت تحت لعبود .. ضربت الباب كثير ما رد
فتحته بشويش .. ظلام .. ونور خفيف من الشباك .. وبرررد ..

ارجو عدم الررد

البارت العاشر
دخلت وقلت بهمس:عبود .. انت نايم
عبدالله:........
تنهدت .. اكيد نايم يعني .. بيجلس يلعب مثلا ؟
جبت لي كرسي وجلست جمبه اناظره .. استناه يقوم .. حطيت يدي على خدي وانا اطالع وجهه .. ياخي قم .. اففف
وبينما انا اطالع فيه .. فجأه حسيت خشمه حلو .. هههههه توني ادقق فيه .. وشفايفه زي شفايف فاتن .. عيونه زي بابا .. مشالله كوكتيل الولد ..
حركت شعره عن وجهه .. احلا شي ان شعره كثير لابق عليه
رفعت حاجب وقلت بيني وبين نفسي .. ينقلع هو وخشته السخيف .. شين وغبي وتاافه .. ياربي متى يقوم طفشت
قمت اطالع بغرفته .. رحت لدولابه وفتحته .. ملابس .. طبيعي وش بيصير فيها
ورحت افتح دروجه فاضيه ..تأففت وتوني بجلس الا روعني صوته
وش تسوين ؟
لقيته يناظرني ومبتسم وشكله يروع ..
انا ارتعت في البدايه وحطيت يدي على قلبي:يمااا
عبدالله : ملقوووفه
انا اخذت نفس:انت من متى صاحي يا البايخ .. تاركني طفشانه
عبدالله:من اول ما فكرتي نفسك ماما وبعدتي شعري عن وجهي
قمت عنه بإستهزاء:هاهاها .. المره الجايه اذا بتنكت قول لي قبل ربع ساعه عشان استعد نفسيا اني اضحك
عبدالله:هاهاها
انا:قوم
تنهد:مابي .. دايخ .. سكري الباب اذا طلعتي
سحبت مفرشه:قووووم
وتصنمت مكاني .. يؤ الولد ما عليه الا بوكسر .. وجهي صاار احمر .. ياربي فشيله .. ما عرفت وين اودي وجهي
هو على طول سحب المفرش وغطا نفسه:فيييني النووم
انا بلعت ريقي ابي اصرف الموضوع ... رحت طفيت المكيف:لا مافي نوم .. يلا قم
عبدالله مغطي وجهه :شجن بلا قلق
رحت فتحت الستاير:قوووووم
طلعت وانا منقهره:ما تنعطى وجه
اول ما سكرت الباب اخذت نفس طويل:يااربي عيب علي سحبت المفرش وهو ما عليه الا بوكسر .. وش بيقول عني الحين ..
مشيت لبره وانا افكر.. وش ذاك الشي الازرق الي كان على كتفه ..
طلعت للحديقه وانا اتمشى .. طفش .. شغلت لي اغنيه لحسين الجسمي وجلست اغني معه ..
بطريقي مريت على غرفة عبدالله .. كانت تحت .. طالعته من الشباك .. كان قايم ويلبس بلوزته .. طقيت الدريشه:عبود
التفت علي .. ناظرني بحاجب مرفوع وقال:قليلة ادب .. ما يكفي قبل شوي ساحبه المفرش والحين جالسه تناظريني البس ..
ضحكت عليه:سم الله عليك لابس يا الكذاب .. تعال بسألك سؤال
جا عندي وفتح الدريشه:خير؟
سحبته مع بلوزته :قرب ..
رجع على ورا:اقول بس
ومشى وطلع من غرفته
ياربي وش فيه صاير كذا معي .. مو معقوله انا وش سويت له
سمعت صوت باب البيت ينصك
ركضت له وناديته:تعال اكلمك انا
وقف وتأفف:هاااه
قربت له:انزل ..
رفع حاجب:هاه؟
انا:انت طويييل ابي اشوف كتفتك ..
سحبته على الارض:اجلس ..
جلس من غير ما يعترض:وشو؟
جلست جمبه وبعدت بلوزته:وش هذا الي على كتفك
ناظرت الجرح .. كااان ازرق مرره .. يعني كدمه .. بس فيه جرح بعد
عبدالله:........
حطيت اصبعي عليه بشويش:اححح اكيد يعورك صح
عبدالله:........
رفعت راسي اناظره... وش فيه ساكت ذا
لقيته يطالعني بنظرات غريبه .. بلع ريقه ونزل راسه : مدري جرح .. انا ...انا بروح
وقف:اا .. متواعد مع اصحابي بنفطر ... مدري وين .. سلام
وراح بسرعه .. انا على وجهي علامة استفهاام
وش فيه عبدالله مرتبك كذا ... يااي يحبني .. شعور جميل لمن تدري انو فيه احد يحبك .. بس ما طولت الابتسامه كثير
رجعت ازعل .. يا ليته ما كان يحبني .. عشان ما يحس اني ابادله هالمشاعر وانا لا .. عشان ما يفتكر ان حبي له مثل حبه لي
وقبل كل هذا .. لو انه ما يحبني كان ما صار قاسي معي كذا من كم يوم
تغير كثير .. صار ماهو عبدالله .. طيبته راحت .. وصار عصبي
معقوله الحادث الي صار غيره لهادرجه .. مسكين الله يكون بعونه .. باين رغم ابتساماته وضحكاته انه حزين ومنكسر من جوا
بس يكابر .. الله يعينه ..
ما دام ان عبيد طلع انا بطلع وش اجلس اسوي بالبيت لحالي .. رحت قلت لماما وطلعت
اول ما طلعت للشارع لقيت سيارة عبدالله واقفه .. بس بعيد .. عقدت حواجبي .. له نص ساعه ما طلع ولين الحين فيه
طالعت لقيت معه واحد بالسياره كأنهم يتهاوشون .. لالا ما يتهاوشون بس ذاك يبي يقنع عبدالله بشي
مدري انا ما فهمت هم وش جالسين يسوون بس عبدالله كان رافض شي .. فجأه التفت وطالعني
ثواني صديقه التفت علي يطالع محل ما عبدالله يطالع
كنت ابي اأشر لبعدالله بس لان صديقه التفت هونت ورحت ركبت السياره
انا:عمر روح حي السفارات ..
توه عمر بيحرك السياره الا مر جمبنا عبدالله وشااخط مليون .. وش سالفته
تنهدت وفتحت جوالي اكمل الروايه الي بديت اقراها..
دخلت للسفارات .. احب هالحي مره .. اول شي اذا جينا ندخل لازم بطاقه او شي
لانو الحي هذا كل سفارات الدول موجوده فيه عشان كذا حاطين عليه سور واسلاك شائكه
مساكين الي ساكنين فيه احسهم يتعذبون على الدخله وعلى الجيه وعلى روحة المدارس .. اصلا يمكن عندهم مدارس
قلت لعمر يروح للمدرجات الرياضيه .. في خاطري العب تنس ..
واطالع حولي .. فجأه سفارة بريطانيا ... سفارة فرنسا .. سفارة الخ
ااااه يا قلبي ابي اسااااافر .. وقف عمر بالسياره ونزلت .. دخلت وفصخت عباتي ورحت العب تنس
فجأه جتني وحده تكلمني .. انا استغربت
البنت:هلا
انا:اهلين ..؟
البنت:كيفك ؟
انا:بخير .. وانتي ؟
البنت ابتسمت:انا تمام
كان شكلها غريييييب .. مررره مره بوويه ولده .. كانت لابسه جينز لو وست يعني ناازل ووسيع
وشعرها بوي .. وكحلها كثييير مره .. زي الايمو بويز
مدري ما ارتحت لها
انا:اممم سوري بس ما عرفتك .. ؟
البنت :ولا انا اعرفك بس .. احب البنات الي مثلك
انا ارتعت وش تحس به ذي:مثلي يعني كيف ..؟ فيني شي غلط انا ؟
مسكت يدي وجلست تطالعها:لا قصدي .. شكلك تحبين البينك .. وكيوته .... ودلوعه .. انا ماحب اخاوي الا دلوعااات
تخاوي ؟؟ خيييير ؟؟ يع لا يكون هذي من النوع الي ........... اوريها ابعلمها منهو ابوها الي تجي تتحرش بشجن الـ*****
وقفت وقفه عربجيه وبديت اصارخ:هيه انتي هيه .. ابعدي عني فاهمه يا المريضه .. وع هذا الي ناقص ما بقى الا هو تجيني هالاشكال ..
البنت كشرت: انا ما طلبت منك تقولين رايك فيني مريضه هذا شي راجع لي .. وبعدين شوي شوي لا يخرب برستيجك
كملت صراخ بطريقه عربجيه مره :ولا يهمني برستيجي حبيبتي هذا الي ناقص .. انقلعي عن وجهي .. اففف رييحه
ومشيت عنها .. ناس تجيب القلق .. شكلي بدق على عمر يجي .. فتحت شنطتي ابطلع جوالي
وينه ..؟؟؟ اوو ماااي قاد وين جوالي .. بغيت اصيح وين اختفى
دورته حول الشنطه ما لقيت رجعت لصالة التنس ما حصلته مشيت بكل مكان مريت فيه ما حصلت شي
رحت لقسم المفقودات ابلغهم
كانت دموعي على طرف عيني ..ياربي جوالي حطيت فيه اشياء كثيره وفيه صوري وصور عبود وصور ماما بعد ... حتى ام سلطان مصورتها .. يااربي وفيه اسراري واشيااء كثيره ..
خلاص وصلت معي جلست اصيح وانا اتلفت وواقفه قدام عاملة قسم المفقودات
فجأه شفت البنت مع بنتين مثل ستايلها ماسكين شي وردي كله كريستالات .. والبنت شاقه الابتسامه وتقلب فيه
انا طار قلبي قام يدق دق .. رحت لها وانا عيوني موولعه حريقه ..
دفيتها مع ورا:يا الكلـ** هااتي جوالي
البنت بغت تطيح التفت بسرعه وهي مرتاعه وناظرتني بإستحقار:ندى الظاهر انها ما كانت لؤطه على قولتك .. شوفيها كيف استغفر الله
عصبببت مره ورحت سحبت منها الجوال:استغفر الله انتي واشكالك .. من سمح لك تاخذينه ؟
البنت وهي رافعه حاجب:والله لقيته عالارض .. مو انا الي رميته من القهر من غير ما احس
اخذت نفس عميق وانا اناظرها بقهر .. وجيت بمشي وانا اطالعه كويس عسا ما صار فيه شي
واسمعها تضحك .. التفت عليها اطالعها تكلم صديقاتها بهمس
حسيت انو فيه شي
طالعت الجوال .. فتحته .. فتحت الاستديو ... الصور .. مافيه ولا صوره ...؟؟؟!؟!؟!
الذاااكره وينهاا ؟؟ ولا معقوله حذفت كل شي
رجعت لها:هيييه انتي وش مسويه
رفعت كرت الذاكره قدامي:بس اخذت هذا .. واوريك بس من انتي عشان تقولين عن خلود مريضه .. اوريك منهو المريض
ابتسمت ابتسامة خبث .. انا ما عرفت وش اسوي بهالموقف .. بديت ابكي واترجاها ترجعها وهي بس تطالعني وتضحك
انا وكل وجهي دموع:طيب ليش وش مستفيده اعتذرت لك خلاص .. خذيه مابيه خذي الجوال بس عطيني الميموري الله يخليك
خلود بإستهزاء:يا شيخه
مسحت دموعي:اساسا مالك حق تاخذينه هذا ملكي انا .. والله لا اسوي فيييك شي ما عمرك شفتيه
ما كنت داريه انا وش اقول او اتحجج بأيش .. مدري كيف اتصرف انا عارفه انها ما تقدر تاخذها ولو طبيت عليها الحين وكفختها واخذت الميموري اقدر بس .. كنت خايفه مدري وش اسوي وكيف ادبر الوضع .. ما كنت مستوعبه
قلت بعزم وانا احاول اخفي دموعي:عطيني الذاكره احسن لك
خلود:يااي ماما خفت
وتعطي صديقتها هاي فايف
وحده من صديقاتها:اسمعي حبيبتي .. انتي الي جبتيه لنفسك محد قالك تتركين جوالك
انا:طيب عطيني اياها حقتي هااذي فاهمه علي انتي حقتي
ضحكو
انا:بتجيبنها غصبن عنك يا الكلـ***
خلود: واذا ما عطيتك
انا:باخذها منك بالقوه .. اوريك
ورحت لإدارة المدرجات الرياضيه وقلت لهم كل الي صار .. طبعا وانا ابكي لاني ماعرف امسك نفسي ابدن
ودقيت على ماما وعلمتها وجت وكبرت السالفه وفتشو البنات ولا لقوا معهم شي
مديرة المركز: اسفين يا مدام سعاد بس ما بإيدنا شي نعملو .. هَي خلود إدامكون بتئول انو ما معا شي وحنا فتشنا للبنت وطلع كلاما مزبوط
ماما وهي معصبه:شووفي الجوال فاضي مافيه ذاكره والبنت تصيح كل هذا تمثيل يعني ..لو ما خليتيهم يطلعونه ابشتكي على المركز بكبره
تنهدت المديره والتفت على خلود:خلود .. حبيبتي بلكي الميموري معك وانتي نسيانا .. تزكري
رفعت حاجب وهي مبتسمه على جمب وتناظرني بخبث : ما اذكر انها كانت معي
المديره:يالله على هيك شغله .. طيب مدام سعاد ما فيكي تتنازلي هالمره
مسكت يد ماما وانا اصيح:كيف حلوه ذي فيييه صوري انتي فاهمه سمعتي بتروووح وطي حتى صور ماما فييييه
ماما كملت كلامي:واذا طااااحت الذاكره بيد احد ماهو مستاهل مثل هالاشكال بنرضا .. نادو امها
خلود بدون نفس:ماحفظت رقم امي .. وما معي جوال .. وما راح تجي الا الساعه تسع بالليل
ماما وقفت:اجل بنجلس هنا لحد الساعه تسع بالليل .. بس منتي طالعه
وقفت المديره:مدام سعاد هدي شوي .. شو رأيكون تحلو الئصه ودّي .. انا بتركلكم المكتب وبطلع وانتو حاولو تتنائشو
وطلعت
ماما راحت لخلود:انتي وش مستفيده من كذا .. كلمه طلعت من البنت واعتذرت عليها خلاص
خلود: طيب ليش كل هالزحمه .. انا ما اخذت شي
انا:واللله العظيييم الميموري معها يا ماما .. خليها ترجعها .. خلللود الله يخليك تبين فلوس تبين شي تبين الجوال بعطيك بس رجعي لي ذاكرتي
خلود هزت راسها:ماني محتاجه فلوسك
ماما:اسمعي يا بنت الناس .. بينا وبينك رب العالمين .. ما تخافين ربك انتي؟؟
ضحكت:لا
ماما سكتت .. ووقفت وجت مسكتني: للأسف اهلك ما ربوك .. تعالي شجون معي
عييت اوقف:ماما لالالالا .. خليها ترجعهااا
ماما عصبت:قومي بنروح نشكتي عليها الـ ......
سكتت شوي .. ما تحب تسب ماما .. بس من جد كانت مطرطعه .. طبعا خذت اسم البنت وراحت تبي تشكتي عليها
بالسياره
ماما تصرخ علي:وانتي من قالك تصوريني وتصورين ام سلطان ؟؟ لييييييييش تصورين نفسك اصلا ؟؟
انا كنت اشاهق من الصياح:ماما ما تدريت ان في احد بياخذه ..ماما خلينا نرجع .. عطيها الي تبي خليهها ترجعها
ماما تصرخ من جديد:اسكتي هذانا راجعين البيت وبنخلي ابوك يروح مركز الشرطه ويبلغ عنها .. الشغله ماهي سيابه
انا:ماما افرضي نشرت صوري ؟ ماما سمعتي بترووح يا ماما
واحط راسي على رجلها وابكي ..

