روآية الدم الي انطبع فوق خدي ما انمحا .. والكسر ما ينفعه تجبير

البارت العشرين
انا:هه تستهبلين انتي
جا سيف:يلا امشو ..
لحقناه واحنا نتساسر هي تترجاني وانا ازبد لها لحد ما وقفنا عند باب لغرفه
سيف:هذا هو هنا .... بس يقولون عنده احد جوا ترا
انا:اكيد بابا ولا واحد من عماني
ليلى:لا اجل انا بجلس برا
سيف:تبون ادخل اشوف
انا:يا سلام بصفتك ايش
سيف يرز الكرت اللي عليه اسمه وصورته ومشبكه بجيب البالطو الي فوق:بصفتي دكتور .. محد حاس اني مو تبع هالحاجات
انا:هههههه ادخل يا مجنون
فتح الباب بهدوء بس طل بوجهه ورجع سكره:محد فيه
انا :يلا امشي .. سيوفي مشكوووووور مرره
سيف ابتسم:واجبي .. تدلين مكتبي اذا بغيتي اي شي تعالي .. لو ضعتي يعني هههه
انا:هههه تسلم الله يعطيك العافيه
فتحت الباب بشويش مره .. وانا ادخل راسي بهدوء .. كانت عليه اسلاك كثيره وجهاز زي الي كان عند بابا حق نبضات القلب
ليلى:شجن يما .. كأنه ميت شوفي
قربت منه وطالعته .. متغير .. لونه مصفر .. وشفايفه بيضا .. والاهم من هذا كله يده كانت محترقه .. وعلى وجهه غرز .. الظاهر انهم مخيطين له جرح ..
جلست وانا اتأمله وانا مو حاسه بنفسي .. اطالع فيه بحزن .. مو هذا عمي مو هذا الانسان المغرور .... او الحنون بنفس الوقت
مسكت يده .. صحيح ان عيوني الدموع الي فيها دموع قهر من كلامه الي جرحني بس ... حسيت اني احبه .. انا ما اكرهه ..
يكفي بس انه ابو عبدالله .. جلست اطالعه وادعي ربي من كل قلبي انه يقوم بالسلامه .. ويرجع زي اول .. وتقر عين عبدالله فيه
شوي حسيت بضغط على يدي .. عقدت حواجبي ونزلت عيوني لها طالعت عمي ... ضغط عليها لكن لثواني معدوده شويه مره وتركها
الظاهر انه استجمع كل قوته عشان هالشي
انا صرخت لكن بهمس بنفس الوقت:ليلى ... ليلى تحرك .... ليلى ضغط على يدي
ليلى مشغوله تعدل نفسها بالمرايه:هاا ؟
انا:تحرك ليلى ...
رجعت اناظر عمي:الله يقوومك بالسلامه .. احنا لازم نعلمهم ..
ليلى:ايه ايه ... الله يقومه بالسلامه
ما حسيت انها حاسه قد ايش انا فرحانه .. يمكن ما عبرت صح بس كان جواي فرحه لا توصف .. كنت عارفه ان لو صار لعمي شي كويس راح يأثر على عبدالله ..
ااه يا ذا العبدالله من ذيك اليوم وانا حالفه ما اشغل بالي عليك مره ثانيه بس ... هذا قلبي .. يحبك ويغليك .. احسك اخوي وابوي وامي وصديقي وكل شي لي عزيز بهالدنيا .. الله يسامحك بس .. ما تركتني افرح زي الناس ..
بس لو ايش ما سويت بتبقى اخوي اللي مو من امي وابوي ..
على صوت فتحة الباب التفت انا وليلى مع بعض .. انا سكتت .. انفتح فمي شوي مره .. وعيوني لزقت باللي دخل ..
كان لابس ثوب .. من زمان ما شفته لابس ثوب .. والغتره على راسه بشكل عشوائي بطريقة عربجيه غريبه .. وبيده كيس ازرق شفاف زي حق البقالات وبيده الثانيه كتاب
كان منزل راسه اول ما دخل لكن انتبه بسرعه ورفع راسه
طالعته وعيوني بدت تتجمع فيها الدموع .. منقهره منه مع اني بديت احس ان السالفه ما تسوى .. مفروض اني ما الومه يمكن فرح بس من جد كان فيه النوم ..
هو وقف بمكانه يطالعني ومستغرب .. بان انه بلع ريقه والتفت على ليلى بعد فتره .. ليلى قامت وجت عندي وهمست:خلاص يلا نطلع
وانا واقفه كأني مو سامعتها
ليلى:احسن ..
مشت جمب عبدالله وطلعت ..
نزلت راسي ثواني ورفعته وقلت:الله يقومه بالسلامه
هز راسه من غير ما يتكلم
انا:ترا .... ترا تحرك شوي
عبدالله كان ساكت ما تكلم الا بعد فتره:ايه تحسن
بديت امشي بهدوء:اها طيب .. زين .. انا بطلع .. باي
مشيت جمبه كان ودي اضربه ودي اسبه ودي اطلع القهر الي فيني لكن كل هذا احسه عادي ... ما سوى شي هو ..
عبدالله تكلم:نسيت اقولك مبروك
وقفت من غير ما التفت وابتسمت : الله يبارك .. فيك .. يلا ليلى ..
ليلى كانت تطالع عبدالله وهي تمشي معي
بعد ما ابتعدنا:هذا عبدالله
انا:ايه
ليلى:ليش كذا بينكم كهرب
انا:ما بينا كهرب بس هو متضايق عشان ابوه
ليلى:لا ماحس
قاطعتها بعصبيه:ليلى قلت لك هو متضايق عشان ابوه خلاص
ليلى:طيب شفيك معصبه .. طيب ما تحسين انه زعلان لانك انخطبتي
وقفت مكاني:انتي وبعدين معك ... خلاص روحي عني
ونزلت دموعي بسرعه حتى اني ما دريت انها بتنزل الحين
مدري ليش منقهره حاسه بضيقه سببها مجهول .. كنت ابكي ابي اطلع شوي من الي في قلبي .. مدري ليش تأثرت لهادرجه
ليلى مسكت كتفي:شجن والله ما كان قصدي
حظنتها ولا اهتميت للناس الي حولي:ليلى ... قولي لي شفيني
وليلى ساكته وانا ابكي وابكي ... طلعت كل شي بقلبي ..
ابتعدت عنها وجلست على الكراسي وانا امسح دموعي .. فتحت البوك ابي اطالع بالمرايه ... خشمي صار احمر وباين اني كنت ابكي
توني بسكر البوك الا طالعت صورة عبدالله .. الله يوفقه
محتاجته مره لكن هو مو راضي بقربي .. كل هذا عشاني انا ما حبيته زي ما هو يحبني ..؟
سكرت البوك بعنف وحطيته بالشنطه ..
ليلى جلست جمبي:يلا قومي نروح
انا:لولا روحي انا بجلس بالمستشفى شوي
ليلى:نعم ..! ومن يحب جلسة المستشفى
انا:مالي خلق شي .. تكفين روحي .. بليز بجلس لحالي شوي
ليلى وقفت بعد فتره:اوكي ........ بدق عليك ترا اوكي
انا:اوكي
ليلى:يلا مع السلامه
انا ابتسمت لها وطالعتها لحد ما راحت ..
جلست فتره سرحانه وافكر بموضوع حمد ... حسيت اني توني صغيره انا عندي دراستي ابي اكملها مابي شي يربطني او يخرب علي
رن جوالي .. رفعته وطالعت ( تسذا ) << بالانقلش طبعا
يعني يااسر
اففف طفشني هذا وش يبي دايم يدق يدق يدق لا ويهدد بعد ..
عطيته مشغول وطفيت الجوال وقمت .. جلست اتمشى بالمستشفى .. شفت واحد منزل راسه وجالس على كرسي متحرك
الولد باين انه بالثنوي .. يعني 17 او 18 تقريبا .. ومشالله مملوح مملوح مملوح سبحان الله مره يجنن ..
ملامحه مرررره مميزه اول مره اشوف واحد حلو كذا .. سبحان ربي الي خلقه ..
تنحت قدامه ثواني .. ماهو شي غلط ههههه بس ابي اطالع جماله يعني من جد سبحان الله الولد جمييل
بس صدق الحلو ما يكمل كان جالس على كرسي متحرك يعني شكله ما يمشي ..
رفع راسه وطالعني .. لف وجهه للجه الثانيه وتأفف ..
جلست بالكراسي الي قريبه منه وانا اطالعه واطالعه .. لا شكله اصغر مني ..
التفت فجأه وقال وهو منفعل:انتي وش تطالعين ؟؟ ترا عادي مو لاني ما امشي يعني انا ناقص