تابع ارجو عدم الرد

البارت الحادي عشر

ماما تصرخ علي:وانتي من قالك تصوريني وتصورين ام سلطان ؟؟ لييييييييش تصورين نفسك اصلا ؟؟
انا كنت اشاهق من الصياح:ماما ما تدريت ان في احد بياخذه ..ماما خلينا نرجع .. عطيها الي تبي خليهها ترجعها
ماما تصرخ من جديد:اسكتي هذانا راجعين البيت وبنخلي ابوك يروح مركز الشرطه ويبلغ عنها .. الشغله ماهي سيابه
انا:ماما افرضي نشرت صوري ؟ ماما سمعتي بترووح يا ماما
واحط راسي على رجلها وابكي ..
رجعنا البيت ماما دخلت وفصخت عباتها بسرعه ورقت فوق .. وانا عيوني مفقعه من الصياح ..
جلست بالصاله وبكل يأس .. تنهدت وجلست ادعي عليها انشالله تنرد عليها في غالي عليها يااارب
انشالله يودونها سجن الحاااير حق الخكاريا ياارب يرد كيدها في نحرها الملعو**
جتني ام سلطان:عسا ما شر يا بنتي ؟
قلت والقهر وااضح علي:ام سلطاان ادعي معي جعلها يا رب ما تتهنى بعيشتها ياارب تنكسر رقبتها وييحترق وجهها وتتعوق و
قاطعتني ام سلطان:وش فيك ؟؟ منهي ذي ؟
انا:وحده حيوا** ماخذه الميموري حقتي وفيها صوري وصور ماما وصور
سكت ما كنت ابي اقولها ان صورها فيه الحين يضيق صدرها .. بس ولو فوق كل هذا خنقتني العبره .. الكلـ** جعلها ما تتهنى
ام سلطان:مماري ؟؟ وش ذي ؟
ابتسمت عليها:ميموري مو مماري .. هاذي ذاكره حقت الجوال .. فتحت جوالي وخذتها
ام سلطان:وي يا جعلها السم الي ياكل بدنها الي تزعل شجونه .. ما عليك منها يا بنتي بدال المماري عشره
يا حليلها .. مو فاهمه ولا داريه وين الله حاطها .
ثواني نزل بابا .. كان ينزل بشويش طبيعي لانه تعبان ووراه ماما تنزل
كان الشرار يتطاير من عيونه .. التفت على وعطاني نظره عمري ما راح انساها
الظاهر ماما قالت له عن السالفه
بس انا وش دخلني ..؟؟ ولا لازم يصير فيه احد يحطون اللوم عليه .. كنت ابقوم بس ما عرفت لو قمت اساسا وش بقول .. واخاف اقوم يعصب علي زياده
طلع من البيت .. استنيت شوي ورحت لماما:قلتي له ؟؟
ناظرتني بإستحقار:ايه قلت له .. شوفي وش بتسوين فيه الحين
ومشت من قدامي
ناظرتها بقهر:ماما .. انتي وش فيك علي اليوم .. مو عاجبك اي شي اسويه .. وش ذمبي انا
ماما:مو المفروض اننا متفقين تتغطين عن عبدالله .. وهذاك تطلعين قدامه مفصخه .. ومو مفروض اذا امناك شي تكونين قد الامانه هاذي .. مو مفروض تحمدين ربك اننا تاركينك تطلعين وتروحين وتجين على كيفك .. عطيناك ثقتنا وهاذي اخرتها
فتحت عيوني على وسعهم:ماما وانا وش سويت ؟ جريمه يعني ؟؟ كل السالفه ان البنت مسترجله وتبي تخاويني انقرفت منها ومن القهر رميت الجوال على الارض ما كنت حاسه بعمري هي جت واخذته ..
تجمعت الدموع بعيوني وخنقتني العبره:انتي عمرك ما راح تفهميني
ورقيت فوق ..
حسيت انهم سخيفين .. كل شي يفسرونه على كيفهم .. واذا فتشت لعبدالله .. مافيها شي
وش بيصير يعني ..
وبعدين انا وش ناقصني عن باقي البنات عشان يحبسوني ..
تحمد ربها اني منب احاول الفت النظر زي كل البنات تحمد ربها اني ما اعطي اي واحد يكلمني وجه تحمد ربها على اشياء كثيره اولها ان وحده تقدر تطلع من الفجر لحد الساعه وحده بالليل لحد الحين محافظه على شرفها
شي يقهر بصراحه انا مالي اي ذمب بالموضوع ويحملوني ذمب كل شي
بس ماقول الا الله يلعـ** يا خللللوود انشالله ربي بيردها لك يا الـقـ***
الساعه 12 الظهر رجع بابا البيت وكاان مره متنفرز
كنت انا بالصاله وماما بالمطبخ .. رفعت راسي اول ما دخلت وطالعته
سكتت ثواني وقلت:بابا وش صار ؟؟
ناظرني بنظره عجزت افسر معناها ورقى الدرج:انا برقى انوم اذا حطيتو الغدى نادوني ..
تأففت .. زين على الاقل ما هزأني .. شي احمد ربي عليه طبعا
وجا وقت الغدا .. كلنا على الطاوله مجتمعين وناكل الا عبدالله ما كان موجود ..
والكل هاادي .. كان ودي اتكلم اسأله عن الموضوع لكن ما قدرت .. خافيه يعصب بوجهي
عشان كذا سكتت وكملت اكل من غير اي كلمه
بابا قطع السكوت:وين عبدالله
ماما:طالع من الصبح ..
بابا:ليش ما يجي يتغدا ؟
هزت راسها ماما يعني مادري .. ورجع الهدوء من جديد
بابا:وما قال متى يرجع .. ابيه بموضوع
رن جوالي على نغمة المسجات .. كملت اللقمه الي بفمي وفتحتها ..
قريت الرساله .. وخلصت ورجعت الجوال على الطاوله بهدوء وكملت اكلي : عبدالله ما راح يرجع .. روح له انت
بابا:انتي اخر وحده تتكلمين
سكتت من القهر .. هو وخشته يسأل وانا عندي جواب .. ليش يسكتني
بس ماما كان عندها فضول:خلها ... انتي وش دراك عنه ؟
انا سكتت شوي بعدين قلت:توه راسل لي مسج .. يقول انو بفندق الفيصليه الحين بيجلس كم يوم على بال ما يجهز فلتهم الي بالمعذر .. هذا الي قاله
سكتو اثنينهم .. بابا التفت على ماما وجلس يكلمها وانا ودي اعرف وش يقوولون
قاطعتهم:ماما وينه هذا المعذر ؟؟
ماما:قبل العليا
انا:هذا زي بيفرلي هيلز صححح .. حي مره رااقي وفيه امراء وكذا
هزت راسها
ابتسمت:بابا من متى هالفله عندهم وليش ما سكنو فيها؟
تذكرت انه معصب افف مفروض اني ما سألته ولا كلمته اصلا
بس استغربت لمن رد علي عادي:بو عبدالله ما يرتاح فيها
انا انبسطت انه رد علي لانو عندي كم سؤال له:طيب .. ما راح تقول لعبدالله يرجع .. مو هو ما يصلح يسكن لحاله
بابا:عبدالله كبير ومسؤول عن تصرفاته .. انا خليته يجلس هنا عشان ياكل ويشرب ويلقى من يجلس معه زي باقي خلق الله بس اذا هو وده يطلع انا مالي شغل فيه ..
وقام من الغدا
انتظرت لمن راح
انا:ماما وش صار بموضوع الجوال ؟؟
ماما:بعدين اقولك ..
انا:ماااماا
ماما تنهدت:ابوك راح واشكتى ودق يسألني عن اسم البنت .. قلت له خلود *** آل سـ*** .. ابوك سكت شوي وقال وش اسم جدها .. ما عرفت .. وهو هون قال ما يبي يشكتي عليها
فتحت عيوني:ليششش..؟!
ماما قالت بإستنكار:ليش انتي تحسين انه عادي نشكتي على بنت آل سـ***
انا:طيب عادي .. واذا صارت بنتهم .. ( قلت بقهر ) على راسها ورده وانا مدري
ماما:شجون لا تكثرين حكي
حطيت الملعقه بقوه:واذا اشتكى عليها بيذبحونه يعني ولا انها بنت هالنااااس الي ما مثلهم احد .. انا وش دخلني فيها ماما الشرطه في خدمة الشعب
ماما ترجع تتنهد:شجن خلاص عاد .. ابوك ما يبيهم يضرونه على كبر وبعدين هو خايف على عمانك تركي وماجد الصغار ما عيرفون يدبرون امورهم لو صار لهم شي تمن هالعيله
انا:وانا وش دخلني بعمي تركي وعمي ماجد ؟؟ ماما حرام عليكم اصلا .... اصلا البنت ما كان واضح عليها ما معها بدي قارديه .. قصدي شغالات او اي شي ثاني .. كانت عااديه
ماما عصبت:وانا كنت معك وشفتها بس هذا الي صار... اصلا كله منك .. ما عندنا الا نروح نتحببها ترجع لنا الميموري
انا:اروح لها ..؟؟ هاها نووو وااااي مستحيل اروح اترجاها
ماما قامت من الطاوله:انالله
رفعت رجولي على الكرسي الي انا جالسه فيه وكورت نفسي وانا اتأفف:احسن .. جعل الميموري ما رجعت .. قالت من آل سـ*** قالت .. افف قرف
رقيت فوق وانا متنرفزه .. يعني اهلي وهم اهلي ما عرفو يردون حقي وماخذين الموضوع ببساطه .. بس السالفه ماهي سالفة صور
السالفه سالفة تكسير راس
والله لو انها بنت ملك الدنيا لا اعلمها من هي شجن بنت ابو شجن .. هين بس هين .. ترا ماني سهله انا وراي رجال
خخخخ اي رجال انا وخشتي .. عبدالله ويخب .. خل ادق عليه بس عشان يساعدني
دقيت جواله مقفل .. مالي الا اروح له ..
لبست عباتي بسرعه وهالمره قررت اتلثم .. حسيت ان الطرحه تصغرني .. يعني كأني ام 16 سنه كذا
هههههههه ياكبري عاد .. لبست عباتي ونزلت :ام سلطان قولي لماما اني طلعت صحارى اشتري لي اغراض
ام سلطان:طيب يا بنتي بس متى بترجعين
سكت شوي وكملت طريقي .. مابي اربط نفسي بوقت محدد قلت اسفههها احسن لي
ركبت السياره:عمر روح الفيصليه .. البلوره
انا عارفه هالسواق الكمخه مو عارف يفرق بين فندق الفيصليه ومركز الفيصليه الي هو المول ..
وقف قدام الفندق .. اخذت نفس عميق ونزلت:خلاص عمر ارجع
حاولت امشي بكل ثقه قد الامكان مع اني عااارفه اني خايفه اول مره اسوي هالحركه .. مدري عاادي
رحت للإستقبال .. :لو سمحت
موظف الاستقبال:نعم مس شو بتريدي
خخ يقول مس .. شايفني مدرسة انقلش ولا وش السالفه
انا:أأأ .. انا زوجي هنا بس ... واللهي ماني متأكده هو بنفدق الخزامى الي عند الفيصليه او هنا .. ممكن بس اتأكد من اسمه اذا عندكم.. لاني لخبطت هو هنا او بنفدق الخزامي .. كلكم بجنب بعض
انا كنت ادعي ربي يصدق هالدلخ
هو ما بان عليه انه مقتنع:طيب شو رأيك تتصلي تشوفي وينو
ياربي ملقووف وش عليه هو:هاه .. لا ما يرد ... لانو ... لانو بطاريته خلصت ..
موظف الاستقبال:اها .. بس مس ما بئدر
كشرت بوجهي:كيف ما تقدر ترا والله اتصال واحد مني لبابا راح
قاطعني:لا شو اتصال ما اتصال انتي تفزلي هوني وانا بدور لك على اسمو .. تكرم عينك
انا بتصنع غضب:لا مابدي اتفضل .. اخلص علي انا مشغوله
بغيت اخربها واضحك .. اكل المقلب يا حليله
مسك الاب توب الي قدامه:لو تتكرمي شو اسمو لزوجيك بالله ؟
انا:اا .. عبدالله الـ********