انا ارتعت من ردة فعله ... يااعمري شكله منجرح من داخل كثير .. حسيت بتأنيب الضمير .. تأثرت معاه مره
قلت بصوت كله حنيه طلع غصبن عني:انت حلو
سكت شوي وهو يناظرني .. وعلى وجهه علامة استفهام
قربت للكرسي الي جمبه اكثر:والله العظيم حلوو .. مشالله
لحد الحين ساكت لكن فيه ابتسامه صغيره طلعت غصبن عنه .. وبان انه استحى
انا:ايش اسمك ؟؟
قال بخجل:محمد
انا:مودي .. ارفع راسك
رفع راسه:اول مره احد يدلعني
انا:ههههههههههه .. طيب مودي .. اي صف ..؟
محمد:اولى ثنوي ..
انا:مشالله .. هاه يعني بتدخلها السنه هاذي
محمد:لا خلصت منها بروح ثاني .. وانتي ..؟
انا:بدخل الجامعه
شكله تحطم يوم درى اني اكبر منه
انا:هههههههه ممكن سؤال ..؟
محمد بان انه ارتاح لي:اييه تفضلي
انا:ليش عصبت علي يوم كنت اطالعك ؟
تنهد وناظر الجهه الثانيه ... بعد فترة سكوت تكلمت:اسمع .. انت مو ناقص .. والي يقول هالكلام هو الي ناقص .. انت مره تجنن من برا واراهن انك احلى من جوا بعد ... لا تهتم بكلام الناس او نظراتهم .. انت مو ناقص صدقني
التفت علي وابتسم : مشكوره
انا استغربت:على ايش ..؟
محمد:اول مره احد يكون ... لطيف معي
ابتسمت له:لا شدعوه .. انا شجن ..
ابتسم:عاشت الاسامي ..
انا:عاشت ايامك ..
طلع واحد شكله ابوه او اخوه الكبير وطلع وراه الدكتور
الدكتور:هاه كيفك يا محمد ؟؟
محمد:بخير دكتور
الدكتور:خلاص ما تعورك ..
محمد :شويه
الدكتور:عشان ما تفحط مره ثانيه .. تعلم ..
وش ذا الدكتور البايخ بدال ما يرفع معنوياته يقول له هالكلام
اخو محمد:طيب دكتور تعال على جمب ابيك
ابتعدو شوي
انا:مشالله مفحط يا الدوب ؟
محمد بان انه تضايق .. وانا سكت .. التفت اطالع اخوه والدكتور .. كنت اسمع طراطيش حكي
اخو محمد: طيب كم كلفة هالعلاج ؟؟
الدكتور:ماهو متوافر بالسعوديه .. والعلاج مكلف كثير ..
اخو محمد:يعني بره ؟
الدكتور:فيه مستشفى بألمانيا تحب ا
قاطعه :لا .. خلاص مشكور .. يعني متأكد مافيه الا هالعلاج
الدكتور:والله لو تبي اخوك يمشي ...
اخو محمد:اها .. يلا مشكور ما تقصر
الدكتور راح:العفو
اناا استانست لمن شفت اخو محمد يجي متحمسه اشوف وش ردة فعل محمد لمن يدري انو يقدر يرجع يمشي ثاني
محمد بلهفه:هاااه وش قاال ..؟!
اخو محمد :يا الدعله بتبقى طول عمرك معوق .. مافي علاج .. وخل غباءك ينفعك يا الثور .. امش وراي
محمد بان عليه الانكسار بس تكلم بسرعه:طيب تعال د
قاطعه:عندك يدين تحرك فيها الكرسي .. ولا ذي بعد راحت عليك .. اخلص
انا انصدمت .. معقوله فيه انسان لهادرجه حمااااااااااااااااااااااااااا*
من جد هقرني مره .. لمن طالعت بعيون محمد كنت اشوف الدموع .. وقفت بإنفعال وقلت:انا ادفك ولا يهمك
ومسكت الكرسي ومشيت به
التفت اخو محمد:خير ؟؟ من انتي ؟
انا طالعته من فوق لتحت وقلت بقرف:مالك شغل .. امش قدامي عشان اعرف وين امشي انا بعد
اخو محمد:بعدي عن اخوي ومالك شغل .. وخري
انا تمسكت فيه:ما راح اتحرك .. واذا فكرت تسوي شي ابجمع المستشفى كلها عليك .. ترا الهيئه تقدر تجي هنا على فكره

تابع ارجو عدم الرد

البارت الواحد والعشرين
محمد كان كاتم ضحكته وانا اناظر اخوه بإنتصار وانا رافعه حاجبي ..
مشى اخوه من غير ولا كلمه لحد ما وصلنا للسياره .. جا اخوه وساعده يركب ..
ناظرني وهو يصفط الكرسي بإستحقار:خلاص شكرا .. تبين فلوسك بعد
انا حاولت اقصر صوتي عشان ما يسمع محمد مع انه بالسياره:والله اذا انت بخيل لهادرجه لا تفتكر كل الناس مثلك
اخو محمد قام يناظرني بملامح غريبه
رفعت حاجبي:لا تطالعني كذا ... حرام عليك تقول له انه مافي امل يتعالج وهو فيه .. اذا كنت متحسف تدفع فلوس علاجه انا ادفعهم
ورحت لمحمد وعطيته رقمي:حمود بليز دق عليك ابقولك شي اوكي .. وعطني رقم
كتبه بسرعه وعطاني وهو سعييد
وتوني بروح الا تكلم:اسمعي انتي مدري من وين تعرفين اخوي ولا وش سالفة الطيبه الي نازله بس ابسألك سؤال
انا:نعم ..!
اخو محمد:انتي وش حادك على هذا كله
انا:مو شغلك ..
اخو محمد:طيب كم بتدفعين
انا انصدمت من جد وقح .. يعني فوق كل هذا ما تحرك ضميره بيرضى ياخذ فلوس من وحده غريبه لا وحرمه بعد ..
طالعته وبعيوني نظرات استحقار عمممممري كله ما ناظرت احد فيهم:والله هذا مو شغلك بعد ..
عليت صوتي اكثر:حمووود لا تنسى بكلمك بموضوع مهم
راح اخو محمد والابتسامه على وجهه ركب سيارته المقردعه وراح ..
وانا اطالعهم ومبسووطه لاني حسيت اني بسوي شي مرره انساني
طيب معقوله ماما بتتركني ادفع فلوس علاج مكلف وفي الخارج بعد
افف مو شغلها فلوسي وانا حره فيها .. انا تعديت السن القانوني وكبيره وحره بنفسي بعد مو بس بفلوسي ..
فتحت جوالي لقيت مكالمتين لم يرد عليهم من ليلى .. دقيت على عمر يجي واول ما وصلت البيت تروشت ونزلت اتغدا
انا:هااااااااي
بابا:وعليكم السلام
ماما:زين نزلتي من غير ما نناديك زي كل مره
انا:ههه
ماما:وش هالنفس الزينه
قلت وانا اتنهد بإبتسامه:شي جميل لمن تقول كلمه زغنطوطه لاحد وهي ما تكلفك شي بس بتخلي هالاحد مبسوط طول اليوم انه سمعها
بابا:اووو الفيلسوفه شجون
انا ابتسمت .. مو بس انا نفسي زينه اليوم حتى بابا
انا:امم بابا .. ماما ..
التفتو
انا:صح انا كبيره وخلاص بتزوج وكل شي
استوعبت اني قلت بتزوج واستحيت .. اف علي
ماما:ايه ههه
انا:احم ... ايه يعني عقلي براسي واخلص خلاصي مدري فراسي الي هو .. ههه المهم اني عاقله صح
بابا:ايه .. وش ورى هالحكي
انا:يعني لو نقص من رصيدي مبلغ كبير ما راح تزعلون صح
بابا فهم قصدي:وش تبين تشترين يعني وبيصير بمبلغ كبير ومستحيه انك تقولين لنا نجيبه لك
انا:لاني اول شي ابي ادفعه من فلوسي .. ثاني شي هذا مبلغ كبير لدرجه انو ما ينشرى منه شي ..
ماما وبابا على وجيههم علامات الاستفهااام
انا رفعت جوالي:ثواني بقول لكم
دقيت على محمد :الو .... هلا مودي ... كيفك ..؟ هاه تغديت .. هههه بالعافيه .... مودي ممكن تعطيني اخوك شوويه ... لا بس موضوع .... اوكي شكرا .......... ( قلت بدون نفس ) هلا ..... ايه ..... كنت بسالك ...... كم الـ ... ايه ايه ....... اها .. طيب شكرا ..... مع السلامه
اول ما سكرت بابا قال وهو فاتح عيونه:من كنتي تكلمين
ماما نفس الحاله:الحين تكلمين شباب قدامنا عيني عيني