تابع ارجو عدم الرد

البارت الثاني عشر

طقطق شوي عالاب توب
انا:موجود؟
موظف الاستقبال:اي لكان موجود .. حابي تعرفي وينو ؟؟
انا:ايه .. لو سمحت
موظف الاستقبال:بالدور رأم 12 غرفي رأم
قاطعته:تقدر تعطيني مفتاح
سكت شوي:لا ما فيني اعطيك مفتاح سوري
سكت شوي:اها .. اوكي كم قلت لي رقم الغرفه
اول ما كملت كلامي شفت عبدالله توه داخل الفندق .. كان مطيور على ايش مدري .. وقف ثواني قدام الاصنصير طالع بساعته شوي وراح يرقى مع الدرج
ناديته:عبدالله .. عبدالله استنى
حسيت عيب علي اناديه .. قلت ابلحقه بس الولد يركض .. مالي الا الاصنصير ابوصل قبله
رحت بسرعه للأصنصير وجلست اضرب برجولي عالارض .. افف يالله اكيد ابوصل قبله هو راح يرقى الدرج لحد الدور الـ12
انشالله بس يمديني اوصل قبله .. انا مدري كم رقم الغرفه
فتح الاصنصير كان فيه اثنين شباب .. اخذت نفس وركبت .. كنت متوتره نوعا ما من زماااااان ما احتكيت بشباب .. غير ياسر
والوضع كان مختلف بعد
الاول:عدناان .. وش فيك مطيور .. على ايش حبيبي الدنيا مو طايره ؟؟
الثاني يحاول يقلد وقفتي ويطالع جواله وهو مكشر .. لا وينعّم صوته بعد:لا والله حياتي بس .. كنت خايف ما الاقي مامي هنا
ياربي عصبت انا وش جالسين يقولون ذولا .. ودهم يتميلحون ماعرفو .. قربت للأول ابي اضغط على زر 12
بس الملـعـ** يوم شافني مقربه تسند على ازرار الاصنصير
الاول:ماما بتروح عني .. لا .. لا .. انا بموت
الثاني: علوش .. ابي امي .. ابي ابوي .. ابي خويي لا لا ذس از امباسيبول
ويضحكون .. خييير وينا فيه .. شايفيني بزر يعني جالسين يتحكون كذا
انا وصلت معي :اول شي لا تحاول تسوي لي برستيج الناس ما تقول ذس از امباسيبول .. يقولوها لا لا مستحيل..
هذا اولا ..... ثااانيا
جمعت كل قوات الجراءه فيني وبعدت كتف الحمـ** عن الازارير:بعد عن الازارير لا اتوطى ببطنك
الثاني:ول ول ول .. علوش الحين كل هالجمال .. وكل هالدلع .. وكل هالرقه .. يطلع لها هاللسان
الاول وهو ماسك كتفه:لا ويدها ثقيله .. تف عليها
انا شهقت .. التبـ* تفل بوجهي من جد
حط يده فمه وهو يضحك:يؤ طلعت بالغلط .. ههههههههههههههههههههههههه
الثاني:ههههههههههههااي والله انك مو صااحي .. عطني كفك ..
فصخت الكعب .. لا السالفه مو سهله .. السالفه يبيلها شي وشويااااات .. انا الظاهر انخلقت للهواشات .. ما ولدته امه الي يبي يستقوي علي
خلود ومشيناها اوما ذولا والله لا اطلعها من عيونهم
وامسك الكعب وطاخ على وجه فجأه انفتح الاصنيصير
الاول:ياا كلـ** بعدي عني .. آآآآآي
الثاني:هيه انتي ..( ويلتفت على خويه) من جدها ذي ضربتك .... والله انك حيو***
طلعت من الاصنصير وانا شايله كعبي بيدي مشية انتصار:عشااان تعرف مع مين تتكلم .. المره الجايه بعينك يا التافهه
سكر الاصنصير عنهم ذولا المتخلفين ..
فجأه سمعت صوت عبدالله : لالا هذاني وصلت بس بحط الي بيدي .. اوكي
التفت لقيته يفتح باب الغرفه .. ركضت له بسرعه رجل فيها كعب ورجل لا :عبوود
التفت وهو مرتبك:ش .. شجن . .. شجن وش تسوين هنا
حنيت نفسي عشان البس الكعب:تصور وش صار لي. .. حسيت انهم جرحوا انوثتي بما فيه الكافيه .. اثنين كلاب هنا ضربتهم بالجزمه .. هين
عبدالله كان مرره مرتبك وخايف:شجن من قالك انا ويني ..؟؟
انا سكتت شوي وقلت:سألت عنك .. عادي .... وش فيك ؟
عبدالله كان يحاول يخبي شي :طيب شوفي .. وش رايك تنزلين وانا بجيك الحين ..
حسيت انو فيه شي ... يمكن عنده وحده جوا ... ايييييييه كل شي جااايز يسويها
انا قامت قيامتي:من عندك جوا ..؟
عبدالله:جوا ؟؟وين جوا ..؟؟ ايييه جوا هنا .. اا مافيه احد .. يلا شجن انزلي بلحقك بس شوي ....ااا ...... ببدل ملابسي
دفيته على ورا:بدل بغرفة التبديل مو لازم انزل ..
كنت ادخله على جوا وانا ابي اناظر .. اي شي يدل ان فيه حرمه هنا
اول ما وصلت للباب بعدته ودخلت:بشوف
عبدالله بإنفعال:شججججن استنى .. اففف تعااالي
دخلت غرفة النوم وفتحت الباب جا وسحب يدي:وييين رايحه بس ببدل وانزل
التفت عليه وقلت بقهر واضح:وينها ؟؟
عبدالله على وجهه علامة استفهام :وشهي الي وينها ؟؟
انا:البنت اللي هنا .. وينها ..
عبدالله ارتاع:اي بنت ................ هههههههههههههههه وش بنته انتي وش تقولين ؟
سكتت شوي وانا شاكه بالموضوع:يعني انت مو مدخل بنت هنا ؟
عبدالله وللحين يضحك:ههههه مجنونه انتي .. وش هالتفكير
انا بإنفعال:اجل وش فيك جاي هنا .. ما دام فلتكم جاهزه على طول بتروح لها ما راح تسكن بفندق ... وليش مرتبك
تنحنح وقال:الفله وصخه وانا مخلي عمال ينظفونها .. هههههههههههههههههههههه عليك تفكير انتي
سكتت شوي .. انا غبيه فشلت عمري .. اجل قال بنت قال .. عبدالله يدخل بنت .. هههههه له حق يضحك والله .. بس ليش مرتبك .. خخ مدري اكيد عنده سالفه .. لا افشل نفسي زياده واطلع احسن لي
انا:احم ... اوكي انا بس كنت ابي امزح معك شوي
حسيت اني ابي ارقع منب عارفه وهو بس جالس ويضحك
انا بدلع :خلاص عبيد والله هذا الي جا ببالي
عبدالله:ههههههههههههههههههههههههههههههههههههه
انا:اففف عبود .. اهجد عااااااد
حاول يمسك نفسه:ههه طيب ..
انا:ياامصلك خلاص بروح
مسك ذراعي:ههههههههههههه استني .. انتي انزلي وانا بلحقك الحين اوكي ..؟
انا:ليش؟
عبدالله:وش دراني .. انتي ليش جايه
انا:عشان اشوفك
عبدالله:خلاص .. انزلي وبجيك ..
انا:لآ .. برقاا فوووق .. بجسر المشاهده
عبدالله:اي جسر مشاهده يمي ؟؟ احنا بالفيصليه
سكتت شوي:اييييييييه يووو .. قصدي ذا ... ياربي شسمها .. ايي البلوره .. يلا سي يو
عبدالله:ههههههههه اوكي
قبل ما اطلع عطيته نظره سريعه لقيته يطلع شي من جيبه .. فيه بلا هالولد وانا بعرف وش فيه ..
مدري ليش احس اني صايره متسلطه ومدري ايش .. دفشه يعني .. افف مو مهم ..
رحت فوق وجلست استنى الاخ يجي .. ما جا .. شكله طنشني .. طلبت لي عصير على بال ما يوصل
دق جوالي ( توأم روحي يتصل بك )
زين منه دق السخيف:عبيد وينك ؟
عبدالله:شجن ...... ماقدر ارقى انزلي انتي
انا:ليش
عبدالله:انتي انزلي .. يلا انا تحت
وسكر السماعه .. وش عنده ذا .. اليوووم صااير غرييب بشكل ..؟؟؟
وصدق نزلت ما رجعت اكلمه اكيد عنده شي
نزلت لقيته ينتظرني:وش فيك انت ؟
مسك يدي بسرعه وهو يناظر حوله:أمشي بسرعه
انا:آآي يدي .. شفيك عبود
سحبني لبره:اسكتي شوي .. سكري فمك خمس دقايق بس .. الحين بقولك وش السالفه اركبي
كان فيه همر اسود ركبه
انا:من سيارته ذي؟؟
عبدالله تأفف:اركبي يختي
ركبت وفصخت اللثمه وجلست اطالع حولي .. ياااي شكل راعي السياره رومنسي .. كل شي احمر فأحمر .. فله
عبدالله روق على الاخر مع انه قبل شوي مره مرتبك ومدري وش فيه:هااه وش تبين تسمعين ؟
انا على وجهي علامة استفهام
شغل شريط لراشد ... كانت اغنية سلامات .. وهو مرره يحب راشد قام يغني معه ونسى الدنيا ونسا اني جمبه ولا ادري وين الله حاطني
جلست انغزه بطرف اصعبي مع كتفه بشويش .. وكل ما
مافيني شي ... والسياره سيارتي
فتحت عيوني:سيارتك ..؟!!!؟!؟!؟ هههههههههههههههههههههههههههههههههههههههههههههههههه
كنت اضحك عليه بالله هاذي سيارته .. اوووما
هو استغرب:وش فيك؟
انا:هههه سيا ... ههههههههههههههه سيارتك هاذي .. .احلف
عبدالله رفع حواجبه:والله العظيم ..!
وانا كملت ضحك عليه
عبدالله:شجن وش فيييك ؟؟ والله سيارتي وش الي يضحك
انا:ههه انت رومنسي ... وش هالزين
وامسك القلب الي على تعليقة المرايه : وش هالحركات ..
واناظر دبدوب قدامي:هههههههههههههههههههههههه انت عندك دباديب .. ههههههههه
عبدالله: هههههههه الحين عرفت ليش تضحكين ...
انا:هههههههههههههههههههههههههه
عبدالله:هه لا .. السياره لي بس معطيها واحد من الشباب
نغزته بكوعي وانا اغمز له:عرفني عليه .. هههههه
عبدالله:هههههه اهجدي بس
انا سكتت شوي وقلت: عبود .. اسمع انا ما جيت الا عشان طلب صغنون
عبدالله:هلا
انا:اممم .. ذيك اليوم كنت رايحه للمنشئآت الرياضيه بالسفارات ..
وقلت له كل القصه من اولها لين اخرها
عبدالله :طبيعي يا حلوه ولا بنت آل سـ*** وتبين ابوك يشتكي عليها .. شوفي لو انها من صغاار العايله الي منتفين منا ومنا ... يعني تلقين ابوهم من العايله وامهم اجنبيه .. كان ...... بس البنت شكلها اصليه منهم
رفعت حاجب:وبابا ايش دراه عنها ؟
عبدالله:ليش ما تعرفين عمي ... لالا عنده علاقات كثيره وبعدين هاذي ما يبيلها احد يعرف .. ثلاثة ارباع الشعب يعرفوون هل هذا صدق من العايله ولا داخل عرض
انا:اففف .. تتوقع بابا بيسكت؟
عبدالله:مو تقولين خالتي بتروح لهم .. خلاص
انا:اووما تروح لهم لو ايش .. انا برد حقي بنفسي ..
عبدالله:ههههههه
انا:لا تضحك .......... امم اسمع
عبدالله:لبيييه
انا:مو انت فلتك بالمعذر .. يمكن القى بيتها هناك .. كله هناك امراااء وكذاااا
رفع حاجب:يا شيخه ..! وش الصدفه الغريبه العجيبه الي بتجمعك معها هنااك
انا:مدري
رن جوالي ..... تسذا يتصل بك
رديت:اهلييين
سيف:هلا والله .. كيفك ؟
انا:تمام .. وانت ؟؟
عبدالله التفت ..
سيف:والله انا ما علي .. كويس .. آآ شوفي بسألك عن شي
انا:آمر
سيف:بدر داق عليك ؟؟
انا:لا والله .. يعني تبي تقنعني انك ما تدري انه دق .. كيف بيدق لحاله وهو عمره ثلاث سنين ... هاهاها
سيف ابتسم:يعني دق ؟
انا طيرت عيوني:اييه انت دقيت له قصدك
سيف:ههههه لا ما دقيت .. خلاص اسف ازعجتك
انا اقلده:ولا ازعاج ولا حاجه .. حياك بأي وقت .... يا نصااب
ضحك وسكر .. اكيد مشغول