انا ارتعت منهم وقلت بسرعه:حيلكم حيلكم شوووي طيب
وقلت لهم كل السالفه الا اني ابي ادفع له
بابا:ايوا واذا صار مسكين ليش تكلمينه
سكتت شوي:امممممم .. انا قررت ادفع تكاليف علاجه بالمانيا
ماما شهقت:وانتي فاتحه جمعيه خيريه .. ؟؟؟؟
بابا كان يتكلم بجديه:شوفي .. المبلغ 250 الف يعني ربع مليون ريال .. انتي برصيدك ما يعادل الـ 5 ميلون تقريبا
انا انصدمت .. ايييييش..!؟؟!؟ انا برصيدي خمسه مليون مدري حسيتها كثيره .. اوكي كنت متوقعه مليون يالله بس خمسه .. فلله
بابا:لو راح منها هالمبلغ ما راح يأثر برايي بس لو جلس بيسوي شي لانه مو مبلغ هين .. شوفي .. ربي قال بأيه من اياته .. ما حفظتها طبعا بس الزبده ان الي بيكفل يتيم لازم يحافظ على فلوسه لحد ما يكبر ويسلمها له .. وانتي كبرتي وانا عطيتك البطاقه وانتي حره لو تخلصينها بيوم بغير شي حرام .... هذا كله راجع لك وبعطيك دفتر شيكات لو تبين ما عندي مانع
الله يا ابو التفكير المتفتح .. عاااش بابا وسقط الكل .. يلا الحين الفيلسوفه ماما بتتكلم
ماما:لا والله .. تخليها توزع فلوسها كنها بلهى .. واحد شافها متعاطفه معه خنت حيلي بنيتي حساسه وسفيهه تصدق بسرعه
انا انفعلت:سفيهه ؟؟
ماما تكمل:ملعوب عليها
بابا يأشر بيده:خليها ... خليها .. يعني لو راحت فلوسها وش بيصير .. الخير كثير
ماما فتحت عيونها:بكل بساطه .. هذا تبذييييييير .!
اف حكت المطوعه .. بدو يتناقشون زي كل مره وانا اناظرهم بكل برود .. دايم القرار النهائي الكلام الي يقوله بابا .. ماما عمرها ما قدرت تقنع بابا بوجهات نظرها ..
بس بديت افكر يمكن جد انا مو مكلوفه ادفع لواحد ماعرفه ولا اعرف وشهي ظروفه ..... بس ولو بسوي كل ذا ابحرق دم اخوه مع اني عارفه انه مبسوط الكلـ*
بس فجأه بديت ابتسم لما تذكرت شكل محمد .. الولد لو رجع يمشي يمكن يسوي بلاوي ههههههههه والله لو مشى البنات بيرقمونه مو هو
مشالله جميل اتعب وانا اقول جميل .. الله يحفظه لاهله ويقومه ساالم يارب
سؤال يسدح نفسه .. كيف اعطيه الفلوس ؟ واظمن ان اخوه ما ياخذهم ؟؟اظمن انه بيسافر من جد .. مالي الا بابا
حاولت اقنعه يدبر الموضوع وهو وعدني يسوي الي يقدر عليه ..
اااه يا حبي له بابا .. بعد المغرب وانا كالعاده بغرفتي اقرا روايه جتني ماما وجلست :شجون اتركي من يدك
انا مندمجه:شجن
سحبت الجوال:مافيه فرق
التفت عليها:امري
ماما:وش قلتي ؟؟ بموضوع حمد
انا:.............
ماما:شوفي قبل لا تحكين وتقررين انا بقولك اشياء عن حمد .. وعن السالفه عموما
تربعت وجلست اسمعها :ايواا
ماما خذت نفس:جدتك سمتك على حمد وسمته عليك بما انها جدته من الرضاعه .. هي قالت كذا وفرضت رايها .. وانكتبتو لبعض .. المشكله ان عمك بو حمد ما درى وينك ولا كلف نفسه يسأل اصلا عشان كذا خطبو لحمد .. وملّك بعد .. بس قبل الزواج طلق زوجته بعد ما عرفو وينك
انا عقدت حواجبي .. ملك وطلق ...؟؟امم عادي ماهي مشكله اذا هو ما تزوج .... وحتى موضوع كتبناك عليه وكتبناه عليك ما همني
ماما:الولد عمره ثلا
قلت معها:ثلاثه وعشرين
سكتت شوي وقالت:ويشتغل ببن
قلت معها بعد:بالبنك بس مدري بنك وشو