تابع بعد الردود

البارت الثالث عشر

عبدالله:من هذااا ..؟؟!؟
التفت وانا رافعه حاجب:وشو ؟
عبدالله:الي تكلمينه
انا سكتت شوي وقلت:دكتور بابا ... الي كان ماسك حالته
عبدالله رفع حاجبه:مشالله ... وتسولفين معه
عقدت حواجبي:عبود شي طبيعي اول مره تعصب .. عادي انا دايم احب اصادق الناس ...
وقلت بثقه:اتوقع هالشي انت عارفه عني
هز راسه وما تكلم ..
وعم الهدوء ..
قلت بعصبيه:خلاص رجعني بيتنا
التفت:ليش؟
انا:مالك شغل
عبدالله قال بنرفزه:مو مفروض انك انتي الي تزعلين
انا:وانت وش لك شغل فيني... تدري انك تغيرت كثير .. لا تخليني اكرهك خلاص
وتجمعت دموعي بعيوني .. من جد يقهر .. وش اللي صار له اول ما كان كذا .. اول كان يشوفني امشي بدون عبايه بدون شي انشالله مفصخه ما قد قال لي شي
والحين لاني كلمت واحد .. ومو اي واحد هذا يصير دكتور بابا ..يروح يعترض ..
انا بديت اطالع الطريق ولفيت وجهي عنه .. وكان طريق بيتنا .. زين احسن له انه بيرجعني قبل لا اسوي له مناحه هنا وصياح
افففف بالدنيا ذي كلها ما عندي احد يوسع صدري .. خلااااص قرف .. عيشه تبط الكبد
فجأه وقفت السياره .. التفت بسرعه واطالعه :يعني انزل هنا عادي ..
وافتح الباب:احسن بروح برجلي
مسك يدي بقوه:شجن
التفت عليه وناظرته .. لا .. لا تناظرني كذا يا عبدالله .. الا هالنظرات .. نظراتك الغريبه الي عجزت اني افسرها .. وملامح وجهك الي دايم تتغير بهالطريقه عجزت افهمها .. لقيت اني رجعت جلست وسكرت الباب
قلت بكل هدوء وانا اطالعه:نعم .. وش تبغى ؟
قال بهدوء اكثر مني وبشويه حنيه كأنه يكلم طفل صغير:يعني زعلانه لاني سألتك من كنتي تكلمين ؟؟
قلت بقهر ودموعي رجعت تنزل: لهجتك وانت تقولها .. مدري قهرتني
مد يده ومسح دمعتي:طيب ماله داعي تبكين
وخرت يده:بعد عني .. انت سخيييف
ولفيت وجهي للجهه الثانيه:بتوصلني ولا انزل
حسيت انه يضحك .. لا من جد سخيف .. التفت عليه بإنفعال:وش الي يضحك ...؟؟
عبدالله بإبتساامه كبيره:ما تذكرين لمن قلت لك انك تطلعين خطيره وانتي معصبه
ابتسمت غصبن عني وضربته ضربه خفيفه على كتفه: يا كثرك
عبدالله:آآآآي يختي بشوش
انا:يؤ .. آآآآسفه ما دريت
مسك كتفه وهو معبط بوجهه وعاقد حواجبه :احححح يدك ثقيله ....
تنهد وبعد يده:بس حصل خير .. عادي
ياربي فديته .. دايم وهو كذاا طيوووووووب مره .. مدري من وين جاب هالطيبه وهالحنيه .. الله يخلينا لبعض
عبدالله حرك السياره:لين الحين تبين بيتكم ؟
انا بإصرار:ايه
عبدالله:لا
على وجهي علامة استفهام:هاه ؟
عبدالله يعيد وبكل ثقه:لا
انا:وش الي لا ؟
عبدالله:مافي رجعه على بيتكم
انا بإستنكار:وليش انشالله ؟؟
عبدالله:عشااااني بروح اوريك الفله ..
ابتسمت:اييه والله فله .. يلا قدام
حسيت انه فرح.. قدر ينتصر علي ويخليني استانس .. لكن بس لو اعرف وش الي غيره .. وش الي مخليه بهالعدائيه هاذي .. ااااه بس
فجأه تذكرت:لا لا عبود بروح بيتنا
عبدالله:ليش ..؟
انا:تذكرت شي .. لازم اطلع اشتري لي ميموري .. ماعرف اعيش كذا .. نص الارقام الي عندي صارت بح
عبدالله:مو مشكله نوقف نشتري لك ميموري .. هنا فيه محل جوالات قريب
انا رفعت حاجب:عبيد .. انا ما قلت ابروح معك اشتري لي .. انا بطلع مع ام سلطان
عبدالله كنه بزر:يعني ام سلطان احسن مني .. عيب كذا
انا:هههههههههههه ياكثرك
وقف عند المحل:وصلنا ..
وسحب جوالي من يدي بسرعه:ثووواني واجيب لك ميموري
انا شهقت .. يبو الشباب لا جوالي ابيه .. :عبيييييييد ارجع .. لا تاااخذ الجوال الميموري حقتي مثل حقتك .. لالالا ارجع
بس سفهني وراح..
يااربي وش ذا .. بسرعه غطيت وجهي بالطرحه ونزلت ابلحقه
جلست اركض بالشارع وبالكعب وبالطرحه الي كل شوي وتطيح وكنت متأكده ....... شكلي نكته
بس كلش ولا جوالي مابيه يفتحه انا مصوووره اشياااء ما يصلح يشووفها .. مو شرط لازم تصير الميموري فيه انا مصوره بميموري الجوال .. الميموري الي ما تحفظ الا كم صوره اففف
دخلت المحل:عبدالله
التفت:وش نزلك ؟
اخذت لي نفس طويل بعد البهذله الي قبل شوي:هاات الجوال .. ليش تاخذه
راعي المحل يناظرنا
سكتت شوي وقال ببرود وهو يمد الجوال:ما فتحته .. كنت ابي اشوف حجم الميموري حقتك كيف... تفضلي
اخذت منه الجوال ... ما فتحه وبس الا كان مطفى .. اصلا من يومه ماهو ملقوف انا مدري ليش انفعلت
انا:امم ... سوري بس لانو انا مصوره ام سلطان فيه
ابتسم بإستهزاء : مافيه ميموري طيب
انا:هاه ..؟؟ لالا اقصد بميموري الجوال ..
تقدمت لراعي المحل:هاذي بكم
عبدالله:خلاص دفعت له ..يلا ارجعي للسياره
ناظرته نظرات حقد ورجعت .. الف مره اقوله لا يدفع عني شي ويروح يدفع
ركبت السياره وصكيت الباب بقوه من القهر
ثواني جا وركب وعطاني الكيس الي فيه الميموري:ماله داعي تعصبين
كانت دموعي متجمعه:ليش طيب انا كم مره قلت لك لا تدفع عني شي
عبدالله استغرب:شجن .. ليش صايره حساسه بزياده ؟؟؟ ودمعتك دايم على طرف عينك تنتظر اشاره بس عشان تنزل ؟؟ وش جايك ..؟
انا انفعلت:انت الي وش جايييك .. اصلا محد يحس فيني .. محد يدري وش جالس يصير فيني واولهم انت .. بس تتصرف معي تصرفات غريبه انا مالي ذمب فيها ومو رااضي تقول لي وش المبرر .. ماما حرمتني من اعز شعور بالدنيا وهي تقول لا بتتقبل الوضع .. لا نقدر نلعب عليها البنت غبيه ..
وانهرت بكي :حرام عليكم ..والله حرااام
عبدالله تعاطف معي وقرب لي وقال بحنيه:شجن لا تضيقين صدرك خلاص
انا صرخت:بعّد عني .. برجع بيتنا
وفتحت الباب ونزلت وسكرته بقوه ورحت اركب بالمرتبه الي ورا
التفت على ورا:شجن والله العظيم ما كنت ادري انك ملاحظه هالشي انا بس متضايق انتي مالك شغل والله
انا:خلاااص اسكت ولا كلمه ابرجع بيتنا .. اتركني بحالي
نزل وجا للمرتبه الي ورا:شجن لا
قاطعته بصرااااااخ:بعّد عني ..
وعم السكوت .. هو ظل واقف مكانه عند الباب يطالعني ماهو جوا وماهو بره وما يقطع هالسكون الا صوت شهقاتي
يمكن صح عليه .. يمكن انا صايره حساسه .. يمكن دمعتي دايم على طرف عيني بس
انا مو قادره اسوي شي ولاني قادره امسك نفسي عن الي القهر الي بقلبي..
احيانا اتفه الاسباب تخليني ابكي واكبر دليل سالفة عمر السواق
مره بكيت وانا اناظر بالاخبار اطفال فلسطين ينذبحون مع اني اشوف هالمشهد كثيير لكن ما رق قلبي الا ذيك المره ..
ولا اظن انه رق لهم لا كنت ادور سبب يخليني ابكي
بس من غير اي مبرر .. كان ودي ان عبدالله يجي .. ويسألني وش فيني ويواسيني لكن لقيته رجع قدام وحرك السياره
كنت ما ادري ايش معنى كلمة اخ .. او ايش معنى كلمة صديق .. هو الي علمني اياها ..
عمري ما راح انسى الي سواه معي طوول عمري .. وعلى اخرتها هذاني مضيقه صدره
مسحت دموعي وبلعت ريقي وتشجعت:عبدالله ........... اسفه
عبدالله بعد سكوت طويل :حصل خير
انا:لآ تقولها ترا طفشت من كثر ما تقول لها ابيك تعبر عن الي فيك الحين قوول اني حومت كبدك علمني قد ايش انا مقلقتك في حياتك ترا عاادي بس لا تسكت وتدعي انو ما صار شي لاني عارفه انه صاااار
ورجعت ابكي ..
عبدالله بهمس:انالله .. ( رفع صوته ) ماني زعلان والله العظيم انا عارف انك متضايقه شوي .. خلي اعصابك تهدى ..
ابتسمت:ممكن توقف السياره ..
عبدالله:ليـ
قاطعته بفتحت الباب
هو ارتااع ووقف بسرعه:وش فيك انتي مجنونه تفتحين الباب والسياره تمشي ..
والتفت وصرخ علي:لو انك طايحه وصاير لك شي
نزلت وسفهته وركبت قدام:مو صاير الا الخير
ناظرني بعلامة استفهام وقال:انتي مزاجيه على فكره
قربت له وعطيته بوسه زي بوسات البزارين:امواااااااااااااح والله انك تهبل .. شكرا
سكت فتره وهو يناظر وفاتح فمه
انا:وش فيك ؟؟
عبدالله :......... ااحم ............ بس ........ كنتي تبكين قبل شوي وو .... و ..
قاطعته:مو تقول مزاجيه .. يلا خلنا نروح على فلتكم بس
حسيت بسعاده .. قدرت اضغط على اعصاابي وافرحه شويه .. ما يستاهل النكد والله
هو لحد الحين علامات الاستغراب على وجهه مرتسمه ..
وانا ابي اخلي الجو يرجع حيوي بأي طريقه .. وشغلت شريط راشد وعليت الصوت على اعلى شي
عبدالله التفت:وش فيك .؟؟؟ لا يكون دخل فيك جني ؟؟
انا:هههههههههههههه لا ..
وفتحت الكيس وطلعت الميموري .. وركبتها .. وصرت اصور:ياااي صار فيه ميموري
ابتسم عبدالله:مبروك
انا التفت اصوره:الله يبارك فيك
صغّر عيونه وعقد حواجبه:الفلاش يعور عيوني
رجعت اصوره:سم الله على عيونك هههههههه .. شلت الفلاش
ورجع الوضع طبيعي سوالف وفله لحد ما وصلنا
عبدالله:وهذانا يا طويلة العمر وصلنا
نزلت بسرعه:يلا يلا ندخل
عبدالله ارتاع:وش ندخل .. لالا وصخه وكلها غباار
انا رحت لبابه وفتحته وسحب يده:لالا خلنا نشوووف
نزل وهو يضحك :هه طيب طيب ثواني ا ... يختي أص .... ههه شجن اصبري اطفي السياره
انا بعد ما وصلنا لعتبة الباب:وتوك تقول يوم خليتني اسحبك نص كيلو
عبدالله:هههههههههههههههه .. اركدي بروح اطفي السياره
طفاها ورجع يفتح الباب.. وانا ماسكه بلوزته مع وراه يدي اليمين على طرف بلوزته من جهة اليمين واليساره نفس الشي
وجالسه اغني: انا القطار السريع طوط طووط يمشي ولا يستريح طوط طووووط هههههههههههه
عبدالله وهو يضحك:سبحااان مغير الاحوال .... ( فجأه قام يكح ) شجن هنا كتمه وغبار
انا:اييه ( واكح ) مرره .. كم لكم ما جيتوها
عبدالله:اخر مره دخلتها السنه الي راحت كنت عازم اخوياي
جلست اطالع .. فيها اثاث وفيها كل شي بس اللون الابيض يطغى كل شي .. لا لمسات بنيه خفيفه فوق الاغطيه البيضا الي على الكنب
كان الغبار بكل مكان .. حتى بالارض .. وانا جالسه اطالع حسيت بشي ناعم عند رجلي
انا:الللله .. في شي يجنن عند رجلي ..
فجأه بديت استوعب .. اكيد كائن حي يسمونه حيوان .. لااااااااااااااا انا خووفي الحيواااناات اكرهها
مجرد التفكير بالموضوع خلاني انقز بحضن عبدالله وانا اصارخ:بعده عننننني .. بعععععععععععععده
وعبدالله مرتاع:وش فييك انتي ؟؟؟
وانا متعلقه فيه وخلاص بصيييح:عببببببببببببببدالله يعععععععععععع فااار ...!

تابع ارجو عدم الرد

البارت الرابع عشر
عبدالله:هاه ..؟؟
انا حسيت انه ما راح يقدر يحميني ركضت لبعيد وانا اصرخ بقرف:عبدالله يعععع لمسسسني اقتله ..
عبدالله بإرتباك:وييينه طيب .. ماشووف شي ؟؟
التفت وانا اطالع:ممممممممدري بس شفته عيونه عيون بيبي
فجأه هدى الوضع وعبدالله يناظرني بإستنكار واااااااضح :عيونه عيون ايش ..؟
انا انفعلت:عببببببداللله هذااا هوو
رجع على ورا:بسم الله كبييير
انا:شفت عيونه عيون بيبي .. شوووووف عيونه كبير وشعره كثير ( قلت بقرف ) يععععععععععععع
ورقيت الدرج شوي: سوو شي ياخي
تلفت حوله:وووش .. وش اسوي يعني
انا صرخت:الابجوره .. اضربه بالابجووره
عبدالله يدورها بإرتبااك:طيب وش رايك نطلع وخلاص
انا:يا الخوااااااف شوفه يتحرك بسرعه
مسك الابجوره ورماها على الفار وانحااش
التفت علي وهو يناظرني وانا بعيده عنه كثييييييييييير لا وفوق كذا واقفه بنص الدرج من الخوف:انا الخواف هاه .. ؟
انا تمسكت بدرابزين الدرج:انا ماني متحركه الا لما تقتله ..
عبدالله:شجن غبار خلينا نطلع .. الظاهر فيه كثير منهم هنا
انا رجعت درجه على فوق :من جدك؟؟
عبدالله يجي عندي وهو يضحك:امشي بس
انا:لالا .. مدري اخاف
مد يده:يا بنت الحلال ما راح يصير لك شي انتي بس توكلي وامشي
انا:لا والله اخاااف
عبدالله ولحد الحين ماد يده :خلاص نطلع .. يلا
مسكت يده بخوف وانا اطالع حولي:لو جاني شي يا ويلك
ضحك ومشا معي لحد برى
انا خذت نفس طويل:بالله وش ذا بتسكن هنا .. ( قلت برجاء) عبود بليييييز ارجع عندنا
تنهد:شجن انسي .. ايييه ما قلتي لي وش صار مع ليلى ؟
انا:اي ليلى؟
عبدالله:ليلى صديقتك ؟
انا:وش فيها ؟؟
عبدالله:مو تقولين كلمتيها
انا:ايه وبعدين
سكت شوي وقال:طيب وش رايك نروح ستااار بوكس بخاطري
حسيت انه وده يغير الموضوع .. خلاص بحترم قراره وبسكت :يلا
ركبنا السياره والصمت سيد الموقف
عبدالله:ايه شو اخر اخبارك ؟
انا:ماشي الحال ... وانت ؟
عبدالله:بخير
غمزت له :وش اخبار رييما
عبدالله : ...؟ اي ريما ..!؟!
انا كنت اتكلم بطريقة امدد فيها كل كلمه اقولها يعني اني المح له :هممممم .. علينااااااااا .. ( قلت وانا أاشر بإبهامي على ورا ) نسيتها الي ... ذيييييك اليوم
عبدالله باين عليه كاتم الابتسامه ومسوي نفسه مستغرب:وشو ..!؟
انا ضحكت:هههههههههههه شفت يعني معترف
عبدالله:هههههههههههههه وشفيك ..؟
انا:ريييما الي اخت صديقك .. يا النصاااب مو انت تقول ابخطبهااا
عبدالله: اخطب .. ؟ يؤ يؤ انتي شايفتني كبير لهادرجه
وجلس يطالع لحيته الخفيفه مره بالمرايه:طلع لي شيب وانا مدري ...؟
انا:لا والله .. اذكرك انك انت الي قاايل
عبدالله:هههههههههههههه خير .. لا انا ما اتذكر
انا:الاااا ..يوم تقووول انك شفتها بالغلط وجلست توصفها لي قلت يعه شكلها قمت قلت الا حلوه وتجنن ولو حصل لي اخطبها خطبتها .. صح ولا لا .. ؟
عبدالله:ههههههههههههههههههههههههههههه
انا اكمل بحماس:شفففففففت .. ومو قلت لي انك سارق رقمها من جوال اخوها .. ولا جالس تفقش علي انت وخشتك
بلع ريقه وهو يضحك:وانتي ما ينمزح معك كنت ابي اشوف وش بتسوين
انا:هههههههه يا كثرك لا تصرف
عبدالله كان يتكلم بجديه مع انه يضحك شوي:لا جد ماخذته
انا:ايه عالعموم لا تصرف تراني كاشفتك عبيدون .. لا تقول انك ما دقيت وانها ما خقت عليك وما صرتو تسولفون .. ولا انا من يوم شفت هالخرابيط وحرف الـ " R " على القلب الي هنا .. قلت الولد حبها .. اعترف اعترف
عبدالله:ههههههههههههه صديقي اسمه راكان وحبيبته معطيته القلب شفيك انتي .. وبعدين انتي من سمح لك تحطين كل هالتوقعات براسك..؟
انا:..ههه انا اجل الي اطلع .. اصلا ليش وش المصلحه انك تلعب علي
عبدالله : يختي بس كذا غبااء عباطه
انا خلاص بطني عورني ضحك :ههههه باين بعيونك
عبدالله :هه وش الي باين .. ( وقرب وجهه لي ) طالعي كويس فيها شي ؟ علميني يمكن ما شفت
سكتت شوي وانا اطالع عيونه واصغر عيوني شوي واكبرها بطريقه استهباليه وارفع حواجبي وانزلها وارفع حاجبي الايمن بعدها حاجبي الايسر .. قلت بعد فتره : تصدق توني ادري ان عيونك بنيه
رجع يناظر الطريق وهو يضحك:ما عندك ما عند جدتي قالت شافته بعيوني قالت هههههههههههههه
انا ضحكت معه:ياربي اليوم ضحكت لين قلت امين
عبدالله:طبعا .. ما دامك معي يعني
تنهدت والابتسامه على وجهي:قل امين
عبدالله:اميييين
انا:الله لا يحرمني منك .. ما تتصور قد ايش اغليك .. صدقني
التفت علي وطالعي بنظراته الغريبه .. حاولت ابعد عيوني عنه ... اي مكان بس ما اطالع بعيونه .. من يومني بثالث متوسط وانا اشوف هالنظرات بعيونه .. تحسسني بشي غريب
كل مره ما استرجي اناظر فيهم .. مدري ليه ..
بعد فتره:احم .. يلا وصلنا
طالعت الساعه بالجوال:يوو الساعه تسع .. الوقت يمر بسرعه تصدق ..
حطيت يدي على فمي:يوو ما صليت العصر ..... والمغرب
عبدالله رفع حاجب:ولا انا ....
انا نزلت:خلاص نصلي اذا رجعنا انزل انزل
جلس فتره بالسياره ساكت .. بعدين طفاها ونزلنا ..
ستاار بوكس التحليه .. ونظرات شباب وهمس ماله داعي .. كل هذا حرك فيني شي .. انا مابيهم يطالعون فيني .. يمكن اول كان هالشي يعجبني بس الحين احس انو مالهم اي حق يطالعون فيني .. وجهي حقي لحالي محد له شغل فيني .. رفعت الطرحه على وجهي ومسكت يد عبدالله وقلت وانا اتنهد:كذا احسن
ما حسيته فهم وش انا جالسه اسوي بس ضل ساكت لحد ما دخلنا وجلست
جلست وانا اتأفف واشيل الطرحه عن وجهي:اففف ياخي السعودييين مافيهم خير .. احس اكثرهم زي .... زي الذبان لما يشوف تمره ياربي يتجمع عليها
عبدالله ضحك:فيه احد مضايقك .. تبين اروح ادبجه الحين ..؟
انا:مشالله اليوم يوم الهواشات العالمي
تذكرت خلود وضاق صدري وقلت:عبدالله ..... تتوقع تسوي شي .. هي هددتني
عبدالله:مين ؟
انا:خلود
عبدالله:لا مـ
قاطعه الويتر:Good evening Can I help you?
مدري ليش ما احب الرسميه في اي شي .. انا احب الويترز الي بمطعم فيدريكلز .. احسهم يمونون .. اما الي كذا لا .. قال ايش قال مساء الخير ... واكثر شي يضحك ( اقدر اساعدك ) مدري احسها جمله مبتذله
عبدالله:Yes, please .. Ammmmmm want Kapethino and ..
جلس يطالعني يعني وش تبين
انا :Huh? Yes, I also hope Kabisteino
الويتر:Anything else? ?
عبدالله:No thinks
انا:احسهم متكبرين ياخي .. قال ايش قال تبي شي ثاني .. يعني لو نبي شي ثاني قلنا له
عبدالله:هههههههه لازم كذا .. اجل كيف تبين ..
انا تأففت:مابلعتهم
عبدالله:ما خبرتك تحبين الكابيتشينو
انا:هاه ... لا قلت اطلب زيك .. ابجربه
فجأه مر على ذاكرتي ذاك الموقف الشييين .. يوم كنت توني بسادس ابتدائي .. ورغوة الكابيتشينو ماليه كاس ماما الكرتوني .. وفضولي خلاني اجيب الملعقه واشيل نص الرغوه وآكلها .. اتذكر طعمها كويس
ذاك اليوم حامت فيني كبدي واستفرغت كل الي ببطني .. ومن ذاك اليوم اكرهه
رجع لي نفس الشعور:عبود .. ( مسكت فمي ) انا رايحه الحمام
عبدالله وقف:وش فيك ..
انا أاشر له بيدي الثانيه يجلس:ماله داعي ثواني بس
رحت للحمامات بسرعه ووصلت للمغسله .. وقفت عندها وانا اتنفس بسرعه كنت مستعده اني اطلع الي ببطني الحين
واللوعه واصله لحلقي .. بس ما طلع شي ..
كنت منقرفه .. اخذت نفس عميق وعدلت طرحتي وطلعت .. وعلامات الاشمئزاز على وجهي .. فجأه صدمت بشي
رفعت راسي:انتبه يا
سيف ..؟؟
سيف عقد حواجبه:شجن ..
انا:هاه ... ايه هلا سيف .. كيفك .. ؟
سيف:بخير وانتي ..؟
انا:تمام .. مشالله صدفه حلوه ..
سيف ابتسم من على جمب:انتي اللي غريبه جايه وابوك تعبان
ناظرته:يا شيخ .. يعني اجلس عنده زي البيبي ستر .. هههههههه لا مافيه الا العافيه
سيف:اجل وش فيها حايمه كبدك .. شكلك مو على بعضك
قلت بقرف:اكره الكابيشتينو
ضحك سيف:احسن لك .. ماهو مفيد ابدن ..
هزيت راسي:ايه .. تعال ابسألك... بالله بدر الي داق .. ؟
سيف:ههههه والله العظيم .. انا طالعت الجوال لقيت موجود اتصال لك .. قلت بالله من متصل عليك .. انا بعد استغربت
انا:ههه فديته نفسي اشووفه يومن من الايام ..صوره لي اوكي
سيف:انشالله
انا:يلا عن اذنك فرصه سعيده ..
سيف:كنت اسعد ..
وصلت لمكاني انا وعبدالله واشرت له بيدي بي باي وفتحت الستاره ودخلت :اااااه ياربي
عبدالله:كذا احسن ..؟
مسكت بطني:عبود كنسل الطلب .. حتى طلبتك .. ياخي من اتذكر ذاك ال
قاطعني:خلاص خلاص .. تقولينه وترجع تحوم كبدك .. بقوم اكنسله .. ثواني بس .. وش تبين بداله
انا :.... امم.. ميلك شيك
عبدالله:اوكي
فتره من طلع عبدالله كنت فيها ماسكه راسي افف يا ربي احساس مقزز ..
فجأه انفتحت الستاره انا ارتعت:عبود .. ؟
طلع لي وجه صغير ملائكي .. طفل اسمراني على خشمه مشخ صغير .. وعلى خده جرح ملتأم باقي له اثر .. شعره كثيف ومحيوس بشكل جذاب وخصلاته على وجهه .. وابتسامته ما حلاها غير الشباك الي بوسط فمه .. اسنانه الاماميه طايحه .. وطوله الصغير والجينز البرمودا مخلي شكله يااخذ العقل .. لكن اكثر شي جذبني فيه الورده الي كان ماسكها بيده
رمشت بعيوني بسرعه: نعم يا ماما .. انت مضيع .. ؟
..:لا بث .. عمو سيوفي يبي يعتيك الولده
ضحكت على شكله وهو ينطق ( ولده ) يبي يقول ورده ما عرف .. سكتت ثواني استوعب .. هذا بدر من جد ...!
انهبلت عليه:انت بدوووري...!؟!
عقد حواجبه : ايه ما تعلفيييني .. ( مد الورده بكل عفويه ) خدي بلوح عند ماما
مسكت الورده وانا قلبي منقطع عليه يهببببببل : تعطيني الورده وترووح .. تعااااال اعطيك بوسه طيب
تراجع بقرف:فيك لوووج
انا:هههه تخاف من الروج .. خلاص تعال اعطيك بوسه صغيره بس
تابع ارجو عدم الرد