ماما جلست تطالعني:من وين عارفه كل هالاشياء
انا:عادي انا عارفه هو اكبر مني بكم وبعدين من يومه صغير مزعجنا انا بشتغل ببنك انا بشتغل ببنك
ماما:ايه يعني عارفته ما يحتاج اقولك ..
انا:هاه .. لا كملي كملي
ماما:الولد يدخن ترا .. وابوك تضايق بس ما كان وده يخرب وصية جدتك عشان هالسالفه قلنا بنشاورك
انا بلا مبالاة:لا عادي
ماما تنهدت:انتي وش رايك .. بخليك تفكرين كم يوم زياده
انا مسكت يدها قبل ما تقوم:ماما انا موافقه .. اول كنت مقرره اني
سكت شوي ما كان ودي اقولها الي بقوله
حاولت ارقع:مقرره اني اسوي ثقل بس خلاص .. موافقه
ماما ابتسمت:الله يكتب الي فيه الخير .. ابروح اقول لابوك
طلعت وباين ان الدنيا مو سايعتها ..
انا كنت بقول اني مقرره ارفض...... مو حمد الانسان الي تمنيته وعشت مراهقتي افكر فيه .. مو هو
بس بعد ما قالت وصية جدتك .. وافقت .. حسيت ان الموضوع تافهه .. ما عطيت الزواج القد يستحقه من الاهميه
وهذا الصحيح بالنسبه لي ..
كملت اقرا روايه فجأه رن الجوال
انا:اففف عليهم لازم يخربون علي
طالعت الاسم .. ياربي ياسر من جديد
عطيته مشغول ورحت غيرت اسمه وحطيته ( لا تردين )
وسجلت مقطع صوتي بالجوال فاضي يعني هدوووء ما تكلمت فيه .. وخليتها النغمه حقته عشان اذا رن يتجي هالنغمه وما يطلع صوت
احسن .. مدري وش هالنشبه
جاني منه مسج
(( شجن سوري عالكلام الي قلته تهديد وما تهديد
بس لازم اكلمك ضروري واللهي خايف عليكي ..
بليز ردي لو لي عندك معزه ))
قلت بصوت عالي:قال معزه قال .. تاكل تبن انت غبي وتافه وغبي مره ثانيه..
وسفيت الجوال في قريح
بعد كم يوم جتني ماما وقالت لي انها ردت على ام حمد .. وقالت لي انو ماراح نسوي زواج .. على طول ملكه وخلاص ..
انا صحيح انصدمت وبغيت ارفض الفكره وبشده بس سكتت لاني وبكل بساطه حسيت ان السالفه ( whatever )
ابد ما تهمني
يمكن بكيت شوي لاني ما راح اكون زي كل البنات عرس وفستان وكوشه ومعازيم ولمة ناس بس .. اقنعت نفسي ان البساطه مهما كانت حلوه
كنت بجواي رافضه اني اتزوجه بس مدري وش هالشي الي بداخلي مخليني اوافق .. او بمعنى افضل مخليني متقبله الوضع كأنه عادي ولا صاير شي
يمكن لان قدري هو الي اختار لي هالشي
او يمكن لاني احترم قرار جدتي .. بس كيف
ما حسيت اني مهتمه كأني حاسه ان كل شي بحياتي ماله طعم وماله لون فـ مو لازم اتعب اعصابي
مدري السبب من حمد نفسه .... ولا مني ؟
انا حز في خاطري .. كل البنات غيري يملكون يمكن من قبل ما يعرفون بعض ويجلسون طول فترة الخطبه مملكين الا انا انخطبت ولي اسبوع ونص وبعد اسبوعين ملكتي .. قصدي زواجي البسيط .. حسيت اني ناقصه بس تذكرت كلامي لمحمد
بديت اجهز اغراض العرس .. اووو قصدي الزواج .. ما يسمونه عرس .. والحين انا باول يوم من هالمشوار
انا وليلى نتمشى بالسوق
ليلى:تعالي ندخل هالمحل
انا:لا تعالي قدام فيه محل حلو
ليلى:وليش معنده ندخل هذا وندخل ذاك امشي
دخلنا كان محل البسه داخليه وبيجامات
ليلى تأشر على قميص نوم:شوووفي .. ههههه بيخق عليك فيه
انا حاولت اتجنب حركاتها قد ما اقدر:شوفي البيجامه حلوه صح
ليلى:خلك من البيجامات وتعالي ذاك القسم .. ايوا انتي عروس من قدك .. تعايري رغد انها تزوجت بدري وهذاك طحتي وراها.. عقبااالي يااااااااارب
ضحكت على هباالها وسحبتها لبره:اوكي بس مو اليوم .. الحين ابي اشتري لي فساتين او تنانير
ليلى:قالت ايش قالت فساتين او تنانير .. الناس تطورت
ضحكت عليها وكملنا مشوارنا .. ويوم يمر ورا يوم ورا يوم شريت اشياء من الحيا ما استرجي اناظر فيها وشريت لي جزم عطورات ملابس كل شي .. ما دريت ان الزواج حتى بدون عرس متعب لهادرجه .. شوي شوي بديت اتقبل الفكره وابلعها
وبديت اتحمس .. بالاسبوع الثاني صرت انا الي اروح السوق مو اي احد يجي يطلب مني اروح عشان اكمل اغراضي
صرت انا اللي اتفرج واناظر واشتري من الحماس .. ما بقى شي الا شريته ...
يوم عن يوم ابدى اتوتر زياده بس ما حسيت بذاك الشعور المميز لحد الحين حاسه ان الوضع عادي وان كل شي عادي ..
لكن احيانا اخاف من هالفكره الجديده بس احاول قد ما اقدر اتجنب هالخوف وابين لنفسي ان الوضع ايزي
اليوم الي قبل الملكه .... قصدي الزواج ..
كنت جالسه اجهز شنطتي ..
ليلى:ليش تجهزينها من الحين ... ؟
انا:عشان مدري ... اول مره اتزوج مدري متى يجهزونها
ليلى:ههههههههههههههه ... اسألي امك طيب
انا بلا مبالاة:مالي خلقها
ليلى:شوشو .. ليش منتي فرحانه
طالعتها بنص عين:شوشو.. من وين طلعتيها هاذي
ليلى:يوو لا تصرفين
تنهدت وقلت:تدرين اني كنت بقول لماما مابي حمد .. لانو ... مو معقوله كذا
تجمعت الدموع بعيوني:يعني مافي عرس... حتى فستاني بسيط .. وبس اوقع بذاك الدفتر بطلع من هالبيت ... لا انا مفروض اصير زي باقي البنات وش فرقي عنهم
ليلى:خلااااص فيه وقت روحي قولي مابيه ..
انا:وش عقبه ... اصلا ... اصلا الي خلاني اوافق كلام جدتي لانها كاتبتنا على بعض .. مدري يمكن لاني احترم كلامها وافقت .. جدتي مره انسانه غاليه علي وانا عارفه ان كلامها كله بيصير شي كويس لي
ليلى:شجن كلامك الاول صح اما هذا لا ...جدتك ماتت و ذا ..؟! لا تسوين شي انتي مو مقتنعه فيه لا تنسين انك بتعيشين كل حياتك مع هذا الانسان وبتبدينها بكرا .. مو الحين .. يعني فيه امل تفكرين كويس وترفضين
سكت فتره وقلت بإبتسامه طلعتها غصب عني:ربي اذا كاتب شي بيصير
ليلى وقفت:انتي مدري كيف تفكيرك جاي
انا انفعلت ورميت الي بيدي بعنف وبديت ابكي:ليلى افهميني..ماهو على كيفي .. الظروف كتبت كذا انا ابي اتزوج هالانسان وافتك من الي حولي ابي اريح اعصااابي واذا راحة البال بتجي بزواجي منه والله لاتزوجه بس عشان ابعد
الكلام الي قلته ما كنت ادري انه صدق هو السبب الرئيسي لموافقتي .. اول مره اسمع هالكلام من نفسي .. يمكن كان هو السبب بس انا اكابر فيه او اقول لنفسي انه مو هو لكن الحين طلع ..
جت ليلى حظنتني:ماهو حل .. انتي تبين تبتعدين عن ايش ..؟
انا اكتفيت بالسكوت وبعدها قلت:لولا ...... بكرا بتزوج مو مفروض افرح ..
حسيت انها حست انو مافي امل تقنعني وقالت :الا ... يلا انا بروح اتغدا مع مامي
انا مسكت يدها:لا بنتغدى مع بعض .. بروح البس عباتي ونطلع .. ومافي اي اعترااض فاهمه
ليلى ابتسمت:هوا انا ائدر .. هه يلا يا امي امشي