البارت الخامس عشر
قرب مني بخوف .. مسكته وعطيته بوسه صغيره وكان ودي اعضه بعد بس خفت يقلب علينا المحل مناحه
جا عبدالله:خلاص طلبت
جلس وهو مستغرب:من هذا..
انا:هذا واحد يجنن .. صح بدوري
بدر ببراءه:انتي سجن .. ؟
انا بإندمااج من صوته اللي يعذب يا ناسوو : ايييه انا شجن يا بعد عيووووووون شجن انت ..
مد شفايفه الصغنونه وهو مغمض عيونه وطبع بوسه بريئه على خدي: عمو سيوفي يقول لو سفت سجن اتها بوسه
عبدالله:وش السالفه الحين ..؟
انا طالعت عبدالله .. وبعدين ناظرت بدر:بدوري سلم على عمو عبدالله
مد ايده الصغيره من غير خوف او اي شي ثاني:اهلين عمو عبدالله
ابتسم له عبدالله ومد ايده الي بانت كبيره قدام يد بدر:اهليين .. وشلونك ..
بدر:طيب ..
مسح عبدالله على راسه:كم عمرك يا بابا ...؟
فتح اصابعه واحد واحد :سلاثه ..
وأشر على اسنانه وهو فاتح فمه مرررره ويتكلم من غير ما يحركهم:سفت اناني آآحت
عبدالله:وش يقول ..؟
انا:هههه .. يقول شفت اسناني طاحت ... تعال ورني يا الدوب
جاني وهو لحد الحين فاتح فمه:سوووفي
ضحك:خلاص الحين تطلع لك اسنان جديده
مسكت شطنتي وطلعت اقرب ورقه قدامي:خذ هذي هديه الاسنان الجديده
مسك الخمسين بيده:مابي ريال وردي .. ابي الريال الازرق
ضحك عبدالله:هههههههههه تعال اعطيك ريال ازرق .. تستاهل يا بطل
راح له بدر بسرعه
طلع من جيبه عشرين ريال:يالله خذ .. بس اول قول لي بكيت لمن الدكتور شال اسنانك ولا لا ..
بدر ياخذ العشرين:اصلا عمو سيوفي هو ثاال اسناني .. عولني سوي بس ما صيحيييت
انا:ههههه ما صيحيت .. عشانك بطل
ركض بدر لبره:بلوح اوري ماما ريالي الازرق
جلست اطالعه يروح وانا متأثره:ياناسو عليه
عبدالله:مين الامور .. ؟
انا:امم هذا يصير ولد اخو سيف
عبدالله:ومين سيف ؟؟
انا:دكتور بابا ..
عبدالله بان انه تضايق:اها ..
حاولت اغير الموضوع:ايوا وش طلبت لي ..
بعد السواليف وكل شي خلصنا وقمنا رجعنا للسياره
انا:ااه جاني النوم .. شكرن عبودي عالطلعه الحلوه
عبدلله:عيونك الحلوه..
صوت نغمة المسج .. رفعت جوالي وفتحته ( شكرا عالسبعين .. بترجع لك ترا ..))
ضحكت ورجعت الجوال للشنطه .. يا حليله سيف .. مرره يشبهون بعض هو وبدر .. والولد مره خقيت عليه يهبل الله يحفظه
ارسلت له (( طيب رجعها بس ارسل لي صووووورته ))
ثواني جتني رسالة وسائط صورة بدوري مع سيف .. ابن اللذين وش ابي فيه راسل لي صورته .. خخخخ
شغل عبدالله شريط قصايد لحامد زيد
كشرت لمن سمعت صوته :ما عندك .... امم .. هذا مدري شسمه .... هو شي بعدين علوش
عبدالله:لا .. انا احب حامد ..
انا:طيب ليش قصايد .. شغل اغنيه ولا اي شي ثاني
عبدالله رفع عالصوت :اسمعي هالقصيده حلوه ..
انا قلت بدون نفس مدري ليش ما يعجبني حامد احسه متكبر:اوكي عيدها ..
عبدالله:اذا ما ودك عندي سيدي هنا .. ثواني
طفا شريط حامد وجلس يدور
انا:طيب انتبه للطريق
عبدالله يرفع عيونه:اوكي هاذي اشاره
ورجع يدور .. طلع سيدي ماله اسم عليه ابيض وشغله
انا:ايش هذا
عبدالله يضغط بالازارير:هذا فيه اشعاار متنوعه يعني ... حقت صديقي راكان .. يحب الشعر وتوقعت اني الاقي عنده اشياء حلوه
انا:اها .. يلا .. قصر الصوت حبتين بس
مرت قصيده .. وقصيدتين .. وعبدالله يتمشى مو راضي يمشي على طريق بيتنا وانا ساكته واسمع .. مرت قصيدتين حلوه .. شكل راكان هذا عنده ذوق
فجأه لمن انتهت القصيده الثانيه جت بعدها قصيده ما بلعتها .. كان صوت رجال ثلاثيني اربعني تقريبا من بعد ما كنت اسمع قصيده لواحد بالعشرين .. وصوت الي يقول القصيده ما يأهل
انا:عبدالله قدم هاذي شكلها بايخه
عبدالله:كلنا عشاق ..؟ لا تراها حلوه اسمعيها
تسندت بهدوء:اوك .. عيدها طيب راح نصها
بدى الشاعر يتكلم ..
.. كلنا عشان لكن كل واحد له حكايه ..
..ولما تجمعنا الاماكن تاخذك مني المرايه ..
.. اوعد عيوني بشمسك وتوعدي نفسك بنفسك ..
.. ما ملك عقلك وحسك لا انا ولا سوايا ..
ورجع يعيد نفس المقطع .. من كلمه اوعد عيوني لحد لا انا ولا سوايا .. عبدالله التفت علي يوم عادها لكن اول ما انتبهت له رجع عيونه للطريق
.. اعطي ظهرك للمرايه .. وشوفي غيرك ..
.. اظهري من ليل كحلك .. ومن اساورك وحريرك ..
.. افتحي الشباك مره وشوفي الناس والشوارع ..
..وش كثر هالغربه مره ..
.. للي وسط الزحمه ضايع ..
بعدين عاد مقطع اوعد عيوني بشمسك
.. كلنا عشاق لكن .. كلنا نحبك نحبك ..
.. وانتي جرحك فيا ساكن ..
.. وانا همي .. برا قلبك ..
.. امشي لو نصف المسافه ووقفي بينك وبيني ..
.. وش تبي بهاذي المرايه انتي اجمل .. وسط عيني ..
ويعيد المقطع اللي بالاول وتنتهي القصيده .. مديت يدي وطفيتها .. وعم الهدوء .. وقفت السياره عند بيتنا:تصبحين على خير ..
مسكت يده وجلست احرك اصابعي وسطهم:طلبتك ...
عبدالله بصوت واطي:لا تقولين تعال
ناظرته برجاء: بس اليوم ..
عبدالله:ما اقدر ..
انا:ما وراك شي .. ؟
عبدالله سكت شوي ونزل راسه بقلة حيله ... : شجن ...
هز راسه يبي يبرر: صدقيني ما ينفع
انا:ليش .. ؟
ضغط على ايدي بخفيف:بعدين ..
سحبت يدي بشويش من يده:اوكي .. تصبح على خير
ونزلت
عبدالله:وانتي من اهله ..
اول ما دخلت البيت لقيت ماما بالصاله وشكلها تستنناني .. يا لييييييل مالي خلقها ابد اخلاقي قاافله
ماما:مشالله .. وين كنتي ؟؟
حطيت شنطتي وقلت وانا اتنهد:ماما ... الساعه تسع ترا
ماما:ايه بس انتي طالعه من الظهر .. ما تقولين لي وين كنتي كل هالوقت ؟؟
طنشتها ورجعت سحبت شنطتي ورقيت عالدرج
قامت وقالت بإنفعال:شجون تناظريني لما احاكيك
التفت بكل برود:ماما .. راسي يعورني .. بكرا نتفاهم ..
ماما:ايه هذا انتي .. مشكلتي اني ما عرفت اربيك ..كل شي على كيفك ..... وخري بس
ورقت فوق ووهي معصصصصبه
بس انا وش علي .. ناقصه وجع راس .. احس جسمي مخدر .. رحت ويا دوب فصخت عباتي وانسدحت ..
جلست اناظر السقف ثواني وانا افكر .. كيفه حمد ..؟ والعنود وش صار عليهم ... ليش تكرهني
فجأه حسيت اني ماني مهتمه لهم لذيك الدرجه .. يمكن حماسي برد لمن شفتهم .. حسيت ان حمد انسان عادي مو مثل ما انا متخيليته
طبعا لانو اخته الي كانت صديقتي كيف تكرهني كذا الحين .. وهي كانت صديقتي بعد ... اجل شلون هوو
اففف بس كيفهم .. توني بقوم اغير ملابسي الا رن جوالي
رديت:هلالالالا عبود .. مشالله اشتقت لي بسرعه
عبدالله:ههه... كنت ابقول لك ترا نسيتي .....اا وش يسمونه ...... مدري محدد
انا:ايش ..؟ وش محدده ؟
عبدالله:مدري قلم هو ...... شي حق مكياج
انا:اهاااااااااااا كحل ... ( عقدت حواجبي ) انا ناسيه كحل عندك ...؟
عبدالله:مدري والله .. ؟
انا:خلاص اجل خله عندك بعدين اخذه ... عبوودي
عبدالله:عيونه
انا:عندك شي .. اغاني قصايد اي شي .. جوالي فاااااضي وماني عارفه كيف انزل فيه .. لانو كمبيوتر بابا مافيه بلوتوث والاب توب رايح في خبر كان
ضحك علي:ايه عندي بس انتي وش تبين ؟
انا:اممممم تذكر حقت حامد زيد اللي قلت لي اسمعيها وانا ما كان ودي ... خلاص ارسلها
عبدالله:لا احسها بايخه ماله داعي
انا:الا ابيها ... وابي اغاني لحسين الجسمي عندك ..
عبدالله:اكيييد عندي .. اعرفك تحبينه
عقدت حواجبي .. انا نفسي توني ادري انه احبه .. يعني توني الاحظ .. هو وش دراه :اها طيب ... وعندك ايفرل ؟؟
عبدالله:اجنبي ما عندي ... الا الظاهر عندي لها اغنيه مدري بشوف
انا:اوووكي .. يلا باي .. ارررسل
عبدالله:ههه اوكي ... انتبهي على عمرك ..
بعد ما ارسل فتحت اول اغنيه لحسين الجسمي
بلغ حبيبك .. ااه يا زينها احبهااا .. جلست اغني معها ودخلت ماما
ماما:شجون
انا اطالع فيها واغني:لازم انا اهواك ولازم انتا تهواني
ضحكت علي ماما : تعالي ابيك
قمت وفتحت لها يديني يعني ابي احظنها وانا لين الحين اغني معه:يا ليت قلبك عرفني من صغر سنه والله لاحبك واضمك بين احظاني
ابتسمت ماما وحظنتني:طفيها انتي تعرفين اني ماسمع اغاني
طفيتها وانا لحد الحين حاظنتها:ماما احبك .. لا تزعلين علي
ماما:انا كنت راقيه ابي اكلمك بموضوع .. وبالنسبه لقبل شوي انا نسيت عادي
انا:اييه يا زينك وانتي كذا ... والله ان هالموووضوع توحفه ما دام انه بيخليك فرحاانه
ماما جلست:هه تعالي
وجلسنا انا وياها على السرير
انا:يلا قري اعترفي وش عندك
ماما:ههه اسمعي ..
انا:كلي اذان صاغيه
ماما:لا تقاطعيني عاد
انا:هههههههه
ماما:اسمعي .. انتي كبرتي .. وكثييير يطلبون ايدك وانا ارفض من غير ما اشاورك .. وصحيح انهم عيال ناس وما عليهم زود بس .. انا كنت خايفه انك تختارين واحد منهم يطين عيشتك .. هذا مجرد احتمال بعد .. يمكن 11 خطبوك صدقيني .. وكثير يلمحون بس انا ما اوافق .. وانا عارفه انه ما يحق لي اسوي كذا ..
سكت .. ما احس اني افكر بموضوع الزواج وكذا كثير ... بس يوم فتحت الموضوع حسيت هالشي شدني.. ايه من جد ليش انا ما قد قررت وش بتكون مواصفات فارس احلامي
كيف شكله .. وطبعه ... لكن هذا مو مهم ... ماما عندها شي اهم بتقوله الحين
ماما:ابوك زعلان علي مره يقول خلي البنت تشوف نصيبها .. وانا كلموني ناس وانا شايفه انهم ناس طيبه ويمكن يكونون احسن من الـ11 واحد الي راحو .. وكذا ولا كذا القريب احسن من الغريب
انا انصدمت ... القريب .. مين يعني ..؟ يوسف ولد عمي بو عين زايغه ... ولا رائد .. ولا ولا ولا ........ ؟؟

تابع ارجو عدم الرد

البارت السادس عشر
ماما مسكت يدي:بكره شوفة الشرع ترا ... و .. عندك اسبوعين تفكرين بالموضوع
شوفة شرع .... بعدين خطوبه ......... زواج ... عيال ... وش ذااااا..!؟
لا انا توني صغيره عشان افكر بكل هذا ... بس .. الفكره مو بطاله
انا:يعني ... لحظه من هم ؟؟
ماما وقفت:بتشوفينهم بكرا انا ما راح اقولك عشان ما اشغل تفكيرك .. بس ابيك بكرا تطلعين معي تشترين لك فستان حلو واغراض ثانيه
انا:لا عندي فساتين ماله داعي
ماما:لا تعاندين هذا اليوم ما يتكرر دايم وانا متأكده انك بتوافقين
وطلعت
وش الي مخليها متأكده .. ومنهو هذااا الي يقرب لي ...
افف ما حسيت ان الموضوع مهم لاني ابي اكمل دراستي اول ولو عنست بعد مو فارقه معي ..
فتحت الاغنيه الثانيه لحسين .. وبلا مبالاة جلست اغني معه .. يوم خلصت تنهدت وشغلت قصيدة حامد زيد ..
على ذاك الطريق الي يسمونه غرام احباب ..............
اول ما قال غرام احباب حسيت انها حلوه .. يوم انتهت جلست ثواني اطالع قدامي سرحانه ... واتذكر البيت الي يقول
أنا أول من عرف قدرك وأنا توي صغير وشاب **وابي منك ما دام أنك عرفتيني تحبيني
جلست اردده بيني وبين نفسي ... تنهدت بحزن .. عبدالله يستاهل وحده احسن مني .. الله يهديه بس ..
رجعت انسدحت وعدت القصيده مره ومرتين وثلاثه لحد ما نمت والجوال بيدي ..
قمت من النوم على صوت الجوال يرن .. كشرت وعدلت جلستي .. طالعت الساعه وانا اتثاوب .. الساعه 11 ونص
طالعت باللي يدق .. ( تسذا ) يتصل بك .. بس كان اسمه بالانقلش
رديت:هلا سيف
..: مين سيف .. ؟
عقدت حواجبي .. وش الي من سيف ..هذا الصوت اتذكره اصلا ....... صوت ... يااااااسر ..؟!؟!؟
وش اللي خلاه يدق من رقم سيف .. بسرعه سكرت بوجهه وناظرت الرقم .. لا هذا مو رقم سيف .. عندي اثنين اسمهم تسذا .. ؟؟
ياسر داق ..؟ خير وش يبي ما يستحي على عمره من بعد ذاك الحكي... رجع دق وما رديت عليه ..
قمت اغسل وجهي رجعت لقيت مسج منه
(( ازا ما رديتي ماهو احسن لك .. ابيك تدقي عليا ))
خييييير... منب داقه عليه هو ووجه مفتكر نفسه يهددني يعني .. هو وخشته ..
طقت سوزان الباب:شجون
انا:هاااه ادخلي
سوزان:Are you awake?
وش هالسؤال:ايه انا قايمه انتي الحين شايفتني نايمه
سوزان:مدام سعاد في قول خلي شجون اجي تهت
انا:طيب طيب .. بس بغير ملابسي ...
نزلت :السلام عليكم
بابا + ماما:وعليكم السلام
بابا قام:يلا مع السلامه
انتظرته لين راح:ماما بابا وش فيه علي ؟
ماما:معليش انتي عارفه انه مريض .. وبعد ذيك السالفه زعل عليك .. والحين فوق كل هذا عنده مشاكل بشغله ..
انا:اهم شي ان صحته كويسه ..
ماما:يلا ما بغيتي تقومين يالله بنلحق على السوق ..
انا:ماما مالي خلق .. معليش
ماما:لازم يا ماما تروحين تشوفين لك شي الجماعه بيجون بعد صلاة المغرب
انا:اجلوها
ماما:هم طالبينك من زمان بس مع مرض ابوك ووفاة خالتك ما حصل .. لا تناقشين بهالموضوع خلاص روحي البسي عباتك
يا ليييل .. رحت لبستها وانا مااااالي خلق ابد ..
حتى جوالي مافيه شحن .. وحررررر .. تبينا نطلع في هالقوايل .. اففف
رن جوالي ( لولا ) يتصل بك
رديت وانا متحمسه:لووووووووووووووليي يا الدوبه اشتقت لك ما تدقين ولا تسألين ولا شي
ليلى بنفس الحماس:ياي شفتتتي كيف انا بالريااااااض
انا:جيتي من الامارات ؟؟
ليلى:ايييه يمكن نجلس شهر هناا ... يااي متحمسه اشوووفك والله اشتقت لك ..
انا فرحت مره:وانا اكثثثثثثر يا قلبي .. لازم اشووفك
ليلى:وش رايك نتواعد .. نتعشا بـ .. اممم بفيدركلز الي بصحارى اليوم ..
بوزت:عشا ..؟ ما ينفع غدا .. ؟
ليلى:اوه سوري .. عندك ارتباطات يعني
انا:اييييييه تخيلي بيجون ناس .. يخطبوني .... شوووفة شرع تخيلي
ليلى:واو من جدك انتي .. منتي متحمسه طيب .. لييييه ؟
انا:الا بالعكس .. مدري لا عادي .. ما احس ان الموضوع مميز
ليلى:ههههههههههههههه لا فله والله العظيم .. وش اسمه
انا:مدري
ليلى:اوو من جدك انتي .. ؟
انا:ههههههههه ..ياربي معك تذكرت الهنوف ورغد ..
خنقتني العبره وبغيت ابكي
ليلى:الهنوف الكلبه امس مكلمتها ..؟
انا:عندك رقمهاا.........!؟؟! تدرين اني لي سنه ما كلمتها تقريبا من عقب ما نقلت
ليلى:ههه ايه البيتش السخيفه صارت متكبره .. ما تدرين تلكمني من طرف خشمها
انا:هههههههههههههههههههههه هذا طبعها مع الناس الي ما تعرفهم .. يوو معقوله نستنا ..
ليلى:ههههههه مجنوناا انتي
انا:بالله عطيني رقمها
ليلى:اوكي ارسلك اياه ببطاقه اعمال
انا:ايه ورغد بعد
ليلى:رغد تزوجت ..!
انا:نعممممممم..! لالا توها صغيره كييييييييف
ليلى:ههههههههه تزوجت حسااام
انا:ههههههههههههه البوي فرند حقها ..؟؟ والله انها مجنوونه .. وبعدين ما دام انو اهلها ذولا .. اكيد بتتزوج بدري كذا
ليلى:هذاك انتي بتتزوجين ..؟
انا:هههههههههههههه ما قلت كذاا
فجأه سمعت صوت ماما تنادي:شجججججججججججججوون
انا:يوو ليلى تأخرت على ماما .. خلاص تجين صحارى ..؟
ليلى:أووكي ..
انا:خلاص اتفقنا .. يلا بي باي
ليلى:سي يوو
نزلت بسرعه وانا اسكر طقطق عباتي :ها ماما جيت
ماما:كل هذا تلبسين عباتك
انا:مااما كلمتني ليلى .. وتخيلي رغد تزوجت
ماما:من رغد ؟
انا:صدييييييييييقتي ..
ماما:ايه .. عالبركه
تنهدت .. دايم ماما تعاملني بهالطريقه طريقة الا مبالاة .. هي تحبني بس ما تحسسني بهالشي .. كيفهااااا
ركبنا السياره
ماما:عمر روح الفيصليه
انا بسرعه:لا روح صحارى ( والتفت على ماما ) بشوف لولا هنااك
ماما تأففت:يعني مو مقررين ان الطلعه كلها عشان الفستان هذا .. وبعدين انتي ذوقك صعب وما راح نخلص الا بعد طلعة الروح
انا:يوو يا ماما انا بتغدا معها تونا ترا .. لا تصيرين كذا
تأففت وسكتت .. احسن .. صايره تقهرني هالايام ..
رميت نص جسمي عند السواق قدام وحطيت شريط وعليت على الصوت .. يو اتذكر ايام زمان لمن كنت اسوي هالحركات .. يوو ويييين الاكسسوارات الي على يدي والحركات هااذيك .. وه بس
ماما تضايقت:شجون طفيه
انا احرك رقبتي مع الاغنيه:ليش .. خلك فرري مام
ماما تنهدت وهي تهز راسها .. شوي اسمع همس.. " استغفر الله .. اسغفر الله .. اسغفر الله ....."
التفت على ماما لقيتها تستغفر ..ههههههههههههههه وتستغفر بصوت بعد تبي تحسسني بالذنب .. مسكت يدها:ماما استغفري بدون صوت
ماما انفعلت:يعني حتى ذي ما حركت ضميرك
ضحكت عليها:ماااماا اعصابك .. اانا عندي ضمير بس الاغاني عادي مدري ترا احيانا احس انك مطوعه ..
ماما وبنفس العصبيه الي قبل شوي وبشكلها الي يضحك:ايه مطوعه قولي الي تقولينه .. صار التطوع الحين عيب اجل .. اه منكم جيل فاسد
انا:هههههههههههههههههههه ماما انتي تحفه
وقبصت خدها:يا قلبي عليك
ماما بعنف:وخري عني
وكملت ضحك وانا اناظر السيارات ..
وصلنا صحارى ونزلنا .. وبدت الدواره .. وكل ما اشوف فستان اقول لماما شوفي حلو ابي نخلص من هالموضوع .. بس هي كاشفتني ومو راضيه ..
انا:ماما عورتني رجولي من زمان واحنا ندور .. خلاص بلاها
ماما:ايه تعورك اذا بغيتيها تعورك وحق الهياته مع عبدالله عادي
تنهدت .. عمرها ما راح تفهمني
ماما:شوفي الفوشي حلو
التفت وين ما تأشر وطالعت .. الفستاان مررررررررررره يجنن
كان لحد اطراف الركبه وعليه شريط كرستالات تحت الصدر والسيور تنتهي حول الرقبه بشكل حلو ..
انا:وااو مره حلوو
ماما:وش رايك ؟؟
انا:ماما منهم هالناس الي بيجون
ماما تشيل الفستان تطالعه: بتعرفينهم ..
تنهدت .. عارفه انو لو ايش حاولت ما راح توافق .. خلاص ما دامها مقتنعه بالفستان ابدق على ليلى اشوف وينها
انا:ماما يلا ناخذه ..
ماما:لا ندور يمكن نلقى احلا
انا:ماما ..ترضين يكون فستاني من حي الله محل .. باقي المحلات بايخه
ماما سكتت شوي .. انا كنت ادعي ربي توافق وتخلصنا .. افف وافتك منها ..
ماما:خلاص يلا نحاسب
انا:ماما انتي حاسبي وارجعي البيت انا برقى للمطاعم فوق
ماما:وما راح تجربينه
انا:ماما في البيت خلاص .. بليييز مام .. يلا باي انا رايحه .. بدق على عمر لا تحاتين
ورحت من غير ما انتظر اي رد
رقيت وانا مررره متحمسه طلعت جوالي ابدق على ليلى لقيته طافي
انا:اوو ماي قاد مو وقته يطفي .. افف وش الحل .. كنت عااارفه انه بيطفي ماكان فيه شحن
رحت ادخل فدركلز ما عندي حل الا اني ادورها عادي المطعم ماهو كبير مره
توني بدخل استغربت العاده دايم يوقفون ويترز عند البيبان .. مو مهم .. مشيت وانا اتلفت حولي ادورها .. لقيت شلة شباب جالسين ويطالعون ومبلمين .. انا سفتهتم .. بالله وين هذولا عنهم جالسين بقسم العوايل .. اسمع همس .. اصوات .... واحد يقول رقمه ..!
تلفت حولي كله شباب .. ما استوعب بسرعه اني دخلت قسم الشباب .. طلعت بسرعه واخذت نفس طويل:ياللللله ..!
رحت بسرعه للطاولات الي قدام المطاعم وجلست فتره منصدمه .. يؤ خقيت انا .. لا من جد خقيت فيه انواع الخقق جوا .. بس من جد انا غبيه فشلت عمري ..
رجعت وتأكدت اني بدخل قسم العوايل جلست اتلفت حولي .. لقيت ليلى جالسه وحاطه رجل على رجل .. فاتشه شعرها طبعا .. وصايره برونزيه ..
رحت لها وجلست:لوووولا
رفعت راسها بهدوء طالعتني دقايق فجأه حطيت يديها على فمها:شججججججججن او ماي قااد تغيرتي
انا جلست اطالعها من فوق لتحت اناظر بالتفصيل وش الي تغير فيها :ياااااااي والله العظيم اشتقت لك
وقفت ومد يديها وانا وقفت وحظنتها وجلسنا نطقطق بهدوء على ظهور بعض
انا ودموعي واصله بتطيييح خلاص:حيوانه تغيرتي
جلست تطالع وجهي:والللللله قمررر احلويتي يا بنت
انا:وانتي اكثثثثثثثر .. كييف سويييتي تان يا بنت اللذين
جلست:ايوا شفتي كيف صرت احلا وانا سمرا صح
انا:كيييفك يا بنت ؟
ليلى:والله بخير وعاافيه فيري فيري فيري قووود وانتي...؟
انا:بخير يا قلبي ...
حطيت بطن يدي اليمنى على بطن يدي اليسرى وخليتهم قدامي وقلت وانا ابي اخلي وجهي برئ قد الامكان: وحشتيني
ليلى:هههههههههههههههههههه يا قدم هالحركه
انا:والله العظييييييييم لك فقده يا الغاليه .. تذكرين كم لي ما شفتك
ليلى:اوو يمكن سنتين او اكثر او اقل بشويه صح
انا:وتوك تجين السعوديه من بعد ما طلعتي منها
ليلى تشرب البيبسي الي قدامها:شفتي كيف
قطع كلامنا الويتر o you want something, Madam?
سكت شوي وقلتYa I want Sezer salat and seven up diet
ليلى:وش هذا ليش ما تاكلمين .. عامله ريجيم
انا:ههههههههههه لا وزني كويس بس ابي اخفف عشان الناس الي بيجون اليوم
ليلى:اييييييه منتي متوتره .؟؟
انا تنهدت:مدري احس عاادي
ليلى:والله حليانه يا بنت
انا ابتسمت:الله يحلي ايامك
ليلى:ايوا ايش اخبار خالتو وعمو خالد ؟
انا:بخير والله يسلمو عليك ..
جلسنا نسولف شويه عن ايام زمان والمدرسه ورغد والهنوف وكل شي ما بقى شي ما تكلمنها فيه
انا:ايه تخيلي فاتك
ليلى:ايش..!؟
انا:قبل شوي الويتر الغبي اقوله انا ادور على صديقتي يروح يدخلني قسم الشباب مفتكر اني بشوف البوي فرند حقي .. لا هو وخشته يقول دقيقه وحده .. يعني مسوي معطيني مجال
ليلى:ههههههههههه وااااااااو فله ايش صاار ..؟
انا بديت احرك يدي بحركات تمثيليه واغير ملامح وجهي:تخيلي .. وفجأه .. الاقي ناس ... خوقاقيين .. انوااع الخقق .. كذا كلهم قدامي .. كل واحد يقول الزين عندي
ليلى:حشا ملكات جمال
انا ضحكت:هه من جدد والله خقيييت
غمزت:ما خذتي رقم من هنا ولا من هنا
انا:والله بالنسبه للرقم صارو ارقام بس انا من الفشيله ماني عارفه ايش اسوي
ليلى:فله يا ليتني كنت معك
انا:هههههههههههه عاد هزئت الويتر المسكين وقلت له والله لاقول لمدير المطعم عنك
ليلى:يا حراام ما ينفع كذاا
انا:ههههههههههه عاد فشلني
طلعت بوكي ابي اعدل القلوس لانو عندي مرايه صغنونه فيه .. سحبت ليلى البوك فجأه:مين صوورته
انا:بابا ..