تابع ارجو عدم الرد

وين الردود ترا ماراح اكمل الروايه هههه>مسويتهآأآ شريره

العفو قلبي لا شدعوه كل هذا عشان احلآأ منتدى

ارجو اذا ممكن ان تثبتو الموضوع لأنو كثير تعبت عليه مشانكم

كمساميدآأآ قلبي رنو منوره الموضوع

وارجو من الجميعقرآأآئت القصه لآأنهآأ الصرآأآحه والله كثيير توحفه

شكرا على الموضوع الروعة

العفووو ولو منويين هي صح مره طويله بس مرره جنآأآن انصح الكل صرآأآحتآأ بقرآأآئتهآأآأ

شكرا واالله روعه 1

العفو وانتظروو تكملت الروايه

انتظرها بفارغ الصبر

الله يسلمك يا احلآأ موج بس جوجو ليه ما تقرأي القصه ؟

لآأنهآأأآ جنآأآن صرآأآحه

العفو قلبي رنوو كلك ذووق

شكرا على الموضوع

تمت قراتها خدت يومين وانا اقراها

الروااايه طويلة كتير بس ان شاء الله رح نقرأهااااااا

انا وصلت
الجزء الثاني
البارت الاول
بكرة بكمل مشكورة

مشكورة تعبت تني خلصتها ههههههههههههه