تابع ارجو عدم الرد

البارت السابع عشر
ناظرتها:ما تغير تصدقين
انا:يا حبي له
شالت الصوره تبي تناظرها زين .. لقت صورة عبدالله وراها ..
ليلى:مين دا ..؟
انا: امم تذكري ..؟
ليلى تناظر وهي عاقده حواجبها:ما عمري شفتو ... اوووو لا تقولي خويك .. مرررررره يخقق يا بنت وين طحتي عليه .. اذا خلصتي منه عطيني رقمه ههههههههههه
انا سحبت البوك:خير
غمزت لي:تغاري يعني .. ما يمديني عالحب انا
انا قلت بعصبيه:هذا عبدالله
رجعت سحبت البوك:قولي والله ..
انا:اييه طالعي
ليلى:ايه والله هو .. والله العظييييم تغير .. شووفي كيف شعره صاير ستايل مع وجه عجييب .. لا والشنب الخفيف مع الـ
سحبت البوك:اذكري الله
ليلى ضحكت:ما بينكم شي ابدن ؟؟
رفعت حاجب:اخوااان
ليلى:علينا.. مو هو يحبك ويموت بهوى دارك .. ولا خلاص بح كل شي
انا:الا لين الـ ........ لا عادي اصلا خطب
مدري وش الي خلاني اقول هالكلام
ليلى:علينا .. باين انو يحبك .. لحد الحين منتي معطيته وجه ؟
انا تنهدت:وش اسوي له يعني غصب احبه .. يختي اخوي هو
ليلى:والله يجنن
انا:بكيفه .. اصلا هو انا شاكه بأخلاقه شكله يبي يسوي بيت دعاره
ليلى غصت بالبيبسي وجلست تكح يوم خلصت رجعت تضحك:بيت ايش ..!؟ دعاره ..!؟ ههههههههههههه
انا :لا تضحكين .. عنده فله بالمعذر يبي يسكن فيها لحاله .. وراه شي
ليلى سكتت:من جدك انتي ..؟
انا:اييه مع ان وجهه مو راعي بنات وحركات
ليلى:لالا قصدي .. عنده فله بالمعذر
انا استغربت:ايه وش فيها ..؟
ليلى:يا بنتي هذولا ما يسكنوه الا ناس مطخطخيييييييييييييين .. متأكده انو مو مستأجرها ولا شي
انا استغربت اكثر:لا حقته ..؟
ليلى:اوف ..انتي قد رحتي له ؟ المعذر ؟؟
انا:لا .. الا مره وكان باليل ما انتبهت كويس
ليلى:شجن هناك ...... هناك شي ثاني .. بيوتهم مره كانها ......كأنها .. اصلا من قال انها بيوت هذوليك قصووور .. وبعدين كأنها قصور ساندريلا .. مررررره شي عجيييب .. وما يسكن هناك الا امراء وناس مطخطخه
انا اشرب السفن بلا مبالاة:ايه الله يزيد فلوسه ويوسع عليه رزقه
ليلى بجديه:من جدك عبدالله عنده كل هالفلوس وعادي عندك .. يا غبيه مزيون وبطراان ليش ما تشبكينه
انا:لولا انا قلت لك الولد اخوي وبعدين مو بس هو الي بطران ...
رجعت اشرب سفن:انا بعد بطرانه
ليلى:ايه اشوف عندك فله بالمعذر
ضحكت عليها وكملت اكلي .. بعد ما خلصنا ..
ليلى:يلا قومي نطلع
انا عقدت حواجبي:نطلع وين والناس نايمين ؟
ليلى تسحب يدي:محد نايم .. تعالي نروح الصالون ..؟
انا:ليش بالله ..؟
ليلى:عشان الناس اللي بيجون عندكم اليوم .. وتراني بجي يمكن تخطبني لولدها الثاني
انا وقفت:ههههههههههههههههههههههههههههه حياك ربي ... تصدقين كنت توني بقولك تجين
ليلى:شجن .. ليش عامله كذا ..؟
انا رفعت حاجب:وشو؟
ليلى:شيلي الطرحه
مسكت خصلتي القصيره كانت على اطراف حواجبي وجلست العب فيها:هاذي طالعه تكفي
شالت الطرحه ونزلتها على كتفي:لا كذا احلا
انا رجعت ارفعها:لااا شعري حوسه
ليلى سحبت مني الطرحه:ماهو حوسه
انا سكت شوي:لولا ترا ما ينفع ..
ليلى:ما ينفع ايش خلك ايزي
انا:لو احد شافني وانا فاتشه شعري .. ولو شفنا الهيئه
قالت بقرف:ليش هذولا لين الحين فيه ..؟
انا:ولين بكره ..
ليلى:ما عليك منهم .. يختي ما ينفع كذا امشي معك وحده فاتشه شعرها وحده متحجبه
اخذت منها الطرحه وحطيتها على نص راسي بس وغطيت بالجزء الثاني رقبتي يعني خذت طرف الطرحه الايمن وحطيته على كتفي اليسار
انا:زين كذا
ليلى تمشي:احلا من اول ..
انا:لولا عطيني جوالك بدق على سواقنا .. جوالي طافي
ليلى:لا ما اثق فيك انتي .. بدق على سواقنا يجي ياخذنا ..
انا:ماله داعي صالون انتي ووجهك
ليلى:ليش ماله داعي .. بالعكس فله اليوم هذا ما يتكرر ..
انا تأففت:عرس هوو
ليلى تناظر واحد لابس ستايل هيب هوب:شوفي هذا حجازي
انا:وش دراك انه حجازي
ليلى:ما يلبس كذا الا الحجازييين .. يااااي ودي اكلم حجازي
انا:لولا الحين بالله ما شبعتي من الي بالامارات .. يعني الفريدوم الي محصلتهااا
ليلى:اممم لا ... المثل يقول خالف تعرف .. هناك بالامارات شبابها عذااااااااااااب بس هنا .. شبابها فله ومهبل ومجانييين ... فيه فرق
انا:هههههههه احسك هبله
ليلى:الا انتي الي تغيرتي كنتي اهبل وحده .. تذكرين كنا كلنا نقلد عليك بس الحين مدري وش صار لك
انا:هه كبر عقلي شوي
نزلنا ندور بالمحلات شوي رن جوال ليلى
ليلى:يلا جا سعود ..
انا:وش سعود .. اخوك ؟؟
ليلى:اي اخوي انتي عارفه ان اخواني ما يسوقون صغار .. هذا سواقنا
انا:قولي قسم..؟؟ سواقكم سعودي ؟؟
ليلى:ايه يا ماما
انا:يا حظك احسن من الدبشه هذا حقنا .. يختي بابا مو قادر يقتنع يقول سعودي لا .. شايفني بسوي شي يعني خايف علي
ليلى:ايه طبيعي على قولتهم بناتكم امانه .. اصلا ماما الي جايبه السواق بابا ما يدري هههه ..
انا:ليش ابوك ما جا
ليلى:بابا طووول عمره ببو ظبي واحنا بدبي وما نشوفه الا بالشهر مره
انا:الله يعين
ليلى:ايوا شوفيه .. يلا امشي ..
ركبنا الدوج البيضا .. اول ما تواسيت لفت ليلى كل جسمها علي:ايوا وش بتسوين بشعرك
انا:طيب خليني اسكر الباب عالاقل .. شوي شوي
ليلى:هههههههههههه
سعود:على وين ..؟
ليلى قالت بإستحقار:انا لمن اقولك تروح اذا ما قلت لك لا تسألني فاهم ..
انا استغربت منها ما كانت بهالقساوه ولا بهالتكبر
انا:ااا سعود ... روح المناهل ... بحي السفارات
سعود من ورا خشمه :حاظر
همست لها:ليش كذا
ليلى:احسن .. شايف عمره
انا:انتي الي شايفه عمرك .. وبعدين انتي تعرفين السعودييين شباب دلع .. يعني ما يرضى احد يغلط عليه او يهزأه
ليلى:يطق راسه بالجدار قلت له يتدلع انا
انا:قصري صوتك وجع
ليلى:افف وبعدين معك .. ايه ما قلتي لي .. ووين دخلتي اي تخصص
انا:اااه بس ما دخلت .. قررت اخليها السنه الجايه .. وانتي
ليلى وهي كاتمه ابتسامتها:انا توني بثاني ثنوي ..
انا:هههههههههههههههههههههههههههههههههههههه رااسبه سنتين يا بنت اللذين ..؟
ليلى:هههه كل السنتين الي كنت فيها هناك
انا تخصرت:وليش انشالله ..؟
ليلى :وش اسوي مناهجهم صعببببه
انا:يا شيخه .. اصعب من حقتنا ؟؟
ليلى:ليش حقتنا صعبه اصلا .. تدرين اننا اسهل تعليم بالعالم .. وه بس علينا .. ودي اقعد هنا طول العمر
انا:اقعدي محد ماسكك
ليلى ضحكت:عشان كذا اقولك بجي معك ابي اتزوج سعودي وافتك
انا:هههههههههههه
سعود عطس .. وقال بعدها الحمدالله
انا:يرحمكم الله
رد علي:يهدينا ويهديكم الله ويصلح بالنا وباالكم
ليلى:ايش هالدعاوي احد وكلك علينا .. وانتي ليش تكلمينه
انا ارتعت منها .. وش سالفتها هاذي: سعود ما عليك منها معصبه شوي
سعود:.............
طالعت فيه من المراايه معصصصصصصصب .. والله يحق له .. والله لو ان السواق هندي كان ما سوت له كذا
انا همست:شغلي معك اذا نزلنا
ليلى:ايوا ننزل .. ليش بالمناااهل هذا سباحه
انا :لا يا عمري سباحه وتنس وصالة رياضه ومعهد بريطاني وصالون
ليلى:ول عليهم ..
انا:هههههههههههههههه
ليلى:ايه تذكرته .. الي كنت انا وياك اول مسجلين فيه
انا:ايوا عليك لمبه .. لولا هنا فيه شاحن
ليلى:ايه عطيني جوالك .. سعود امسك اشبكه بالشاحن
خذه وبدون اي كلمه شكله خايف منهاا
ماحب التسلط شووو ما كان .. الله يهديها ما كان طبعها كذا ... صدق دوام الحال من المحال
نزلنا المناهل وخلصنا على اذان المغرب تقريبا
انا:ليلى ماما بتذبحني كل شوي تدق
ليلى:طييييب اصبري بس بتعدل لي الكحل
انا:وانتي ما تعرفين تحطين حكل بنفسك
ليلى قامت:لا اذا حطته هي يطلع احلا ..
انا حمدت ربي بيني وبين نفسي اني قدرت اقنعها نستشور ونعدل اظافرنا بس ولا كانت ودها تسوي اشياااء ثانيه
على بالها عرس ولا ملكه هاذي
راس مالها شوفة شرع .. اصلا حركاتها هاذي هي الي خلتني ابدا اتوتر
اول ما دخلت البيت استقبلتني ماما ..
ماما:مشالله وين كنتي لهالحين ..؟
انا:كنت انا وليلى بالمناهل .. رحت استشور شعري
ماما:هلا ليلى ..
ليلى تمد يدها:هلا خالتي
ماما تكلم ليلى:روحي شوفي صديقتك وش تهبب علينا من الصبح .. روحي البسي زمانهم جايين
رقت ليلى معي واحنا نضحك
دخلت غرفتي:اامممممممم نفس ستايل زمان .. نفس اللون الوردي بس سويتي حركات كثثثثثثثيره غير
انا:شفتي كيييف .. ههه فله .. شوفي الفستان حلو
ليلى:مررره حلو .. يلا البسي قبل ما تجي امك تفضحنا ..
جلست اطالع شعري بالمرايه:ههههههههه اوكي الحين بلبس .. شوفي حلو
ليلى:عادي ما تغير شكلك
انا:يو عاد لا تحطميني
ليلى:يا ذكيه انا ارفع معنوياتك يعني انك انتي بدون استشوار شعرك حلو
اخذت الفستان من يدها واابتسمت:ههه طيب انا بروح ابدل
ليلى:اوكي انا بضبط عمري
سكتت شوي:لولا مو كأنكم مكبرين السالفه انتي وماما
ليلى تطالع نفسها بالمرايه:لآ ما احس .. ترا بعضهم يسوون اعظم.. ترا عاادي .. شوفة شرع
تنهدت ودخلت البس الفستان وطول الوقت افكر .. كيف شكله .. وش اسمه .. امه ابوه اهله وين ساكن .. كم طوله كم وزنه وش لونه
اسأله كثيره .. والتوتر الي جالسه احس فيه خلاني ماني مركزه .. يعني توني استوعب باللحظه الاخيره اني ممكن اوافق و..
اتزوج ..!؟
اخذت نفس عميق وطلعت من غرفة التبديل:هاه وش رايك ..؟
التفت ليلى:واااااااااو لالا من جد وااااو ..
ضحكت ورحت اطالع نفسي بالمرايه .. سكت شوي .. شكلي حلو .. من زماااان ما شفت نفسي بفستان من زمان ما حضرت عزيمه او اي شي ثاني
ولون الفستااان طالع مره حلو علي ..
ليلى:بسم الله عليك تهبلين ..
سحبت الكيس الي كانت جايبته معها:انا بروح اغير ...
فجأه صرخت بوناسه:شجوووووووووون ايام زمان والله
انا استغربت:اوووص بنت
ليلى:او ماي قاد .. لالا ببكي خلاص .. تذكرين اول كنا كذا ندخل نبدل عند بعض وكل شي .. يااااي والله ببكي
انا:يا ربي يا الحساسه .. ليلى لا توتريني وروحي البسي واخلصي علينا ..
ما صدقت على الله دخلت تلبس انهبلت .. ياربي وش بسوي .. فيني شي صاير مو كويس .. رحت اعدل شعري اناظر اظافري يدي .. لبست سلسال ناااعم وحلق وخاتم بنفس الطقم واخذت نفس وانا اطالع نفسي ..
ياربي وش ناقص بعد .. رحت اشم جميع انواع العطور عندي اخيرا حطيت لي آبل احمر ..
طيب وبعدين .. لازم الاقي لي كعب يصلح .. يو ماما ليش ما ذكرتني بهالشي .. يلا صار الذمب عليها هي انا الي غبيه مفتكره السالفه سهله ..
رحت فتحت درج الجزم وجلست ادور فيه كعبات فوشيات بس ما ارضااني اي شي
طلعت ليلى:يو فستاني واسع
لقتني عالارض وواصله معي:مااااالقيت لي كعب
ليلى جتني بسرعه:يؤ طيب لا تبكين وش فيك بعدين يبين ..
انا طالعتها:شفتي الفيشله ..
ليلى تطالع الكعب الفوشي الي انا راميته بأخر الغرفه:هذاك يجنن .. مره لابق عالفستان ..
انا:لا ..
قمت:وش اسوي الحين .. يااااااربي
خنقتني العبره .. مدري ليش جلست اتصرف كذا يمكن متوتره وخايفه .. وش بيصير بعدين ..
راحت بسرعه وجابت الكعب:جربيه طيب
اول ما دخلت رجلي فيه دخلت ماما:يلا وينكم ..
سكتت شوي وغرقت عيونها بالدموع:عقبال ما اشوفك عروس
ليلى:خالتو تجنن صح
ماما جتني تسمي علي:الله يحفظك ويستر عليك قولي امين
انا:ماما حلوه ؟
ماما:قمر .. يلا يلا انزلي توهم داقين وعلى وصول
مسكت يد ليلى:طيب اسبقينا
تابع ارجو عدم الرد

البارت الثامن عشر
نزلت ماما:لا تتأخرين
انا طالعت ليلى:تدرين لو انك منتي فيه كان ما عرفت ايش اسوي
ليلى:ههه وانا ايش سويت يعني .. ما فيه فرق يا قلبي
ضغطت على يدها:فرق كبير والله محتاجه احد معي بهالموقف
ابتسمت:انا معك ... اوف مو انتي تقولين لا تصيرين حساسه .. اجل انتي ايش جالسه تسوين الحين
انا حسيت بدموعي تنزل:والله خايفه ما تعودت اول مره يصير لي شي زي كذا
سحبتني لبره:امشي بس
انزل ويدق قلبي اكثر احس اني خايفه تجربه جديده ما حسبت لها اي حساااب
اول ما عديت اخر درجه سمعت صوت بمجلس الحريم
ماما:حياكم الله .. تفضلو
انا ارتعت:جو
ليلى:ههه امشي سلمي ..
انا تراجعت:ما تحسين ان فستاني مبالغ فيه
ليلى:ياالله على هالسالفه لا مو مبالغ فيه بس امشي يلا
همست بخوف:يااربي
دخلت وانا مرتبكه ..انصعقت ..
ام حمد والعنود ..؟!؟!
ليلى راحت تسلم:هلا خالتي ... كيفك ..؟
ام حمد وقفت:هلا بنيتي بخير ونعمه انتي شلونك؟
ليلى:انا بخير ... هلا
العنود وقفت بدون نفس:اهلن
ليلى برحابه:انتي اخت المعرس اكيد .. هلا .. انا صديقة شجن ..
التفت علي وطالعتني وجلست ..
تقدمت بهدوء مديت يدي بشويييييش وانا مو قادره اطالع فيها:هلا خالتي ام .. ام حمد
حسيت بيدها تضغط على يدي بقوه:هلا بالزين كله .. مشالله مشالله ..
التفت على ماما:والله من يومها صغيره وانا اتمناها لولدي .. مكمله بالزين اخلاق وجمال مشالله .. وشلونك يا بنيتي؟
صوتها الدافي حسسني بالطمأنينه شويه ورفعت راسي:انا بخير
بالموت تركت يدي رحت بسرعه سلمت على العنود
انا:كيفك ..؟
العنود جلست بسرعه:ماشي الحال
رحت وجلست جمب ماما وليلى .. هم يسولفون وانا ماني حولهم ابد .. ماني متوقعه الي جالس يصير الحين ..
معقوله ام حمد والعنود ..؟ يخطبوني لمين ... لحمد .؟!
حمد.!.؟!
لا مو معقوله ما ينفع ماني قادره استوعب ..
فجأه حسيت بوكزه على ذراعي وبهمس ليلى:الحرمه تكلمك
انا رفعت راسي:هاه .... هلا خالتي ؟؟
ام حمد:اجل اي صف يا شجون يا بنتي؟؟
انا :اا .. انا نفس العنود ........ بدخل الجامعه
ام حمد تهز راسها :ايه مشالله الله يوفقك .. وانتي يا ليلى ..؟
ليلى:انا بعمر شجون ..
ام حمد:اييه .. وانتي منتي بنته ..؟
ليلى بان انها استحت:بنت منصور الـ*******
ضربت ليلى بكوعي وهمست لها:لا تسولفين شوفيني كيف متوهقه
ليلى ابتسمت وقالت بهمس مثلي:الناس لازم تجامل .. مره باين عليها حبوبه
انا سكت شوي وقلت:تدرين انها ام حمد .؟؟
ليلى:من جدك انتي .. ؟
انا:اييه ..لولا مره خايفه تخيلي يصير حمد
ليلى:أ
قاطعتها ماما وهي تتنحنح يعني اسكتو عيب ..
ثواني وقفت ماما:عن اذنك يام حمد ثواني
ام حمد:اذنك معك يا سعاد
العنود:يما متى بنروح
حسيت من طريقة كلامها الاستفزازيه انها متقصده تقول لها
ام حمد تفشلت من بنتها وجلست تسلك شوي وانا ضاق صدري بس سكتت وبلعتها .. ماني رايقه اتوتر قد ما انا متوتره الحين
وقفت ماما عند المجلس ونادتني
قمت بشويش مثل ما قعدت بشويش ورحت لها:نعم ماما
عطتني العصير:يلا دخليه
مسكت الصينيه وانا ابلع ريقي:الحين ..!؟
ماما:اجل متى .. يلا
انا:خلي سوزان توديه لهم
ماما انفعلت:جايين يخطبون سوزان ولا يخطبونك .. يلا
زاد توتري يوم قالت يخطبونك .. حمد جاي يخطبني ... يخطبني انا .. حسيت اني بذبح عمري من كثر ما انا متوتره وخايفه
ما عمري شفت حمد من بعد ما توفت جدتي .. لا يمكن انه هذاك الاسمر الي عند الكدلك ..
مشيت بخطوات خايفه لمجلس الرجال .. الباب كان مفتوح .. دخلت وانا اطالع تحت من الخوف
يالله يالله رفعت عيني شوي اناظر طريقي .. رحت لبابا ومديت له واخذ عصيره وهو ساكت .. حطيت الصينيه على الطاوله وجلست جمب بابا وانا عيوني بالارض
اووووووف يا ربي الفيشله من الخوف ماني قادره امد له العصير ..
عم الهدوووووء .. رفعت راسي بعد تردد كثير وقررت اني اشوف شكله .. بلعت ريقي ورفعت راسي
طالعته .. كان هو نفسه الاسمر .. ملامحه حاده ..غريبه شوي .. كان يطالع الارض بنفس ذيك النظرات .. مدري هي نظراته دايم كذا تحسس ان الواحد حزين .. لكن يمكن انا من فرحتي ما كنت اشوفه حزين .. بس حرك راسه ...
ما رفعه بس حركه انا ارتعت ونزلت عيوني لتحت
مرت عشر دقايق صمت .. ما حسيت انه رفع عيونه يطالعني ولا تكلم ولا قال شي .... يمكن هذا شي خلاني اهدى شوي
يمكن انه يستحي .. ولا يمكن مطوع .. انا اتزوج مطوع ...؟؟ تجربه غريبه بس يمكن انها ظريفه ..
وش جالسه اقول انا ... جلست اخربط .. قمت بسرعه وطلعت
ما صدقت على الله خطت رجلي بره المجلس حسيت بحصاة كبيره انزاحت عن قلبي
اخذت نفس عميق وانا اتنهد
ليلى:هااااه ..؟ هو حمد ..؟
انا ارتعت منها وحطيت يدي على قلبي:روعتيني يا البايخه ..
سكتت شوي وقلت بإبتسامة خجل:ايه حمد
ليلى تغمز:يا عيني يا خجلانه
طالعت فيها بنظره حاده وانا احاول اخفي الابتسامه :ليلى
ليلى:هههههههههههههههههه
انا:امشي فووووق ..
ليلى:لا تعالي نرجع عندهم والله سواليف ام حمد ما تنمل
انا رقيت عالدرج بعنف وكنت اضرب الارض بقوه ويطلع صوت مزعج مره:احسن
اول ما دخلت غرفتي انسدحت عالسرير وحطيت وجهي عالوساده وانا مبتسمه
يالله .... وش بيصير ... بوافق ...يا ترى هو كان يبيني ويفكر فيني .. طيب لو وافقت وش بيصير بعدين .. متى بنملك .. والعرس وين بيكون .. و و و و و الخ
من حماستي قمت من مكاني وطرررت على جوالي .. لا شعوريا ضغطت على اسم ( توأم روحي )
رد وصوته كله نوم : حي هالصوت
انا بصوت كله فرحه والدنيا مو سايعتني من الوناسه:عبووووووووووووووووووووووووووووووووود
شكله انتفض من مكانه لانه بان بصوته:وش صااير ..!؟
انا:تخيل ... انخطبت ..!؟
سكوت ...
انا:تدددددددري مييين ..؟!
عبدالله قال بهدوء..:حمد ..؟
انا عقدت حواجبي:كيف عرفت ..؟
عبدالله:كنت داري من اول ما رجعنا من لندن ... شجن انا فيني النوم اكلمك بعدين
طوط .. طوط .. طوط
جلست على حالتي منصدمه من الي قاله .. ماهو فرحان لجلي .. وكان داري بعد .. طيب ليش هالقساوه على الاقل بارك لي
حسيت بلوعه وان الدموع تتزاحم بعيني تبي تنزل وان العبره خانقتني ومو تاركتني اتنفس .. جلست عالسرير وحطيت الجوال جمبي بهدوء
تلاشت فرحتي .. اغلى انسان على قلبي ما فرح معي كيف انا بفرح بنفسي .. اغلى انسان ما حسسني اني انا غاليه عنده ..ما اظهر سعادته لي حتى لو كانت نفاق
حطيت يدي على وجهي وانفجرت بكي .. لا مو معقوله هذا مو عبدالله هذا انسان ثاااني
حسيت اني اكرهه بجميع حواسي .. حسبي الله عليه ليش يسوي فيني كذا
ليش يحطمني وانا محتاجه له .. ليش يعاملني بجفا وبرود .... واحيانا بإستحقاار
ليش تغير ......؟!
حسيت انه ارتكب بحقي جريمه لازم يحاسب عليها ... بس خلاص اذا لهادرجه انا مو مهمه عنده ارفع اصبعي ارجع انغزه من جديد:عبدالله
التفت وهو يغني : اشوف الحزن بعيونك سلامات
ضحكت على شكله .. نكته :ههه عبود .. قصره بقولك شي
ولحد الان يغني:حبيبي مو على بعضك سلامات ..... هاه قصرته .. آآآآآآمري .. تبين عيوني هاذي تركبينها بغرفتك .. خذيها ..
انا ضحكت عليه:تسلم لي عيونك .. بس ابسأل سؤال
عبدالله ومبتسم وطايره فيه الدنياا:اسألي
انا:وش فيك قبل شوي كنك شايف لك جنيه مختبص ومو على بعضك .. وسيارة مين هاذي اصلا ؟
التفت للجه الثانيه يطالع السيارات عند الاشاره :امممممم .. ماني مختبص بس ......... مدري
يروح بستين داهيه انا ما عاد شاغله بالي عليه
لا شعوريا مسكت الجوال ومن بين دموعي والقهر الي ملا قلبي كتبت له رساله ..
(( عبدالله .. بكل اختصار
اكرهك))
ارسلتها ورميت الجوال على الارض وحطيت راسي عالوساده وكملت بكي ... شوي سمعت صوت ليلى ترقى
جتني وهي تناديني خايفه ومرعوبه وش فيك وش فيك وانا ماارد عليها بس مغطيه عيوني بالوساده وابكي .. صوتها
وصوت ماماا ...... وشي ثاااني
نمت من كثر ما بكيت .. ودخلت بعالم ثااني .. عالم قبيح .. عالم لي زمان ما زرته ولا جاني ..
عالم الدم يكون الوان لوحه بريئه .. وصراخ .... ناس... اصوات ... وقلبي يدق اقوى واقوى
اتركوها .... كلمه صداها يتردد بداخلي وانا احلم هالحلم .... قصدي هالكابوس
صوت الاسعاف .. منظرها فوق السرير والفراش الابيض مغطيها ويدها تتدلى من السرير ... الشموخ انكسر ... وحبي الاول انكسر .. برائتي تلوثت بذاك اليوم
وصرااخ ودموع ...
قمت وانا مرتاعه .. حسيت بصدى صرختي الي صرختها اول ما قمت ... جلست اتنفس بسرعه وانا التفت حولي وخايفه
انا بغرفتي .. صوت المكيف الخفيف .. ونور الابجوره الاصفر .. حطيت يدي على رقبي اتحسس وش عليها وانا ابلع ريقي
مويه .... عرق .. كان كابوس يعني .. التفت لقيت العرق مغطي مفرشي كله ..
رميت راسي عالوساده وانا اتنفس بسرعه ... دموعي بدت تنزل وتستقر بشعري ..
سكرت عيوني بشويش ... اكره الدنيا ... اكره حياتي الممله الروتينيه .. اكره كل شي
ماما جت وهي مرتاعه .. تعودت اصلا تجيني كل مره :شجون وش فيييك؟؟سم الله عليك سمي بالرحمن وقومي اشربي لك كاس مويه
فتحت عيوني وابتسمت:لا ماما انا مرتاحه .. بس كنت بقولك ... اني
ماما جلست بسرعه قالت بخوف واهتمام:امري وش تبين
قلت بعد ما اخذت نفس:انا موافقه على حمد ..
اذا هي الدنيا كذا اعيشها بدون هدف خلاص وين الفايده اني ادور على سعادتي
اذا حصلت لي شي اطمح له شي يستحق اعيش لجله يمكن وقتها افكر كويس وش لي وش علي
اما الحين ... انا بأكثر حالات حياتي ...... فراغ
ماما:لالا خذي وقتك تـ
قاطعتها:بس كنت بقولك كذا .. خلاص انا بنام .. اذا ما اعجبك تعالي اسأليني بعد اسبوع بتلقيني موافقه ..
ماما:تنامين كذا .. طيب خلي سوزان تغـ
قاطعتها:انا بغير الفراش ماني بزره ..
ماما قامت:خلاص اهم شي هدي اعصابك .. سم الله عليك ..تبين شي ؟؟ محتاجه شي ؟؟

ارجو عدم الرد

» الاشياء التي ترفع الكلسترول في الدم